أرشيف برنامج سهرة نقاشية

[Mo7aMaD 3aLa2]

هنا يتم دمج كل مواضيع البرنامج بعد انتهاء مناقشتها


..

[Mo7aMaD 3aLa2]

أهلآآآ بيكم فى أولى حلقات البرنامج اليومى (سهرة نقآشية)

فكرة البرنامج وجدول المواضيع النقاشية هنآ



نقآشنا النهاردة هيكون خاص بمشكلة




العنوســـــــة


مشكلة اجتماعية خطيرة تواجة المجتمع المصــرى ,, تعانى منها الفتيات والشباب على حد السواء
بعد ان يتجاوزوا سن الثلاثين من عمرهم دون زواج !! ,,



الغريب فى هذة المشكلة انها لا تحظى بـ اهتمام لدى الجهات المسؤلة
فـ المشاكل الاقتصادية والسياسية طغت بالفعل على مشكلة العنوسة

ولم تحظى على الاقل باهتمام اعلامى
رغم انها قد تسبب عواقب اجتماعية وخيمة


المشكلة تخطت الحد المسموح بة فى مصر واحصائيات هذة الظاهرة فى السنة الاخيرة مفزعة !!

فـ تقول الاحصائيات ان عدد العوانس 13 مليون وعدد حالات الطلاق 410 يوميًا
وعدد العوانس من الفتيات 5 مليون وعدد العوانس من الرجال 8 مليون
ونسبة تعداد الذكور 49% من المجتمع والإناث 51% من المجتمع
ليكون نسبة الطلاق 40% من حالات الزواج
ونسبة العنوسة 50 % من اجمالي السيدات


وذكرت وزارة العدل أن 200.000 فتاة مصرية تزوجن من اثرياء أجانب كبار السن .
ودراسة المركز القومي للبحوث الاجتماعية او الجنائية بمصر : 1500 دعوى اثبات بنوة لمواليد من زواج عرفي أو زنا
وذكر الجهاز المركزي للتعبئة العامة والإحصاء
8.6 مليون فتاة ما بين سن 18 حتى 35 يبحثن عن ابن الحلال منهم 3.5 مليون مابين 18 -25 سنة ،
و2.6 مليون فتاة ما بين سن 25-30 سنة ، 2.5 مليون فتاة ما بين 30 -35 سنة .


واذا بحثت عن اسباب هذة المشكلة تجد نفسك غارقا فى بحور من الحيرة !!

هل السبب هو ثقافة المجتمع وثقافة الاهالى فى فرض قيود مادية كبيرة على الشباب ؟

اعتقد انة ضمن الاسباب
(انا حتى كنت قرأت رد هنا فـ المنتدى انة كل ما دفع المتقدم للزواج اكتر كل ما زادت قيمة الفتاة عندة !!)

او ان السبب هو تدهور المستوى الاقتصادى بالفعل بشكل لا يرضى طموح الشاب فـ الوصول لمستوى معين والذى يؤهلة للزواج ؟

او ان السبب هو عقدة نفسية اصيب بها الكثير من الشباب والفتيات لـ فشل العلاقة الاسرية الخاصة بهم ؟

الاخطر من المشكلة واسبابها هى العواقب والنتائج المترتبة عليها

النتيجة الاولى هى اتجاة الطرفين لاشباع رغباتهم وغرائزهم بطرق غير مشروعة اخلاقيا

النتيجة الثانية هى اتجاة الطرفين للزواج من غير المصريين

زى ما عرضت فـ الاحصائيات

(ذكرت وزارة العدل أن 200.000 فتاة مصرية تزوجن من اثرياء أجانب كبار السن .)

وايضاً

تنامي ظاهرة زواج الشباب المصريين دون سن الثلاثين بسائحات أجنبيات

تتراوح أعمارهن بين الـ 50 و70 سنة، في المدن السياحية

عليك ان تشعر بـ مدى اليأس الذى وصل الية الطرفين ليصلوا الى هذا التصرف

النتيجة الثالثة بالتاكيد هى اللجوء الى التحرش اعتقادا انة يشبع الغرائز !!

النتيجة الرابعة هى ازدياد حالات الاغتصاب والزواج العرفى

النتيجة الخامسة هى اضافة حمل وهم جديد على عاتقى صغار السن
وهم يرون هذة المشكلة تفتح زراعيها اليهم


كدة انا انتهيت من عرض المشكلة و اسبابها ونتائجها تقريباً بصورة مبسطة

فـ انتظار مناقشتكم للمشكلة


وانتظرونا غداً مع مشتاقة للجنة ومناقشة موضع جديد

..

[Aya 7ekaya]

بجد الاحصائيات دى مرعبه
ومشكله العنوسه فعلا مشكله خطيرة وليها اسباب كتير وكل سبب منهم مشكله لوحده ومن اهم الاباب دى البطاله الشباب اللى مش لاقى شغل ومش عارف يكون نفسه وده ليه نتائج كتير هى كمان بتعمل مصايب ف المجتمع يعنى هى دايرة بتكمل بعضها
تانى حاجة ربنا امرنا بالتيسير فى الزواج الاهل اللى بيطلبو شبكه بمبلغ كبير وشقه واثاث و و و
كل ده اصلا بيعمل احباط للشباب

والمشكله دى عايزة تنظيم علشان تتحل

[dr.K!tKat]

بأرقااااامك دى انت اديت للشباب والبنات امـــــــــــــــل رهيب بصرااحة
قضيــــــــــــــه وااقعية جداا - واكبر اسباابها ان هى مش ليها اهتمام من ضمن مشاكل كتير برده المسئوليين مش مدينها اهتماام !!
طبعا // الاسباب اللى انت ذكرتها اسبااب منطقــــــــية جداا وصح ومشكله العنوســـة دى نتاج امور خاطئة كتير مشتركة بين المسئولين والشعب ومنبثقة من ثقاافــــــــــة المجتمع والاحوال المادية والمستوى المعيشــــــــى ... الخ
..
يعنى يوم ما البنت بتحلم تعيش فى مستوى مادى مريح ويأمنلها حياتها وحياة اولادها من بعدها بتكون فى الحاله دى اجرمت وبتحكم على نفسها بالعنوســة مع ان حلمها ده حلم مشروع ومن حقها بس للأسف حلمها ده بيكون حمل على الشاب اللى بيتقدملها لما يفكر ازاى ممكن يأمنلها المستوى ده ويخقق لها حلمه فى وسط الظروف اللى عايشبها دى
انا شايفاهم ( الشاب - الفتاه ) ضحيــــــــة فسساد مجتمع
..
نتائج المششكله دى وعواقبها كفيـــــــــــله انها تدمر سمعــة بلد بحالها - مجتمع كااااامل !! ..
..
خالى فاتح صيدلية فى محل فى بيتنا تحت ولما كان فى العممرة كنت انا مسسئوله عن الصيدليه ودكتور كمان فجت لى ام ومعاها بنتها وبتطلب منى اوقف بنتها فى الصيدليه وانها كانت مكسوفت تطلب كده من خالى - بس هى عايزاها تقف فقولتلها مفيش مششكله تتدرب يعنى !! قالتلى لا دى معاها دبلوووم فسألتها ببراءة جدا والله طب تقف ليه حضرتك ؟؟ قالتلى انا عايزة الناس تعرفها وتشوفها وتشوف الناس انا خايفة تقعد فى ارابيزى
واللهى انا سمعت الجممله دى أخدت بعضى وطلعت قولت لماما انا قررت اشتغل علطول فى الصيدليه انا مستقبلى اصبح ف خطر
شوفـــــــــــــت طبعا اكيد الام معزورة بس كان نفسى اوصلها فكرة (( النصيب )) واعرفها كمان ان قلقها هيسبب مشكله ليها ولبنتها - بجد بيشكل تعب نفسى وبيعود بالسلب على البنت اهو دى عاقبة من عواقب المشششكله اللى ممكن تودى بمرض بنت غلبانة واسرة بحاله
..
واخيرا : والنبى هو فى احسسسن من ان البنت تقعد معــــــــززة مكرمة فى بيت باباها وتدلعع عليهم براختها بدل ما يجى اللى ينكد عليها ليل نهاااار
..
واخيرا كمااان : حل المشكله دى لو مش متوفر حاليا فى الواااقع فهو متوفر جوا انفسنا لو اقتعنا بفكــــــــــرة النصيب
..
قضية مخيفــــة يا بشمهندس محمــــــد -
ثااانكس ..

[الأميرة رودي]

هى بقت مشكله مخيفه بسبب تدهور الحاله الآقتصاديه
وتمسك أهالى البنت خصوصا بمفاهيم خاطئـه
وهى زى ماذكرتت انه كل ماكان ثمن البنت غالى كل ماكانت عزيزه على جوزها وأهل جوزها
وده من وجهه نظرى مفهوم غبي
لآنهم لو فكـرو شويه هيلآقو نفسهو بيغالو أوى ببنتهم ولو زودوها فهما كده بيوقفو حالها بالبلدي يعني..
وهيجي عليهم اليوم اللى هيضطرو يوافقو بأ ى عريس ان شا ءالله يارب حرامى
عشان بس يرحمو نفسهم من نظره المجتمع وكلآم الناس ..
.
النسبه على حد قولك كبيره اوى ومخيفه فعـلا
وياريت البنت اللى بتوافق ع الزواج من أجنبي زواجها بينجح
هى لما بتتجوز واحد اكبر سنا منها العلآقه مش بتدوم لآنهمش واخدها عشان تكون أم لآولآدهويفتح بيها بيت لآ ..
فـ أكيد هتنتهى العلآقه بالطلآق
يبقى احنا عالجنا مشكله وهى العنوسه بمشكله أكبر وهى الطلآق
بجد حاجه معقده

[تيتشر نفشه ツ]

قبل كل حاجه خليني ارد ع الاقتباسه دي بس

(انا حتى كنت قرأت رد هنا فـ المنتدى انة كل ما دفع المتقدم للزواج اكتر كل ما زادت قيمة الفتاة عندة !!)

انتا تقريبا قرأت الرد دا مني انا

بس انتا فهمت قصد كلامي غلط على فكره وانا سبق ووضحت وجهة نظري

للــ أ/ امجد بعديها بردود تانيه كتير

انا كان كل قصدي ان هلاقي قيمتي ازاي معاه وانا بدفع معاه وبسهلها عليه وبدفع اكتر من

المطلوب مني ..!

زي ماقلتلك ماتهمنيش الفلوس قد مايهمني التقدير مانيش رخيصه انا عشان

ادفع بداله واغطي عليه هوا بردو راجل وعارف لما ييجي يتقدم ايه الي ليه وايه عليه

ولا ايه ؟

منا مش ضامنا اذا كان هوا هيقتنع ان نيتي اساعده فقط او بأني هموت واتجوز

واهي جوازه والسلام

ولو هوا اقتنع بنيتي يبقى العيله الموقره مش ضامنا اقتناعهم بردو ..

زي ماقلتلي قبل كده وجهة نظر المجتمع غلط شويا بس بردو لازم احطلها اعتبار

عشان كدا الاحسن اني امشي معاه بالمعقول ادفع الي عليا وهوا يدفع الي عليه ..

اتمنى وجهة نظري تكون وصلت بالشكل المطلوب

........................

نيجي بقا للعنوسه واسبابها

انا حابه اني اضيف على اسبابك بـ أن البنت مثلا ممكن تدرس كليه عاليه شويا

ومابتبقاش راضيه انها تتجوز حد اقل منها مثلا في المستوى الثقافي

وسبب دا بينقسم لقسمين

1/ ممكن البنت يكون سبب عدم موافقتها انها مش حابه انها تتجوز حد اقل منها

لانها مش مجبوره مثلا ع كده >> من الاخر مغروره

2/ لان هيا ماتضمنش بردو انها لما هتتجوز حد اقل منها ثقافيا

انو مش هيقعد لها ع الرايحه والجايه اي حاجه تعملها يقعد يقولها مانتي مهندسه مثلا

هتقعدي تعملي نفسك ذكيه علينا او كلام من دا

المهم انو يقعد يخنقها وتصعب عليه نفسه لو شاف تصرف منها هوا ممكن يكون فهم قصدها غلط

فاهمني

................

من الاسباب بردو

عدم توافق سن العريس او الظروف الاجتماعيه للعريس الي جاي يتقدم دا

يعني مثلا جايلي واحد متجوز مثلا ولا جايلي واحد عنده 4 عيال اتدبس فيهم مثلا

او جايلي واحد اكبر مني بـ 20 سنه مثلا

دي اسباب بتخلي البنت مش توافق

سبب اخير وانا وبكل اسف شايفاه في الايام دي

ان من كتر المصايب الي بنشوفها من المتجوزين وقد ايه هما مش مرتاحين

فـ دا بيولد عندها حتت الخوف شويا من اننا نخطو الخطوه دي وكذلك الشباب بردو ..

.....................

الاضرار بقا كتيره طبعا ومش هزيد ع اللي انتا قلته بقا

مصر بقا عندها ثروه كبيره من قضايا الزواج العرفي

مصر بقا عندها اطفال حرام بالهبل

مصر فيها مصايب من ورا العنوسه دي مش حد مركز ولاحاسس بمدى خطورتها

الله يستر علينا وعلى شبابنا يارب

ويتعدل الحال السنين الي جايه دي

تسلم أبيه ع الطرح حضرتك شخصيه عقلانيه ودا بيدل ع كلامك دايما

سواء هنا او معايا

تقييمي بقا

[~♥ Queen sozan♥~]

اول حاجة انا شوفت اسمـ النقاش بجد ضحكت اوووى :d

انا قالت هى دى اولها يا علاء الله يسمحكـ ,, بس بعد كدهـ

طلع الموضوع مميز ,,

العنوسة المشكلة الساسية فيها ان مفيش شغل لى الشباب

فا كدهـ كل شئ واقف ,, يعنى السبب الرئيسى

قلة الشغل ,, فا كدهـ مفيش فلوس ,, فا مفيش جواز !

ولى بيزودها ,, طلبات اهل العريس والعروسة ,, يعنى لازم الشقة تكون

مش نقصحة حاجة ,, واحسن شبكة واحسن فرح

مش فاهمين أن دة كلو مش فرق اوى مع العروسين ,, المهم الحياه تكون

مستكرهـ فى الاخر ,, والله الموضوع دهـ حلو بسيط

لو كل شاب لقة وظيفة او مكان شغل اكيد هيعرف يحل اى شئ بعد كدهـ

بس لو لقة شغل بقة :d

تسلم يا محمد على اول نقاش منكــ

منتظرين بكرهـ سارهـ

[مشتاقه للجنه]

العنوسه أصبحت شبح مخيف يخيم ع الكثير من البنات والولاد
وخاصه بطبقه معينه بالمجتمع ( الطبقه المتوسطه ) .....
حيث أن الماديات ضعيفه لا تفى بأحلامهم وبمستوى معقول
لشقه يتوافر فيها بعض الكماليات ...
يعنى سنقسم المجتمع المصر لثلاث مستويات :
الطبقه الغنيه واللى تملك المال والامكانيات الماديه
تتوفر لهم فرص الزواج وغالبا بتكون منقوصه (كثرة الطلاق )



الطبقه الدنيا ( اللى فى الحضيض) دى بردوا تتوفر
لديهم فرص الزواج وان كانت منقوصه حيث ان الابن او البنت
ممكن تتزوج بغرفه داخل شقة أحدى الاسرتين .. .. .. والطلاق هنا وارد ايضا

أما الطبقه المتوسطه واللى بتمثل اكثر من 50% من الشعب
بتكثر فيهم العنوسه من البنات والشباب فالبنت محتاجه مستوى مناسب لها
والولد محتاج أمكانيات ليقف على قدمه ويكون بيت للزوجيه ...
وهنا بتتقلص فرص الطلاق لان الزواج بيكون مبنى على تفاهم وكفاح مشترك

العلاج
***************

يجب ع الحكومه تدعيم هذه الطبقه بالعمل المناسب .
وعمل مشروعات صغيره لخدمة هؤلاء الشباب .
بناء مساكن خاصه لهؤلاء الشباب لتسهيل تكاليف الزواج عليهم .
ومنع قراصنة الشقق بالاستلاء على شقق الشباب حديثى الزواج .
فرض قيود صارمه لمحاسبة كل من يريد التربح من تلك الشقق .
عمل قروض مصرفيه مؤجله لكل شاب متزوج حديثا ( عن طريق قسيمة الزواج )


ممكن نتبع شرع الله والشباب القادرين ممكن يتزوج أكتر من زوجه
فبكدا سنجد حل للازمه ... وعارفه ان فى كثيرين سيعترضوا ع الفكره
بس ده حل مش أكتر زى الدرامه الساخره ... لفيلم محمود عبد العزيز
سيداتى آنساتى

[توحد ارواح]

بالفعل اصبحت العنوسه مشكله كبيره
تؤرق كل بيت
و فعلا هى ثقافة مجتمع و تعنت الاهالى
فى رأيى المتواضع
اولا الحكومه توفر فرص عمل للشباب و مساكن لهم
و توزعها بما يرضى الله دون مجامله و محسوبيه
ثانيا
اهل البنت مش لازم يغالوا فى مطالبهم
لان النافص ممكن يجى بعدين
يعنى ممكن يتنازلوا عن بعض الكماليات و كدا
مشكور اخى طرحت مشكله حقيقيه حيويه جدا
تحيتى و فى انتظار القادم

[ساحر الأحزان]

سهرة شيقة يا محمد العنوسة مش فى مصر بس دى فى دول كتيرة ؛؛حنتكلم عندنا فى مصر سببها اية

الغلاء ؛؛ارتفاع المهور ؛؛البطالة ؛؛الاضراب عن الزواج بين الشباب وبين الفتيات

طبعا دى مشكلة ويمكن اسبابها كتير لو حتتعمق فيها ,,

اية حلها التساهل بين اهل الطرفين وبلاش رفع فى العالى,,دعم الدولة فى اسكان منخفض التكاليف

عدم السعى وراء المظاهر تحمل المسئولية بين الشاب والفتاة,,

انشاء دور العفاف لمساعدة من لم يستطيع الزواج من الطرفين والتوفيق بينهم

طبعا الكلام فى المشكلة دى يطول ويطول

والاخوة ردودهم قيمة جدا

وان شاء الله النسبة تخف عندنا فى مصر

تحياتى ابوعلاء

غلى سهرتك الشيقة

احترامى