ومضات

[نجمة النجوم]

احوال غريبه
الناس بره النت
عايشين كل انواع الشك
هربت وقلت اعيش بالنت
لقيت النت الشك فيه طاغي عن بره النت ملايين المرات
طيب خلاص
مسافره المريخ

[نجمة النجوم]

بالمقارنه لناس كتير
انا طفله
انما بحزن جدا لما احس اني بتخدع في بعض الناس
وكنت فكراهم كبار
انما فعلا صدقوا لما قالوا
الانسان الكبير كبير الدين والادب والفكر المستنير

[نجمة النجوم]

كل اللي مروا هنا ووضعوا بصماتهم الطيبه
حقيقي بحبكم كلكم وبحترمكم جدا
ووجودكم على صفحاتي دي
شعور فوق كل المشاعر
ميرسي جدا جدا

[نجمة النجوم]

مسافره ان شاء الله بكره
هتوحشني مصر
اللي بيتغرب فعلا عن البلد دي
بيحس حقيقي بيها
خلوا بالكم من مصر
مصر غاليه اوي
اوي

[نجمة النجوم]

لا اله الا الله

[نجمة النجوم]

مش مهم ابدا اكتب ايه
الاهم فعلا اكون صادقه في كتاباتي

[نجمة النجوم]

احيانا ببكي لوحدي
مش ضعف
انما محاوله للتقرب المستمر لربنا

[نجمة النجوم]

المتاجره بالاسلام
أغرب شيئ بشوفوا كتير الايام دي
متاجرة بتوع حزب الحريه والعداله بالاسلام
وده بجد شيئ خنيق
يعني هما لوحدهم مسلمين واحنا غير كده !
الاغرب والمحزن
لما بتفرج عليهم في البرامج
مش عندهم لا قبول شكلي
ولا قبول فكري
وحتى حواراتهم دايما تعصب ومليانه بكلمة ال أنا
وده تعبير منهم انهم انانيين
بأمانه
حزينه
لا تعليق اكتر

[نجمة النجوم]

د / توفيق عكاشه
مش تزعل لقفل القناه
الطبيعي انهم دمويين وانتقاميين وكلنا كنا عارفين ده
المحزن فعلا
انك المصري الوحيد اللي صوتوا راح تنبيه على شعب بلا اذان
عجبا

[نجمة النجوم]

مستغربه جدا من كل اللي بيقولوا على الدكتور توفيق عكاشه انه فلول
طيب ما كل مصر كانت غصب عنها فلول
خلاص يعني بقينا كلنا ابطال
بجد
نفاق علني وسطحيه فكريه غريبه