ليه ؟؟؟؟؟

[sokara]

ليه

ليه الكلام بيكون كتيررر

والكل يتكلم بدون تفكيرر

ولما نقول خبر نقول ده خطيرر

وهو حتى مالوش تفسير

ليه

ليه القلوب بقت حديد

وكل يوم تختار جديد

ولو عتبت يقولك انا شهيد

ويقول كلام كله تهديد

ليه

الشمس ماعادت تدفى القلوب

والكل عايش تحتها مغلوب

ليه

القمر ماعاد ينور الليالى

والقلب يبكى على كل غالى

ولصاحب والحبيب يقولوا وانا مالى

ليه

ليه الارض بقت عطشانه

والناس تسعى عليها وهى غلبانه

والحنان طفش من قلوب مليانه

طيب ليه

ليه الحب بقا كلمات

وماعاد ينفع معه السكات

كان الاول روعه الحب فى السكات

والقلوب بئت تجرح بالساعات

طيب ليه

ليه الغدر اصبح علامه

والكل عايش بدوامه

والنفوس اصبحت عميانه

واحنا قلوبنا مكسورة ياما

طيب ليه

ليه الحروب بين الشعوب

والحزن يخيم عل القلوب

واحنا كنا بالابتسامه عايشين يادوب

ليه

ليه الحكام ماسكين فى كراسى

والكل نسى انها ماتدوم

لكن العناد ماهينفع بيوم

وان الشعب ليه كلمة في يوم

طيب ليه

مصر كل واحد فيها عامل نفسه قاضى

وبصراحه دى بقت شغله كل فاضى

يقف بالميدان

ويهد البنيان

طيب وكل ده ليه

ليه

ولو كلمته

يقولك انا من الابطال

وان حياتي كلها نضال في نضال

وهو ياعينى مايعرف معنى نضال

ليه

طيب كل ده ليه

العراق اصبحت دمار

وكل المرافق بقت فى انهيار

والشعب الصامد ماعنده اختيار

طيب كل ده ليه

ليه الحضاره فيها اتسرقت

وحتى حكومتها مايوم انتبهت

تعمل حورات ولقاءات

والشعب يعينى مايقدر يقول هات

ليه

ليه

سوريا اتغير حالها

والامه العربيه ماقالت مالها

ورئيسها بيدمر فيها

والحزن خلاص بقا عايش فيها وبيها

ليه

ليه بشار قاعد على الكرسى ومتحكم

والكل شايف لكن للاسف الكل ابكم

ليه

الشعب الفلسطينى حزين

ليه

واحنا بنتفرج مكتوفى الايدين

والقدس ينداس

من ناس مالها اى اساس

لكن لان امريكا حطاها فوق الراس

نتفرج ونقول لامساس

ليه بطلنا نرفع ايدينا لرب العالمين

وندعو لفك الكرب المهين

وان نعود امه عربيه من الفاتحين

ومايرجع يسيطر علينا غدار من الاثمين

برحمه رب العالمين

ان نكون للحق من الشهادين

برحمه رب العباد

نعيش بكرمه وعزه ليوم المعاد

ومايقدر علينا ظالم مهما امتلك من قوة وعتاد

لو اتجمعنا كلنا على الحق المبين

ونرفع كلمه الحق على رقاب الظالمين

وننتصر بايمانا وقوه العرب اجمعين

ونسجد شكر لرب العالمين

يوم ظهور الحق المبين

فوق سماء امه الموحدين

تحياتى

سكره

6\10\2012

[SiLver Spectra]

العناوين دي دايما بتبقى عناوين شكاوي )
موضوع قيم يا سكره ,,

[lanear]

كلمات قوية يفيض منها الألم
ليه
الحياة أصعب مما توقعناها

تقديري و احترامي

[Marwan1337]

فـى انتظـار جديدـ ان شـاء الله .. !!

[الأميرة رودي]

الحال اتغيـر ومابقى الحال
الكل بقى ماشي فى مسار غير المسار
لآ حكـام عادلين ولآ شعوب مرتاحين
ولا عاد خيــر فى قلوب الطيبين

والله كلماتك جميله ولمست قلبي أوى ياسكــره
ذكرتى كل حاجه أصبحنــا فى دنيـــا العجب !!
تقيمي لرائعــتك حبيبتي
بتمنالك التوفيق ودوام التألق

[كبرياء رجل]

ليه ؟؟؟؟
تلك هي اسئله تحتاج الى اجابه
ولكن من يجيب
اذا فكرنا في كل احوال العالم
وكل الشعول من حولنا وعن مشاكل بلادنا
سوف يتوقف العقل من كثره المشاكل وعدم وجود لها حل
سوف نستمر بحيرتنا ولم احد يجيب على تلك التساؤل
ولا اعلم هل نفكر في بعض الامور التي تدور حولنا
من قتل وسلب وعدم اعطاء كل شخص حقه
ام نرفع اللا مبالاه شعارنا ونقول نحن نفكر ولكن لا نشعر
فلن يضرنا تفكيرنا فس شئ
ولن نشعر مشاكل احد ولا حتى مشاكلنا


تساؤلات كثيره نتمى ان نجد محتص ويجيب
ليس من اجل ام مطمئن ولكن ان نعيش بسلام ونجد حلول
دمتي بخير سكره وعوده موفقه
في انتظار جديدك ودام لنا تميزك
تحياتي

[احمد برهان]

فعلا ليه ؟
كلمات في الصميم و معبرة عن الواقع و الحياة...
تسلمي اختنا الطيبة سكرة علي طرحك..
بجد كلمات اخذت تفكيري كثيرا و فكرت انا كمان...
و قلت ليه ؟
لكي من اجمل تقيم و نجوم..
و ربنا يوفقك لكل خير..
و في انتظار جديدك..
فانتي من الاقلام المميزة بحق..
لكي مني اطيب تحية و تقدير وود

[sokara]

اقتباس المشاركة الأصلية كتبت بواسطة silver spectra العناوين دي دايما بتبقى عناوين شكاوي ) موضوع قيم يا سكره ,,

هههههههه هى شكوى لكن لله تعالى
نورت دكتور طارق بمرورك العطر
تحياتى

[sokara]

اقتباس المشاركة الأصلية كتبت بواسطة lanear كلمات قوية يفيض منها الألم ليه الحياة أصعب مما توقعناها تقديري و احترامي

سنظل نتسال اخى ولن نجد اجابه
نورت بمرورك الراقى
تحياتى

[sokara]

اقتباس المشاركة الأصلية كتبت بواسطة .youtube. فـى انتظـار جديدـ ان شـاء الله .. !!

تسلم على المرور العطر
تحياتى