اكله سمك ع كيفك (تابع لمسابقة شيف منتدى بنات مصر )

[PrinCesS Gege]

بما انى اسكندرانية ومن بحرى وبنحبوا ^_^ النهارده جايبلكم اكله السمك بطريقة جديدة المقادير: نص كيلو سمك روسى او ماكريل او اى كميه عاوزاها نص كوباية دقيق شبت ملح فلفل توم كمون وطبعا زيت للقلى الطريقة : 1.بعد ماننضف السمك ونغسله كويس بالليمون ونسيبة يتصفى عشان مايبقاش عليه مايه خالص 2.نعمل الخلطة اللى هانحشية بيها اللى هيا ندق التوم والملح والكمون والفلفل والشبت ونقسم الخلطة دى نصين نص نحشى السمك والنص التانى تسيبية على جنب 3.حشينا السمك بتاعنا بعد كده نجيب نص كوباية الدقيق ونحط عليها نص كوبايه ماية ونضيف عليها الباقى من الخلطة بتاعتنا ونقلب لغايه مانعمل عجينة سايحةغير متماسكة بالشكل ده يدوب عشان تنفع نغمس فيها السمك 4.ونقدح الزيت بتاعنا فى المقلايه ونجيب السمك نغمسة فى الخلطة دى ونحطة فى الزيت 5.نحمر السمك بتاعنا باللون الدهبى ويجمل ويقدم مع رز ابيض او ملون حسب رغبتك مع بطاطس مقليه وسلاطة خضرا .لاحظى انك تخدى باللك انك توطى عليه عشان ما يتحمرش من بره ويفضل عجينة من جوة ودى اهم حاجة .احلى حاجة فى الطريقة دى انها هتديلك سمكة مقرمشة من بره وطريه جدا جدا من جوه تجنن وعلى ضمانتى نيجى للسلطة بقى دى سلطة يونانية جميلة جداا المكوناات: • 1/4 كيلو خيار • بعض الملح والفلفل الأسود المطحون الطازج • 1/4 ك جبنة فيتا، مقطعة إلى 16مكعبات صغيرة • 8 قطع زيتون كالاماتا، مقطعة إلى أنصاف • 8 قطع طماطم صغيرة مقطعة إلى أنصاف • 2 ملعقتين زيت زيتون طريقة التحضير: • 1- تقطيع الخيار على شكل قطع قطرية رائعة ثم نقطع كل شريحة إلى أربعة أجزاء , ثم نضع قطعة الخيار على طبق التقديم ثم نضع ربع ملعقة زيت زيتون وبعض الملح والفلفل الأسود. 2- ثم نضع فوقها قطعة من مكعبات جبنة الفيتا وقطعة زيتون , ثم نضع الخلة في منتصف قطع الطماطم ونثبتها بالخيار , ثم نضع عليها بعض زيت الزيتون ونرش القليل من الفلفل الأسود ثم نقدمها. وده بقى رز بالكمون لان السمك لازم معاه رز :d ارز بالكمون المكونات: • 3 أكواب أرز مصري • 4-3 1/2 كوب ماء • 1 ملعقة كبيرة كمون • 1 مكعب مرقة ماجى للأرز الأبيض • 2 ورقة لورا • 3/4 ملعقة كبيرة ملح • 1 1/2 ملعقة كبيرة سمن صناعى- أو زبد أو زيت طريقة التحضير: 1. • يغسل الأرز تحت مياه جاريه ويصفى. 2. يسخن الزيت أو السمن فى إناء متوسط لا تلصق على نار متوسطة. 3. يضاف الكمون وورق اللورا ثم يضاف الأرز ويقلب لمدة دقيقة. 4. يضاف الماء والماجى والملح، ويترك حتى يتشرب الماء. يغطى، ينقل على نار هادئة ويترك ليطهى لمدة 20-25 دقيقة آخرى أو حتى ينضج الأرز . اتمنى من كل قلبى ان تكون طريقتى عجبتكم حياتى واحتراماتى وبالهنا والشفا عليكم سلامووووز بالموووووز ^_^ [/COLOR][/SIZE]

[سارة بنت مصر]

اسمحى لي ابدي اعجابي بقلمك وتميزك واسلوبك الراقي وتالقك

[ابتسامة الزهر]

ياسلام على السمك
خصوصا لما يكون طازه ومن الحلقة بما
انك اسكنرانية عارفة حلقة السمك
يبقى احلى سمك
شكرا لك

[๓αℓάҝ]

فينا من كده يا جيجي عامله فول كورس هههههههههه

بس تصوري جعانه انا دلوقتي

تسلم الأيادي يا جميل

[❀ ЯeRōŎō ❀]

اوووووووووووبس ياجيجي هاتوجعيني علي الصبح بس جديده طريقه السمك دي هاجربها علي ضمانتك بس عارفه لو طلعت وحشه هاكلهالك ^^لا بس وصفه حلوووه ياجيجي وعملتي اكله بالسلطه والرز ياشيف انت ياجامد

[Îäm-ñøt ßèst ßût Âm-dîffèrèñt]

تسلمي علي التوبيك الجميل

[PrinCesS Gege]

اقتباس المشاركة الأصلية كتبت بواسطة سارة بنت مصر اسمحى لي ابدي اعجابي بقلمك وتميزك واسلوبك الراقي وتالقك

ميرسى لمرورك وردك
نورتى

[PrinCesS Gege]

اقتباس المشاركة الأصلية كتبت بواسطة ابتسامة الزهر ياسلام على السمك خصوصا لما يكون طازه ومن الحلقة بما انك اسكنرانية عارفة حلقة السمك يبقى احلى سمك شكرا لك

اكيد طبعا فى حد ميعرفهاش :d
احلى واجمد سمك هوا بتاع اليكس اصلا
ميرسى كتيير لمرورك يا بنت بلدى
نورتى ^_^

[PrinCesS Gege]

اقتباس المشاركة الأصلية كتبت بواسطة ๓αℓάҝ فينا من كده يا جيجي عامله فول كورس هههههههههه بس تصوري جعانه انا دلوقتي تسلم الأيادي يا جميل

هههههههههههه معلس معلس المره الجايه هقولك قبلها :d
بالهنا والشفا بقا
ميرسى لمرورك ياقمر
نورتى

[PrinCesS Gege]

اقتباس المشاركة الأصلية كتبت بواسطة ❀ ЯerōŎō ❀ اوووووووووووبس ياجيجي هاتوجعيني علي الصبح بس جديده طريقه السمك دي هاجربها علي ضمانتك بس عارفه لو طلعت وحشه هاكلهالك ^^لا بس وصفه حلوووه ياجيجي وعملتي اكله بالسلطه والرز ياشيف انت ياجامد

هههههههههه جربيها بس ان شاء الله هتدعيلى (ياخوفى تدعى عليا :d)
ما لازم الاكله بكل حاجه معاها عيب عليكى دانا جيجى بردوا :d
انتى اجمد ياقمر واللهى
نورتى ^_^