قلب فاضى

Şα3Đ..♥ · منذ /09-02-2021, 08:49 AM

الهروب من الواقع أشبه بالجريمه
والسكوت عن حقك يبقي شيء مباح
مفيش اوضح مالخطوط المستقيمه
و الصراحه أصعب أنواع الكفاح
#محمد سعد

Şα3Đ..♥ · منذ /09-12-2021, 05:31 AM

هل تعلم اننا بالاجماع
ارواحنا مقسومه لنصين
وساعات افراحنا والاوجاع
متوزعه فعلا بين الاتنين
هل تعلم ان البني ادمين
بيحسوا بنصهم التاني
ولذلك انا لسه بعاني
علشان احنا الاتنين تايهين
#محمدسعد

Şα3Đ..♥ · منذ /09-12-2021, 11:47 AM

كوبايه شاي فـ الخمسينه
وسجاره واغنيه حزينه
وأهدي النور اللي مولع
واوارب بابي اللي مخلع
ساعتها الاقي الحزن اتجمع
ويعذب نفسي المسكينه
ويفكرني بأيام منسيه
ويكسر ياما حجات فيا
وبدل ما يصبرني شويه
يعملي من البحر طحينه
فكرتني ليه بالصحوبيه
وحبايبي وكل الناس ديا
خف علينا ياعم شويه
عمال ليه بتعذب فينا

#محمد سعد

Şα3Đ..♥ · منذ /09-13-2021, 12:02 PM

كل اللي قالوا حبوك
بيجملوا ف السرد
في ناس بتزرع شوك
جوا جناين الورد
يرموا كتير من قول
ويزوروا في أصول
و إن قل المحصول
جابوا العيبه من الارض

# محمد سعد

Şα3Đ..♥ · منذ /09-19-2021, 06:24 AM

اللي أبشع من الوباء
تلقي ف اصحابك كمبن
اسوء انواع البلاء
الصحاب الغدارين

Şα3Đ..♥ · منذ /09-21-2021, 01:40 PM

الشعر بالقافية
والفكره و المعني
ولو اتكتب عافية
هتصيبك اللعنة

Şα3Đ..♥ · منذ /10-17-2021, 11:55 AM

الليل ممشيش ليه مالسما
والنهار ملهوش عنين
والليالي ليه عندنا
مبقاش فيها طعم الحنين
ليه كل حاجه اتغيرت
لما انتوا قررتوا البعاد
وازاي نقسي قلبنا
وازاي هنقدر ع العناد
حنوا علينا ربما
نحتاجلكم كمان يومين
لا مش عايشين انما
بقينا شبه ميتين
#محمدسعد

Şα3Đ..♥ · منذ /10-19-2021, 03:55 PM

الهروب من الواقع اشبه بالجريمه
والسكوت عن حقك يبقي شيء مباح
مفيش اوضح مالخطوط المستقيمه
و الصراحه أصعب أنواع الكفاح

Şα3Đ..♥ · منذ /10-19-2021, 03:59 PM

بتكتب بايدك
شهاده غياب
لقلبك وروحك
بسبب العذاب
بتضحك دقيقه
وتزعل سنين
وتفضل فـ ضيقه
بسبب الانين
وروحك بتغرق
فـ جو السكات
وفكرك بيحرق
فـ كل اللي فات
وطول ما انت عايش
فـ وجع الزكريات
هتفضل حياتك
وطبعك حزين

Şα3Đ..♥ · منذ /12-08-2021, 03:03 PM

ومشيت في كل الطرق
ملقتش حد
سايبني لوحدي اتحرق
بالرغم ان الجو برد
افراحي ديما بتتسرق
واملي سابني وراح غرق
عيني ع العمر اللي مرء
وانا لسه شاب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مش فاضي	alove89	منتدى الجوالات 2022- نوكيا - ايفون - بلاك بيرى - هواوي _سامسونج _اوبو _شاومي	0	06-02-2011 10:41 AM
لو فاضى ادخل هناااااااااااااا ولو مش فاضى برده ادخل هنا	همسة امل	نكت - طرائف - وناسة - فرفشة	23	12-03-2009 10:02 PM
قلب فاضى	Mira	قسم الخواطر - وهمس القوافى حصرى بقلم الأعضاء	0	10-22-2009 09:47 PM
لو فاضي ادخل...	صفاء الروح	نكت - طرائف - وناسة - فرفشة	5	01-27-2009 06:52 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

قلب فاضى

صفحات مكشوفة