مشاعر متمردة

[طمطم]

من كتر الحزن والقهر اللى انا فيه.. بفكر اروح اركب قطر !!!

[طمطم]

ذات نفس المومنت لما بقرأ الخبر ده

" وزير التعليم العالي الان : ما يحدث من الشباب الان في جميع محافظات مصر هدفه تأجيل بدايه الفصل الدراسى الثاني من العام الدراسي " O-o

انا برده
feel like ..

[طمطم]

وزير التموين: أنا لم أقل أن نصيب المواطن المصري3 أرغفة يوميا

>> لكني قلت أن اﻷ‌سرة المكونة من 5 أفراد يكفيها 15 رغيفا يوميا!!

,,

مش عايزة اعيش علي الكوكب ده تانى O-o
,,

انا تعبت تريقة ع الوزراء بجد ..
الناس دى دماغها عالية اوى


وانا مش قدها xDxDx

[طمطم]

حاسة ان جوايا "غل" هيموتنى !


نفسى افضل اصوت واصرخ لغاية لما صوتى يروح ,
ومبقاش قادرة اتكلم بعد كده !


احساس "غبى " لما تحس انك .....


بالبلدى كده .. عاجز !


مش قادر تعمل حاجة ولا قادر تغير حاجة حواليك ,,


..

متعودتش اكون سلبية ..

بس اللى انا فيه ده .. هو قمة السلبية ,
,,


واللى خلى حالتى اسوأ..
..

انى بقالى اسبوع مشوفتش صحآبى ,
كلامنا "فون " وبس .


وحشونى اوى ولاد الايه ♥


ربنا يخليهم ليا ي رب
ومش يخسرنى حد منهم ابداا ,,’.

[طمطم]

=))


بقالى ساعتين بدور ع تعليق مناسب للصورة دى
ومش لاقية =))


بس دى حكيكة .. انا بشوف دورى " كأس الحظر "
تحت بيتنا xD


والله شعب القنال ده شعب
" عسلية " =))

[طمطم]

حالتى وصلت لدرجة ..


انى بقيت بستغرب لما بضحك !!

[طمطم]

- بس تعرفى .. عمالة افكر فيه برده

* بت انتى هبلة ,, ده وقته يعنى

- امممم .. هو انا قلت حاجة ي ميرنا .. انا بفضفض معاكى مش اكتر

* لا متفضفضيش .. وبقولك ايه ي ميرنا .. فوكك م الجو والنبى..

- طيب ... بس انا كنت بقولك يعنى .. انه ..

* يوووه .. مش هنخلص م الحوار ده . انتى دماغك ناشفة ليه

انتى عمالة تتسحبى كده ومش عجبانى اليومين دول ..

فوقى الله يهديكى .. فكرى ف نفسك وبس

وفكرى ف احوال البلد اللى حواليكى وفوكك ي ست " ليلى "

اصل " قيس" مش موجود خلاص.. خلص ..

بلاش احلامك الوردية دى .. ودى اخر مرة هحذرك فيها ..

بعد كده متبقيش تندمى بئآ


- ايه ي حاجة كل ده .. هو انا قولتلك حاجة اصلا

* ده تحسبا يعنى . اللهم قد بلغت ..اللهم فاشهد .

وكلمة تانية هوقعك من هنا وارتاح منك

- ويعنى انا لما اموت هموت لوحدى .. م انتى هتيجى معايا

*

- خلاص خلاص انا قايمة

ــــــــــــــــــ*ــــــــــــــــــ


هى نفسى بتعاملنى كده ليه =))

كل م اجى اتكلم معاها تقفش

عليا كده

حد كلمها دى ,, ي ساتر

[طمطم]

اصل ف ولاد هنا بتزعل لما بتريق ع الولاد

طب انا راضية ذمتكوا وضميركوا ,,

لما اشوف pic زى دى

المفروض انا feel like ايه





لا ممكن feel like...



صدقت ي نبيل والله =))

[طمطم]

حلوة الرومانسية ف الشتا ♥

الله يخربيت كده ..

هيخلونا نتخلى عن السنجلة والله =))

[طمطم]

’’ حآجآت حسآهآ ~

* بآآآسم =(

لما شوفت باسم امبارح ,,
اد ايه كان مدايق ومخنوق ..

عرفت اننا ف كارثة بجد !

مهو لما اكتر واحد بيضحك المصريين
هو نفسه مش قادر يضحك !

يبقى لا تعليق ,,



* اسوأ اسبوع ف حياتى ,,

وده بكل المقاييس ,,
مفيش كلام يقدر يوصف
-بشاعة- الاسبوع ده !


* راجعة للدروس ..

اجازتى خلصت النهاردة .
وهنزل اول درس
عليا امتحان هندسة فراغية ,,
والحمد لله يعنى .
انا وهى مشوفناش بعض من قبل الاجازة =))
ربنا يستر بئآ


* مش ف الوقت المناسب !

لما يبقى ف حياتك حد مهم عندك
بتحكيله كل حاجة وتقريبا حياتك متمشيش من غيره ,,
وبعدين يشاء القدر ..
انه يبعد لظروف معينة
,,
ولسوء حظك .. بيبعد ف
اكتر وقت ممكن تحتاجله فيه ف حياتك !

..