حائره..على جسر من الذهب

[دمعه حائره]

بسم الله الرحمن الرحيم
بعد غياب عن الصفحات لمدة خمس ايام
عودة من جديد..لكنى مازلت متعبه ومرهقه
ومعنديش كلام اقوله !
يمكن وجودى هنا يخرجنى من الحاله دى

[دمعه حائره]

برغم الخذلان فى كل مكان

ماذلت ابحث عن أمل فى الخلاص من تلك الحاله

أكره جدا هذا الشعور

يكبلنى ويخنقنى

يتركنى فى زاوية من الاحباط والحزن

لكنه لم يقتل الامل فينى

لأقتنص من هذه الدنيا

حقي فى الوفاء والاخلاص

>>دمعه

[دمعه حائره]

[دمعه حائره]

بفرح
لما آلاقى نتيجة تعبى بتكبر قدامى
وبنجح فى رسم ابتسامه على ملامح حد بحبه
او اشوف حد نصحته بيتقدم وبينجح

بتفائل
لما آلاقى بعد كل مشكله حل يرضى جميع الاطراف
بحس ان لسه فيه أمل فى التعايش بين الناس

بضحك
لما أشوف ناس نضيفه من جواها وبتتكلم بعفويه
مش بتشيل من حد كل همهم يملوا الدنيا حواليهم ضحك وسعاده

بزعل
لما أشوف نكرآن الجميل ونسيآن الحاجات الحلوة
ونفتكر وقت زعلنا بس الاساءة وننسى اى حاجه جميله
كانت بتجمعنا

بفتخر
لما اشوف بنت مثقفه وواعيه وبتتناقش ومش تهرب من المواجهه
فى اى مشكله

بتمنى
أسيب أثر حلو فى كل مكان ممكن مع الوقت تفتكرونى بيه

بحزن
لما أشوف تعبى بيضيع يوم ورا التانى
ومش بأيدى ارجعه زى الأول
مش عشان مش قادره لأ
عشان نفسى اتسدت

من المؤكد
انى مش هاستنى لما يجى يوم واشوف مكان بنيته وتعبت فيه
بيتهد اكيد هاسيبه قبلها
عشان تفضل صورته وهوا كبير قدامى
>>دمعه

[دمعه حائره]

كل سنه وانتو طيبين ويارب السنه الجايه
تكون احلى ومانشوفش فيها اى اثر لسنه2012
شوفوا بئا انا جالى الاستاذ ده هديه
ومش تستغربوا ماهوا انا لسه بيجيلى فانوس وبابا نويل
ولعب والحاجات دى
ومش هاقولكم مين اللى جابوا خليكوا كده محتارين
بس هاوريكوا صورته يمكن يعجبكم
وهوا عمال يعزف وواجع دماغى
واللى عاوز ياخدوا يلعب بى شويه معنديش مانع
بس يرجعه بكره ضرورى

[دمعه حائره]

عاوزة اشكر كل الاخوة اللى بيقموا او يدوا لايك للصفحه
تقييمكم فعلا بيشرفنى وجميل جدا ان الواحد يلاقى
ناس بقيمتكم بتابعه ومهتميه تقرى كلامه
يارب دايما متجمعين على الخير والاخوة فى الله

[دمعه حائره]

تحيه لروح الشهداء
تحيه لكل أم ودعت ابنها فى 2012
تحيه لكل ام انفطر قلبها على ابنها فى حادث اسيوط
تحيه لكل ام راح منها ابنها فى ماتش بورسعيد
تحيه لكل امهات سوريا الجريحه
تحيه لكل ام ابنها أسير ومش عارفه عايش ولالأ
تحيه لشعب لسه عنده أمل السنه الجايه تكون احلا
تحيه لكل روح ضحت بنفسها عشان احنا نعيش احسن
وياريتنا عارفين

!

[دمعه حائره]

كان عندى امل اخف النهاردة من نزلة البرد دى طولت اوى
لان فيه مناسبه مهمه جدا
كان نفسى اروحها لكن مافيش نصيب
هاقعد معاكم وخلاص
عسى ان تكرهوا شيئا وهوخير لكم
وعسى ان تحبوا شيئا وهو شر لكم

[دمعه حائره]

2012
سنه كانت قاسيه بكل معنى الكلمه
وحلفت ماتخلص والا تكمل المشهد الساخر اللى بشوفه كل يوم
خزلان وخيبه امل بتصدمنى فى ناس كنت حاطه امل كبير فيهم
ان لسه فيه ناس جواها قيم ومبادىء بيحافطوا عليها
لكن خلاص قررت اغض الطرف او بمعنى اصح
اتجاهل تلك النوعيه من البشر
ولاالتفت الالمن يستحقوا ان انظر اليهم
والاهم انى اعطى لكل ذى حق حقه فى الاهتمام
لان ببساطه احنا اللى بنجيب لنفسنا التعب والمشقه
لما نهتم بحد مش يستاهل

[دمعه حائره]

بسم الله الرحمن الرحيم
بفرح اوى لما بلاقى حد كان بقاله مده مش بيكتب
ويفاجئنا بموضوع ليه قيمه وبيناقش حدث اثر فى تاريخنا كله
ومش بس بالكلام لابيدعمه ويوثقه بطريقه يخليه يثبت فى عقلك
وده اللى شوفته فى آخر موضوعين فى قلم الاعضاء
لعبده>احضان الحبايب
طبعا بحييه على المواضيع دى واتمنى الكل يقراها
ده يعتبر اهم موضوع قريته النهاردة