مدرستكوا جاية تعذبوكوا (دفعة جديدة من تانى ) معانا morshooo

[Sєяєєη●•ʚɞ]

صباح / مساء الخير رجعتلكم من تانى لمدرسة التعذيب ..حبيبت ارجع الفكرة تانى ونستقبل دفعة جديدة من التلاميذ الفكرة بإختصار حوالى 50 سؤال هيرد عليه العضو اللى اختارناه فى خلال اسبوع ولو اتأخر فى الرد عن اسبوع هنحبسوة فى اوضة الفران ونختار بداله عضو تانى ،، كل نهاية اسبوع هنختار عضو بعد اما يجاوب العضو ع الأسئله دى هنحكم علية الحكم دة هيكون لاول عضو هيدخل يقول رأية فى ردود المضيف ع الاسئله يعنى لو قالنا افراج وخرجوة من المدرسة هنخرجة منها ولو قالنا احبسوة هندخله اوضة الفران وهنحكم علية بـ 3 طلبات هيعملها فى القسم العام اما ينزل موضوعات او يرد طريقة الاختيار الاختيار هيكون من قبل مشرفات القسم لاى عضو وهيكون اختيار اجبارى وكل عضو يخلص المدرسه يرشح عضو اخر ويبعتله ولازم يوافق شرط خروجك من المدرسة هو دخول عضو مكانك مديرة المدرسة : Sereen ناظرة المدرسة:Beauty angle يلابينا نتعرف ع شكل المدرسة اتوبيس المدرسة المبنى الخارجى الزى المدرسى الكتب المدرسية التلاميذ قائمة التلاميذ الفصول المدرسين غرفة المديرة غرفة الألعاب وسائل التعذيب فى المدرسة غرفة الفئران محبوسين أوضة الفئران 1-CuOp!D 2- killer eyes قائمةالتلاميذ 1- ## تيتشـــر نفشـهـ ## 2- ~ ♥ ورده الأحلام ~ ♥ 3- Countess 4- حنون 5-CuOp!D 6- فرحة 7- Ѕad Єyes 8- DR/ SMA 9- Words Whisper 10- beauty angel 11- "الرحاال""الزجاال" 12- єЛ- мiлshαwi 13- morshooo التلاميذ المميزين التلاميذ المشاغبين

[Sєяєєη●•ʚɞ]

بعد اما اتعرفنا ع المدرسة وشكلها بنرحب بيك فى مدرستنا وبنقولك اهلا وسهلا ونتمنى انك تكون تلميذ هادى ماتتعبناش ومش عاوزين لماضة هنا عندنا اوضة فئران هنضبطتك فيها تهديد رسمى فهمى نظمى اهو مدرستنا بتبدأ من KG1 الى الثانوية العامة هتقابلك مجموعه من الاسئله متقسمة على مراحل الاسئله انا اللى حاطاهابنفسى ويلابينا نشوفه المرحلة الاولى 14 سؤال يلا افتح الورقة وابدأ حل ومش عاوزة كروتة فى الاجابة قولنا الاول اسمك وسنك ودراستك ايه وعايشة فى اى بلد؟؟ واختار الصف اللى نفسك ترجعله تانى ؟؟ 1- مدرستك كانت قريبه عن البيت ولا بعيدة؟ 2- كنت بتروح المدرسة ازاى بالباص ولا موترورجل؟(وسيله المواصلات) 3- مين اللى كان بيوديك المدرسة؟ (كنت بتروح المدرسة مع مين) 4- كنت بتاخد معاك ساندوتشات ايه وانت رايح المدرسة؟ 5-ايه اكتر ساندوتشات كنت بتكره ماما تعملهالك للمدرسة؟ 6- عمرك مرة جربت تاكل من ساندوتش اللى جنبك؟ ولو حصلك موقف مع السندوتشات فى المدرسة ...احكيه 7- ياترى كان فيه بائعين متجولين قدام باب المدرسة؟ 8- تفتكر شكل شنطة المدرسة بتاعتك كان ايه؟ 9-ايه اكتر حصة كنت بتحبها فى المدرسة؟وايه اكتر حصة كنت بتكرها؟ 10-ياترى انت كنت تلميذ هادى فى الفصل ولا تلميذ مشاغب وعامل ازعرينا؟ 11- كان ليك اصدقاء فى المدرسة؟كام صديق؟لوتفتكر اسماء لهم قولهم؟ 13-حصلتلك قبل كدة مشكله مع اصدقائك او حد اتفق عليك وحاول يكيفك؟طب انت حاولت تتأمر على حد قبل كدة وكنت شرير؟لوحصل دة احكى بسرعه 14- احكى موقف حصلك فى المدرسة عمرك اما تنساة (موقف مفرح – موقف محزن) المرحلة الثانية 14 سؤال خاصين بالمدرسة 15- عشت قصة اعجاب للجنس الاخرواعجبت بيه فى المدرسة؟ حصلك موقف قبل كدة معاه ..لو فيه احكى 16-ياترى كنت تلميذ شاطر ومتفوق وبتاكل الكتب ولا بتفتح الكتاب وتقعد تسرح فيه؟ 17- كنت بتعتمد على حد دايما يقعد يذاكرلك ولا انت كنت بتذاكر لوحدك ولا بتكبر خالص وبتسيبها بظروفها؟ 18-كنت بتاخد دروس خصوصيه ؟ولو اة كنت بتاخد كام درس وفى انهى مواد؟ 19- زوغت قبل كدة من المدرسة ؟ولو اة زوغت كام مرة ؟واحكى ايه اللى حصل بالضبط 20- ياترى كنت بتركز فى الحصة ولا بتقضيها هاتك يانوم ولبان ؟ ولو حصه مش داغله مزاجك كنت بتعمل ايه فيها بتطلع تاكل وتعيش حياتك ولا ايه النظام؟ 21-كان زى مدرستك لونه ايه وشكله ايه فى(ابتدائى – اعدادى – ثانوى)؟ وكنت بتلتزم باللبس دة ولا كنت بتلبس مخالف؟ 22- عمرك مريت بموقف ضربتك فيه مدرس او مدرسة مفتريه؟لو اضربت احكى الموقف ...عادى خالص 23-ها ايه ظروفك مع الامتحانات كنت مقضيها صواريخ طايرة ولاسلكى مرفوع وغش وبراشيم والرزق يحب الخفيه وكدة ولا كنت مش بتغش ومعتمد على نفسك وكدة؟...قول الصراحة 24- ياترى بعد الامتحان كنت بتحتفظ بكتابك وتشيله ولا بتعمله عصافير الجنة وترمية فى اقرب سله ؟ 25-كنت بتحب الصحيان بدرى؟وكنت بتستنى رجوعك للمدرسة ولا كنت بتستنى الاجازة بفارغ الصبر؟ 26- ايه هى كانت طريقتك فى المذاكرة؟وكنت بتحب تذاكر فى انهى مواعيد بالضبط مثلا (قبل الفجر او بليل او الصبح بدرى)؟ وكنت بتحب تذاكر مع صديق لك ولا لاء؟ 27- انت بتذاكر بصوت عالى وتفضل رايح جاى ولا بتذاكر من غير صوت وانت قاعد؟بتقدر تذاكر وانت جنبك حاجة شغالة زى تليفزيون او راديو ولا بتحب تذاكر فى هدوء؟ 28- اخيرا...احكيلى اصعب موقف مر عليك فى حياتك الدراسيه عموما موقف لايمكن تنساه وحصلك فى المدرسة لو كان سعيد احكى ولو كان حزين احكيه؟ موقف حصلك مع مدرس من مدرسينك؟ موقف حصلك مع اصحابك فى المدرسة؟ المرحلة الثالثة 10 اسئله خاصة بتربيتك المستقبليه 29-بتحب مهنه التدريس ولا لاء؟ وكان نفسك فى يوم تطلع مدرس ولا كنت بتكرة المهنه دة جدا؟ 30-تفتكر ان مهنه التدريس تناسب البنات اكتر ولا الشباب؟ لو عندك طفل صغير هتفضل يدرسله مدرس ولا مدرسة؟ 31-هتعطى لولادك دروس خصوصيه ولا لاء؟ لو اة هتديله فى انهى مرحله من عمرة؟ 32-هل تؤيد الدروس الخصوصيه فى مرحله الحضانه واهى انتشرت دلوقتى جدا؟ 33-تفتكر نظام التعليم فاشل ولا ناجح؟ ايه اهم اسباب فشله هل (المدرس – التلميذ- ولى الامر- الكتاب المدرسى – نظام التعليم نفسه؟ 34- عايز تربى ابنك ازاى؟ وهل هتمشى على اسس التربيه السليمة وهتجيب كتب وتقرا ولا هتربيه بالبركة؟ 35- بتأيد الضرب فى التربيه؟ امتى هتضرب ابنك؟ لما تحب تعاقب ابنك هتعاقبه ازاى؟ 36- لو جالك جواب من المدرسة فصل لابنك لانه كان بيهرب من المدرسة...هتتصرف معاه ازاى؟ 37-لو مدرسة الفصل قالتلك ان ابنك بيعانى من مشكله ما ...هتحاول تسمع كلامها وتعالجة ولا هتنفضلها ومش هتهتم؟ 38-هتتصرف ازاى لو كان ابنك من النوع اللعبى ومش غاوى مذاكرة؟ وهتنصحة بإيه ؟ المرحلة الرابعه والاخيرة خاصة بأحلامك 39-تفتكر حلمك كان ايه وانت تلميذ؟ وكان نفسك تتدخل كليه ايه؟ 40-هواياتك كانت ايه وانت صغير؟ وياترى مدرستك كانت بتنمى عندك هواياتك دة ولا كانت بتقتلها؟هل المدرسة قتلت جواك هوايه كنت بتحبها؟ 41-اكتر مادة دراسيه كنت بتحبها فى جميع مراحل حياتك الدراسيه؟واكتر مادة كنت بتكرها؟ 42-ياترى فى مدرس كان السبب انك تكره مادة معينه ...كرهك فيها ازاى؟ ولو فيه مدرس حببك فى مادة معينه قول حببك فيها ازاى وانهى مادة؟ 41-لو انت كنت وزير التربيه والتعليم...ايه هى خططك فى التعليم فى كل المراحل من الحضانه للثانوى العام؟ نفسك ايه اللى يتغير فى التعليم دلوقتى؟ 42-شايف ان كتب الدراسة مفيدة وانت استفدت منها فعلا ولاكانت كتب عقيمه جدا ؟؟ 43-تخيل مدرسة بفصولها ومدرسنها وانت صاحبها (هيكون عندك كام فصل – كل فصل هتخلى جواة كام تلميذ – هتقسم اليوم الدراسى ازاى وهتحط كام حصة – هتخلى فى المدرسة وسائل ترفيه زى ايه) عايزاك تعيش وتتخيل حتى لو خرجت عن الواقع ...قول تحلم وتتمنى يكون شكل المدارس ازاى؟ 44-فى النهايه عايزة اسالك ايه رايك فى المدرسة وعجبتك ولا لاء؟ وايه شعورك وانت بتجاوب الاسئله؟ 45-نفسك ترجع تانى المدرسة ونسالك ولا مصدقت وعايز تقول يافكككككككيك؟ أخيرااااااااااااا سيب اى ذكرى للمدرسة (صورة اى حاجة كذكرى وياريت لو تقدرتكتبعليها اسمك بأى برنامج ولو مش عارف خلاص)؟؟ ايه اكتر مرحلة وانت بتجاوبيها فى المدرسة كانت اسئلتها ممتعه بالنسبالك ؟ ايه اكتر مرحلة حسيتى ان اسئلتها صعبه او مش حباها وانت بتجاوبيها ؟؟ انتظرونـــــــآ مع أول عضــــــــو /ة متدبس ملحوظة : كل عضو متدبس هيجاوب فى نفس الموضوع دة مع تغير عنوان التوبيك واضافة اسم الضيف فى كل مرة ويارب المدرسة تنال إعجابكم

[احسـ طفله ــاس]

شكلهم هايتعذبوا بجد انا عين سبتنى ومشت
بس انا مقرأتش اخر مجموعتين
مين بقى اول حد هاتعذبوه

[Sєяєєη●•ʚɞ]

وصلت للمدرسة أول تلميذة بييييييييييييب بييييييييب ثنآء مدرسة الأنجليزى ملف أول تلميذة أهو ## تيتشـــر نفشـهـ ## عضو سوبر تاريخ الميلاد July 19, 1994 (18) تاريخ التسجيل 06-25-2010 عدد المشاركات2,148 التعليمات قدامك اسبوع فى المدرسة الخروج يوم الجمعه مش هتخرخى غير بعد اما الاعضاء يحكموا عليكى + تكونى مختارة عضو او عضوة يدخل المدرسة وراكى نورتينى ياقمراية

[Sєяєєη●•ʚɞ]

اقتباس المشاركة الأصلية كتبت بواسطة الباحثه عن الحقيقه (الاء) شكلهم هايتعذبوا بجد انا عين سبتنى ومشت بس انا مقرأتش اخر مجموعتين مين بقى اول حد هاتعذبوه

ههههههههههههههه
نورتينى ايوة انتوا هتتعذبوا تعذيب
اول متعذبة نزلت اهو ..

[تيتشر نفشه ツ]

واااااااااااااااااااااااااااااء

يلا هبدأ احل بقا ايه كل الاسئله دي يابنتي انتي بتتوحمي على اسئله ولا ايه ههههه

بهزر ي قمر

ناو هجاوب وربنا يعترنا ع الطيب الي يطلعنا بقا

[beauty angel]

ويلكم باكـ ياسيرووو واحشتنآ المدرسة
والعذاب الأليم دهـ هههههه
يلا بقى يآ ## تيتشـــر نفشـهـ ##
ربنآ معاكى وجاوبى بضمير كده
اصل اوضة الفيران مش بترحم ههههه
بالتوفيق حبيبتى ،،
نورتى المدرسة ^^

[تيتشر نفشه ツ]

ده من بعد نورك ي قمر

رنين

[~♥ Queen sozan♥~]

ههههههههههههه لا بجد حلو اوى المدرسة دى
ومتابعين معاكم .. ومستنين الاجابة

[تيتشر نفشه ツ]

قولنا الاول اسمك وسنك ودراستك ايه وعايشة فى اى بلد؟؟
واختار الصف اللى نفسك ترجعله تانى ؟؟

انا رنين عندي 18 سنه لسا متخرجه من الثانوي عايشه في السعوديه بس طبعا مصريه

نفسي ارجع لصفوف الابتدائي طبعا الواحد كان بريء ساعتها

1- مدرستك كانت قريبه عن البيت ولا بعيدة؟

الابتدائيه كانت قريبه واولى وتانيه اعدادي برضو كانت قريبه .. لكن من ثالثه اعدادي لحد ثالثه ثانوي

كانت بعيده شويتين ..

2- كنت بتروح المدرسة ازاى بالباص ولا موترورجل؟(وسيله المواصلات)

المدرسه القريبه كنت بروحلها مشي لكن البعيده كنت بروحها بسواق خاص ..

3- مين اللى كان بيوديك المدرسة؟ (كنت بتروح المدرسة مع مين)

كنا انا واختي اللي اصغر مني بنروح سوا ..


4- كنت بتاخد معاك ساندوتشات ايه وانت رايح المدرسة؟

تقريبا كنت باخد سندوتشات جبنه سايله ..

5-ايه اكتر ساندوتشات كنت بتكره ماما تعملهالك للمدرسة؟

مش كنت بحب سندوتشات البيض وكانت بتديهالي واسيبها في الشنطه واروح اشتري

من المحل بتاع المدرسه

6- عمرك مرة جربت تاكل من ساندوتش اللى جنبك؟ ولو حصلك موقف مع السندوتشات فى المدرسة ...احكيه

لاعمرها ماحصلت بس وانا فسادس ابتدائي كنت انا وصحبتي سوا دايما مع بعض وهيا كانت بتجيب سندوتشات

من البيت وانا كنت بشتري من المدرسه كان الواحد كبر بقا ع سندوتشات البيت فكنت بحب السندوتش

الي هيا بتجيبه وهيا كانت بتحب السندوتش اللي انا بشتريه فاتفقنا اننا نتبادل بقا كل يوم مامتها تعملها

وتديهوني وانا اشتريلها ونتبادل ههههههه عبط بعيد عنك ..

7- ياترى كان فيه بائعين متجولين قدام باب المدرسة؟

لالا احنا كنا في السعوديه يعني كان النظام بتاع المدرسه اللي هوا تروحي في الساحه بتاعت المدرسه

تلاقي غرفه كدا فيها زي الشباك تروحي هناك وتطلبي اللي انتي عاوزاه منهم بقا

8- تفتكر شكل شنطة المدرسة بتاعتك كان ايه؟

لاخالص ايه دا يابنتي انتي بتتكلمي فعشر سنين واكتر ..

9-ايه اكتر حصة كنت بتحبها فى المدرسة؟وايه اكتر حصة كنت بتكرها؟

كنت بعشق حصه القران والقراءه عشان كنت شاطره فيهم ووكان صوتي بيبقى حلو في القران

فمن ساعت ماتيجي مدرسه القران ونبدأ ناخد الدرس كانت بتخليني انا اللي اقرأ ..

لكن بعيد عنك كنت بكره حصة الرياضيات كانت بالنسبالي عقدة الابتدائي وغير كدا المدرسه نفسها كانت

عصبيه شويا فكانت مكرهانا في الرياضه اشاسا

10-ياترى انت كنت تلميذ هادى فى الفصل ولا تلميذ مشاغب وعامل ازعرينا؟

ههههههههه لاانا اولى وتانيه ابتدائي كنت شاطره بس مجنونه تعرفي انتي الفصيله دي ي أوختي

كانت لما تيجي اختي تسأل عني المدرسات كانو بيقولولها رنين دي شاطره بس عايزلها بوتكس

نلزقه فكرسيها عشان ماتقومش

انما بقا بعد كده هديت قوي وبقيت شاطره وهاديه هما بس اولى وتانيه كنت شعنونه فيهم شويا

11- كان ليك اصدقاء فى المدرسة؟كام صديق؟لوتفتكر اسماء لهم قولهم؟

هقولك انا في الابتدائي كان عندي صاحبات كتير قوي قوي افتكر منهم روان وانهار وحليمه وزهره وهدى

ومها الله يمسيهم بالخير انما دخلت الاعدادي كنت مع نفسي خالص استمرت معايا وحده بس منهم

اسمها انهار يعني من اولى اعدادي وتانيه اعدادي كانت انهار بس لما رحت تالته اعدادي كنا نقلنا بيت تاني

ونقلنا المدرسه اتعرفت بقا ساعتها على نوف واروى ومنال وافنان وكانت انهار بردو معايا مش سبتها يعني

ورحت الثانوي بردو واروى وافنان ومنال معايا في المدرسه وانهار كانت فمدرسه تانيه بس كنا بنتواصل بردو ..

13-حصلتلك قبل كدة مشكله مع اصدقائك او حد اتفق عليك وحاول يكيفك؟طب انت حاولت تتأمر على حد قبل كدة وكنت شرير؟لوحصل دة احكى بسرعه

لالا خالص محصلش حاجه زي كدا بس انهار ياعيني انا الي كنت بتأمر عليها كنت فاضيالها بقا ههههه

مكنتش بخليها تمشي مع حد غير ولا تقعد مع حد غيري وهيا ياعيني مسالمه هههه

14- احكى موقف حصلك فى المدرسة عمرك اما تنساة (موقف مفرح – موقف محزن)

اه حصل موقف زباله بعيد عنك

كنا فخامس ابتدائي كانو في المدرسه عملو مسابقه حفظ نصف سورة الكهف ومكانش مشترك في

المسابقه غيري انا وبنت المديره بس على مستوى مدرستنا فكان ترتيلي جميل قوي ومكنتش بغلط

وهيا كان صوتها عادي يعني وربنا شاهد ع كلامي وراحو فوزوها هيا علشان هيا بنت المديره

حزنت قوي ساعتها وقعدت اعيط وجينا فسادس ابتدائي وعملو مسابقه حفظ النصف الثاني من سورة الكهف

رحت دخلت فيها وانا فرحانه عشان السنادي كانت بنت المديره نقلت من المدرسه فقلت اكيد هيفوزوني

رحت مشاركه فيها وقعدت احفظ بحماس بقا ومبسوطه واتفاجئ ان بنت مدرسة الرياضه بتاعتي اشتركت

البنت دي بقا معلش كان صوتها بعيد عن السامعين مش فاهمه ايه الي جابه استغفر الله العظيم

وقعدت تسمع قدامي وبعديها انا سمعت المديره قالتلي برافو عليكي ي رنين وسابتها هيا

في الاخر اتصدم انهم فزوها برضو وسابوني انا ..

وبردو كنت بشترك في مسابقات في الاعدادي والثانوي ومستسلمتش بس مش كانو بيقبلوني مع اني

كنت البيرفكت فيهم والله واكبر مسابقه سجلت فيها لما كنت فثالثه اعدادي كانت مسابقه الملك عبد الله لختم القران كامل

ورحت سألت عشان اتأكد هيا المسابقه دي للأجانب ولاللسعوديين بس

قالولي لاء طبعا للأجانب كلهم

رحت مسجله فيها لاني كنت لسا خاتمه القران حفظ من شهرين فرت مراجعه ع القرأن ودخلت المسابقه بكل قوتي

ورحنا لجنة الامتحان وسمعت قدام اللجنه وكله اتبهرو بيا ازاي مصريه وقادره اجود القران

طلعت بقا من اللجنه وانا ان شاء الله واثقه اني هفوز استنينا اسبوعين تقريبا على النتيجه

لقيت المدرسه بتقولي رنين انا اسه هما مش قبلوكي علشان انتي اجنبيه

ساعتها بقا حزنت بشكل عمرك ماتتخيليه عشان كنت تعبت قوي راحت ماما قالتلي والله لاعملك احلى حفله

رحت بقا عملنا البارتي بقا ولقيت ماما جايبالي خاتم ذهب وحلق لحد دلوقتي عندي

عارفه اني طولت ياأبله معلش