حائره..على جسر من الذهب

[دمعه حائره]

وحلفت أكون مرايتك تشوف فيها أخلاقك

وتكشفك قدام حقيقتك..

أرضك اللى هاتحصد منها اللى زرعته

وأيامك اللى كل ما تهرب منها تلاقيها بتسابقك

بطلت أبقا غبيه ومش هاسمحلك تانى تستقل بيا

ولو كانت القسوة عندك مزاج

هاخلى إهمالك عندى غِيه

لازم تفوق وتفهم إنك كل يوم بتخسر

وعشان تحاول تكسرنى عمرك ماهاتقدر

لاهابكى عليك ولاعلى ايامك هاتحسر

وأجرى وراك ولا أستناك... !!

كان غيرك أشطر

بتبيع الغالى وتشترى الرخيص؟

بكره يبيعك ببلاش وهاتبقا انت الضحيه

فاكر نفسك إيه هاتدوس عليا وأستحمل؟

تجرح وتقسي وأرضى وأقبل...!!

كان زمان كلمة آه تقولها تهزنى

ولاكنت أقدرعلى غيابك ده كان بيهدنى

خليتك أستاذى وأتعلمت منك كل حاجه

ولدموعى وأحزانى ما بقتش خلاص محتاجه

هاشيلك من دماغى وأحط بدالك حاجه مفيدة

ولاأقول عليك أنانى ولاتقولي يا عنيدة

هاتخليك فـ حالك وهابقا عنك بعيدة

دى الدنيا مش مستاهله ولاطالبة تعقيدة

دمعه حائره
mena_hassan

7-6-2015

[دمعه حائره]

بقالى كتير ماكتبتش
ودى مجرد كلمات بسيطه اهداء للسفيرة الغاليه
اهم مبدعى المنتدى وكلنا بنفتخر بوجودها

السفيرة عزيزة


السفيره عزيزه
من مبدعى المنتدى

سفيرة على قلبي عزيزة

بص وشوف هاتلاقى كزا ميزة


جدعة ,,صريحة,وبنت لذيذة

صاحبة وأخت دى غالية عزيزة

دخلت قلبى فى فترة وجيزة

عارفين لو غيبت أنا كام يوم

تجرى بلهفة وتسأل

وكلام مدح يخلينى أخجل

فين ياحبيبتى

ليه تانى غيبتى

كان ناقص وتجيبلى قازوزة

سفيرة للحب تملى

وعزيزة بأخلاقها تعلي

لابتغلط فى أخوها

ولاتئذى اللى آذوها

بيحبوها من بحرى لجيزة

بنقابها تعطر أيامها

وفى ليلها بتحفظ قرآنها

عقل يربى ونفس عزيزة

تكتب شعر أديبة عظيمة

لاهو تلقيح ولاحتى شتيمة

أصل دة فن وفيها غريزة

زى النسمة مابين الأقسام

لابتعرف فتنة ولاخصام

تدخل تخرج من غير هيصة

ومقامها أحسن من ستين فيزا

عرفتوا مين هى السفيرة عزيزة
******
اهداء منى لأطيب انسانة

وعذرا على عفوية الكلمات
ومهما كتبت مش هاعبر عن حبى
وتقديرى لاختى السفيرة عزيزة ♥
دمعه حائره

[دمعه حائره]

كل سنه وانتم طيبين ويارب اوعدنا بحج السنه الجايه
خير اللهم اجعله خير ايه حصل للمنتدى
مين شقلبكم الشقلبه دى
وكويس انى مكنتش هنا كان زمان واقعه فى اى توبيك ولافرع من فروع الاقسام
تعيشوا وتتشقلبوا ربنا يقويكم بس فكره ممتازة

[دمعه حائره]

بعد مااشتركت فى مسابقه الرومانسيه كلمت نفسي شويه
وقولتلها هانكتب ايه يادمعه وهانتصرف ازاى يامنه
دى ورطة جامدة طيب ندور فى المذكرات ولانكتب من اللى فات
هاتلاقي حل ان شاء الله
واتشقلبت حبه معاكو فى الاخر
http://forums.banatmasr.net/msryat524371/

[دمعه حائره]

][ALIGN=CENTER]

آه ياحلمى الجميل من جاء فى زمن بخيل كيف لقلبي أن تجد البديل وتتركه يعانى آلآلآم العليل فأصبح لقائنا سراب مستحيل نسيت هوانا وسهري الطويل؟ ومن بين العشاق يشبهنا القليل أيا حلم عمرى ونعم الخليل ومن كان قلبي إليه يميل يسامر فؤادى نهار وليل تشتاقك عيونى وجسدى النحيل أصبحت أيامي عذاب وويل ولحن طائرنا تحول عويل أيانور أملي وظلي الظليل أين اليمين ووعد الأصيل عرفتك وفيا بأخلاق النبيل ولم تك فى عشقي يوما بخيل فكيف للوصال إليك السبيل دمعه حائره mena-hassan 30-9-2015 /

]

[دمعه حائره]

جمعه مباركة عليكم جميعا
اخر ماكتبت
http://forums.banatmasr.net/msryat524712/

[دمعه حائره]

ومهدت طريق النسيان بإرادتى
ولكن كيف السبيل لنسيانك ياقدرى
وطيفك موشوم بين اجفانى
عالق بين ضلوعى وشاهد على احلامى
دمعه حائره

[دمعه حائره]

برغم كل الإصرار والتحدى

والتمسك بكل قطرة أمل فى بحر التمنى

كم كانت أمواجة عاتيه وغديره مالح

فـ مات الحلم على شاطىء زمن بخيل

وقفت فى دهشة أتأمل أشلائه

وبنظرة كلها ألم وحسرة

لكم كنت ضعيفة هشة,,

أتمسك بأمل لاجذور له ولاأغصان

نبتت له براعم غربة

امتدت فى ضواحى الروح

أثمرت مرارة وخذلان

إستوطن النفس وعاش بين ثناياها

ومع شهقه إختناق وتنهيدة يأس

إستفاق العقل على أنين حلم لم يكتمل..

وزفرات روح تأبى الإستسلام

يهتز الكيان وتبكي العين

وكيف لاتبكى آخر خساراتى..

أيا زمن لما لاترحم ضعفي وإنكسارى

ولما الإصرارعلى سرقة عمرى وأحلامى..

أما سئمت العزف على جروحى

والرقص على أشلاء أمنياتي..

ها قد آن الآوان لأقدم لك

فروض الطاعة والإستسلام

لتكتب آخرسطورك فى فصول أحلامى.

دمعه حائره

mena-hassan

21-10-2015

[دمعه حائره]

هناك من تركوا نقوشا داخلنا

مهما اختفوا او ابتعدوا لن يمحوها الغياب
انقياء بنقاء المطر اوفياء لايشبهون بشر
وحتى ان ابتعدوا وفرقتنا ايادى القدر
يبقى العرفان بجميلهم والشكر لآخر العمر
دمعه حائره

[دمعه حائره]

لما تبطل تحس بالوجع او بالحزن
رغم كل المشاكل حواليك
تعرف ان فيه حاجه غلط
ولازم تقعد مع نفسك وتعرف فيه ايه