حائره..على جسر من الذهب

[دمعه حائره]

كان بينا حب,,
وأشواق بتسكن أحن قلب
كان بينا أحلى المشاعر
يتغنى بيها كل شاعر
بس دوام الحال كان صعب


وده حالنا,,
سكت مابينا الكلام
ومابقاش يجمعنا
غير حزن وملام
ولو يوم صدفة جمعتنا
مابنقولش غير سلام


إختلفنا,,
سكن معانا السكات
ومابنسمعش غيرآهات
وندم على حب عاش بينا
وبإيدينا أهو مات


أكتشفنا,,
مين بيبعد عن التانى أكتر
والعناد مابينا كل يوم
عمال بيزيد ويكبر


واتسابقنا,,
مين هايقسى ومين هايصبر
مين على الشوق هايتكبر
وعلى الفراق هايكمل ويقدر


اتفقنا,,
ينتهى مابينا كل شوق وود
وكل يوم فى حيطان قصتنا بنهد
قضينا ليالى كتير فى خناق وعند
وعشنا مابين غياب وفراق أشد


افترقنا,,
أكتر حاجة فيها اتفقنا
وهان علينا الحب وهونا
خلصت أجمل حكاية جمعتنا
وضاع الحب اللى كان بينا


ودى نهايتنا,,
كان بينا حب وياريته كمل
حاولنا كتيرمع بعضنا نفضل
بس صعب فى الوهم نجمل
وأفترقنا وده كان الحل الأسهل
كان بينا حب
mena_hassan

28-4-2016

[دمعه حائره]

وعدتك أفضل أحبك وحبيتك
وعدتك أبدا ماأنساك ووفيتك
وعدتك ماتنزل دموعى
وخلفت وعدى وبكيتك
دمعه حائره

[دمعه حائره]

قلوبنا غرف مغلقة
فأحسنوا الإستذان قبل أن تقتربوا
وتعلموا تقاليد المكوث فيها
وعندما تخرجوا لاتغلقوا الباب خلفكم بشدة
ولاتسيئوا وصفها للاخريين
دمعه حائره

[دمعه حائره]

فضل شهر شعبان

كل عام وانتم بخير وربنا يتقبل منا جميعا
الدعاء وصالح الأعمال
أكثروا من الصيام والدعاء
وأوصيكم بالدعاء لاخويا لانه عمل عمليه لتانى مره
من يوم الحادثه
ربنا يشفيه ويخليه لأولاده

[دمعه حائره]

وخلاص خدنا الاجازة ورجعت لكنبتى وتابلتى وورودى
وبمناسبه الربيع كتبت دى


ربيع حبك

[دمعه حائره]

ما يسعد في حياته سوى واحد اللي رمى هم الحياه وسعى للجنة
يارب ارزقنا رضاك والجنة

[دمعه حائره]

ويبقى من نحبهم يختلفون في كل شيء
في مشاعرهم في صدقهم وفي القرب منهم

[دمعه حائره]

احساسي بالعجز وانا شايفه حد بحبه بيتعذب
وانا مش عارفه اخفف عنه
احساس مستحيل كلام الدنيا يوصفه
رحمتك يارب

[دمعه حائره]

عندما يتحدث الناس عنك بسوء
وانت تعلم انك لم تخطئ في حق احد منهم
تذكر ان تحمد الله الذي اشغلهم بك ولم يشغلك بهم

[دمعه حائره]

البعض عند الفراق يهدى قسوة
بحجم كل ماهو جميل كان يربطهم
لعلها تكون ترياق يتعافوا به
ويقاوموا سكرات موت حبهم
وتمحى كل ذكرى جميله جمعتهم
‫‏دمعه حائره‬