مشاعر متمردة

[طمطم]

#احمد_حلمى

u are my favorite Egyptian Actor





حلمى من الممثلين القليلين
اللى ينفع تتفرج عليهم ف السينما المصرية الايام دى ,,



اكتر فيلم بحبه ليه هو " اسف ع الازعاج "
رغم انه فيلم مش كوميدى اوى زى باقى افلامه

الا انه اكتر فيلم اثر فيا ..
ورغم انى شوفت النسخة الاجنبى بتاعته
A beautiful mind

الا ان حلمى عجبنى اكتر.




ف رأيى الشخصى هو من انجح الممثلين اللى من جيله
وليه قاعدة جماهيرية كبيرة جدا

وخصوصا من الشباب ,,
وده ناتج من اختيار حلمى لموضوعات افلامه اللى بتمسنا-كشباب- بصفة خاصة

وقدر بسرعة التفوق ع باقى ممثلين جيله
لحد م بئآ number1 عند الجمهور

ده غير طبعا اجتهاده وموهبته المميزة
ودمه العسل ^^..



حلمى,,

تالت نموذج مصرى بفتخر بيه ^^..

يبقى كده

* باسم
** حسن
* حلمى

هو فيه احلى من كده

[طمطم]

قول والمصحف ^^..

انا كنت متأكده انى هأرسب مع المرتبة " مرتبة الشرف يعنى ^^ "

لا حقا انا كـ ميرنا اتبسطت يعنى =))


,,

دخولى النت عموما بئآ سرقة

اه بادخل خفية كده

ماما بتروقنى لما بتشوفنى ماسكة اللاب =))

ف بسرعة قبل م تيجى ^^



منير عنده حفلة ف السخنة يوم 5-5

وطبعا شغالة زن ع مامتى عايزة اروحها

الى حد ما ف hope خصوصا ان اليوم ده يوم شم النسيم
واجازة م الدروس

كمان التراس منير عندنا ف بورسعيد مظبط كل حاجة

ايون الاتوبيسات جاهزة وهتودينا وترجعنا

وانا حقا محتاجة تغيير جو علشان اقدر اكمل لاخر السنة

انا بقالى بتاع 3 شهور عاملة زى الغزالة اللى بتدور ف ساقية

اه غزالة =))

ي سلام لو ماما توافق

اه والله

اه والله

اه والله =))

[طمطم]

قريبا ف الامتحانات

باسم امبارح قتلنا ضحك _كالعادة _

اللى قاهرنى وحازز ف نفسيتى انه هياخد 3 اسابيع بحالهم اجازة

لا كتير ي باسم وربنا ,

واللى قاهرنى اكتر ,,

معايا ف درس الـ ENGLISH بنوته كده
دمها اتقل من الشاى الاسود =))

اه مهى اخوان بئآ ,,

انا اول م بروح الدرس هات ي كلام ع باسم وع الحلقة
وهى بتبقى قاعدة لونها اشبه م يكون باللمونة

طب دلوقتى احرق دمها ازاى انا

حقا مشكلة =))

[طمطم]

انا الـ 15

م علينا ..

yesterday كان يوم جاحد ^^

كنت عند ابن خالتى ف بورفؤاد

وقولتله عايزة اروح اشوف الكلية
" كلية الهندسة "
هعدى من جنبها بس =))

قالى ي بنتى بكرة هتزهقى منها وهتطنشيها كمان

قولتله .. #والنبى

قالى ماشى ,,

وروحت هناك ,,

لفيت حواليها يجى 50 مرة

تقريبا حفظت السور =))

بس بعد م روحت ,,
حسيت بنشاط كده

لما الواحد بيشوف حلمه قدامه
مش فاضل عليه غير " تكة "

وهو قادر_بفضل ربنا_ انه يحققه

بيحس انه جامد كده
وانه قدها وقدود =)

واللى متاكده منه

ان اول م ربنا يكرمنى وادخلها
الجدع ينزلنى من البيت اصلا
ال كلية ال

بلاش مسخرة بئآ =))

[طمطم]

الـ pic ده معبرة جدا



exactly
,,
لما تحس انك مش حاسس بحاجة
ده احلى احساس ممكن تحسه ف حياتك ,,

وعن تجربة

,,

وده العكس تماما بالنسبة للـ pic دى



لا معبرة بردك =))

ودى بنحسها اكتر م بنحس الـ pic الاولى

يعنى مثلا ,,

- لما تصحى الصبح متاخر 3 ساعات عن ميعاد صحيانك علشان كنت سهران طول الليل قدام النت

- ولما تقوم تلاقى المية مقطوعة

- النور بيشاور عقله واحتمال هو كمان يقطع

- العربية مفيهاش بنزين .

- هدومك اللى مجهزها وقع عليها النسكافيه وانت بتفطر

- نزلت مستعجل ف نسيت الفون ف البيت

- روحت الكلية / الشغل متأخر ف اتهزئت

- تصادف ان النهاردة عيد ميلاد صاحبتك / خطيبتك وانت مجبتش هدية

ساعتها you feel like



=))

[طمطم]

ايون ده اللى انا حساه دلوقتى =))

نفسى امسك السكينة دى واقف قدام كام حد وحداية مدايقنى

*لكل واحد شغال ف سوبر ماركت دخلته
ومش لاقيت الكابتشينو اللى بحبه

*لكل مستر رفض يدينا يوم شم النسيم اجازة

*لكل بنت قافشة منى علشان المز بتاعها بيعاكسنى

*لكل سواق تاكسى طلع عين .,... بالاغانى اللى بيقعد يشغلها وانا راكبة معاه

نااس كتير ,,

ف لو ده جنان

انا اكيد هتجنن =))

[طمطم]

اولا كده الولاد تطلع بره

النهاردة هاخدوا ف الجولة رقم 3

وهستعرض فيها كام pic عجبونى كده
,,



ده خطير

بجد انا انبهرت بيه

جاحد يعنى

اموت انا ف الحاجات الخطرة دى =))



دول بئآ الوانهم عجبونى
بس الاستايل نفسه مش عجبنى خالص
ي سلام لو فيه منه ع فحلقى =))





لا ده كتير

لونه وشكله واستايله حاجة تفرح القلب الحزين =))

بس هو الكعب ده كام دور



واخدين بالكوا من الـ blue ده

جامد جديان
والاحمر كمان تحفة ^^..

ندخل بئآ ع حاجة تانية



مع انى مش من هواة القطط ,,
الا ان الكام pic اللى هتشوفوهم دول جامدين جدى يعنى



هى مالها متنحة كده ليه
كنتى بتعملى ايه ي خلبوصة



عيونها فاروزى

مأمنلهاشى #ابلة فاهيتا ستايل




ياتى كوتة #مداميدو ستايل



الوقفة دى وراها مصيبة
نفس البصة لما بكون عاملة كارثة ومستنية ماما تكتشف =))

*****

والى هونا نكون قد وصلنا لنهاية الخط
واللى مقطعش تذكرة يقطعها وهو نازل

اقعدوا بالعافية

[طمطم]

a beautiful
song >> Katy Perry

i do l0ve it





[youtube]
also this one


[youtube]

[طمطم]

OMG

لا really وحشتنى صفحتى جدا يعنى ..

بتاع 10 ايام مبدخلش

بس حقا بشكر

حمآده ღ Gի๐sτ ღ وايمن

ع سؤالكم عليا

منتحرمش ي رجالة

و عايزة اطمنكوا انى لسه عايشة اهو

رغم خسارة البارسا الشديدة

وحقلة منير اللى طارت منى

والفون اللى اتكسر امبارح

ودور البرد اللى مطلع عينى بقاله 4 ايام لحد دلوقتى

بس انا كويسة =))

[طمطم]

[youtube]
منير

الكينج ~

وخصوصا الاغنية دى

بحبها بطريقة غريبة

والـ music بتاعتها تحفة ,,

" منير "

you’re the one <3

,,



يخليكوا ليا كلكوا ^^

وربنا لو كان عندى وقت كنت رديت عليكوا فردا فردا
بس ورايا درس كمان نصاية كده

وانتوا كمان وحشتونى جدا جدا جوديان يعنى

"مداميدو و هديل ورانسى وايمن وياسو
ومى ودودو وبيوتى "

حبايب هارتى والله

اما بالنسبة للحوادث

فالحمد لله انها جات ع اد كده

انا خايفة من اللى جاى والله =))

..

قبل م اقوم عايزة اعرفكوا ع المز ده










Ian Somerhalder

بطل the vampire diaries

من ساعة م المسلسل بدأ عرضه ع mbc4

وانا بقيت بحـ♥ب الـ T.V اوى =))