حائره..على جسر من الذهب

[دمعه حائره]

احلي هديه التوقيع والرمزيه من حبيبتي فداء
شكرا يامرمر علي ذوقك ورقتك منحرمش منك ابدا حبيبتي

[دمعه حائره]

فى وقت ماأنت تعبان ومخنوق والإبتلاء عمال يزيد
اوعى تيأس أو تقول ربنا مش بيحبنى افتكر إن ده إختبار
زى اختبارات كتير لسه جاية،إختبار لإيمانك وقدرتك على التحمل،إختبار يخليك تراجع نفسك وتشوف انت غلطت فى إيه وصلحه،إختبار يخليك أحسن مش أسوأ،ربنا بيوهبك النعم وبياخدها وزى مافرحت وقت العطاء احمده واستغفر وقت المنع ،إتعلم من الابتلاء والخسارة إزاى الجاى هيكون أحسن، ومتبطلش دعاء وكن لحوح فيه،وقرب أوى لربنا ونادى عليه وقول( ياحى ياقيوم برحمتك أستغيث)عشان ف الآخرهتحس بطعم الفرحه والسعادةلما يستجيب #mena_hassan

[دمعه حائره]

ويكفيك أن تملك(صديق) يصدقك القول والعمل ،أمين فى نصيحته وخوفه عليك،يحفظ سرك ويأمن خوفك،لايعاتبك على غياب ويرد غيبتك ، يسندك عندما تميل ويشد على يدك وقت الصعاب،هو كنز لك فى أجمل أيامك وطوق نجاه فى أصعبها فلن تحتاج لغيره أبداً #mena_hassan

[دمعه حائره]

الرزق مش بس فلوس وأملاك، الرزق في إنك ترضا باللي ربنا كتبهولك وتخلي قلبك ديما نضيف ويتمني الخير للناس وان يكون عندك ضمير وتتقي الله في كل تصرفاتك وتبعد عن اذيه الناس او معايرتهم بأي نقص عندهم او حاجه اتحرموا منهم وافتكر ان النعم لاتدوم دع الخلق للخالق ومتبصش لغيرك وصلح نفسك هتسعد وترضا وتحس ان ربنا رزقك كل اللي تتمناه واكتر #mena_hassan

[دمعه حائره]

اللى ربنا بيكرمك عشانها واللى عايش ببركه دعائها ليك واللى برضاها ربنا يرضا عنك أمك اللى الجنة تحت اقدامها الإنسانه الوحيدة اللى بتحبك من غير سبب غير إنك حته منها أمك اللى صوتها نعمه فى البيت وحضنها أمان وراحه أمك اللى بتدارى تعبها عشان تفضل تقويك على الدنيا دى نعمه غيرك يتمناها حافظ عليها واحميها وراعيها روح بوس أيدها وادعيلها يديمها نعمه فى حياتك ويديم عليها الصحه والعافيه #mena_hassan

[دمعه حائره]

كل عام وانتم بخير وسعاده يارب
اول مره اغيب عن المنتدي الفتره دي كلها
بس اكيد الظروف كانت اقوي مني
ظروف صحيه ونفسيه لسه لحد دلوقت بعاني منها
ومش عاوزه احكيها وتقريبا مبكلمش مع حد خالص
وعلي الفيسبوك مفيش مسنجر وحبيت العزله وحبتني
بس ملقتش احسن من مناسبه المولد النبوي الشريف
عشان الاقي حافز اكتب وارجع ادخل تاني
سلامي للجميع ويارب تكونوا بخير واحسن حال
دعواتكم.

[دمعه حائره]

لطالما خُضت معارك وخرجت منها مهزوماً،لأنك تخوضها بنقاء قلبك، وسذاجتك المعروف بها،وعزاءك الوحيد هو خروجك بقلب سليم لاتلوثه كراهيه، لكن الخساره النفسيه كانت فوق قدرتك، حتى أصبحت نسخة مشوهة منك لاتعرف نفسك حين تختلي بها أو تنظر للمرآه، رفقا بقلبك وتلك الصراعات التي تأخذك ذهاباً وإياباً، ولتمنح قلبك هدنه، وعقلك راحه،ربما ترحل عنك هذه الحيره وتتركك تعيش بسلام #mena_hassan

[دمعه حائره]

اللهم إنها أياما تمضي سريعة فاجعل لنا فيها نصيبا من الرحمة والمغفرة والعتق من النار
اللهم اجعلنا بها من المقبولين الذين استجبت لهم وبشرتهم

[دمعه حائره]

لا اشكو ولكن ارجو
ارجو رحمتك التي وسعت كل شئ ان تسعني

[دمعه حائره]

وفر دواك ياطبيب
الجرح عُمره ماهيطيب
أصل الوجع منطقي
لما الحبيب بيغيب..
#mena_hassan