زكرياتي مع المنتدي | مع ماتركس ( مسابقه آدم وحواء )

[აα∂ Ԑγεა]

السلام عليكم ورحمه الله وبركاته
اهلا وسهلا بيكم اعضاء المنتدي
واتمني تكونو بخير يارب

النهارده و كالعاده ضمن المسابقه المميزه
" مسابقه آدم وحواء "
االدور المره دي علي توبيك حواري مع احد الاعضاء
وانا اخترت فكره الحوار تكون عن المنتدي
بعنوان
" زكرياتي مع المنتدي "



هنستضيف عضو من الاعضاء البارزين في المنتدي
وأسأله عن ذكرياته مع المنتدي
بدأيته تألقه طلوعه لحد المرحله اللي وصلها دلوقت
عرف مين عجبه مين اتخانق مع مين
وكل حاجه في ذكرياته في الفتره اللي قضاها

اتمني فكره التوبيك تعجبكم
وتخليني اكمله بقي





واول ضيف معاياا
احد الناس المميزين جدا في المنتدي
ومن الاعلي مشاركات
واداري منتخب سابق
ومراقب عام في المنتدي
" ماتركس "
-- قناص العرب --


اهلا وسهلا بيك الاول يا احمد
بشكرك علي قبول الدعوه
ويلا نبدا الاسئله نبدا الاسئله



اتفضل ياريس


الاول اسمك

احمد الشريف


بتستخدم الانترنت من امتي ؟

ممكن اقول بستخدمه من 2005


اشتركت في كام منتدي قبل كده ؟

هما منتدين اول واحد كان اسمه ملتقي الاخوه كان سعودي

وبعدها سبتو واشتركت هناء ومعنديش اشتراكات غير هناااا


عرفت منتدي بنات مصر ازاي ؟

عرفتو من ابن عمي حفيد الفراعنه هوه اللي عرفني عليه

كنت قاعد علي النت وبندردش معا بعض فاقلي عليه فاشتركت فيه

وتاريخ اشتراكك بالظبط ؟

27/10/2009

كان يوم خميس فاكرو لغايه دلوئتي

ولو غيرت اسمك قبل كده ايه اول اسم اشتركت بيه ؟

لا انا مشترك باسم الماتركس

وهفضل طول عمري ماتركس





احساسك كان ايه اول ما اشتركت جديد ؟

بصراحه كنت بكره الاعضاء كلها علشان كان عندهم مشاركات كتير وانا معنديش كنت حقود عليهم
ومن ساعتها بدات في الحماس علشان كده عندي مشاركات كتير اهوه


اول اعضاء لفتو انتباهك وانت عضو جديد ؟

اول عضو كان فتي المدينه المنوره علشان كان اعلي المشاركين اياامها
بجد كنت بعزه اوي واعز صاحب ليه بس اختفي فاجي بقي


ايه اكتر قسم اهتميت بيه في بدايتك ؟

قسم النقاش والحوار الجاد

كنت بحبه اوي وكان فيه اعضاء بجد بيشدوك لنقااش ايامها


وايه اللي مكانش في اهتمامك لكن حبيته هنا ؟

قسم الرجال مكنتش بهتم فيه بس حبيته وبقيت مشرف عليه


ايه اول توبيك عملته في المنتدي ؟

عملت ترحيب وساعتها قوالت فيه اني انا دخل المنتدي علشان ابقي اعلي واحد في المشاركات
وهخلي كل الاعضاء تحت مني
كنت داخل مشاغب من اولها


ايه اول توبيك فرقع ليك واتملي ردود ؟

هوه التوبيك الترحيب دي ساعتها دبه خنااقه فيه

علشان كلهم كان يقوالو مالك داخل ليه كده من اولها







اول رساله زائر فاكر من مين ؟

مكنش ايااامها في رسايل زوار لسه فاتحه من قريب

بس اول رساله زوار كانت من حسااام مان مصر



اول رساله خاصه وصلتلك كانت من مين ؟
اول رساله كانت من الاستاذ محمد الشريف

كان بيقوالي متنزلش غير موضووعين في اليوم الواحد في القسم


اول حد ضافك في قائمه الاصدقاء ؟

حفيد الفراعنه

ابن عمي




كان شعورك ايه في الفتره دي ؟

بصراحه كنت مبسوط جدا بالمنتدي علشان هناء تحس المنتدي مختلف عن اي منتدي تاني
تلاقي في قوه ترابط بين الاعضاء غير المنتديات التانيه


اول خناقه مع مين من الاعضاء ؟

كانت معا برنسيسه ساره


وكان السبب ايه ؟

كان السبب انها كان عندها مشاركات اكتر مني بصراحه
فكانت في حساسيه بينا في اي موضوع فتخنقت انا وهيه
مش فاكر بظبط علشان خاطر ايه


واتحلت ازاي ؟

اتحلت عن طريق حفيد الفراعنه فهوه قالها ده لسه عضو جديد وكده

فسكتت




فاكر اتعينت مشرف لاول مره امتي ؟
من سنه ونص تقريبا

كان قسم ايه وكان ايه شعورك وقتها ؟

كان قسم عالم الرجال
بصراحه كنت مبسوط اوي مكنتش الدنيا سيعاني بصراحه مشرف بقي مين قدي


اما بقيت مراقب عام حسيت بايه ؟

احسن حاجه في المنتدي ده لما تلاقي مجهودك مش بيضيع

علي قد ما بتدي في ناس بتميزك علشان كده كان الواحد لما يلاقي ترقيه
فبيبقي مبسوط بالمنصب ومبسوط انو مجهوده مش بيضيع


كنت تتوقع انك تكسب في انتخابات الاداري المنتخب اما كسبت ؟
بصراحه مكنتش متوقع اني هكسب واللي فاجئني اني فوزت بيها
وباكتساح فكانت الفرحه مش سيعاني


هل فكرت ترحل من المنتدي قبل كده ؟ وبسبب ايه ؟

اه فكرت بس كانت اياامها شويه مشاكل معا اصحابي فانا قوالت انسحب احسن
بس الحمدالله اتحلت المشاكل وده دليل انو لسه قاعد علي قلبكم


ايه اكتر حاجه مش بتحبها في المنتدي بصراحه من غير مجامله ؟

بصراحه المجاملات اليل في المنتدي انا مش بقوال كلوو
لا في نسبه مجامله في المنتدي ودي بتخلي الواحد يتخنق بصراحه


وايه احسن فتره بالنسبالك قضيتها في المنتدي في نظرك ؟

اياام الانتخابات الاداري المنتخب دي اجمل فتره قضتها في المنتدي

كان اغلبيه الاعضاء موجودين وكانو كل اصحابنا موجودين
فكنا عايشين افضل فتره في المنتدي


رساله تحب توجهها لحد زعلان منه ؟

لا انا الحمدالله مش زعلان من حد



وتقييمك لوجودك في المنتدي من اول ما اشتركت ؟

انا مقدرش اقيم نفسي الاعضاء هما اللي يقيموو

نقدر نقول مقبول



واخر حاجه رساله تقولها لكل اعضاء المنتدي ؟

اقولهم ليا الشرف اني اكون موجود معاكم ولو انا زعلت حد بقالو انا اسف

وفرصه سعيده ياريس اني معاك في البرنامج ده

موفق

ماتركس





بشكر ضيفي مره تانيه علي قبوله الدعوه
وتشريفه ليا في التوبيك
واتمني يكون عجبكم بقي وينفع اكمله

[M.B]

حلقه جميله تسلم ايدك يا كاكا ايوه بئا بئا انتشر هههههههههههههه


تسلم علي الاجابات يا ماتركس

[الأميرة رودي]

تقييمنا لمجهودك ياماتركس أكيد ممتاز
وليك بصمه طيبه فى كل مكان
حوار جميل ساد
وفقت جدا فى اختيارك
بالتوفيق دايما اخى ومنتظرين باقى الضيوف

[غزاوية وافتخر]

اكيد موضوعك مميز يا عيون الحزن..
ومافيش عليه اختلاف..
بس لو كنت تختار اعضاء جداد حتي نعرفهم اكتر..بيكون افضل..
لان زكريات ماتركس مرت علينا ابل هيك هع...
مع احترامي لاختيارك...
يسلموا دياتك..

[countess]

اقتباس اول خناقه مع مين من الاعضاء ؟ كانت معا برنسيسه ساره وكان السبب ايه ؟ كان السبب انها كان عندها مشاركات اكتر مني بصراحه فكانت في حساسيه بينا في اي موضوع فتخنقت انا وهيه مش فاكر بظبط علشان خاطر ايه

لاء مش عشان المشاركات

انت كنت عكس دلوقت بتحب الخناقات

ف مش فاكره بقولك عشان عضو جديد حاجه زي كدا

قلت هعمل مشاركات وبتاع انت الي اخدتها بالحساسيه وانو مشاركات وبتاع

ولا انا مش في دماغي مشاركات ولا هتلقي كل شويه اعمل بسجل كام مشاركه بقيت هههههه

بس ساعاتها انت اصلا مش كنت بطيق البنات كل يوم خناقه بقا مع عضوه

انا اول بنت تخانقة معاها بقا


جات في وشي انا الضحيه

نورت الحلقه ودوام التواجد بينا

[-esraa-]

هههههههههههههههههههه
حلو الاعتراف كنت بحقد على كل الاعضـــــــاء

تسلم ايديك Ѕad Єyes حوار جميل
موفق

[حنـــــون]

وانا ياماتركسوا ماتخانقتش معايا قبل كداااااااا
ههههههههههه
ايه ياولا الزكريات الى كلها خناق دى :d
نورت الحلقه ياكبير

[PrinCesS Gege]

حواااار جامد جدااا
تسلم ايدك على الحوار والاسئلة
وبجد ماتركس انا متعاملتش معاه كتيير بس بعزه قووى وساعدنى ف حاجات كتيير وربنا يوفقه
بالتوفيق ليك بقا
مودتى ^_^

[ياسمينااا]

حوار جميل جدا يا ساد ايز
ومجهودك كبير يا ماتركس
واكيد تقيمنا هيكو ممتاز
انا مش عارفه فتي المدينه اختفي فجاه كدا ليه
بجد كان شخصيه محترمه وجميله
ان شاء الله يرجع ينور المنتدي من تاني
بالتوفيق ليك ان شاء الله
وفي انتظار بقية الضيوف
تحياتي

[Lost Pearl]

حلوة الحلقة

و الاسئلة كمان جميلة

كمل بقي يا محمود مش توقف البرنامج

ف انتظار الحلقات الجاية

منور يا ماتركس


بالتوفيق يا باشا ,,