الجــــدع والكــــلاب

[Mo chahin]

قابلنى وانا ماشى راجل جدع .. وراسه مطاطيـــة ,,

قلت .. مالك يا جدع ؟؟ زهقان من الوليــة ؟؟

قال الجدع .. زهقت من عيشتنا الدموية ,,

زهقت من ناس كتير وبلاد كتير همجيه ,,

زهقت .. طفل يموت ويعوضوه بجنيه ولا مية ,,

زهقت .. ماللى بيحصل فى غزة بحركات صهيونيه ,,

وفى عز البرد .. قلع الجدع ملابسه الشتويه ,,

اتعجبت من طريقه تعبيره العفويه ,,

قال متستغربش يا بيه .. حران ونفسى فى نسمه نقيه ,,

والدم فى عروقى أصبح شويه مية ,,

لما العرب يشوفوا اللى بيحصل وتتفرج علينا الدنيا ,,

وزى مايكون لسان حالهم جاله أزمه قلبيه ,,

ولسه الضرب شغال بطريقه غبيه ,,

وكل ضربه عن التانيه قوية ,,

واحنا زى ماحنا بنتفرج وكأننا بنتفرج على فيلم البحار والجنيه ,,

الجثث دى .. اخواتنا ولا حيوانات بريه ؟؟

والاطفال دى .. اطفالنا ولا شعب مرجانيه ؟؟



الصوت مبقاش مسموع ..

والقلب أصبح موجوع ..

ونقطتنا مفيهاش رجوع ..

والنايم ديما مفزوع ..

والوصال بقى مقطوع ..

وكل واحد فينا أصبح .. مفجـــــــوع ..



الطفل مــــــات ..

ووزيرنا همه فى الاستقاله ,,

والواد اتيتم من عم وخاله ,,

واحنا خلاص حالتنا باقت حاله ,,



ربي اجعلنى انول الشهاده .. فى سبيلك

ونور طريقي واجعله .. من طريقك

وادخلنى جناتك مع حبيبك .. وخليلك

واقض عليهم بحق .. سيفك


اللهم اذقهم نعيم جناتك الطيبه .. واحفظهم يارب العالمين

(وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ ) .. صدق الله العظيم

خالص أسفى .. محمد شاهينـ

[عمرو الجورى]

الأستاذ الفاضل محمد شاهين
يشرفني أن أكون أول من يمر على كلماتك المعبرة
والتي تحدثت عن لحظات نعيشها جميعا الأن
من مآسي وأحزان على اخواننا في غزة
ولا نملك شيء يا عزيزى
سوى الدعاء لهم أو الكتابة عنهم
والله المستعان

[DR.SMA]

هقول ايه يا محمد
كل كلمه للأسف صح
والله الواحد حتى بقى مش عايز يعبر بكلام
لانه مفيش فايده من الكلام
احنا عايزين طريقه تانيه وفعل اكبر بكتير
شكرا ليك ..

[الرحــاال المٌتَمرد]

ولا عزاء لأسر الضحاايا

لذالت فى اثار الصدمه

ليا عوده للتعليق ,,

احتراامي لك ايها الـــ شاهينا

[ساحر الأحزان]

اهمال وحروب ودمار

قتلى وابرياء ضحايا

وحقا وضع مؤلم هو

شىء موسف

توضيح جميل منك

دمت بكل خير

[سدره]

للاسف اوضاع غريبه والاغرب اننا لانقدر على فعل شىء

تفتكر ليه

ده علشان مكبرين دمغنا

ولا علشان ايه

تقبل مرورى

سدره

[Words Whisper]

نحمل اسم وطن


لانحاول حتى أن ننول شرف الانتماء له


الوطن ليس بقعة وإنما كل وطننا العربي


وطننا العربي الذي كلنا نقف فيه متفرجين !!~




موضوع راقي أ/محمد ومؤلم ..


شاكرة لحضرتك ..


سلمت


ودمت بتوفيق من الله ..






تقييمي - 5 ستارز ..

[احساسى صحيح]

نحمل نفس الالم ونفس الوجع

وعلى المستقبل يسكننا نفس الفزع

عبرت بكل مصداقية عما فى قلوبنا

بوركت محمد اخى ربنا يجازيك كل خير

[نجمة النجوم]

انا ليا تحفظات كتيره على موضوع فلسطين ده
وللاسف لو قلت
ناس كتير هتزعل مني
انما السؤال الأهم
لو حد باع شيئ لحد ياترى ينفع يطلب الشيئ ده تاني ؟
كمان في شيئ أهم
السادات ربنا يرحموا كاان على بعد خطوات لعودة الأرض
وقتها أول ناس اتهموه بالخيانه الفلسطينيين وهاجت الدنيا كلها ضده
والأيام دي بيصرخوا بحثا عن السلام
سبحان الله
ياترى حد فهم قصدي ؟
ميرسي جدا أ / محمد

[Mo chahin]

اقتباس المشاركة الأصلية كتبت بواسطة عمرو الجورى الأستاذ الفاضل محمد شاهين يشرفني أن أكون أول من يمر على كلماتك المعبرة والتي تحدثت عن لحظات نعيشها جميعا الأن من مآسي وأحزان على اخواننا في غزة ولا نملك شيء يا عزيزى سوى الدعاء لهم أو الكتابة عنهم والله المستعان

اشكرك عمرو على تواجدك الجميل ,,

وفعلا .. الله المستعان فى كل شىء ..