مشاعر متمردة

[طمطم]

كل واحد فينا عايش بيدور ع الحاجة اللى ناقصاه

واللى متصور انه بيها هيخلى حياته مثالية

ف ناس بتدور ع الفلوس

وناس تانية بتدور ع المناصب

وف ناس بتدور ع الحب

وكل واحد فينا بيدور ع الحب لسبب معين

انا بدور فيه ع الامآن

الاحساس ده يسوى عندى كنوز الدنيا كلها ~

[طمطم]

" انتى بقيتى شبهها ع فكرة "

no wonder !

ده ابن خالتى اللى قالى الجملة دى امبارح

انه يقصد kristen stewart

هو مش يقصد الشبه ف الشكل

انا احلى طبعا

انما انا برده حاسة بكده

يعنى طريقة كلامى ,, my reactions ..

هو بيحصل انك لما بتتأثر بشخصية وتحبها

شوية بشوية بتحس نفسك اتطبعت بصفاتها

وكويس انى اتأثرت بالصفات الحلوة وبس =))

,,

حاجة تانية انا لاحظتها فيا متغيرة من فترة

انا مبقتش عصبية زى الاول

حقا

حاسة بمزيد من الاتزان الانفعالى ^^

ودى حاجة حلوة اكيد

وده ناتج من سببين

اول سبب قالهولى المستر بتاع علم النفس

والتانى انا اللى عملته

قررت انى امشى ع موضوع " عادة 21 يوم " ^^
انا بقالى بالظبط 25 يوم مش اتعصبت

اه بتدايق بس مش بتعصب زى الاول .. تقدم

كده فاضلى صفة واحدة هــ اتخلص منها

وهقابل الوحش =))

[طمطم]

هاخدكوا معايا النهاردة ف جولة تانية

المرة اللى فاتت كانت ف صور لحبيبتى

انما المرة دى

ف مقتطفات وقفتنى

ساعات وانا ع الـFB بتحضرنى حاجات بتعجبنى ,,

هنشوف حبه كوده ,,



نعم أنا أستفزک . . , فحين تغضب أنت عالم آخر من اللذة


دى تحفة حقا ♥

بحب المختصر المفيد انا =)



بيرخم عليكـــي = بيحبـــك ♥
بيشتمك = ليكـــي مكانة في قلبه ♥
بيقولك يا ذكيــه = بيهزقك

بيقولك يابت = يعنى ياحبيبة قلبى
بيطنشك = هيموت و يكلمك

حلو القاموس " ولاد << عربى " ده

بس انا مختلفة معاك ي حج ف حكاية يشتمك

يوم م حد يفكر يعملها ,,,,,,,لا هحتفظ بالجزء ده لنفسى =))



مغرمة انا ♥♥!!
بذاك الذي آحاول آخفاء ابتسامتي عند سماع أسمه ولا أستطيع ..!!


انها حقا قتلتنى
ولا حد بيستطيع ي اختى
كان غيرك اسرع =))




نفسي اتجوز واحد مجنون ^_^

ايوة مجنوووووووووووو*وووووووووون

مجنون و يستحمل جناني كمان

يعني مثلا ممكن يخطر فـ بالنا الساعة 2 بليل اننا نروح الملاهي .. الاقيه شبكني انجاشيه كده و نزلنا رحنا الملاهي

سيبكوا م الكلام كله
اخدتوا بالكوا من " انجاشيه " دى

وماله الانجاشيه مش عيب ,,
مدام in public
ومفيهوش feelings
soO whatt






حبيت اختم بالصورة دى

الصورة دى تعبير حقيقى عن النقط اللى سبتها فوق =))

~~~

يلا كفاية كوده
اخر واحد هـ يخرج يقفل باب الصفحات وهو خارج =))

[طمطم]

مزاجى اتقلبْ180 عن الصبح = (

شخصيتى من اصعب الشخصيات المزاجية بجد !

بحس انى 2x1 /!

كمان ف حاجة مدايقانى

ا... خلاص ,,مش مهم

now i am listening to <<

حليم ..


[youtube]

[طمطم]

بعد لما خلصت جولتى ف المدونات اللى بحب ادخلها اول م بفتح

استخلصت حاجة واحدة ,,

مش انا لوحدى اللى صاحية مدايقة النهاردة = (

هو انا مش عارفة ايه بالظبط اللى مدايقنى

انما انا مدايقة وبس

او يمكن عارفة وبستهبل !

,,



تقولولى ايه علاقة الايموشن ده باللى انا حاساه ناو
اقولكوا معرفش ,,

كيوت اوى بجد =)

[طمطم]

محاولة منى لكسر الروتين

قررت اغير برنامجى النهاردة

اجلت الدروس لبكرة

واخدت النهاردة Day off

روحت النادى ,,

مشوفتوش بقالى اكتر من 10 شهور

ده كأنى كنت مهاجرة =))

تبا وحشتنى كل فتفوتاية هوناك

حاسة بحنين فظيع للمكان

اصله مليان ذكريات هذا الـ place

الموهم ,, كلمت شلة الفساد

طبعا الاول مش صدقونى

" اصلهم عارفين انى مبحبش ءأجل الدروس "

العيال اتفؤجوا اوى

ف منهم اللى عرف يجى والباقى فضل يدعى عليا =))

اتغدينا وطلعنا ع البحر نتمشى شوية

رغم الهوا الشديد الا انى مكنتش بردانة

ورغم الصحرا اللى كنا فيها

تقريبا مكنتش ف حد غيرنا هناك =))

بس كنت مبسووطة

وحاسة ان كان ف جبل ورآآح

بجد صعبة اوى الحياة الجد دى

مبقدرش اتحملها

اصل انا مش بيتوتية خالص



الـpic دى جآآآحدة =))

[طمطم]

مبدئيا اللى بيقرا الكلام ده ناو

انا هرغى كتير
ف لو وراك حاجة قوم اعملها وتعالى اقرا براحتك =))

1-

البوم تامر الجديد



اه والله ,, السبب الوحيد اللى خلانى اسمع الالبوم
هو استمتاعى بدفا صوت تامر

صوته من الاصوات المريحة وبس
انما كـ البوم ,, ف انا dislike it

2-

اسامة منير

امبارح ابدع ^^

اول مرة حلقة نضيفة
انا مش سمعتها م الاول كنت مشغولة

انما احلى جزء كان اخر نص ساعة
اتكلم فيها عن موضوع " جبروت الحب << الغيرة المرضية "

انها الازمة فعلا
هى اسمها مرضية لانها فعلا مرض
وي عينى ع البنت اللى بتحب واحد عنده المرض ده
هتشوف ايام سووده

الغيرة احلى شعور ممكن تحس بيه ف الحب
انما يتقلب لشك وخنقة وحبس ومنع من الخروج والكلام

لا مش يلزمنى الحب بالشكل ده ,,

3-

" ايوة تستاهل "

دلوقتى حصلى موقف
كنت ف درس العربى
وبعدين واحدة م اللى معايا ف الدرس هزرت مع السيكرتير باديها
ولما رد الهزار اتدايقت وعيطت
وقالت للمستر والموضوع كبر
مين اللى كان شاهد ع الموقف ده
ااه انا

المستر سألنى قولته الحقيقة
" هى اللى بدأت الهزار ي مستر ,, تستحمل بئآ "

قفشت منى ,,
لا اله الا الله ,, يعنى انتى تهزرى وانا البس الحوار
وعايزانى اكدب كمان ,,
لا بجاحة بجاحة يعنى

طبعا المستر اداها كلمتين روقوها
والسيكرتير اتهزئ =))
وانا فضلت اضحك

ربنا يقدرنى ع فعل الخير كمآآن وكمان
مبحبش الحال المايل انا =))

اه انا بهزر معاه وبرخم عليه وكل حاجة
بقالنا سنتين بنشوف بعض كل يومين تقريبا ,, اه عِشرة يعنى
انما يفكر يمد ايده
..
تتقطع =))

انا ف رأيى ان البنت هى اللى بتحدد شكل اى تعامل بينها وبين الولد
وهو بيحترم الحدود دى ,,
متجيش انتى تشيليها وبعدين تزعلى !
ايه الهم ده

4-





دى مظاهرات UGE & التراس ثانوية

واجتماعهم مع الحاكم العسكرى
علشان مطلبهم الاساسى بتغيير اسم المدرسة اللى كان فيها
" عبد الرحمن " - الله يرحمه -
ويسموها ع اسمه
وده اقل حاجة المفروض تتعمل بصراحة

ده طبعا بعد م نجحوا يغيروا اسم مدرسة تانية
بعد استشهاد " احمد سامى "
اول شهيد وقع عندنا يوم 26-1

كمان علشان يطلبوا م الالتراس رجوع المدارس
اه الالتراس موقف الدراسة عندنا
كنوع م الضغط

عليا النعمة انتوا رجالة جامدين اوى
العسكر بيستأذنوا منهم يرجعوا المدارس تانى ^^

لا ده انتوا جآمدين جآآمدين يعنى



الله يرحمك ي احمد ,,
انا معرفوش كويس انما
هو اصغر منى بسنة
ساكن ف نفس شارع صاحبتى
شوفته مرتين او 3

كانوا مسميينه ف المدرسة " مصور الثورة "
اى مظاهرة كان الالتراس ينزلها
كان احمد بيصورها وينزلها ع الـ fb

يوم م استشهد كان نازل يصور احداث م بعد الحكم
ربنا يرحمك ويصبر اهلك والله ,,

[طمطم]

happy mother’s day


جآآمد هذا الفتى =))

م علينا .. حقا
مخططة لليوم ده من شهر اجوماعة =)

ف البداية كنت محتارة اجيب لمامتى ايه

واذ فجأة كنا ماشيين ف مرة وعجبوها

shoes و case

قولت بس

نزلت تانى يوم جبتهم وخبتهم لغاية النهاردة

وطبعا مقدرش انسى my aunts

م الاخر الفلوس خلصت

ربنا يخليلنا عيد الام اللى مروقنا ده =))

,,

[طمطم]

و فـ اليوم اللى كان نفسى فيه ابكى بجد ,,

دموعى مبتنزلش !

[طمطم]

لما حد بيتوجع من حاجة

بيبقى نفسه يحذر كل الناس منها

علشان ميتوجعوش زيه ..

بس للاسف .. مكانش يعرف انه بـ تحذيره ده

هيوجعم اكتر !

والله م كنت اعرف = (