م الآخـــــــــر

[قلم بلا حبر]

منورررررررين :d



اقرالك مره واقول دى الاخر ------- اقرا التانيه و اقول جايز بيتفاخر ,,,

الاقيك مصمم تعيش الدور للاخر




اطلع من قفصك وعيش الدنيا -------- متحبسشى نفسك وتقول اهى فانيه ,,,

ده محدش يعرف اليوم الاخر




بصراحه قارفنى ومفيناش زعل --------- ودايما ظالم الزمن اصله هو اللى فعل ,,,

والزمن لاوجاعك ترتيبه ف الاخر




بتعيد وتزيد فى ملكة الملكات --------- وهى فى امير القلوب والدمعات ,,

و ياريت الحب بيكمل معانا للآخر





الصوره مش سودا قوى ولا حتى بيضا ---------- دى متعة الحب بين اتنين مش فى الظيطا ,,,

احفظ مشاعرك متفضحهاش ع الآخر



لو المشاعر تتكتب ما كنا حفظناها ------- -- ولو االاحاسيس بتتقرى كنا شفناها ,,,

بس جمالها لما تتحس وتكمل للاخر




عنتر مناه يحفظ عبله ,, وروميو مفضحشى جولييت ----------- لو داخت من كلامك تبقى هبله ,, ولو اصدقت كلامها تبقى عبيط ,,,

الدوخه والصدق مش فى الاول دول فى الاخر





كلام ابن عم حديت وبيتقال ---------- ونفوس واطيه من الوحل بتتشال ,,,

ونضحك ونقول المهم دلوقت وسيبك من الاخر




حنين وانين وافترا فى المعانى --------- و هو هو الكلام مع الحب التانى ,,,

والاكاده لا ده ولا ده بيوصلوا للاخر


جميله المعانى واسطوره الحروف ------- بس لو نوزن الامن بالخوف

يبقى الدنيا وصلت للآخر





يعنى ايه وجودك بس هنا -------- يعنى ايه تمر عليك السنه

وانت متشعلق بحبال دايبه فى الاخر




حب واعشق وعيش الدنيا --------- بس اوعاك تنسى الحاجات التانيه

انت حتتحاسب على الكل بالاخر



جميله الخواطر ولذيذ الشعر والقافيه ------ بس ادينى رزعت كام بيت وكام سطر بالعافيه

لعل وعسى تحسوا المعنى ف الاخر



اه صحيح لو مش عاجبك الكلام --------- وزهقت من المعانى وبتقول لنفسك دى بس افلام

ارمى ورا ضهرك يا ريس وكبر الجمجمه ع الاخر



قلت اغلس عليكم والعتب مش عليا ---------- لما قريت المواضيع محستشى غير بالخيه ,,

يرضيكم ادخل قسمكم واطلع من غير ما اجيب م الاخر :d

[Lαzєzα]

ههههههههههه
من الاخر جامده وطالعه من القلب كدا ;d
تسلم ايدك,,

[الرحــاال المٌتَمرد]

إستغربت لما شوفت قلم بلا حبر ينشىء موضوع


يمكن لان اول مره اقرأ لك فى القسم

مــ الأخر

عبرت باسلوب شيق عن ماتريد قوله


يسلموووا يــ غالي

وفى انتظار جديدك فى الابداعات


احترااامي

[دمعه حائره]

كلام من الاخر بجد وتحسه قريب اوى مننا
تعرف اصعب حاجه انك تعبر عن اللى جواك سواء بئا بخواطر او نثر
بس انك تفكر تخرجه من جواك والكل يقراه دى محتاجه شجاعه كبيره
لازم الواحد ينوع فى كتاباته ويكتب فى كل حاجه
لانه زى ماقولت هايتحاسب على كل حاجه فى الاخر
نورت القسم اخى سيد ويارب ماتكون آخر مره
احترامى,,,

[ساحر الأحزان]

اية دة بيرم التونسى ولا الابنودى ولا احمد فؤاد نجم

بسى من الاخر كلام زجلى جميل وشعر عامى

يوصل للقلب من الاخر

قلم طلع من الاخر

كلام جميل يا قلم

وان شاء الله نشوف ليك موضوعات ادبية زى كدة

تحياتى

[حنـــــون]

صلاح جاهين ياخواتى
ياسلام عليك لما تدخل فى مجال مش مجالك
لا وكمان تبدع فيه
الصراحه يعنى عجبتنى اوى
تسلم ايدك ياريس ^^ من الاخر يعنى

[Ŗăήćy]

الله عليك يـآ آ/سيد
كلمـآت روعة بجد ومن الآخر
كل كلمه فيهـآ عجبتنى جدآ جدآ,,تسلم آيدك بجد
نجومـى+تقييمـى,,بآنتظآر جديد آبدآعآتك دآيمـآ

[قلب وكلمات]

الله الله الله

والله من الأخر روعه وأعتقد وصل اللي ما بين السطور

بجد أنا كنت عارف أنك تمتلك قلم قوي لكن لم أعتقد

أنه حتى قوي ورائع في الشعر والزجل

رسالة جامدة جــداً ، تسلم يا سيد

تحياتي وتقديري لك وتقيمي

القيصــــر

[تيتشر نفشه ツ]

ياخلاثي عثل ي أبيه

انتا عارف ايه الي عجبني في الموضوع كله

ان الشعر دا مش مجالك

ولما دخلت فيه ابدعت بجد

والله خايفه اتكلم اكتر من كدا تقول عليا بجامل ^^

وانا والله ابداً ماقصدي اجامل

هيا دي الحقيقه فعلا اللي ابهرني في الموضوع

انك ابدعت فـ حاجه مش مجالك

استمر بقا

لان كلماتك وصلتلنا قوي عشان بلديات ومتواضعه كدا

فـ انتظار جديدك هنا في القسم ي أبيـــــــه ~

[السفينة]

حروفك كان لها وقع جميل و احساس مرهف
كتبت فأبرعت و نثرت فجملت ....
دمت تكتب أروع كلام و أصدق شعور و أبهى حروف في هذا الرحب الواسع
هذا مروري و هذا ردي و أتمنى أن تعجبك كلماتي و حروفي