حائره..على جسر من الذهب

[دمعه حائره]

كل يوم بيعدى

بفتكر اللى كان

عايشة على اجمل ذكريات

جمعتنا زمان

سنين جميلة مع بعض

سوا عشناها

مستحيل يجى اليوم

اللى اقدر انساها

اللى كان ده حلم

وكان نفسى احققه

ساكن جوا روحى

وقلبى بيعشقه

قد ليالى البعاد

اللى مرت عليا

هافضل دايما فاكراك

وتستناك عينيا

ده اللى بينا كل يوم

بيزيد ويكبر

ولو حاولنا ننساه

ابدا مش هانقدر
mena_hassan

10-6-2016

[دمعه حائره]

عارف حبيبي ايه اللي زود في الخلاف
عادي ماكل حاجة زادت في البلد دى
يعني هي جات علي الخلاف

طب عارف ايه اللي كبر المشكلة
بسم الله ماشاء الله هو فيه مشكلة كمان وكبيرة؟

لو شهر رمضان استمر معايا بالشكل ده
انا علي اخر الشهر هادخل توكيل
والمشكلة مافيش قطع غيار
كان فيه وخلص

[دمعه حائره]

تخيل يوم تقوم من النوم

على قصة هواك بتضيع

تحاول تفهم ده ليه وازاى

وتغرق جوا صمت فظيع

ووهم كبير

بحجم كل كلمة حب

قولتوها وطلعت كدب

وبدون تفسير

اتبنى بينكم سد منيع

تخيل

mena

[دمعه حائره]

ومش بإيديك ولا بإيديا

نعيش قصتنا من تانى

وأكيد عارف وحاسس بيا

فى غيابك قد إيه أنا بعانى

ولسه ليك جوايا حنين يناديك

بيعزف غنوة ألحانها بفكر فيك

ويبعتلك سلام

من غير لا عتاب وملام

وعلى قلبى يوصيك

لأن مفيش غيرك سكن جواه

ولايوم قدر ينساك

عشان أنت اللى علمته الحب

وعرفنا معاك

إحساس إن قلب يدق

ودقاته تقول للناس

أعرفوا يعنى إيه إخلاص

وإزاى بكلمة حب

بنتعلم نسامح بعض

وننسى أى خصام وبُعد

وبكلمة شوق بتجمعنا

تنسينا كل أوجاعنا

ومهما الدنيا تفرقنا

بتفضل حاجة جوايا

تنادى عليك

بفكر فيك..


mena_hassan

13-6-2016

[دمعه حائره]

اللهم إن هناك أحبة لنا تحت التراب
اللهم اغفر لهم و آنس وحشتهم
و ضاعف حسناتهم و تجاوز عن سيئاتهم

[دمعه حائره]

وأصوم عنك وأنت الزاد والماء
فمتى يحين غروب شمس الغياب
لأفطر على عيناك وأرتوى شهد اللقاء
mena

[دمعه حائره]

عشمى فى ربنا كبير

يصلح فى حياتنا حاجات كتير

يهدى ناس محتاجين الهداية

يلهمهم الصواب قبل ماتيجى النهاية

يقربوا منه ويتمسكوا بالعبادة

ويتعاملوا مع بعض من غير اساءة

ده الدين معاملة

قبل مايكون سبحة وسجادة

عشمى فى ربنا

ينزل فى قلوبنا السكينة والراحة

واللي عاوز ينصح حد

يبقى باللين وبراحة

دينا جميل سهل وبسيط

مش محتاج لصوت عالى ولاتعقيد

عشمى فى ربنا

الحب يعمر كل قلب

يتنفس احساس وبالإخلاص يدق

ولا يشيل كره وحقد لحد

عشمي دايما فى ربنا وبس

مش هاستنى اللى يعطف ويحس

ده اللى مع ربنا

عمره فى يوم مايحزن ولايتكدر

وعشان الشيطان يغلبه

مستحيل هايقدر

عشمى في ربنا

هايخلينى راضى ومرتاح

مش هاستنى حاجة من الناس

وهاشوف الكون هادى وبراح

خليك مع ربنا وخلى عشمك فيه كبير

هو اللى هاينصرك وفى أمورك

هايحسن التدبير
mena_hassan

18-6-2016

[دمعه حائره]

سيب وأنا أسيب
واللي مابينا بقى رهن لكلمه
مين هايغيب

شد وجذب قرب وبعد
حالة غريبه وأمر عجيب
شاطر أوي انت
في الترهيب

مرة عنيد ومرة هاسيب
طب سيب وأنا اسيب
ونشوف مين عند التاني
أغلي حبيب

هايصون حبه في غيابة وقربه
ومهما يغيب
مش هايشوف قدامه
حد يحلى أيامه
ويبقى حبيب

يمسح دمعه أوهامه
وفى وقت همومه وأحزانه
هو قريب

أصل الحب لما يسكن القلب
وبإخلاص من غير كدب
بيبقي نصيب

عايش فينا ومخلينا
ننسي زعلنا وكل الصعب
حتى الجرح فى لحظة يطيب
مش سيب وأنا أسيب
mena_hassan
23-6-2016

[دمعه حائره]

نورعينى
*********
نور دى بنتى
نورعينى وحبيبتى

لما تيجى وتقول يامامتى
انسي تعبى وأرمى حيرتى
كل اللى يشوفها يقول دى أختى


واخده طيبتى بسمة شفايفى
حتى لون عيونها شبهى

لما تمشي أو حتى تحكى
بحس إنى شايفه نفسى

جات فى حياتى ومليتها فرحة
وبتنور الدنيا بأحلى ضحكة

نفسي تكبر وأشوفها طولى
مين ساعتها قدى بس قولى

نور بشوف فيها المستقبل
ومن بين البنات هى الأجمل

عايشة أجمل حكاية هى فيها
ربى يخليهالى وأفرح بيها
mena_hassan
26-6-2016

[دمعه حائره]

يارب رحمتك محتاج لمحبتك
تحمينى من نارك وتدخلنى جنتك

انت اللى عالم بحالى وغنى عن سؤالى
ماتردنيش مكسور ماتخيبش آمالى

ياخالق الكون ياسامع ندائى
تبعدنى عن الظنون وتشفينى من دائى

يارب رحمتك تساع لكل الكون
يامن تقول للشئ كن فيكون

اجعلنى كلمة رضى
تشكرك فى كل وقت
ده أنامش هاعيش مرتاح
لو من رحمتك اتحرمت

انا بين ايديك والهموم هزمتنى
طمعان فى كرمك وبرحمتك تقبلنى

يارب انا محتاجك تسامحنى وتهدينى
تبعدنى عن الشيطان ومن نفسى تحمينى
mena_hassan
27-6-2016