مشاعر متمردة

[طمطم]

سيبكوا انى مدايقة ومودى زفت ومش نايمة كويس ومتعصبة وكل حاجة وحشة تانية ,..

بس اول م شوفت الـ pic دى ركزت فيها اوى ..


ده كان التعليق المكتوب تحتها ..,



""

حمار صغير ماتت أمه و هي بتولده
فـ صاحبة الحظيرة حطتله دبدوب عشان يعوضه عن حنان أمه : )


""






عندمآ يكون آلآنسآن # آنسآن !!


طبعا ده زى اللى بيحصل عندنا بالظبط !!

[طمطم]

#ع خلفية غربلة ملف عيلآء..
حآسة آنى بعمل جريمة سـ يعآقبنى عليهآ آلقآنون=))

آصل عيلآء مش هيعاقبنى..

طلع طيب


البداية كانت فكرة واخراج لولتى ..
مع انى رفضت الفكرة بتاتا ,, بس هى هددتنى


قالتى اما تساعدينى ,, او هغيرلك رمزيتك

انا كـ ميرنا خوفت ,,


واضطريت اضطراريا اسمع كلامها =))

وبعد م عملنا عملتنا الشنعاء

حسيت بالذنب الرهيب ..

وفكرت انى لازم اصلح غلطتى =)))

ف قومت اتعشيت بصراحة .. مبعرفش اصلح حاجة وانا جعانة xD

المهم ,, رجعت لقيت عيلاء واقف مصدوم ف مسرح الجريمة ,,





كنت فاكرة ان انا ولولتى واحد ,, بس للاسف ..

مع اول منحدر للصعود ,, سابتنى وخلعت





طبعا انا كـ ميرنا اتخضيت
جريت ع عيلاء وانكرت كل حاجة ,,


ده كان رده


ركزوا ف اخر سطر _سمعانى ي لولتى :P




طبعا لولتى ادايقت ..


الحقيقة ده يرضينى كـ ميرنا =))

ومش بس كده ,,

كالعادة لازم اذيع _مذيعة قديمة وكده =))

كلآكيت عشروميت مرة


وعدت المهمة بنجاح

حابة اوجه تحية شكر واجلال _مين اجلال دى

لـ عيلاء انه وقف ف صفى

ورسالة حرقة دم واستهبال .. لـ لولتى ومرار واسراء



وربنا م يقطلعنا عادة نيفر =))






##

[طمطم]

مهو لمآ تلآقى حد بيدايقك وتسكت ,,

ويقوم يدايقك تانى بنفس الطريقة .. وتسكت ,,

ويقوم يدايقك تالت بنفس ام الطريقة ,, وتسكت !


مرة تقول.. ميقصدش ,.

ومرة تانية .. يقصد بس معلش ,,

ومرة تالتة ,, عآدى مفرقتش ,,


سآعتها ..,


لو فكرت انك تسكت "رابع " .. ابقى سلملي ع كرامتك والنبى !!







#و ربنا يكفيك شر الطيب آمآ يفيض بيه !

[طمطم]

صآحية معتدلة المزاج النهاردة

_لا تسأل ازاى ... انها قدرة الله =))

م علينا ..

المشاركة دى طويلة حبة ,, معلش معلش من عشمى xD

" ممكن ماتكونش راجل شكله حلو ..

بس بمواقفك وعمايلك تخلى الست تشوفك اجمل راجل فى العالم .

ممكن متكونش غنى ..بس لو مبخلتش عليها وكنت كريم معاها ..

هاتقدرك وتحترمك وساعتها لو جبتلها وردة هيبقى كأنك جبتلها الدنيا كلها .

الراجل الحقيقى هو اللى يعرف يقود العلاقة مش بالعافية ولا بالزعيق..

انما بالحكمة والحنية ,,

الراجل الحقيقى ولا حاجة من غير الست.

الحكاية عاملة زى طبق السلطة

مينفعش تبقى كلها قوطة او كلها خيار !! "



من آحلى المشاهد اللى ف الفيلم ده بجد ,,

بتحس انك " مكى " لخص الحكاية كلها ف ممكن .. بس !

من كتر م بحب المشهد ده حبيت يكون موجود عندى ف الصفحات



ندخل بئآ ع التقييمآت علشان حمضت =))



مرار .. بلاش انتى

نور .. منور

زوزو .. لا ي حاجة انا دمى خفيف من ايام ثانوى =))
وبعدين ايه تمتم دى ,, شايفانى راحة حدانة


منورين كلكوا ^^..

زوزو _عبده .. تسلموا ^^..

رودى _حسام _بسمة ,, ميرسى

آيوش .. يآدى سلكة الكهربآ اللى جننتكوآ
انا غلطانة انى اتكلمت عنها اصلا =))

اسراء ... يلا ي بت العبى بره





زوزو .. ميرسى ي وزتى ^^

اسيل .. اهلا بيكى

لولتى ,, انتى العسل الكبير

يوشا .. وانا كمان بحبك ابت

سوسو .. م انا وانتى واحد =))

حسام _عبده _مرار _ اسماء .. منورين ^^..






دودو .. اصلى بواكب الموضة

زوزو .. بطلوا تسول بئآ
واهو انتى اللى عسل

ياسر .. لا واضح =))

ايمن ,., حتى انت ي ايمن , انا انصدمت

مرار ..3 تقييمات ورا بعض
والـ 3 كلهم حرقة دم ,, يرضى مين ده =))
اما الرابع ,, ف مقبول


مآ زلتم منورين






مرار .. تصدقى فعلا بعد التقييم ده عرفت انام .. بـ سلام
شآكرين افضالك =))

تقى ,, م بلاش احراج قدام جماهيرى العريضة

زوزو .. ويعمل اكتر من كده وحياتك =))

ميدو .. انت بالذات آياك تقرب جنب صفحآتى ..
هو هيبقى البروفايل بيكتشر والتوقيع والصفحات كمان

زوزو .. والله انا سعيدة بتقييماتك اللى اكتر من عدد سكان قطر دى

لولتى .. يكفينى شرفا انك رفيقتى ف الشر .. =))

منونتى ,. تسلمى ي حوبى _بالمناسبة ده تقييم ع توبيك تانى
بس تقييمات منونتى لازم تتحفظ عندى ف الصفحات : )

ميدو 2 .. هى فعلا مشوهة
بس صح .., منور ^^..






المرة دى كوكتيل تقييمات بس كلها متعلقة ببعضها _اسرة واحدة

ادوكـ ..

الله يخليك ي دوكـ .., دى شهادة اعتز بيها : ) ..
بس انت ايه اللى بيدخلك عند الناس الكئيبة دى آصلآ


لولتى ,, تم تصحيح المعلومة


سارة ,, عمرها م هتوجد ع فكرة
توجد منين الذكرى الطيبة واحنا مبهدلين نص الاعضاء =))
لا وبنختار رتب يعنى


لولتى ,, زمبكون
لا كتير عليا ,, كتير ي رب =))


زوزو .. ده اكيد =))


ايمن ,, انا عمرى م فكرت اتهور ,, نيفر نيفر يعنى =))
بس ابعد قصايدك عنى


دودو .. والله انا كنت كده .. بس ف ناس ربنا يكرمهم بئآ
عينهم قامت بالواجب وزيادة =))


لولتى .. تالت
لا دى الاثار الجانبية اللى بتحصلك لما بيكون عندك رفيقة للشر زيك






خلاص وحياة ربنا تعبت =))
انتوا رغايين اوى :P

[طمطم]

حلو آوى آحسآس آنك .. مبسوط ..


بس مش شرط تستنى حد يفرحك ,, اتبسط انت




الانبساط هو ذلك آلآحسآس آللى مفتقدينه بقآلنا كتير آوى

آللى هو لمآ تبص لنفسك فجآة ف آلمرآية تلآقى وشك مبتسم لآ آراديا كده : D

هو مش صعب ع فكرة ,,.

عندك مليون طريقة وطريقة تقدر توصل بيها للشكل النهآئى ده

مثلا ..


افتح التليفزيون


شوف فيلم

مش حلو

غير القناة

اتفرج ع باسم



مفيش باسم

طب اقفل التليفزيون

افتح النت

شوف الفيس

رخم ع صحابك

شات معاهم

اقفل الفيس

كُل شوكولاته



اشرب كآبتشينو


اسمع منير ♥

مدد ع الكنبة



بس خلاص =))








# شير ف الخير XD

[طمطم]

وآخيرآ نمت كويس آمبآرح


آصلى كآن لازم آصحى بدرى آلنهآردة علشآن آنزل آلعب ريآضة
_آوامر آلدكتور بتاعى مش بمزآجى يعنى =))


المهم .. كمآن خآرجة آلنهاردة مع الشلة الفاسدة ,

زوزو _ ها هتيجى


..


آمآ بكرة ان شاء الله رايحة الكلية _جديدة ع لسانى الكلمة دى

آصل التقديم آخيرآآآ هيفتح بكرة ..

بكرة يوم تآريخى xD

جدولى مشغول مشغول حقاً ..,


بس مشغولياتى العظيمة دهيت ممنعتنيش اسمع آغنية للهضبة آلنهاردة

_ده آسآسى






[youtube]









#عندمآ ينتهى الملل =))

[طمطم]

# آنآ آنآنيةة .. معنديش صبر .. ,وآحيآنآ مليش آمآن ..

بغلط .. بفقد آعصآبى .. وآحيآنآ لآ آطآق ..


بس لو مقدرتش تستحملني ف آسوآ حآلآتى ..

فـ بآلتآكيد .. آنت متستحقنيش وآنآ ف آفضل حآلآتى !



# مآرلين مونرو..



بتفق معآهآ ف حآجآت .. وبختلف معآهآ ف حآجآت ..

بس آللى طلعت بيه من كل ده ..




# آللى ميستحملش عيوبك .. ميستاهلش مميزاتك !



# ميرنا فريد : D

[طمطم]

آحسآس آبن لذينآ لمآ تكون خرجت آمبآرح وآتفسحت .. لآ ومش كده وبس ,,

ده آنت ظبطت خروجة كمان آلنهاردة

يومين ورآ بعض .. مش مصدقة


آلآجآزة جآية تحلو ع آخرهآ=))


.. now i really feel like






x’D

[طمطم]

آنآ عمرى م كنت آنآنية .. بآلعكس ..

دآيما بفكر ف آللى حوآليا قبل مني ..

دآيما بعمل آللى يريح آلنآس حتى لو كآن مش هيريحنى ..

حتى دخولي " هندسة " كآن تحقيق لرغبة بابا _الله يرحمه ,,

مكنتش حآبة آني آرفضله طلب حتى بعد م مآت ,

ربنآ وقف جنبى وقدرت آحقق آلحلم ده ..

بس ف حآجآت تآنية ,, مينفعش فيهآ آنى آفكر ف آلنآس آلتآنية ..

لازم آفكر ف نفسى وبس ! ..


نفسى آللى تعبت معآيا من كتر م بشيلّها آكتر م آللى تستحمله ,,

نفسى آللى بحآول آقنعهآ آنى كويسة و فل .. مع آنى ف الحقيقة مش كده !

نفسى آللى بخليها تفضل تضحك طول النهار وتهزر علشان محدش يحس باللى حساه..

ببقى هتخنق ومبتكلمش !

ببقى هموت واعيط ,, واعمل نفسى كويسة وتمام

واقنع نفسى ان العياط للناس الضعيفة وانا عمرى م كنت ضعيفة ,,

لكن ده مش صح !

آنآ حد ضعيف ..


مبعرفش اكدب ع الناس بس احسن واحدة تكدب ع نفسها !

كبّرت نفسى وشيلّتها اللى المفروض متشيلوش ..

خليتها تفهم وتعيش حاجات المفروض متعيشهاش ..

علّمتها متفكرش ف نفسها !

بس انا نفسها !!


والنتيجة كانت ايه .. خلاص .. فاض بيا

مش قادرة استحمل اكتر من كده ,,

تمثيلى خلاص مبقاش بيقنعنى

اعذارى كلها مبقتش مقبولة ..

قدامى طريق من اتنين ملهومش تالت ,,


ي بجد اقف مع نفسى صح واواجهها بكل حاجة واوصل لحل ,,

ي اما استمر ف المسرحية " البايخة " اللى معيشة نفسى فيها !


غير كده . , مينفعش .

[طمطم]

آتعمل فيآ آنآ وسهر مقلب وصآية وصآية يعنى


زينب وسلمى ..


وحياة اللى دخلنا آلمنتدى دهوت وخلآنا نتعرف ع بعض من غير
ميعاد_ آنآ لا حباه ولا كنت عايزاه

هتشوفوا الويل و ظلام الفيل ف عز الليل =)))

انتوا متعرفوش وقعتوا مع مين ,,




انا معرفش اخويا =)))