هل أفقد الأمل؟

[ملكة القمر]

السلام عليكم

انا كنت اعرف واحده كان وجودها في حياتي ضرورة يومية وشوية بشوية بدأت تخف مقابلاتها معايا هيا بس لما أشوفها بحس بفرح وكان لبا معاها احلى الذكرايات اما دلوقتي مرت اكتر من سنة ما اشوفهاش وانا مش معايا رقمها عشان اطمن عليها وحسيت اني مش هشوفها تاني ولما بالصدفه بسمع اسمها بعرف انها موجودة ومش مسافرة ولا حاجة بس كل اخبارها انقطعت بدأت افقد الأمل اني أشوفها تاني فهل أفقد الأمل؟ طيب أعمل ايه؟

[khadiga]

انتي حتى ما تعرفيش بيتها او حد يعرفها ؟؟
روحي لها زي ما كنتوا بتتقابلوا
واول ما تشوفيها خدي رقمها علشان يبقى الطريق عندك سهل ببعد كده
وان شاء الله تشوفيها تااني وماتفقدييش الاامل

[აα∂ Ԑγεა]

علي فكره البعد بيعود علي االتناسي
كان عندي زيك بالظبط واحد صاحبي او الوحيد الي صاحبي
ومع الوقت حصل كده واتفرقنا
وبعدين بعد سنه وهكذا اتجمعنا تاني
اكتشفت ان الحياه بقيت عادي
ومبقيناش زي الاول
يعني معانا نمر بعض هو عارف انا فين وانا عارف هو فين ومع ذلك مفيش حاجه ولا تقابل ولا غيره
اظن خلاص مفيش امل
اعزريني لو بحبط من معنواياتك
بس انا بقول عن تجربه
وعالعموم حاولي تقابليها وتعرفي طريقها
ومن مقابلتكم هتعرفي هل لسه زي مانتو ولا لا

[ساحر الأحزان]

طبعا فية امل طالما فبة قلب بينبض وحياة بتسير وطالما انتى صديقة

مخلصة ووفية اكيد حتشوفيها وحتتطمنى عليها ان شاء الله

وخليكى دايما متفائلة وخلى على طول عندك امل

احترامى

[توحد ارواح]

وعليكم السلام ورحمة الله وبركاته

اممممم

تمام الامل موجود
بس فيه حاجه
طالما هى موجوده مش بتسأل عليكى ليه
اكيد من القلب للقلب رسول
يعنى اكيد لو هى برده بتفكر كدا زيك
يبقى هتعمل اى حاجه علشانك
و لو فيه نصيب و خير ليكى
يبقى ربنا ان شاء الله هيجمعكم سوا و من غير ميعاد
موفقه دايما يارب فى حياتك

[Aya 7ekaya]

صعب جدا نخسر ناس وجودهم بيمثل لينا اهميه
بس الامل موجود
والايام اكيد هتجمعكو ان شاء الله

[طمطم]

اظاهر ان هى اللى بتقطع علاقتها بيكى
وده واضح من كلامك
..
اصلها لو عايزة تكلمك او تقابلك .. مفيش اسهل من كده
احسن لك امشى بمبدأ
" اللى حبنا حبيناه وصار متاعنا متاعه .. ومن كرهنا كرهناه يحرم علينا اجتماعه "
^^
وربنا يوفقك
..

[ŌиĹч.Ḿё]

خليكى واقعية ,,
الدنيا مش بتقف على حد ..الله اعلم يمكن عندها ظروف ..
او مش عايزة تكلمك بس واضح انكم صغيرين لسا ,,
عمتا ربنا يوصلك ليهاا
احترامى

[انجي_1]

لازم تعرفي حبيبتي ادا كانت هي عاوزاكي ف حياتها ولا لاءة

وادا مكنتش عوزاكي وهي اللي بتتهرب منك

احب اقول لك

اللي باعك بعيه ولا تسالي فيه

نصيحة مني ليكي

وان شاء الله ربنا يعوضك باللي احسن منها

تحياتي

[ياسمينااا]

وعليكم السلام ورحمة الله وبركاته
انتي بتسمعي اسمها منين وبتعرفي اخبارها ازاي
اللي بتعرفي منها اساليها عنها وخدي منها رقمها وكلميها
بس هي ليه مش سالت عنك وحاولت تطمن عليكي
ذي ما انتي بتفكري فيها كدا
ربنا معاكي وان شاء الله يكون في امل وتشوفيها تاني
وربنا يجمعكم سوا مع بعض ان شاء الله