مشاعر متمردة

[طمطم]

هى كلمة واحدة هرد بيها ع كل حد واى حاجة مدايقانى ..

" اووووووووووووووف "

كلمة ليا ,,

متخلقش لسه اللى يزعلك !

[طمطم]

...........
تقريبا المنظر اللى شوفته من شوية مش هعرف انام بسببه بعد كده !
طول عمرى بسمع عن الناس اللى عايشة ف الشوارع وبتاكل من الزبالة ..

انما انى اشوف المنظر ده بعينى !
حسيت انى اتشليت ف مكانى

ولقيتنى عمالة بدعى ع كل اللى ماسكين البلد .
ببص ع الناس لقيت منهم اللى عمال يضحك عليه ويدايقه

ولاول مرة ف حياتى ازعق ف الشارع
وشتمتهم !

اتدايقت ع الراجل ده اكتر من اى حاجة ف حياتى

روحت جبتله اكل من اقرب سوبر ماركت
الغريبة انه ف الاول مش رضى ياخده منى !
فضلت اتحايل عليه لغاية م قبل ف الاخر ..

وبعدين بداوا الناس يتلموا واللى يطبطب عليه واللى بيساعده يقعد ,,

غريبة ! كنتوا فين من ساعة م شوفتوه ..

ولا يعنى لازم تشوفونى بشتم اللى كانوا بيدايقوه علشان تحترموا نفسكوا ؟؟

دولة ................... !!

حسبي الله ونعم الوكيل فيك ي مرسى انت واللى معاك ,,

ومن الاخر .. اى حد هيبعتى تقييم يقولى متدعيش ع مرسى
الاحسن انه ميبعتوش .. بجد هيدايق منى !

[طمطم]

" غبية "

كان غباء منى انى اتعامل مع الناس بحسن نية ..
كان غباء منى تفكيرى ف حاجة مش هتبقى ليا
كان غباء منى ظنى ف نفسى انى حقانية

بس ف الاخر .. انا طلعت غبية !!

" ترجمة لــاحساسى "
16-2-13

[طمطم]

حاسة انى من جوايا فاااااضى ..
مش فراغ .. لا
حاسة انى هوااا
مش حكاية مش موجوده ..
عارف لما تحس انك موجود بس مش عايش !!
بتتكلم وبتضحك بس مش حاسس ..
مشكلتى انى مبتكلمش .. مش بفضفض ..
مبعرفش اعمل كده ..
مبعرفش ابان ضعيفة ادام حد
مبعرفش اطلع اللى جوايا علشان ارتاح
اتعودت ع السكوت
,,,,’’,,,,

[طمطم]

أرادته قيساً

ولم يردها ليلى ,, بل أرادها " ليلة " !

من fb

إيمانى بــ قذارة عالم الرجال بيزيد كل يوم عن اللى قبله !
وعلشان موضوع التعميم ,, مش كلهم يعنى ,,

~~~

النهاردة قابلت صحابى .. بقالنا فترة مبنشوفش بعض ..
بعد رغى كتير اوى ,, طلعت بحاجة واحدة ..

" بحمد ربنا انى كل م احس انى ممكن احب تانى ..
بلاقى مليون " قلم " بيفوقنى م الاحساس ده ! "

شعور حلو لما تلاقى حد بينبهك ف الوقت المناسب ~
هو انا بحب صحابى من شوية

[طمطم]

صاحية ف هدووء النهاردة ..
المود الى حد ما معتدل

ف 2هنا ف المنتدى ..
بالبلدى كده .. ناس جدعة ,,
الاتنين دول ف عز م كنت مدايقة امبارح
كانوا بيخففوا عنى

1-
نيموز

كم انت جدع ي فتى
ومش بتريق والله ,,

بجد احمد م الشخصيات المحترمة جدا
اللى عرفتها هنا
سديكى سديكى يعنى ,,
بدايتنا مع بعض كانت خناقة
بس لما عرفته بجد اكتشفت انه

...
كان لازم اتخانق معاه من زمان


2-
لولتى

صاحبة مرض الزهايمر المبكر
لوجين بعتتلى تقييم امبارح
من احلى التقييمات اللى جاتلى ف حياتى
واللى اتبسطت بيه جدا

لولتى اول واحدة اتعرفت عليها هنا
حبيبة هارتى وربنا

,,

نادر جدا انى اتكلم ع حد عندى هنا
لان دى صفحاتى انا

انما الاتنين دول يستاهلوا اكتب عنهم ف كل مشاركاتى ,,

[طمطم]

ايه ده .. مش مصدقة انى مكتبتش حاجة بقالى 24 ساعة

ف اغنية معلقة معايا من امبارح ..

الهضبة >> قلبى اختارك

مش هحطها علشان محدش يدايق من الاغنية
^^ لا معلقة معلقة يعنى =))

,,

وعلشان ناس معينة
الدماغ هتشتغل عليا انا عارفة =))
انا بحب الاغنية مش اكتر

..

بمناسبة العصيان المدنى اللى عندنا واللى مستمر لليوم الرابع ع التوالى ^^
وده المتوقع لان البورسعايدة جامدين جدى ,,

وانا راجعة امبارح من الدرس شوفت اعتصامهم
واتكلمت مع واحد منUGE

التراس جرين ايجليز يعنى ^^..

رغم انى مكنتش من مؤيدى الالتراس قبل كده
بس النص ساعة اللى اتكلمت فيها معاه غيرتلى تفكيرى عن حاجات كتير

بجد طلعوا غير اللى كنت متوقعاه تماما ,,

واكتشفت انى للمرة 7657 ع التوالى
بحكم ع الناس من غير م اعرفهم كويس
تبا ليا ^^,,

[طمطم]

i am soOo happy

معرفش ليه

عارفين الاحساس انك فرحان كوده من غير سبب
احلى بكتير من ابو سبب والله

ساعات بيكون ف سبب علشان نفرح ومنفرحش
انما لما تكون فرحان من غير اى سبب يخليك تفرح

بتحس بطعم الفرح اكتر ..
وده اكيد احلى من طعم الجبنة المتبلة
" الش cheap بئآ "

يمكن اللى مخلينى كده انى هقابل صحابى النهاردة وهنقضى اليوم سوا
yes هنقضيه بين الدروس .. انما so what !
هنقضيه برده

او يمكن لانى اتفرجت ع twilight saga امبارح ^^..
كان بقالى اسبوع متفرجتش ع فيلم واحد منهم

طبيعى افرح .. حد يشوف Robert وميفرحش

كنت قولتلكوا امبارح ع اغنية معلقة معايا
النهاردة معلقة معايا song تانية خالص ,,

بس مش هقلكوا ي وحسين =))

[طمطم]

بالمناسبة : سقي الورد بعد موته لا يحيه أبداً ..!

من FB

بالظبط ,,

علشان كده دايما بنقول..
اللى بيتكسر مبيتصلحش !

حتى لو حاولنا نصلحه ,, هيفضل " مشوّه " !

انا بكتب الكلام ده دلوقتى وانا مرتاحة جدا .. مش مدايقة ..
ولا ندمانة ع اى قرار اخدته,,

اللى عملته هو الصح ..
..

الرد ده ... تذكير ليا بعد كده
ان من النهاردة ,,

اللى فات مات واتدفن وخلص حسابه كمان ,,

وانا متأكده ان الاحسن لسه مجاش
" هابى face " ^^ ,,

[طمطم]

دايما بيقولوا
" فاقد الشئ لا يعطيه "

غريبة ,, مع ان " فاقد الشئ " ده هو اكتر واحد حاسس بالالم ..
ونفسه يخفف عن نفسه وعن كل اللى زيه,,

هديكوا مثال صغير ,,
انا مثلا .. احسن واحدة ممكن تسمعك ف الدنيا
عندى استعداد انى اسمع حكايات الناس كلها
واحاول احل معاهم مشاكلهم

بحس براحة .. يعنى مش بزهق ولا بحس ب ملل
ف المقابل ,, انا مبتكلمش !
اه ممكن احكى حاجة بسيطة ع اللى جوايا لما اللى قدامى بــ يلح عليا ..
علشان مش اكسفه مش اكتر ..

مفتكرش انى ولا مرة من المرات اللى قعدت فيها مع صحابى
اتكلمت عنى ,,
اه ده سبب كبير ف حبهم ليا.. انى بحب اسمعهم
تقريبا بعوض المشكلة اللى عندى ف سماعهم
علشان كده حاسة بـ " الصامتين "
اللى زيي !

ف انا هقول ان ..
" فاقد الشئ .. اول واحد ,, يعطيه !/ "