مشاعر متمردة

[طمطم]

المشاركة الـ 500 هنا

حكم المشاركات بعتبرها زى اولادى كده

اه والله .,. يعنى انا دلوقتى عندى 500 تفل =))


ومفيش اجمل من الاهداء ده للاحتفال بهذه المناسبة العظيمة



ودا لــ ميرنا الكتالونيه ..
رَغم إن البرسا شال 7 ,, يا سبعاويه
لَكن هَذا لا يمنع إننا نقدم هَذا الإهداء لـ رفع المعنويات .


ايمن ايمن ايمن

اصلا اسمك لوحده كفاية للتعبير عنك

حد دماغه عليا اوى

رغم انه مش بيشجع البارسا

وده العادى يعنى انا كل اصحابى هنا ف المنتدى مدريديين

ورغم كده they’re my best friends

ومتسألنويش ازاى =))

فهو شاعر جآمد

ومن الناس اللى دمهم خفيف بجد

ده غير كل ده طلع فنان اهو

مخبى علينا ايه تانى

تسلم ايدك حقا اايمن

تعيش وترسملنا ي عم

واعمل حسابك ع واحدة زيها لما نتيجتى تطلع ان شاء الله
بس اكتب " الباشمهندسة ميرنا "

,,

ف حاجة كده حابة اكتبها بمناسبة 500 دول

حاجة بتدايق ناس كتيرة منى

" مبحبش الحاجة السهلة "

يعنى مش من النوع اللى بيحب الحاجة تجيله بسهولة ومن غير تعب

وعلشان كده انا اكتر واحدة ف الدنيا بتكره الهدايا

مش كلها طبعا ^^.. انما انواع معينة م الهدايا دى

حتى لما انزل اشترى هدوم مثلا

لازم اطلع عين ,,,, الحد اللى نازل معايا
وعين salesman اللى ف المحل لحد م الاقى حاجة تعجبنى

كذلك بردك اما بشوف ولد مثلا
اذا لاقيته مدلوء من اولها

بفك ع طول =))

يعنى بحس ان لازم يكون ف حياتك excitement كده

حاجة نفسك فيها وبتحاول hardly انك توصلها

م الاخر ,, انا شخصية بتحب التعب والعرق

لا بلاش العرق ده

خليها التعب بس

[طمطم]

" ايون انا عيانة "

مبدئيا المشاركة دى محتاجة طول بال وصبر
وانا معنديش الاتنين الحمد لله =))

انا كـ ميرنا اكتشفت انى عيانة

والمرض بتاعى تتطور الحقيقة

هو مرض مستتر بيظهر اول لما احس ان ف حد بدأ يتقرب منى

جهاز المناعة عندى بيبعت BBM للمخ ويحذره

فيبدا المخ بأرسال اشارات كهرومغناطيسية

عمودية الاتجاه سريعة الانتشار محددة الاهداف لجهاز المناعة

فيبدأ جهاز المناعة بافراز كرات دم خضرا تقاوم اى احساس او شعور ممكن
يظهر تجاه الحد ده

وبعدين تبعت النتيجة للمخ .. فالمخ ينبه الصمام الرئيسى ف القلب

عن طريق " توتاية " ويقوله فيها

" خلى بالك ي برنس ,, انت ف خطر ,, قفشتك =)) "

ف الصمام " يقفش" عليه ويمنع مرور الدم

وبالتالى تقف عملية الاحساس مؤقتا

ونفرقع الحد ده =))

وبكده تنجح المهمة


** التفسير البلدى للمرض

م الاخر كده .. تقريبا الموضوع ده بئآ عندى هواية

كمان اعجابى بكونى البنت الجامدة الجد المطنشة

خلانى باخد دايما Strict protective measures

** العلاج

من واقع خبرتى ف عالم الصحة
وبما انى مشرفة القسم هنا

ف العلاج يتخلص فى

" فوكك م الحوار ,, يوم م نلاقى الحد الصح ,,

مباحث امن الدولة نفسها مش هتنفع معاه "


يخرب بيتى دمى يلطش
<< بسومى ستايل =))

[طمطم]

اول مرة اعملها واكتب مشاركتين ورا بعض ,,

بس احتمال انفجر لو مكتبتش تانى =))

وطبعا بعد الشر عليا يعنى

استكمالا لسلسلة " ف ناس " اللى اتكلمت عنها قبل كده

ف ناس بئآ بحس ان مهمتم ف الكون انهم يدايقوك ,, وبس !

مع ان ف حاجات كتيرة ممكن انهم يضيعوا فيها وقت فراغهم

زى انهم يتفرجوا ع Arab Idol او مسلسل ع مر الزمان

او حتى فيلم العار

او ينزلوا وسط البلد العصر والجدع يروح قبل نص الليل

او حتى يطلبوا delivery من pizza hut ع وقت الغدا

يوصلهم قبل العشاء بساعتين

حاجات كتيرة غير انهم يدايقوك يعنى

بس ف رأيى انك " قاتلهم " اوى

وشاغل تفكيرهم ومعكنن عليهم عيشتهم

ف عشان كده بيحاولوا يدايقوك

ف حين انك عايش حياتك بالطول والارتفاع
ومش بتفكر فيهم اساسا

شوفت بئآ
you’re the winner

لو ده جنان ,, جننهم =))

وربنا يقدرنى ع فعل الخير دايما

[طمطم]

بقالى فترة باخد كل قرارتى بطريقة عملية ,

يعنى بحسبها بالورقة والقلم ودى حاجة غريبة عنى

اه كنت بفكر كويس قبل م باخد اى قرار

انما مش لدرجة ادمان التفكيراللى ممكن يوصل للتردد

ودى حاجة مدايقانى اوى .

so , قعدت مع نفسى وقررت

my mind will take a #break for just one day
<<

وحشتنى ايام الشقاوة

ساعة م كان يخطر ع بالى حاجة ف اقوم اعملها
قبل حتى م افكر انى اعملها =))

old merna
we’ll come back : ))

[طمطم]

وكم من موقف وقفنا " متنحين " فيه كده

اه والله ,, كتيـــر اوى =))

[طمطم]

احلى pic شوفتها ف حياتى ..
مشكلة انا نفسى بتعرضلها كتير ..

so > it’s very true




صح الصح ,,

انا بفكر اخصص يومين ف الاسبوع للموضوع ده =))

..

وبما ان النهاردة الجمعة
.

والبرنس راجع اخيرا
لازم اتكلم عن



القميص الازرق ده

هتصدقونى لو قولتلكوا ان طول حلقة " هنا العاصمة "
كنت مركزة اوى مع القميص

تقريبا مسمعتش هما كانوا بيقولوا ايه =))

لا شياكة اصلى يعنى

بهرتنى ي سوسو << ابلة فاهيتا ستايل

[طمطم]

الاغنية دى ادمان بالنسبة ليا ,,

معنديش اى مانع اسمعها 90 مرة ف اليوم

حاجة كده تخليك ف حتة تانية ...

من احلى الاغانى اللى غناها منير ,,

و فيها بحس بوجع غريب ف صوته

خليكوا مع الـ song بئآ ~


[youtube]

[طمطم]

لا هرغى انا النهاردة ^^..

اصلى مش هقدر مش ارد هنا ع التوبيك ده

~ بـ العاميه "الإيحاءات" ~! برنامج البرنامج

ايمن سديكى وكل حاجة ,,
لكن باسم ده اوكسجين حياتى

ده كان ردى ف التوبيك
~~

طبعا انا شهادتى ف باسم مجروحة ^^..

حبى لباسم واقتناعى التام باللى بيعمله هيخلينى ادافع عنه دلوقتى كواحدة من مؤيدينه ^^ ..
الحلقة بتاعة الجمعة اللى فاتت كانت الحلقة 23 , يعنى احنا بقالنا 23 حلقة
بنسمع وبنضحك ع اسلوب باسم ,
ودلوقتى بئآ نادر جدا لو لقيت بيت واحد كل اللى فيه مبيتفرجوش عليه,
يعنى مصر كلها عارفة الطريقة اللى بيستخدمها وبتضحك عليها
ورغم كده بتتفرج عليه دايما,,

وبعدين ي ايمن الناس مش مستنية باسم علشان تسمع " الايحاءات "
ف افلام وكليبات ممكن تأدى الغرض

يبقى الموضوع بئآ مش موضوع " قلة ادب "
ده غير انه ف الحلقة اللى فاتت اعتذر عن الايحاءات اللى قالها
يعملكوا ايه الراجل تانى =))

~~

ف نقطة كده حابة اعلق عليها ,,



اشمعنه باسم هو اللى العين عليه اوى ف الموضوع ده ؟,,

مع ان لو ممثل او ممثلة عملوا فيلم " للكبار فقط "
الدنيا كلها بتنبهر بيهم وبعظمتهم ف التمثيل =))
لا وبياخدوا جوايز كمان !

او برنامج من برامج قناة الحافظ اللى بيستخدموا فيها الفاظ
باسم جابلنا " شوية منها "

ملاحظة " دى قناة دينية "

الفكرة والخلاصة ,,



الشجرة المتزهزهة بيلقفها الناس بالطوب

ملاحظة تانية ,, الرد ده مش ليك ي ايمن ^^,,
ده عموما يعنى ,,
لحسن البس قضية ازدراء مشرفين ولا حاجة =))

[طمطم]

اسوأ شعور ف الدنيا لما بتفضل كاتم ف قلبك وساكت
متحمل ومش عايز تنطق ..

وفجأة ع اتفه سبب بتنفجر
وللاسف بتطلع غلبك ف اكتر حد عمره ف حياته ما دايقك او زعلك !

[طمطم]

انا عندى انى اخدم ف جبل عتاقة عقد كامل من الزمان ,, احسن من انى اقعد اذاكر فيزيا ولو لثانية واحدة =))