حائره..على جسر من الذهب

[دمعه حائره]

ولسه بقولها مش هازهق

تعالى اسمعنى وتصدق

ده مفيش قبليك ولابعديك

ولو يعدى العمر ده فى حبك

هافضل أنا أدوب فى عينيك

يالى إختارتك من بين الناس

ومعاك بعيش أجمل إحساس

بحبك وهاقولها طول عمرى

حلم عمرى لقيته خلاص

وإزاى تقول دى نسيتنى

وانت اللى بحبك مالكنى

آه لو تعرف غلاوتك عندى

يالى من الدنيا دى واخدنى

مايهونش عليا أسيبك

ولا أقدر فى يوم أنساك

وهاعيش بقيت أيامى معاك
دمعه حائره
mena_hassan
20-2-2016

[دمعه حائره]

على أريكة الإنتظار كان موعدى جلست أحتسى فنجان قهوتى كم كان صباحى رائع مذاقه شهى صباح مخملى معطر بعبق طيفك هبت نسائم الشوق تحملنى إليك معها أريج أرق المشاعر وأطهرها مابين حنين أغرق القلب ولهاً واشتياق يهذى فى حنايا الروح حاولت أكتب إليك رسالتى لكن تلعثمت الحروف على شفاهى وارتجف القلم فرحاً بين أناملى لم تسعفنى أبجدياتى على وصفك فتعطل عقلى المُتخم بذكرياته معك ليتك تسمع تراتيل الشوق المعتق تطير إليك هائمة عبر أثير المحبه فـ أينما ذهبت أجد طيفك حولى ويتعثر نظرى الملهوف بشىء منك ترتبك اللهفة على أعتاب حضورك وتعلن كل حواسى العصيان لأجلك فـ بحجم الفراغ الساكن حولى بعدك مازال لـ وجودك بريق له رهبة وسحر ولـ حضورك عطر يحتل سطورى يفك قيود إنتظارى التى أسرها غيابك ويطلق سراح حيرة تهتف بإسمك سأظل أكتب إليك وإن جفت أحبارى وتقطعت كل السبل بى وزاد إغترابى فلا مهرب لى ولا مخبىء منك إلا إليك دمعه حائره mena_hassa 22-2-2016

[دمعه حائره]

ألجأ إليك يا الله وأعلم أنك لا توصد بابك فى وجه سائل

جئت إليك وأعرف حجم تقصيرى وإنشغالى عنك

بحياة أثقلتنى بالهموم وأبعدتنى عن التقرب منك

وماكان جزائى إلا أن تسربت الأحزان إلى قلبى

وأغلقت أبواب البهجة فى وجهى

مالى سواك ألجأ إليه فى حيرتى

واثقة أنك ستسمع شكوتى وتقبل مناجاتى

أذرف دموع الندم تنساب خجلا

لأنى بحثت بين البشرعن عطاياك

وأنت وحدك العاطى الوهاب

سامحنى إنشغلت بإرضائهم وأنت خالق الكون

من تستحق الإرضاء

بحثت عن الشفاء بينهم وهو بيدك وقدرتك وحدك

وضعت ثقتى فى أناس مثلى وأنت القادر على تبديل الحال

وإنك تعلم السر وماأخفى

سامحنى يا الله لو أنشغل قلبى بحب أحد سواك

وأنت العليم بمدى حبك عمن سواك

يامن وهبتنى النعم أكثر مما أستحق اهدنى للطريق الصحيح

وعلمنى أن لا أضل الطريق إليك مهما شغلتنى الحياة

ياالله ياعظيم أغفر لى جهلى و تقصيرى

وأرحم زلاتى وضعفى وفرج همى

فمالى سواك ياقدير يارحيم
دمعه حائره

24-2-2016

[دمعه حائره]

صباح الخير يامصر

صباح الخير ياغالية

يا أميرة كل عصر

يا مصر يا أم الدنيا

صباحك ورد وياسمين

على الشوارع والميادين

صباحك مسك وعنبر

نيلك مايته حلوة وسكر

صباح نادى على بلادى

ياحضارة بنوها أجدادى

صباح شايل من قلبى سلام

هاتعدى الأزمة ونبقا تمام

صباح ملوش تمن وحدود

يامحفوظة من ربى المعبود

صباح فرحان وسعيد

يارب أيامك كلها عيد

صباح الحب يا مصر

وهانرفع رآيات النصر
دمعه حائره
mena_hassan

25-2-2016

[دمعه حائره]

غريبه اوى مشاعرنا ممكن تخذلنا اوى للدرجة دى
غريبه اوى الناس لما يكون لهم مكانه فى قلبك
وتسامحهم مهما عملوا ويقابلوا كل دة بالنكران
غريب قلمك لما يخرج عن سيطرتك
ويكتب مشاعر واحساس لمن لا يقدره
اسئله وحيرة جوايا من مواقف مش لاقيه ليها تفسير
بس كل اللى اعرفه انه صعب اوى لما يتقابل الحب بالاهمال
و الاهتمام والحنين بالقسوة والتجاهل

[دمعه حائره]

آدى آخرتها ياقلبى
بيجى عليا ويجرح فيا

وانا اللى ليالى سهرت عشانه

وكل الخير بتمناله

وبدل مايكون حبيبى ويفضل جمبى

جاى دلوقتى يجرح ويقسى على قلبى

طب أنا كنت عملت إيه

ده أنا نسيت الدنيا وفكرت فيه

وضحيت عشانه مش ضحيت بيه

وآدى آخرتها يا قلبى

خلصت بجد الحكاية وآدى النهاية

بطل سذاجة وعيشها زيه ببساطة

هاتتعب يومين وتتعود

ماهو كمان عمال فيها بيزود

خلصت وبطلنا طيابة

ده مايعرفش يعنى ايه حب ببراءة

ياما كدب عليك وصدقته

وآدى النتيجة لما فهمته

انسى وعيش مرتاح

وإياك تفكر فى اللى راح

ده خلاص نسيك ولآ بيفكر فيك

اوعى تفكر فيه تانى

وترجع فى حبه تقاسى وتعانى

آدى آخرتها يا قلبى

ماتقولش نديلة فرصة أخيرة

ده ليالى عيشنا فى غيرة وحيرة

خلصت يا قلبي ماتضيعش وقت

خلصت ده ما صدقت انى فوقت
دمعه حائره
mena_hassan
28-2-2016

[دمعه حائره]

كل يوم أنام ودموعى علي خدى

وأنت ولا حاسس بيا آه ياميلة بختى

الله يرحم زمان كنت عايشها جنان

وتغنيلي تحت بلكونتى

إيه غيرك علينا ده أنت نور عنينا

عجبك كدة شحتفتى

منك لله ياظالم ربنا وحده اللي عالم

ظلمك ليا وبهدلتى

روح مالكش لازمة كل يوم عامل أزمة

وكات خالتك وخالتى

اتفرقوا وخلصنا وآدى اللي كان ناقصنا

إفرحي يالى فيا شمتى

صحيح الحب بهدلة وعيشة منيلة

وأنا اللي قولت صبرتى ونولتى

خلاص بطلنا نحب ونعيشها عياط وغلب

وهانمسح كلمة آه يانا يا حوستى

اهداء لكل المجروحين في كبوت مشاعرهم

ومضروبين فى اكصدام احساسهم

واللى سير دينامو قلبهم واقع

خلاص اتسحبت رخصة الحب

بلا وجع قلب وغلب

وتحية كبيرة

للقديرة

عبله كامل
بقلم فاعلة الخير
واللى بتهدى النفوس دايما
دمعه حائره

10-3-2016

[دمعه حائره]

ماليا الكون كله بحنانها

روحى بترتاح بس أقولها

أمى اللى عايشين فى خيرها

طول عمرها شايلة همى

أديها عينيا وأفديها بدمى

مافيش غيرها حبنى من قلبة

وفى حنانها لافيه بعده ولاقبلة

بدعوة منها تتفتح كل البيبان

وإبتسامتها بتضيع الأحزان

دى الجنة أنولها برضاها

ربنا يحفظها لينا ويرعاها

وأى كلام تانى فيها يتقال

أمى للطيبة والحنية مثال

هى الرضا اللى بتمنى أنوله

مش هايكفيها أى كلام أقوله

ربنا يطول عمرها ويخليها

ويفضل حسها فى الدنيا ماليها
دمعه حائره
mena_hassan

13-3-2016

[دمعه حائره]

أتت رياح القسوة فى خريف العلاقات

لـ تعصف بسنابل الحب اليانعات

فـ تتمايل من أثرالقهر والصدمات

تتهاوى بضعف أمام القاصى والآت

تُسجى صريعة الأنانية وحب الذات

تبكيها مشاعر,لم يتبق منها إلا الرفات

وحنايا روح تعانى من التيه والشتات

تتساقط دموع ظلت فى المآقى حائرات

تنعى قلب ظل على فتات الإحساس يقتات

عاد بعد سنين عشق بأيادى الحب خاويات

فـ كل مواسم العشق كانت عجاف قاحلات

وكيف تنبت سنابل يرويها نهر الخلافات

وفى العقل بذور الشك منثورة بين الجنبات

فـ ماذا ستجنى أيها العاشق غيرعشق قد مات

وأحلام وأدتها الغيرة كانت فى الروح وليدات
دمعه حائره
mena_hassan

14-3-2016

[دمعه حائره]

هناك فرق بين الحب والإحتياج
الحب مشاعر غير قابلة للإنتهاء أو رغبة تزول
إنما الإحتياج ينتهى بمجرد إشباعك له
فكثيرا يتغنوا بكلمات الحب وهم فى الواقع محتاجون
دمعه حائره