الاخوان الى اين ؟؟؟؟؟؟

[قلم بلا حبر]

بسم الله الرحمن الرحيم


السلام عليكم





الجميع يسأل (( مصر رايحه على فين )) ,, وبالرغم من ان القارئ للخريطه السياسيه المصريه يستطيع ان يغير فى صيغة السؤال ليتناسب مع ما هو واقع الان

فالمشد بات مكشوفا ,, تيارات مدنيه تتلعثم فى انتشارها فى الشارع بينما يكتمل زحف تيارات الاسلام السياسى نحو الطبقات الاكثر فقرا للحصول على تأييدها ,, بما ينبئ فى فقدان معامل الاتزان بين الطرفين

لذا رأيت ان اجرد كل المعانى من اى رتوش خاليه من الحقيقه وان اوجه كلامى حسب ما يقتضيه الواقع ,, ووجهت كلامى نحو تيار الاسلام السياسى ,, وبما ان الاخوان هى رأس الحربه بالنسبه له ,, فكان العنوان

الآخوان الى اين ؟؟؟؟


من خلال اسئلتى القادمه تستطيع عزيزى القارئ ان تدرك من الاجابات اين المسار الذى من المحتمل ان يصل اليه تيار الاسلام السياسى

لكن اعلم ,, ان اجابتك قد تختلف عن اجابات الاخرين ,, فحاول ان تكون منصفا مع ذاتك ,,,



هل يدرك الاخوان ان تغلغلهم فى شتى مناصب الدوله لا يؤسس لدوله مدنيه تقوم على الحق والعدل ,, اذ ان اجمالى ما حصل عليه مرشحهم فى الجوله الاولى كان اكثر من 5 ملايين صوت بقليل ,, ولولا اصوات تيارات الثوره لما كتب الله لهم استمرار نبضهم السياسى الذى يقلقنا الى الان ؟؟؟

هل يدرك الاخوان ,, ان تمكين عناصر اخوانيه فى المحافظات التى احجمت عن التصويت لهم لن يكونوا باى حال من الاحوال فى مرتبة المندوب السامى فى هذه المحافظه او تلك حتى يستطيع ان يوجه ارادتهم الى ما سمى زيفا مشروع النهضه ؟؟


هل يدرك الاخوان ,, ان سيطرتهم على قوى الامن بالمحافظه عليهم بدون تطهير قد يجلب لهم الامن المؤقت والتحالف الوثيق لحماية تواجدهم فى سدة الحكم فى الوقت الذى نعلم فيه جميعا ان مهما كان قوة هذا التحالف فهو لاشئ اذا ما قورن بخضوع تلك الجهات الامنيه لمبارك وحاشيته فى السابق ومع ذلك سقطوا ؟؟؟

هل يدرك الاخوان ,,, ان مصر قتيلها ومريضها وعاجزها ومشردها كان للفساد جزءا كبيرا منه وان من اقاموا اسس الفساد فى مصر لايزالوا على قائمة اولويات التعاون مع الاخوان بشكل او باخر حتى أصبحنا نسمع نفس الاقوال ونرى نفس الافعال ,, وكلى قلق ان ننتظر نفس النتائج ؟؟؟


هل يدرك الاخوان ,,,, ان انحيازهم الايدولوجى فى السياسه الخارجيه يكاد يكون موازيا لتحيز مبارك اللاعقلانى تجاه قضايا عده كالقضيه الفلسطينيه مثلا ,, فمبارك ناصر حركة فتح بدون حدود واقصى حركة حماس الى ابعد بعيد ,, وهكذا الاخوان فعلوا فهم يناصرون حركة حماس بدون حدود واقصوا حركة فتح الى ابعد بعيد ؟؟؟


هل يدرك الاخوان ,, ان محاولة زعزعة الانظمه فى العالم العربى تحت غطاء اخوانى مستتر قد يكون فى عجاله من الامر وبدون وعى اذا ما قورنت الطبيعه السياسيه لدول مثل دول الخليج بكل ما تحمله بداخلها من طبائع قبليه وقيود عشائريه وبلاد مفتوحه لا تحكمها العشائريه ولا القبائليه مثل مصر وتونس ,, انها قد توؤثر بالسلب على المشروع المصرى فى النهوض بالمنطقه وتقلدها زمام تلك النهضه وقد تفتح المجال للعديد من اللاعبين الدوليين فى بسط نفوذ اكبر واكثر تجاه خطط استعادة مصر لمكانتها ؟؟؟


هل يدرك الاخوان ان قوى المعارضه المفلسه فى التنظيم والمتناهية الصغر فى الشارع هى الضمان الحقيقى لاستمرار حزب الحريه والعداله الزراع السياسى لجماعة الاخوان فى الحكم وان اى محاوله اخوانيه تتشابه فى مضمونها التجربه المباركيه لتصفية تلك المعارضه هى ايذانا ببدء الانحدار الاخوانى نحو نفس المصير القاتم الذى انتظره البعض ابان ثورة 25 يناير ونحن لانزال فى البدايه ؟؟؟


هل يدرك الاخوان ,, ان صبغ دوله بحجم مصر وتاريخها الناصع بصبغه واحده هو امر قد يتندر به فى المستقبل ,, فعبقرية مصر أتت ممن المكان وعبقرية المكان تكمن فى تعدد من يعيش عليه منذ الاف السنين ,, وفى كل الحقب الزمنيه بماف يها الدوله الاميه الاولى بقيادة عمرو ابن العاص ظن الناس ان الامر قد لان ,, وما من لين يذكر ,, فالمسيحيه لازالت فى مصر والمصريين لايزالون يحتفلون بشم النسيم ,, والتماثيل لاتزال ترقى فى شتى بقاع مصر وتقف الاهرامات خالده بينما ينظر لكم ابو الهول بتعجب وهو يراكم تطمحوا الى ما فشل فيه كل من سولت له صبغ تلك البلد بلونه او بشعاره ؟؟؟


هل يدرك الاخوان ,, ان تأسيسية الدستور قد يغض الطرف عنها وعن تشكيلها الآسوء اذا ما نجحت فى اقتناص الفرصه بصياغه حديثه لدستور يعبر عن شتى اطياف المجتمع المصرى بعيدا عن تلك المفاهيم الضيقه الطفوليه التى يمارسها البعض بضيق افق وترنح نتيجة انغلاقه تحت دعوى المحافظه على احكام الشريعه التى بالكاد يستطيع يتفهمها هو وفق ما يحلوا له من المراجع الدينيه لا ما يتفق عليه الجميع ,,, ؟؟؟


هل يدرك الاخوان ,, ان من ضمن احكام الشريعه التى يسعى الاسلاميين لتطبيقها نوع من الاستدلال يكاد يغيب عن اعينهم الا وهو الاجماع ,,, اذا فدعونا نطالع احكام الشريعه بين شتى التيارات الدينيه بما فيها الازهر لنحصل على المجمع عليه وندع ما اختلف فيه متاحا لكل عباد الله يأتون فيه ما يرنه مناسبا من المذاهب ,,, هل يعقل ان اكون شافعيا واحكم وفق المذهب الحنبلى كما يحدث بالسعوديه مثلا ؟؟؟


هل يدرك الاخوان ,,, ان محاولات الايحاء بان الشعب المصرى قد (( تأخون )) هى مسار شفقه من ابناء الشعب خصوصا الطبقه الكادحه الذين يتابعون الوضع السياسى ,, ويتمنون لو اخبروهم بان اغنية (( هاتى بوسه يا بت )) هى أشهر من كل خطب الرئيس مرسى ؟؟؟


هل يدرك الاخوان ,,, ان تحجيم الحاله السياسيه المصريه فى تيارين احدهما يدعى مجازا انه (( التيار الاسلامى )) مما يهيئ العقول الى ان التيار الاخر بالاكيد خارج نطاق الاسلام ,, مثلا ,,, لم ولن يحدث هدوء سياسى ولن يدعم الدوله المدنيه التى تشدقوا بها ليل نهار ,, ولن يكونوا بمثابة الحزبين الديمقراطى والجمهورى فى امريكا ,,, اذ ان الاخيرين تختلف الاجنده بينهما فى امور فكريه وسياسيه وتنظيميه كمظلة التأمين الصحى والموقف من قضايا عالميه بعينها والبطاله والاستثمار العقارى الى ما هنالك من القضايا ,, اما نحن فصراع السياسه بين التيارين (( الاسلامى ** مجازا )) و (( التيار المدنى ** مجازا ايضا )) هو صراع ايدولجى بعيد كل البعد عن هموم وقضايا ومشاكل المواطن البسيط ,و وان حسم هذا الصراع قد ينبئ بكارثه حقيقيه لم تحدث الا مره واحده ابان هجوم المغول على مصر ؟؟؟؟

هل تدرك عزيزى قارئ تلك السطور انك الوحيد القادر على ضبط ايقاع هذا الخلل الذى اعترى الحياه السياسيه المصريه بتفاعلك ونشاطك واطلاعك ومن ثم بلورة افكارك ودمجها وتحريكها فى شكل افعال على الارض ؟؟؟؟


بشكركم على المتابعه

بالتوفيق

[حنـــــون]

ولانهم بيجاهدوا من اجل الجماعه
مش من اجل الوطن زى ما بيقولوا
مافيش حاجه بتتغير ومش قادرين يثبتوا
حسن نوايهم الى مش موجوده اصلا
كل فئه بتسعى لتحقيق اهدفها هى
ماحدش بيسعى لتحقيق اهداف الشعب
الى خلاص انهكته كتر الفقر والفساد والكلام الى بيهدى
من غير ما يغير اى وضع ولو بسيط
شكرا ع الموضوع ياسيد ^^

[روح صامتة]

موضوعك حلو ومليء بالافكار
بس قولي ازاي هنقدر نغير احنا ردا ع اخر سطرين من موضوعك ,,
طيب ع النت وماشي حالنا وبنعترض ,, بس ع الواقع ازاي انا احقق معادلة زي دي ,,
ع العموم شكرا ع كلامك وتساؤلاتك مقتنعة بيها ^^
ارق تحياتي

[أحمد الخزرجى]

[قلم بلا حبر]

اقتباس المشاركة الأصلية كتبت بواسطة أحمد الخزرجى

وهو ده نفس الكلام لكل واحد اخوانى

انتم ليه مبتتغيروش

نفس الاساليب ونفس الممارسات

بنديكوا الثقه لفتره وبردوا مبتكونوش اهل ليها ,, طل ليه ؟؟؟

ايه اللى فى دماغكوا ,, هل بتحلموا تحكموا العالم مثلا ؟؟

طيب هل لو ده حصل انتم مفكرين ان العالم مش حيكون فى معارضه ليكم ؟؟؟

ده النبى صلى الله عليه وسلم كان ليه معارضه ,,, انتم ليه بتستهينوا من قدرات الناس ؟؟؟

يعنى انت مثلا كل ردك اختصرته فى (( ان الله لا يغير ما بقوم حتى يغيروا ما بانفسهم )) ,, ومين قالك اننا مبنعملشى ده ,,, هل عندك الحاسه السادسه مثلا ؟؟؟

لا بجد ,, محتاجين توضيحات لحاجات كتير ,, انتم ليه مصعبينها قوى كده ,, هو العمل السرى على مدار السنوات اللى فاتت دى كلها عملت ليكم عقد نفسيه مثلا ؟؟؟

ايه المانع من انكم يكون ليكم برنامج وغيركم كمان يكون ليه برنامج حتى لو مخالفكم 100% ,, فالحكم للناس ,, انما ازاى تكونوا خصم وحكم واى معارض ليكم يا اما فاسق يا اما عميل او محتاج يغير من نفسه ؟؟؟

انا لو قعدت اكتب فى استفسارات مش حخلص ,, بس الاستفسار الاهم بصرف النظر عن مبدأ الشورى عندكم ,, انتم فعلا نسيتم ان قوتكم فى الشارع بانت قوى فى المرحله الاولى من الانتخابات ,, يعنى بعد السكر والزيت وكل اللى فى وسعكم عملتوه فى الاخر 5 مليون صوت ,,,

انتم فاكرين احمد شفيق جاب كام صوت ؟؟؟؟؟


ليه مش عايزين تعيشوا الواقع ؟؟؟؟

قلنا ربنا حيهديكوا وتكون نتيجة الانتخابات فوقتكم لحجمكم الحقيقى ,,. بس برضه رجعتوا تلعبوا نفس اللعبه ,, يعنى ايام الانتخابات مكناش بنسمع غير نعم وحاضر من الاخوان لانهم كانوا عارفين شفيق لو كسب حيعمل ايه ,, ومع ذلك الثوره اداتكم 8 مليون صوت ,,,, ليه بتقاوموا بالطريقه الملتويه دى ؟؟؟؟

ليه مبتحبوش تشتغلوا سياسه نضيفه من غير سياسة بير السلم ؟؟؟

فى جمعة الحساب رحتوا واتخانقتوا مع التيار المدنى ,, واللى عيطتم منه فى موقعة الجمل عملتوه بايديكم ,, طب ليه ؟؟؟

هل ده جزاء الناس اللى قالت نديهم فرصه مثلا ؟؟؟

هل ده التغيير الاسلامى اللى تقصدوه ,, بالرغم من ان المفروض فى بينا وبينكم عهد انتم انقلبتم عليه ,, والرسول صلى الله عليه وسلم عمره ما خان عهد ,, والاسلام امنا على العهد مع الزمى فما بالك بالعهد مع مسلم ؟؟؟؟


ليه مش عايزين تفهموا ان مصر اوسع منكم بكتير قوى ,, وان كل المحاولات للهيمنه عليها حتفشل ,, وللاسف اى مغامره غبيه زى القرارات اللى ااتراجع فيها مرسى ممكن تولع البلد ,, هل عندكم استعدادا تولعوا فى البلد علشان بعض وصايا قالها البنا فى التلاتينات ؟؟؟؟

البنا مش نبى معصوم ولا امام لا يخطئ ,,, والدنيا اتغيرت ,, ولو هو موجود كان ممكن يقولكم تانى (( لاهم اخوان ولا هم مسلمون )) زى ما قالها لكم زمان ,,, ليه مش عايزين تحسوا بالعصر وبالزمن وبتغيره ؟؟؟؟


ليه مفكرين ان فى سبيل الله التأمر يبقى حلال ,, مع ان فى طريق اقرب الى الله ,, اننا نشتغل بضمير ونكون متقدمين جدا ساعتها الناس حتفهم يعنى ايه اسلام عملا لا قولا ,,, ؟؟؟

ليه بتلعبوا بالتنظيم الدولى على انه ورقه ممكن تطضغطوا بيها على الدول ,,, وتورطوا مصر معاكم فى دول بتحكمها القبليه ,, صحح الاسلام مبيعترفشى بالقبليه ,, بس زى ما عندنا رفضنا التغيير من الخارج سيبوهم برده يغيروا دولهم من الداخل ,, وبلاش تصدروا ليهم افكاركم ؟؟؟

ليه حاسين ان النهضه بالاتساع الافقى ,, مع انكم لو حتقروا تاريخ حتعرفوا ان محمد على قبل ما يتوسع افقى قدر يوقف مصر على رجلها بالعلم وبالبعثات اللى بعتها بره تدرس ونقلت ليه علوم الغرب ,,, انتم اول ما شطحتوا نطحتوا ,,

ليه ميكونشى عندكم فقه الاولويات ,, مش بقول نحجم دور مصر لان مصر كبيره ,, بس على الاقل نقوم بالدورين على اكمل وجه ,, اللى شايفه ان الاجنده المصريه متأخره قوى ؟؟؟


اخر سؤال بقى


هو انت ليه مردتشى ولا على سؤال من اللى فى الموضوع وسيبك بقى من حجج الاخوان الباطله اللى بيستدلوا بأيات من القران فى غير مواضعها زى (( لا تسألوا عن اشياء ان تبد لكم تسؤكم )) او زى ما حضرتك قلت كده (( ان الله لا يغير ما بقوم حتى يغيروا ما بانفسهم ))

احرجنى وعرفنى غلطى وبعد كده قولى غير نفسك ,,

انما لو معندكشى القدره على الرد او مش قادر ترد او معندكشى الفهم الكافى انك ترد ,,

يبقى انا اللى اقولك روح غير نفسك وشوف انت ليه كده


بالتوفيق

[dr.K!tKat]

قلم بلا حبر .. بحييك على فضفتك واســـئلتك
كلامك فى شئ من المظبوووط بس طبقا للوقت وللمعايير اللى بنعيشها :- بقا صعب اووى نحكم على اى فصيل كان هل هو بيعمل لمصلحة البلد ولا مصلحة نفســـــه !! ,,
مصر لو مــحتاجة شئ فاّخر شئ محتاجاه ان حد يبدى رأيه او يكتب يشرح وجهه نظره السياســــــية او يطلع على الفضائيات يعمل شـــو سياسى رهيب محصــــــلش ,,
مصر فعلا مش محتاجة كل ده ولا لأى حد ,, احنا استكفينا اراء ووجهات نظر وسياسين ملهومش فيها ,, يمكن هى محتاجة الصبر - محتاجة يمكن نحسن النية بالناس اللى ماسكينها - محتاجة زى ما صبرنا 30 ســنة نصبر حتى ولو سنة نسمع ومنتكلمش - نديهم فرصه يـــثبتو الكلام اللى بنقوله - مش محتاجين حتى لو فى قرار صح نقوم نسقفله ولا المفروض لو شئ غلط نهد الدنيا باللى فيها على دماغهم ودماغنا ..
هما مش ماششين على خطة حسب كلامهم اديهم فرصة ينفذوها بعدين احكم عليها متجييش تحكم فىنص المشوار وتقولهم انتو غلط ولا صح !! طبعا مبقولش نبقا سلبين حاشا لله ولا بقول منتظاهرش ومنعليش صوتنا لا سمح الله بس قبل ما يعلى صوتنا خلونا نفكر الاول مين المسسستفيد من ده صوتك ده هيبقا مجرد قصة تعطل بيها مصالح البلد يومينن كده وترجع تمشى تانى - بجد الصبر هو الحل لكل ده وقبل كده احسسسسسسسسن فيهم النية لان احنا لازم نعمل كده مش عشانهم بس لو بتفكر فى مصر يبقا عشااان مصــــر - اللى لو ضاعت هتضيع بسبب تناقض الناس والفصائل ومحاربتهم لبعض بدون اى داعـــــــى

..

لاحظت فى ردك انك بتقول ان احنا بنغير من نفسنا لو انت بتعمل كده فقول انا بغيير من نفسى عشان بداية التغيير انك تتكلم باسم نفسك ومش باسم الناس واحكم على نفسك مش على الناااس ,, لان لو كل واحد فعلا غير من نفسه بضمير مكانش ده لسا بقا حاانااا .

..
بحيييك مرة تانية ع التــــــوبيك قلم
..

[قلم بلا حبر]

اقتباس المشاركة الأصلية كتبت بواسطة dr.k!tkat قلم بلا حبر .. بحييك على فضفتك واســـئلتك كلامك فى شئ من المظبوووط بس طبقا للوقت وللمعايير اللى بنعيشها :- بقا صعب اووى نحكم على اى فصيل كان هل هو بيعمل لمصلحة البلد ولا مصلحة نفســـــه !! ,, مصر لو مــحتاجة شئ فاّخر شئ محتاجاه ان حد يبدى رأيه او يكتب يشرح وجهه نظره السياســــــية او يطلع على الفضائيات يعمل شـــو سياسى رهيب محصــــــلش ,, مصر فعلا مش محتاجة كل ده ولا لأى حد ,, احنا استكفينا اراء ووجهات نظر وسياسين ملهومش فيها ,, يمكن هى محتاجة الصبر - محتاجة يمكن نحسن النية بالناس اللى ماسكينها - محتاجة زى ما صبرنا 30 ســنة نصبر حتى ولو سنة نسمع ومنتكلمش - نديهم فرصه يـــثبتو الكلام اللى بنقوله - مش محتاجين حتى لو فى قرار صح نقوم نسقفله ولا المفروض لو شئ غلط نهد الدنيا باللى فيها على دماغهم ودماغنا .. هما مش ماششين على خطة حسب كلامهم اديهم فرصة ينفذوها بعدين احكم عليها متجييش تحكم فىنص المشوار وتقولهم انتو غلط ولا صح !! طبعا مبقولش نبقا سلبين حاشا لله ولا بقول منتظاهرش ومنعليش صوتنا لا سمح الله بس قبل ما يعلى صوتنا خلونا نفكر الاول مين المسسستفيد من ده صوتك ده هيبقا مجرد قصة تعطل بيها مصالح البلد يومينن كده وترجع تمشى تانى - بجد الصبر هو الحل لكل ده وقبل كده احسسسسسسسسن فيهم النية لان احنا لازم نعمل كده مش عشانهم بس لو بتفكر فى مصر يبقا عشااان مصــــر - اللى لو ضاعت هتضيع بسبب تناقض الناس والفصائل ومحاربتهم لبعض بدون اى داعـــــــى .. لاحظت فى ردك انك بتقول ان احنا بنغير من نفسنا لو انت بتعمل كده فقول انا بغيير من نفسى عشان بداية التغيير انك تتكلم باسم نفسك ومش باسم الناس واحكم على نفسك مش على الناااس ,, لان لو كل واحد فعلا غير من نفسه بضمير مكانش ده لسا بقا حاانااا . .. بحيييك مرة تانية ع التــــــوبيك قلم ..

سبحان الله يا ,, دكتوره كت كات صح ؟؟

من تقريبا ساعه واحد من الناس اللى عرفانى بيقولى انت غيرت موقفك انت المفروض كنت بتساند الاخوان او على الاقل الريس مرسى وهو فى الاخر منهم ,, ليه قلبت عليهم ؟؟؟

سؤال كان صريح وواضح ,,, والاجابه عليه كانت برده بنفس الوضوح

ان لافرصه اللى حضرتك قلتى عليها انا واحد من الناس منحتها ليهم ,, ولو تلاحظى انا متكلمتش عن اى حاجه تنفيذيه ,,, انا اتكلمت فقط عن سياسات

انتى عارفه ان السياسات دى اصلا اسمها الاسس ,, واكيد برده عارفه ان لو الاساس مش مظبوط يبقى متستناش خير بعد كده

يعنى حضربلك مثال وبرده من الموضوع

حاجه زى التوازن بين طرفى القضيه الفلسطينيه ,, مش محتاج فرصه ولا محتاج وقت ,,

الريس مرسى استقبل هنيه واستقبل مشعل فى قصر الرئاسه ,, هنيه تقريبا مرتين غير المره بتاعت جامع الازهر قبل الثوره ومشعل التقاه مرتين مره فى تركيا فى احتفالات حزب العداله والتنميه بقيادة رجب طيب اردوغان ,, والمره التانيه كانت فى اقصر الجمهورى ,, ده بخلاف الفاعليات اللى حضرها كل واحد فيهم

طيب انت راجل اخوانى واحنا عارفين ان حماس ميولها اخوانيه ,, بس متنساش انك مش رئيس الاخوان ,, انت رئيس مصر ,,, ورئيس مصر فى سياسته لازم يعبر عن دور مصر فى المنطقه مش عن دور الاخوان فى المنطقه

ودور مصر بيقول انها تجمع شقيقى الصراع فى فلسطين على مائده واحده بدون تمييز بين احدهما ,,, انما اللى حاصل غير كده

هل ده محتاج وقت يا دكتوره والا محتاج قرار سياسى يخرج بيه عن عباءة الاخوان ؟؟؟؟

فى النهايه دلوقتى رجب طيب اردوغان وعد انه يزور غزه بس بشرط مرافقة ابو مازن ليه ,,, يعنى احنا المصريين اصحاب القضيه اتحزبنا لطرف ضد طرف ,, وجت تركيا عملت فيها الام الكبيره وحتاخد الاتنين على جناحيها

عرفتى بقى ان لافتكير الضيق اللى اتمارس فى قضيه زى دى ,, مش محتاج فرصه بمعنى الوقت ,, هو محتاج احساس بالمسؤوليه واحساس بالمنصب ان رئيس مصر مختلف تماما عن رئيس الاخوان

رئيس مصر مش اقل من رئيس وزراء تركيا علشان يكون على الدرجه دى من الفكر السياسى المحنك ,,,

مهما كان الطرف اللى الضفه غلطان او اللى فى غزه غلطان ,,


ادى حاجه من ضمن الحاجات الكتير اللى جت فى الموضوع اللى مش محتاجه وقت زى ما حضرتك قلتى بالشكل اللى متخيلاه ,, لانها سياسات المفروض اساسا الرئيس بيعبر عنها فى برنامجه وبيبدأ يمشى عليها من اول يوم

انا بتكلم عليها بعد مرور اكتر من 100 يوم

اما بقى اللى محتاج وقت زى تعمير سينا وزى المرور وزى النضافه الحاجات الىل هو وعد بيها واللى انا وغيرى كنا متأكدين انه ميقدرشى ينفذها فى 100 يوم ,, فدى اصلا فى اى دوله محترمه المفروض انه يقدم استقالته لانه مش قادر يدرك حجم التحديات بالنسبه لقضايا زى دى بحيث انه يديها الوقت الكافى لتحقيقها ,, يبقى ازاى ممكن اامنه على قرار مهم ومصيرى زى قرار الحرب مثلا ,, يقول الحرب بعد 5 ايام واحنا اساسا مش جاهزين ليها الا بعد 5 سنين

فى حاجات ممكن نعديها وفى حاجات لازم نقف عندها ,, واتاحة لافرصه مش معناها الصمت ولا الخنوع ,, اتاحة لافرصه لازم يقابلها من الطرف التانى اثبات حسن نوايا ,, انما اللى انا شايفه ان المحافظه اللى بتعترض على محافظها لو اخوانى ,, بيروح حاطط نائب للمحافظ اخوانى زى اسكندريه كده بالظبط ,,, وكأننا بنلعب لعبة القط والفار ,,, هو لو مسكها واحد مش اخوانى حرام مثلا ؟؟؟ ,,, حقهم انهم يحصلوا على مناصب ,, بس احنا فى مرحله انتقاليه بتستوجب انكار الذات لما يبقى عندنا دستور وعندنا مجالس نيابيه ابقوا خدوا يا عم المناصب اللى انتم عايزينها


الحاجه الاخيره بقى هى الجزئيه دى

اقتباس لاحظت فى ردك انك بتقول ان احنا بنغير من نفسنا لو انت بتعمل كده فقول انا بغيير من نفسى عشان بداية التغيير انك تتكلم باسم نفسك ومش باسم الناس واحكم على نفسك مش على الناااس ,, لان لو كل واحد فعلا غير من نفسه بضمير مكانش ده لسا بقا حاانااا .

تصدقى مبحبش حد يدينى اوامر ههههههههه :d

لا والله حكلمك بجد ,, بصى انتى مفهمتيهاش بس مش اكتر ,,, لما اقول فى كلامى (( ان احنا بنغير من نفسنا )) فده معناه انى بتكلم عن نفسى وعن اللى موافقنى على كلامى ,, واظن ان فى ناس فوق وافقت على مضمون الموضوع ,, يعنى هم معايا فى نفس التوجه ,,

انتى اخدتيه بشكله الاكبر انى بتكلم عن كل معارضى الاخوان ,,, وده مش صحيح ,,, انا لما بكتب الموضوع بتكلم عن نفسى ,, لما الاقى ردود متفقه معايا فى نفس التوجه بيكون ليا الحق لو ناقشت المعارضين انى اتكلم باسمهم فى نفس مساحة الموضوع مش بره عنه ,,

على فكره فى ناس عامله لايك

ان شاء الله تكون وصلت ,,,

بالتوفيق

[الرحــاال المٌتَمرد]

سرد واقعى للاحداث بنعيشها على الارض


من البدايه انا كنت ضد الاخوان سياسياً

لانى كنت عارف بالظبط سياستهم

ارتكبوا جرائم وكوارث وكانوا عامل من ضم العوامل اللى ساعدت على اللى احنا فه دلواتى ,,,

من اول يوم نزلوا فيه الثوره وحسوا انهم العامل الاهم فى نجاحها واللى خلاهم بعد كدا يعتلوا المشهد

ويطالبوا بحقوقهم فيها واستغلوا شعبيتهم الاكبر ,, وبعدها بدئوا يخططوا للبلد واحده واحده

من اول ما عملوا تحالف مع القوي السياسيه ,, وفى الوقت المناسب فصلوا نفسهم عن الجميع

ودا كان مخطط للحصول على اكبر نسبه فى البرلمان ,, ودا لوحده مكسب ,, يخلنى الغالبيه الصامته تمشى معاهم عل اساس انهم الصح ومعاهم النسبه الاكبر من اصوات الشعب

مرورا بــ الرئاسه والنقابات , ودلواتى المحاليات وغيره ,,

والغريب فى الامر انهم لا يقبلوا النقد ,, (بالابتسامه البارده)

ويبرروا المواقف ,, وكأنهُم بقوا أولي الأمر ووصيه على الشعب

طبعاً دا غير المواقف اللى مرسى أتصرف فيها بقرار (جماعى)

والقرارت اللى تقاعص فيها وكان له تحيز وميول ,, ودا ان دلل على شىء يدل علي


أننا بقينا دوله المرشد ,,


ومع كل اللى قولته انا شايف اننا نعالج السلبيات افضل من طلب اسقاط النظام

لان دا فى مصلحه البلد فى الفتره دي ,, وفرصه اخيره للاخوان ان كانوا عاوزين يخدموا البلد

وأعتقد ان فى كلا الاحوال ,, دوله الاخوان لن تدوم غير 4 سنوات ,, ان انتهت فتره رئاسه مرسى على خير




احتراااامي للمجهودك وموضوعاتك يــ أ/ سيد

[dr.K!tKat]

اقتباس المشاركة الأصلية كتبت بواسطة قلم بلا حبر سبحان الله يا ,, دكتوره كت كات صح ؟؟ من تقريبا ساعه واحد من الناس اللى عرفانى بيقولى انت غيرت موقفك انت المفروض كنت بتساند الاخوان او على الاقل الريس مرسى وهو فى الاخر منهم ,, ليه قلبت عليهم ؟؟؟ سؤال كان صريح وواضح ,,, والاجابه عليه كانت برده بنفس الوضوح ان لافرصه اللى حضرتك قلتى عليها انا واحد من الناس منحتها ليهم ,, ولو تلاحظى انا متكلمتش عن اى حاجه تنفيذيه ,,, انا اتكلمت فقط عن سياسات انتى عارفه ان السياسات دى اصلا اسمها الاسس ,, واكيد برده عارفه ان لو الاساس مش مظبوط يبقى متستناش خير بعد كده يعنى حضربلك مثال وبرده من الموضوع حاجه زى التوازن بين طرفى القضيه الفلسطينيه ,, مش محتاج فرصه ولا محتاج وقت ,, الريس مرسى استقبل هنيه واستقبل مشعل فى قصر الرئاسه ,, هنيه تقريبا مرتين غير المره بتاعت جامع الازهر قبل الثوره ومشعل التقاه مرتين مره فى تركيا فى احتفالات حزب العداله والتنميه بقيادة رجب طيب اردوغان ,, والمره التانيه كانت فى اقصر الجمهورى ,, ده بخلاف الفاعليات اللى حضرها كل واحد فيهم طيب انت راجل اخوانى واحنا عارفين ان حماس ميولها اخوانيه ,, بس متنساش انك مش رئيس الاخوان ,, انت رئيس مصر ,,, ورئيس مصر فى سياسته لازم يعبر عن دور مصر فى المنطقه مش عن دور الاخوان فى المنطقه ودور مصر بيقول انها تجمع شقيقى الصراع فى فلسطين على مائده واحده بدون تمييز بين احدهما ,,, انما اللى حاصل غير كده هل ده محتاج وقت يا دكتوره والا محتاج قرار سياسى يخرج بيه عن عباءة الاخوان ؟؟؟؟ فى النهايه دلوقتى رجب طيب اردوغان وعد انه يزور غزه بس بشرط مرافقة ابو مازن ليه ,,, يعنى احنا المصريين اصحاب القضيه اتحزبنا لطرف ضد طرف ,, وجت تركيا عملت فيها الام الكبيره وحتاخد الاتنين على جناحيها عرفتى بقى ان لافتكير الضيق اللى اتمارس فى قضيه زى دى ,, مش محتاج فرصه بمعنى الوقت ,, هو محتاج احساس بالمسؤوليه واحساس بالمنصب ان رئيس مصر مختلف تماما عن رئيس الاخوان رئيس مصر مش اقل من رئيس وزراء تركيا علشان يكون على الدرجه دى من الفكر السياسى المحنك ,,, مهما كان الطرف اللى الضفه غلطان او اللى فى غزه غلطان ,, ادى حاجه من ضمن الحاجات الكتير اللى جت فى الموضوع اللى مش محتاجه وقت زى ما حضرتك قلتى بالشكل اللى متخيلاه ,, لانها سياسات المفروض اساسا الرئيس بيعبر عنها فى برنامجه وبيبدأ يمشى عليها من اول يوم انا بتكلم عليها بعد مرور اكتر من 100 يوم اما بقى اللى محتاج وقت زى تعمير سينا وزى المرور وزى النضافه الحاجات الىل هو وعد بيها واللى انا وغيرى كنا متأكدين انه ميقدرشى ينفذها فى 100 يوم ,, فدى اصلا فى اى دوله محترمه المفروض انه يقدم استقالته لانه مش قادر يدرك حجم التحديات بالنسبه لقضايا زى دى بحيث انه يديها الوقت الكافى لتحقيقها ,, يبقى ازاى ممكن اامنه على قرار مهم ومصيرى زى قرار الحرب مثلا ,, يقول الحرب بعد 5 ايام واحنا اساسا مش جاهزين ليها الا بعد 5 سنين فى حاجات ممكن نعديها وفى حاجات لازم نقف عندها ,, واتاحة لافرصه مش معناها الصمت ولا الخنوع ,, اتاحة لافرصه لازم يقابلها من الطرف التانى اثبات حسن نوايا ,, انما اللى انا شايفه ان المحافظه اللى بتعترض على محافظها لو اخوانى ,, بيروح حاطط نائب للمحافظ اخوانى زى اسكندريه كده بالظبط ,,, وكأننا بنلعب لعبة القط والفار ,,, هو لو مسكها واحد مش اخوانى حرام مثلا ؟؟؟ ,,, حقهم انهم يحصلوا على مناصب ,, بس احنا فى مرحله انتقاليه بتستوجب انكار الذات لما يبقى عندنا دستور وعندنا مجالس نيابيه ابقوا خدوا يا عم المناصب اللى انتم عايزينها الحاجه الاخيره بقى هى الجزئيه دى تصدقى مبحبش حد يدينى اوامر ههههههههه :d لا والله حكلمك بجد ,, بصى انتى مفهمتيهاش بس مش اكتر ,,, لما اقول فى كلامى (( ان احنا بنغير من نفسنا )) فده معناه انى بتكلم عن نفسى وعن اللى موافقنى على كلامى ,, واظن ان فى ناس فوق وافقت على مضمون الموضوع ,, يعنى هم معايا فى نفس التوجه ,, انتى اخدتيه بشكله الاكبر انى بتكلم عن كل معارضى الاخوان ,,, وده مش صحيح ,,, انا لما بكتب الموضوع بتكلم عن نفسى ,, لما الاقى ردود متفقه معايا فى نفس التوجه بيكون ليا الحق لو ناقشت المعارضين انى اتكلم باسمهم فى نفس مساحة الموضوع مش بره عنه ,, على فكره فى ناس عامله لايك ان شاء الله تكون وصلت ,,, بالتوفيق

والله وجهة نظرك سليمـــــــــة وتفكيرك ايجابى بس الفكرة انك يمكن مفهمتمش ردى - انا مدافعتش عن الاخوان - انا حبيت اقول اللى شايفه فيه المصلحة لعامة من وجهة نظرى ,,
قولى : هو بما اننا مش عاجبنا سياسة الاخوان ولا سياسة الدكتور مرسى ايه الحل نغيرهم !! عندك وقت تانى تضيعه - عندك مصالح تانية تعطلها - عندك استعداد تسسسمع مناظرات وخناقات وتيارات من اول وجديد
فى حاجة كمان حبا الفت نظرك ليها .. الدكتور مرسى فكره فكر اخوانى متربى على التفكير ده متنتظرش منه انه يغيره - صعب الانساان يغير تفكيره استحااله فاذن بكلامك وكلامى وكلام الساسة المبحلييين مش هيفيد بس هيضـــــر ,,
انا لما طلبت نثق فيهم ونديهم فرصة حتى لو مش يستاهلوها مطلبتش كده عشان مؤمنه بيهم او بأمل فيهم خير لاء عشششان مفيش ف ايدى غير كده طبقا للظروف اللى عيشينها والوقت للى مبقاش مساعينا :d

اانا لمم عارضتك ف فكرة التغيير كان غرضى بس اوصلك ان مفيش حد بيتغير وان انا فعلا واثقة ان لو احنا اتغيرنا من جوانا البلد هتتغيـــــــر بس فييين !!!

الناس عملو لايك !! - صدقنى انا واحدة من اللى قرأت موضوعك وعجبها تفكيرك الفرق انى نسسسيت اعمل لايك