مشاعر متمردة

[طمطم]

يوم عثل من اوله ,,
صحيت ع صوت ضرب نار
وعرفت ان ف اشتباكات بين الالتراس وبين الشرطة عند مديرية الامن ,,
ربنا يعديها ع خير ,,



بعيدا عن كده ..
ف انا ورايا امتحان فيزيا شفوى ف الدرس
بجد حاسة ان قلبى تركنى وخلع
,,
بقالى سنين من ايام ابتدائى مسمعتش شفوى .,.
دى الفضايح هتبقى علنى ..
بس بحمد ربنا ان مفيش ولاد معايا ف الدرس ده
ربنا ستار برده =))



وبعيدا برده عن الخبر الوحس ده ..
حقا مرتاحة ^^..
الجو عندنا مشمش قصدى مشمس
والدنيا ربيع كده ....

ايه الاوفر ده
بصوا ده تقريبا حالتى دلوقتى



انا هقوم اعمل كابتشينو تانى ..
حد عايز ؟؟



.. طيب

[طمطم]

وايوة ايوة ايوة

ها قد فعلتها .. وعديت ام الامتحان الشفوى
ي واد ي لعيب
ده احنا جآآآمدين جوديان

انا هأرخ للحظة التاريخية دى
اسمعوا اللى حصل بالتفصيل ^^

,,

- اومال ي مرمورتى
- المستر بيدلعنى انتوا مالكوا -

* انعم

- هسألك عن قاعدة ارشيميدس

* كله ع الله

- ماشى .. لو عندك حوض فيه زيت وعليه تلجة
وانصهرت التلجة دى .. ارتفاع الزيت
( يقل - يزيد - يظل ثابت )

* بسم الله الرحمن الرحيم الاجابة يقل

- برافو

* اى خودمة

ولهذا .
now i feel like



,,,

بالمناسبة بئآ ..
انا هافة عليا لعبة كده
بس انا ناسية اسمها

بس هى عبارة عن حاجة شبه السور وجواها فتحات
وبنحط فيها كور ملونة
واللى يكون صف كامل من نفس اللون يبقى هو الـ winner
اللعبة دى اسمها ايه

[طمطم]

رجعنا للجنازات تانى !



صورة من قلب الحدث ..

بجد مش عارفة اقول ايه غير ..
ربنا يرحمهم و يصبر اهاليهم ي رب ..


اللى مصبرنى .. المفأجاة اللى محضرها UGE لمرسى وشلته..
ان غدا لناظره قريب !..

~~

اكتر ناس صعبانة عليا ف الحوار ده كله ..
هما افراد الجيش ..

امبارح اتبهدلوا من الغاز المسيل للدموع
والمتظاهرين هما اللى كانوا بيسعفوهم !!

ف بورسعيد وبس ..
المدنى بيسعف العسكرى !



no wonder !

اما بئآ ده



ف ده عبد الرحمن..
الشهيد اللى بيصلوا عليه النهاردة ..

لا خلينى اقول " البلطجى " !!

ورحمة ابويا حقك هيرجع ..
ومش انت بس ..
انت وكل 41 شهيد اللى ماتوا ,,

[طمطم]

اول مرة ادخل الصفحات ومبقاش عارفة هكتب ايه ..

جوايا لخبطة ملهاش اول من اخر ..

ساعات بحس انى كبرت بدرى ..

وان من فترة مش بعيدة كان اقصى تفكيرى
انهى شوز احلى .. ولا هنخرج فين فـ الـ weekend

عارفين ..

وحشتنى حياتى التافهة اللى كنت عايشاها قبل كده !

بجد وحشتنى ,,

[طمطم]

حاسة بهدوء مقلقنى ^^..

اصلى كل م احس انى مرتاحة .
اسمع خبر منيل بـ 60 نيلة =)

اللى مدايقنى .. ده طبعا غير اللى بيحصل ف البلد ..

انى مش عارفة استعمل ولا key من

" مفاتيح سعادتى "

و هم ^^..

☻ البحر
☻ الـ Shopping
☻ الكابتشينو

الاولانى .. وده بسبب ان الجو تلج والحالة الامنية غير مستقرة
والتانى .. وده بسبب ان الحالة الامنية غير مستقرة والمحلات قافلة

اما التالت بئآ ..
ف ده حكايته حكاية.,.

النوع بتاعى مش موجود ف الماركت دلوقتى وده تقريبا لانهم مش استوردوه
وده راجع لان الحالة الامنية غير مستقرة

عرفتوا بئآ الضغينة اللى بينا وبين الامن المركزى سببها ايه

يخربيت تحليلاتى السياسية
ولا عمرو حمزاوى ي خواتى

[طمطم]

بمناسبة النهضة ..

الحكومه قفلت للمصريين قناه التت وعوضتهم باسامة منير

انا بقيت بتكسف وانا بسمع البرنامج ده ..

هى الناس فجرت ليه كده

بئآ برنامج باسم هو اللى للكبار فقط =))

م علينا ..

بسمع ناو البوم tamer الجديد

بحبك انت

هقولكوا رأيى بعد م اسمعه كله ..
مبحبش اتسرع =))

..
اما بئآ عن المشاركة اللى قبل دى ..
اللى بعتولى تقييمات اتريقوا عليا لما شبعوا

ايه ي جماعة .. مش لاقية الصنف بتاعى
حرام عليكوا هتبقوا انتوا والصنف عليا

وبخص بالذكر لولتى ..
انتى بالذات ي سنفورة .. نو speak خالص

عبده .. عايز تعرف النوع ليه .. هتجيبهولى
لو هتجيبه ماشى =))

هديل .. اه ابعتيلى كرتونة

,,

اما الكبير بئآ ,,

ايمن ^^..
مبرووكشن ليكوا ي عم ع الفوز ,,
بس ده ميهزنيش ف حاجة
لو كسبتوا كل الماتشات

برده بحب برشلونة
بحب برشلونة
بحب برشلـــــــــووووونة



منور ي ايمن

[طمطم]

مفيش أجمل من إنّك تتحبْ من واحد بيعرف إزاي يحبْ ! ♥

من fb

لا جآآآمدة بجد ,,

اصل الحب ده فن ..
لا يتقنه الكثيرون

,,

بما انى صاحية fresh ومبسوطة ..
ومحدش يسألنى ليه لانى انا ذات نفسويتى معرفش ^^..

اخدت بالى من عدد اللايكات



اه ي فنانين .. عملتوها ازاى ^^..
اخر واحدة عملتلى لايك كانت

سهر << destiny girl

والنعمة انتى عثلية

.,

انا مش حابة ارغى ع الـ morning كده

بس هسيبكوا مع الصورة الجآآحدة دى

وبيلومونى ليه بحب باسم

[طمطم]

اتحطيت ف حتة موقف
بااااااايخ بشكل ,,

كنت محرجة احراج التنين اللى مش عارف ينفخ نار

لا really really يعنى ,, مش موهم ..
ويكانه لم يحدث
,,

بتفرج ع بنى ادم شو ناو ..
آدم عامل شغل عالى وربنا =))
..

اساسا اسبوعى بئآ كالتاتـــى ..

اليوم ... البرنامج ... حالتى

خميس ,, بنى ادم شو ,,

جمعة .. باسم يوسف ,,

سبت .. ــــــــــــــ ..,

حد .. ــــــــــــــــــــــــ ..

اتنين .... ـــــــــــــــــــــــ ...

تلات ,, ــــــــــــــــــــــــــــ ..

اربع .. ــــــــــــــــــــــــــــ ..

مهو Busy و Merna
don’t mix
=))

[طمطم]

ايوة ايوة دى حالتى ناو ,,

بس من غير الطرطور =))

النهاردة يوم طارئ

انا حقا فيرى busy والنت بيستهبل ,,
لدرجة انى مش عارفة اخلص الرد ده بقالى ساعة =))

م علينا ..

طبعا زى م شوفتوا ف جدول اعمالى المشغول جدا
انا النهاردة حاسة بملل هيقتلنى
- بعد الشر عليا -

بس مش مشكلة كلها ساعة وهنزل الدروس
اهو اضيع وقت بردك =))

,,

وبعيدا عن كده .. انا محتارة جوديان ومش عارفة اجيب ايه
لـ مامتى ف عيد الـ mother
حد عنده any ideas

حدش ,,

يلا ي بخلا

[طمطم]

قلبى مقبوض بشكل..

بجد مش قادرة اوصف اللى حاسة بيه دلوقتى ..

اول مرة تحصل ف حيآآتى..

اتفرج ع باسم ويفضل مودى وحش !

ودى حاجة مش مبشرة بالخير ابداا

ربنا يستر