Secret Of My Heart

[❀ ЯeRōŎō ❀]

تعالو نصيحه نصيحه ^^

لما واحد تنك اوووي يتناقش معاك ويفرض رايه عليك وهوا رافع منخيروو كده وفاكره نفسه حاجه ... بصلوو من فوق لتحت

وقولووو بكـــــــــــــــل ثقه المثل العظيم الي بيقول ^^ ما انا ممكن اقولك طيب وتفضل في نظري حمـــــــار بردو ^^ يبقي اريحلك

بطل نقاش ^^

[❀ ЯeRōŎō ❀]

just i miss you all


..............................

[❀ ЯeRōŎō ❀]

احم احم اولا صفحتي حبيبتي وحشتني اولا بقي انا احتفلت بعيد ميلادي مرتين ^^ مره امبارح الساعه 12 مع محمود وملاك حبيبتي زمره اليوم مع اصحابي بجد كنت فرحانه كتير اووي بكل شئ بجد كان كل شئ حلو الحمد لله بس بجد كنت مبسوووووطه كتيـــــــــــــــر امبارح من كل شئ وعجبني التوبيك بتاع عيد الميلاد حبه كتيربقي واليوم خرجت مع اصحابي وكنت فرحانه كتير واحتفلنا في سيتي ستارز مع اني بكره كره البتاع ده ^^ بس بقي المالجأ بتاعنا الوحيد بعد الاحداث الي بتحصل في مصر روحنا بقي دخلنا السينما ودخلت اخيرا اخر جزء من فيلم twelight كان تحفه مووووووووت اوي بقي رهيب بجد وبعدين احتفلو بعيد ميلادي وجابلولي بلونه عشان بحبهم هههههههه وعصايا سحريه ^^ بس عجبوني كتيررر اوي دي صوره الكيكه الي حطينا فيها الشمعه دي بتاعتي انا لوحدي علي فكره هههههههه ^^ ودي البلونه والعصايا السحريه ههههههههههههه ^^ تحف تحف يعني

[❀ ЯeRōŎō ❀]

اوعـــــــــــــي تكون فــــــــاكر هدوئي ده طيبه واني غلبانه والكلام ده تؤتؤتؤتؤتؤتؤتؤتؤتؤ

معني اني هاديه يبقي اكيد اكيد بفكـــــــــــــــر في كارثه اعملها وبخطط ليها ^^

[❀ ЯeRōŎō ❀]

لما تبقي عايز اوي حاجه تحصل مش بتحصل ولما تقول خلاص وتنسي تلاقيها حصلت المشكله ان الواحد مش بيبقي عندو صبر بيبقي عايز الشئ يحصل دلوفتي بجد مستغربه كتير حساه اني الوقت بيجري بسرعه اوي وفي نفس الوقت حساه بيمشي ببطئ مش عارفه ازاي بجد الانتظار ده رخم اوووي انك تفضل منتظر شئ لفتره طوله علي امل انه يحصل يلا ماعلينا عارفين اكتر حاجه ممكن توجع ايه انك لما تبص لكل السنين الي راحت وعدت وتشوف انت عملت ايه في حياتك تلاقي النتيجه صفر ساعتها هاتحس ان كل الي فات ده نقط نقط نقط سوده وفي ناس ممكن تغير مستقبلها من نقط سوده لبيضاء وناس هاتفضل عايشه في النقط السوده بردو

[❀ ЯeRōŎō ❀]

صـــــــباح الخير عليكوووو وصباح الخضه عليا ^^
بجد اتحضيت جامد علي الصبح كده ,,, كل الناس قالتلي مش تنزلي اليوم وانا اصريت ونزلت وجيت الشغل وكل شئ تمام اول ماقربت من القصر

لقيتهم منعين اي عربيه تعدي قلت عادي بس ممكن انا اعدي روحت مشيت بصراحه خفت بعدها وكنت عايزه ارجع
انا بس الي ماشيه في الشارع ده وحواليا حواجز سلك وعربيات مصفحه كتيرررره جدا لدرجه اني تنحت والامن المركزي منتشر في كل حته

جيت ادخل الشارع بتاع الشركه مااحنا قدام بوابه القصر الظابط بيقولي انصحك تمشي بدري دي نصيحه مني ليكي طبعا هوا قالي كده
وانا وشي جاب الوان المفروض ارجع بقي واروح لا انا مش رديت ودخلت الشركه واديني اعده اهو تفتكرو ده ايه الي بعملوه ده

[❀ ЯeRōŎō ❀]

أول مره احس اني بدأت افقد الاحساس بالوقت حقيقي ,,, بقي كلو شبه بعضووو بصراحه

بس بعيدا عن الكأبه الي انا فيها ^^ انا كنت مبسوطه امبارح لما شفت الاهداد الكتيره الي كانت عند القصر وانا هناك ^^

وبغض النظر عن الشتايم الي اخدتها من ماما ^^ بس كنت مبسوطه وانا شايفه كل ده بعيني ,,, يارب اصلح الحال يارب

[❀ ЯeRōŎō ❀]

نتيجه الاختبار ^^

المدافع – isfj

المدافع شخص هادئ وطيب القلب، ويقض الضمير ، دقيق الملاحظة والإحساس بما يشعر به الغير. يمكن الإعتماد عليه في متابعة العمل. عادة ما يقدم حاجات وطلبات الغير على حاجاته ورغباته الخاصة. مستقر وعملي، يقدر التقاليد السائدة والإستقرار. يهتم كثيراً بنظرة الناس له وشعورهم حوله. مهتم كثيراً بخدمة الناس وتلبية حاجاتهم وطلباتهم. ولا يسعى خلف السلطة.

[❀ ЯeRōŎō ❀]

بجد حرام بجد اوي الي بيحصل عند القصر ده يرضي مين الي بيحصل ده حرام والله العظيم الناس الي اضربت والست الي ماتت دي
زنبوهم ايه اهم يحصلهم ككده وبعدين ازاي يعني الاخوان يروحو يضفو الاعتصام بالقوه هما مين اداهم الحق انهم يعملو كده
ايددده بجد حاجه مستفذه موت يعني بجد كتير الي بيحصل في البلد ده والله العظيم كتير
حسبي الله ونعم الوكيل بجد حسبي الله ونعم الوكيل . استرها يارب من عندك يارب

[❀ ЯeRōŎō ❀]

بجد متعصبه جدا اول مره اتعصب بالشكل ده بس بجد طريقه فضهم للاعتصام قمه في الهمجيه وخصوصا انهم لما المعارضين جم امبارح
عند القصر معملوش شئ مهاجموش حد بالعكس الموضوع كان عادي هما معترضين وده حقهم من الي بيحصل
انما انهم يروحو يضربوهم بالعنف ده عشان يمشوهم ويضربو الناس كده بالمنظر ده رجاله وستات حاجه تغيظ اوي والله العظيم
اانا مش فاهمه البلد دي رايحه علي فين انا اول ما ماما كلمتني وقلتلي روحي الاخوان قالو انهم جايين عندكو عند القصر ولازم تمشي حالا
من الشغل قلت بس اليوم هايبقي مجزره بس كان عندي امل ولو 10% انهم مش هايجو ومكنتش عايزه امشي بصراحه لاني كنت حاسه انهم مش هايجو بس مع لاسف جم وحصل الذي لم يكن في الحسبان .... بجد امتي بقي الواحد هايعيش في امان امتي بقي
البلد دي تقوم علي رجليها ياااااه بجد انا مابقتش فاهمه الي بيحصل حواليا بجد كتير اوي كده كتيررررر,, انا ماليش في السياسه
ولا بفهم فيها اصلا ومش بحب اكلم فيها بس الي بيحصل في البلد ده كتير اوي ومش يسكت عليه مابقاش ينفع نسكت اكتر من كده خلاص زمن السكون المفروض ينتهي بقي