أصــرخ يا وطن

[قلب وكلمات]

أصرخ يا دم رخيص سايح على القضبان أصرخ يا وطن يبكي من الإهمال ينزف في كل مكان أصرخ وقول أنا انسان عمري ما كنت رخيص أنا الماضي أنا الحاضر أنا المستقبل أنا الباني للأوطان أصرخ يا دم طاهر اتصفي من جثث اطفال خمسين زهره اتهرست خمسين قطرة ندي سالت على رصيف الموت يا وطن خايف خفافيش الظلام لبس السواد عنوان يا تري دا إهمال ولا عدوان لما كل دقيقة يتقتل يموت انسان لما يبقي الجوع اساس لما يتنهب اقتصادنا لما نتهدد بسينا ويقوللنا . سكوت ولا موت لا نموت فداك اروحنا فداك بس إهمال بلاش كفاية نقول ميهمناش بنحبك يا وطن رغم الحزن رغم الظن رغم الدم ع القضبان يا رب أرحم شهدنا قوي بلدنا طفي النار اللي جوانا أصرخ يا وطن حسبنا الله ونعم الوكيل القيصــر

[دمعه حائره]

الاهمال اقوى من الاحتلال
العدو بتكون عارف جايلك منين وبتاخد بالك
انما لماتكون الضربه جيالك من ابن بلدك
هاتقول ايه
لما الاهمال يكون متكرر وبغباء
بيكون اقرب لسبق الاصرار والترصد
يقطف الورد ويدوس عليه بقسوة
ومارحمش ضعفه وصرخاته
ربنا يلطف باهاليهم ويصبرهم
تسلم اخى

[SplendiD SouL]

دم هان علي ناس معندهاش ضمير والاهمال بقي في دمهم بيجري
بجد الواحد مش مستوعب لحد دلوقتي لما يكون اللي مسؤلين عنا اهملوا فين يمكن دا اسوء بكتير من العدوان
تسلم علي الكلمات
دوام التميز

[الرحــاال المٌتَمرد]

مهما قولنا ومهما حكينا

مهما صرخنا مهما شكينا

مهما كتبنا وعدنا وعانينا

ذنب الطفل إننا قبلنا ورضينا

بمهانه ,, وكرامه مسلوبه

بدم سااال ,, ونهايه مكتوبه

غلطه مين ؟؟

ولا دى كمان غلطه العروبه


..

صدقت أيها القيصر

باقه ورد لتفاعلك ,, وروحك الطيبه

وإهداءك لأرواح ضحايا قطار منفلوط

[Mo chahin]

إحساس بالوجع يعتريني ,,

غير قادر عن التحدث حتى وان جاريتك فى الكلام ,,

لا حول ولا قوة الا بالله ,,

تقبل تواجدى الضعيف ..

[أحمد الخزرجى]

و اخاف انا اموت فى يوم .. و يبقى فيه بطولة

فعزايا يبقى مولد .. يا خسارة ع الرجولة !!

[ياسمينااا]

حسبي الله ونعم الوكيل
ربنا يرحم شهادئنا ويصبر اههلم يارب
وربنا ينتقم من المسئولين اللي استحلو دمنا
ودمنا فعلا بقي رخيص عندهم
انا مش عارفه الناس دي مش عنها ضمير
تسلم يا اشرف علي الكلمات
تحياتي

[توحد ارواح]

انا بكيت اوى النهارده لانى بحب الاطفال جداااااااا
و خاصة ان اسره واحده فقدت 3 من اولادها
الله اسال ان يرحمهم و يجعلهم زخرا لاهاليهم يارب
بجد فى منتهى الروعه و مسايره للحدث
و معبره بشكل كبير فعلا
و نفسنا كلنا نطلق نفس الصرخه
مشكور اخى و جزاك الله خيرا
فى انتظار جديدك الجميل المميز
تحيتى

[احساسى صحيح]

ربنا يصبر اهاليهم يا رب ويغفر لهم ويرحمهم
وينزلهم منزلة الشهداء
صرخة مدوية
بوركت اخى

[ابتسامة الزهر]

صرخة من القلب
عبرت عن صراختنا التى حُبست داخلنا
مش عارفين نصرخها ولا نبكيها
الحدث جلل زلزل قلوبنا فبكت فى الم
كلمات جميلة معبرة عن احساسنا
وعن احساسك اخى الكريم
ادام الله لنا قلمك