حائره..على جسر من الذهب

[دمعه حائره]

بخبى عليك وجع قلبى
وكام ليله سهرت أناديك
وبضحك بس من غلبى
ودوايا تشوفنى عينيك
#mena_hassan

[دمعه حائره]

وأنا لم أترك عزيزاً إلا قسراً،،

[دمعه حائره]

كل سنه وانتم طيبين ورمضان كريم ربنا يعيد عليكم الايام بخير يارب
وان شاء الله تكونوا بخير جميعا وكل الغايبين يرجعوا بالسلامه
وربنا يبعد عنا الوباء ونرجع لحياتنا العاديه يارب

[دمعه حائره]

مسكين أسير الهوى
بقى حاله بيخوف
لا القرب أصبح دوا
ولا البعد بيخفف
سهران والدمع سوا
وفى حاله مين ينصف
#mena_hassan

[دمعه حائره]

من اخر شهر ٤ مدخلتش المنتدي
انا مش عارفه ازاي نسيت كل ده وانشغلت او جايز اتغربت
بس خلاص اهو دمعه حائره رجعت لمطرحها

[دمعه حائره]

مفيش أحسن من إنك تكون راضى بنصيبك وتحمد ربنا على كل حال ترضا وقت الأخذ وترضا عند الفقد لإنك مهما حاربت عشان تاخد اكتر من حقك عمرك ماهتوصل لحاجه فالاحسن كل واحد يبص فى ورقته وملوش دعوة بالتانى يجتهد أيوة لكن مايطمعش يحاول لكن مش فوق طاقته ويفضل عنده أمل فى ربنا انه شايله الخير طول ماهو بيحب الخير للناس
mena_hassan

[دمعه حائره]

فصبر جميل والله المستعان
تلك العبارة غالبا مايكون لها مفعول السحر فى تقبل الإبتلاء وتحمل المصائب تنزل السكينة فى القلوب وتفرج هم كل مكروب فـ الصبر من شيم الأقوياء من كانت قلوبهم عامرة بحب الله وعقولهم أبيه تأبى الإنهزام فـ فى معارك النكبات يصارعون اليأس بالرضى وقوة الإيمان كلهم ثقه فى الله يمدوا أيادى الدعاء لربهم ويحتسبوا الأجر على مصابهم فـ يلين الصعب بين أيديهم وتتبدد ظلماتهم بالفرج القريب عكس من يتحدى القدر ويعانده ويكون ناقم عليه رافضا لحكم ربه فيعيش حياة كلها مشقة وصعبة الإبتلاء قد يكون مرض أو فقد غالى أوعثرات تعيق طريق الطموح وقد يكون متمثل فى أشخاص كلها إبتلاءات علاجها والدرع الواقى منها هو صبر جميل والله المستعان ليس ضعفاً ولاإستسلام لكن قدر الله وماشاء فعل وماعلينا غير الرضى وإنتظار فرج الله
mena_hassan

[دمعه حائره]

يارب اجعل هذه الأيام تمر بسلام ويعود قلبي هادئا كما كان

[دمعه حائره]

الحقيقه فيه مواضيع كتير عاوزه اكتب فيها عامله مشاكل علي السويشال ميديا
لكن انا معنديش طاقه للنقاش علي الفيس وفيه تعصب واضح وافكار متطرفه بين الناس
ولو كتبت هنا مش لاقيه حد بيتابع ولا يقرأ او حتي عاوز يسجل دخول
المنتدي هنا كان ساحه غنيه بالنقاش وبنستفيد من اعضاء ثقافتهم عاليه
وعن نفسي وجودي هنا بيكون عامل محفز اني اكتب
اتمني لو بتابعوا من غير تسجيل دخول
ادخلوا او سجلوا عضويه جديده لو ناسيين الباسورد
ونرجع زي زمان

[دمعه حائره]

مش مهم الناس تكون راضيه عنك المهم تكون انت راضي عن نفسك
وربنا راضي عليك