أحسن شعب يتركب!

[SiLver Spectra]

بص دايما في التاريخ هتلاقي مصر كل من هب و دب كان بيركبها
اي حضاره معدية بتقوم واخده مصر في رجليها و هي بتعدي عالجغرافيا
نادر جدا لما كانت مصر بتتوسع جغرافيا بحكم يتمركز منها
في أغلب التاريخ كانت بتبقى تابع لامبراطورية أخرى
حتى ان الاسلام دخل مصر بدون معارك تذكر على خلاف العراق و الشام (اقرب الأمثلة لينا)

دا كلو بيفسر اننا أحسن شعب يتركب و يتحكم

شوفنا المجلس العسكري و ترقيع الدستور الي الشعب وافق عليه و بعدين عاش مع معاناة استبداد العسكر الي كان ناوي يحكم ل2013 و الله اعلم لغايه امتى
لولا احداث محمد محمود الي ضغطت على المجلس العسكري في تحديد موعد لانتخابات
دا كلو من ايه ؟
لاننا أحسن شعب يتركب

كنا وقتها واخدينها بحسن نية و نقول هو أكيد مش هيطول في الحكم و مش له مطامع
و قاعدت ناس تحارب بالاخص التيار الاسلامي بحجج قرعه زي (الاستقرار و الشريعة)
و بعدين المجلس اداهم خازوق في حل مجلس الشعب و كلنا كنا بنسمع التهديدات الي كانت بتحصل و في ناس اصرت انها مش تصدق لغايه ما طلع ورقته و حله

و دلوقتي برضو طالع علينا مرسي بقرارات تحصين لنفسه و لمجلس الشورى بتاعه و للجمعية التأسيسية الي كلها اخوان و سلفيين دلوقتي
و الشعب برضو موافق و يقولك احنا مستبشرين بنيته الطيبه
ماهو اصله نفس الشعب المركوب الي اتركب من امبراطوريات و حكام ممكن يوصل عددهم لعدد شعر راسك لو سردتلك التاريخ
و كفايه اننا مش حكمنا نفسنا من بعد عهد الفراعنة الى عهد عبد الناصر و كان بيحكمنا (خواجه) على مر التاريخ
شعب مركوب على امره بسبب سزاجته

الدستور الي كلنا عارفين انه المفروض يكون بيعبر عن جميع اطياف المجتمع لانه من المفترض انه دستور دائم مالوش علاقة بالاغلبية و مين بيحشد اكتر من التاني !

سؤال بسيط جدا للناس الي مفكره ان الشعب كلو مع التيار الديني
هو مش محمد مرسي في انتخابات الرئاسة فاز بواحد في الميه بس عن شفيق ؟
مع العلم ان قوى ثورية كتير جدا راحت تصوتله و أنا منهم برغم عدم تأييدي للتيار الاسلامي
دا بيوضح انهم مجرد حشد مش اكتر
و امشي في الشارع و شوف هل الناس كلها اخوان و نور ؟

بالمناسبة التيار الاسلامي و بالاخص السلفي دايما بيعارض التغيير
في اي دولة و عندك جنبك السعودية الي بيفتي لنظامها و بيظبط مقاس الكرسي على حاكمها
و طول عمرهم كانوا مع مبارك و كانوا بيفتوا ضد اي حد بيغير
و طول عمرهم مع المجلس العسكري الا من رحم ربي
هما طول عمرهم مع الحاكم ايا كان
لانهم يميني متطرف , يعني كاره للتغيير و بيحاربه بشتى الطرق
و دول موجودين في اي حته في العالم

بس تقول ايه بقى لشعب نصه تحت خط الفقر


مافيش حاجه اسمها انك تبقى فوق القانون
و مافيش حاجه اسمها التمس فيه النيه الطيبه
انت مش ملاك انت انسان , و طالما انت انسان فليك مطامع
يبقى لازم الكل يكون تحت القانون
و كفايه مركبه يا شعب

[ķąyąŋ..♡]

اختلافي معاك نحن شعب حر عظيم اذا كان الاسلام دخل مصر بدون معارك
فهذا يدل علي سماحه هذا الشعب
( كفايه اننا مش حكمنا نفسنا من عهد الفراعنة الى عهد عبد الناصر و كان بيحكمنا (خواجه) على مر التاريخ)
مفيش حضاره او دوله حره بتقوم من غير شعب فاذا كان الشعب عادل يكون الحاكم عادل ويقوم علي اساس ذالك الحضاره والازدهار
واتذكر ان من اهم شروط العدل هو توفير البيئه المناسبه للحاكم لكي يحكم بالعدل

وشكرا واحترامي لك

[SiLver Spectra]

اقتباس المشاركة الأصلية كتبت بواسطة rehan اختلافي معاك نحن شعب حر عظيم اذا كان الاسلام دخل مصر بدون معارك فهذا يدل علي سماحه هذا الشعب ( كفايه اننا مش حكمنا نفسنا من عهد الفراعنة الى عهد عبد الناصر و كان بيحكمنا (خواجه) على مر التاريخ) مفيش حضاره او دوله حره بتقوم من غير شعب فاذا كان الشعب عادل يكون الحاكم عادل ويقوم علي اساس ذالك الحضاره والازدهار واتذكر ان من اهم شروط العدل هو توفير البيئه المناسبه للحاكم لكي يحكم بالعدل وشكرا واحترامي لك

جينا بقى للكلام العاطفي
حر ازاي اذا كنت على مر التاريخ بتحكم بفراعنه مستبدين و القرآن قايل عنهم العبر !
حر ازاي و انت من سنتين بس كان بيحكمك مبارك و الي قبله كان مستبد و الي قبله كان مستبد و القائمة تطول

و دلوقتي جايلك اعلان دستوري حاطتلك فيه شوية مواد تثير عواطفة الناس و بعدين رازعلك مواد تحصين ضد الرئيس و ضد مجلس شورى الاخوان و تاسيسية الاخوان !
كلمني بالمنطق بلاش عاطفة

لو الوضع فضل كدا فمستقبلا هتفاجئ بمواد في الدستور بتدي مصالح للاخوان زي ما حصل في اعلان العسكر الدستوري و اتفاجئنا بعدها بمواد غريبه !

[ķąyąŋ..♡]

اقتباس المشاركة الأصلية كتبت بواسطة silver spectra جينا بقى للكلام العاطفي حر ازاي اذا كنت على مر التاريخ بتحكم بفراعنه مستبدين و القرآن قايل عنهم العبر ! حر ازاي و انت من سنتين بس كان بيحكمك مبارك و الي قبله كان مستبد و الي قبله كان مستبد و القائمة تطول و دلوقتي جايلك اعلان دستوري حاطتلك فيه شوية مواد تثير عواطفة الناس و بعدين رازعلك مواد تحصين ضد الرئيس و ضد مجلس شورى الاخوان و تاسيسية الاخوان ! كلمني بالمنطق بلاش عاطفة لو الوضع فضل كدا فمستقبلا هتفاجئ بمواد في الدستور بتدي مصالح للاخوان زي ما حصل في اعلان العسكر الدستوري و اتفاجئنا بعدها بمواد غريبه !

انا معاك بس احنا شعب مش بيتركب

احنا شعب بيتظلم

الحريه لها معاني كثيره

وانا بدرس قانون القانون موجود بس مش بيتعمل بيه

القانون موجود علي صفحات مركونه

[dr_ahmedimansour]

مش بس لهجة الحوار غير منطقية ولا عملية ولا بتستند للتاريخ المصري العظيم
لا كمان فيها تهكم واضح وتعميم شامل علي شعب فيه الفقية والامام والعالم والطبيب والمهندس والمحامي والعاقل والناضج
وفية ملايين النماذج المشرفة عبر العصور شعب قام بخمس ثورات متتالية في فترة مفيش شعب تاني في العالم دفع من دماءه ثمن
لثوارته علي الظلم والفساد واذا كانت مصر دولة ليها موقع جغرافي متميز وموقع استراتيجي سياسي وسط الشرق الاوسط وده جعلها لقمة (غير) طيبة لكل المغتصبين والباحثين عن انتهات ثروات الشعوب , فده مش معناه ان الشعب ده مستسلم او سلبي او ضعيف او بيقبل المهانة والزل حتي في اوقات الديكتاتورية العصماء واخرها زمن الرئيس السابق مبارك اخر حرامي في مصر مكنش هوه الوحيد المسيطر ولا الشعب ضعيف كان فيه مؤسسة كاملة بترغب في تحقيق الاطماع الشخصية ليها اكتر من 14 % من شعب مصر كان جوه الحكومة من اقل خفير نظامي في قسم شرطة لاكبر رتبة عسكرية سياسية في مؤسسة الرئاسة .....

حضرتك علقت على احد الردود بانه كلام عاطفي وفي مضمون الرد انه غير منطقي او عملي انا رائيي ان الموضوع ورائ حضرتك في الاحداث الجارية في مصر هوه الي رائ غير منطقي وغير عملي وغير علمي كمان وهوه الي يتقال عليه عاطفي وناتج عن معلومات مكتسبة من حوارات مهمشة سياسية في الاعلام واخبار متداولة وصلت لك وحصل (لخبطة) و (تشويش) علي قدرتك في التحكم بالنفس وضبطها في اتخاذ قرار وموقف ووجهة نظر تقلل من الشعب ده كله الي بكل تاكيد هوه اعظم شعب في التاريخ ..

شكرا لصاحب الموضوع..

[booody99]

عفواً كعادتك معارض ومش حابب أعلق عشان الحوار ميسخنش اكتر من كده
ولكن انا معترض على العنوان بصراحة تقدر تكتبه بأسلوب احسن من كده
وكل التحية والتقدير

[SiLver Spectra]

اقتباس المشاركة الأصلية كتبت بواسطة dr_ahmedimansour مش بس لهجة الحوار غير منطقية ولا عملية ولا بتستند للتاريخ المصري العظيم لا كمان فيها تهكم واضح وتعميم شامل علي شعب فيه الفقية والامام والعالم والطبيب والمهندس والمحامي والعاقل والناضج وفية ملايين النماذج المشرفة عبر العصور شعب قام بخمس ثورات متتالية في فترة مفيش شعب تاني في العالم دفع من دماءه ثمن لثوارته علي الظلم والفساد واذا كانت مصر دولة ليها موقع جغرافي متميز وموقع استراتيجي سياسي وسط الشرق الاوسط وده جعلها لقمة (غير) طيبة لكل المغتصبين والباحثين عن انتهات ثروات الشعوب , فده مش معناه ان الشعب ده مستسلم او سلبي او ضعيف او بيقبل المهانة والزل حتي في اوقات الديكتاتورية العصماء واخرها زمن الرئيس السابق مبارك اخر حرامي في مصر مكنش هوه الوحيد المسيطر ولا الشعب ضعيف كان فيه مؤسسة كاملة بترغب في تحقيق الاطماع الشخصية ليها اكتر من 14 % من شعب مصر كان جوه الحكومة من اقل خفير نظامي في قسم شرطة لاكبر رتبة عسكرية سياسية في مؤسسة الرئاسة ..... حضرتك علقت على احد الردود بانه كلام عاطفي وفي مضمون الرد انه غير منطقي او عملي انا رائيي ان الموضوع ورائ حضرتك في الاحداث الجارية في مصر هوه الي رائ غير منطقي وغير عملي وغير علمي كمان وهوه الي يتقال عليه عاطفي وناتج عن معلومات مكتسبة من حوارات مهمشة سياسية في الاعلام واخبار متداولة وصلت لك وحصل (لخبطة) و (تشويش) علي قدرتك في التحكم بالنفس وضبطها في اتخاذ قرار وموقف ووجهة نظر تقلل من الشعب ده كله الي بكل تاكيد هوه اعظم شعب في التاريخ .. شكرا لصاحب الموضوع..

دا بدليل العشوائيات و المقابر الي ملايين عايشين فيها و لا الزباله الي طافحه في البلد و لا بدليل ايه ؟
و برضو كلام عاطفي
عايز كلام ملموس يفسر رضى الشعب لاستبداد الحاكم على مر التاريخ
و اكيد في معارضه لكن بكلمك عن المجمل العام و النتيجة الي بتخلق ديكتاتور

[dr_ahmedimansour]

اقتباس المشاركة الأصلية كتبت بواسطة silver spectra دا بدليل العشوائيات و المقابر الي ملايين عايشين فيها و لا الزباله الي طافحه في البلد و لا بدليل ايه ؟ و برضو كلام عاطفي عايز كلام ملموس يفسر رضى الشعب لاستبداد الحاكم على مر التاريخ و اكيد في معارضه لكن بكلمك عن المجمل العام و النتيجة الي بتخلق ديكتاتور

يا فندم حضرتك بتتحدث عن الشعب المصري وقولت في مضمون حديثك
- الشعب المصري (ككل) سلبي.
- الشعب المصري (ككل) قابل وخاضع للديكتاتورية.
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!

- انا رديت علي حضرتك وقولتلك ان لهجة الحديث والتعميم خاطئ تماما في مضمون الرد

حضرتك بترد وبتزكر مشكلة النظافة في مصر ومشكلة الخدمات المتردية ومشكلة السلبية الموجوده

من يستطيع انكار تلك المشكلات هي بالفعل موجودة واكثر منها مئات الالاف من المشكلات

ولكن

الاولوية في الحديث تسير وفق منهج وهو
1
فية دور للفرد
2
وفية دور للمؤسسات والمصالح والهيئات
3
وفية دور للحكومة والجهات الرقابية التنفيذية
4
وفية دور للقيادات العليا السياسية السيادية التشريعية
----------------------

دلوقت حضرتك جمعت كل ما سبق من المسئوليات واطلقت حكم واحد يتلخص في اسم
وعنوان موضوعك
(الي ع الهامش يعني فيه ايحاءات مباشر خارج اداب الحديث والحوار البناء)



وتحدثت حضرتك بتعميم شامل علي كل الشعب المصري بقمة التهكم

فاذا انا قولتلك
هل انت نفسك شخصيا اديت دورك ؟
هل والد حضرتك ادئ دورة ؟
عمك - خالك - اخوك - اختك - والدتك - قرايبك - معارفك - جيرانك - اهلك - عشيرتك
منطقتك - بلدك - محافظتك

هل تقدر تقول كل دول وكل ما سبق
ناس سلبيين وراضخين وهما الي صنعو الديكتاتورية وهما المخطئين وشعب يستحق انه يتقال
عليه عنوان موضوعك !

هل يجور او يصح او ينفع ان الغضب الجميل اوي الي جواك كانسان بيحب البلدي
يتحول لطريقة في التعبير عن رائيك تتهم فيها اعظم شعوب الارض باتهامات وتلميحات
مماثلة ..!!

شكرا لك

[Mo7aMaD 3aLa2]

مش عارف والله هرد ع كلامك بـ اية يا طارق

حقيقى مفيش اضافة ع كلامك

انت جبت من الآخر

..

[SiLver Spectra]

اقتباس المشاركة الأصلية كتبت بواسطة booody99 عفواً كعادتك معارض ومش حابب أعلق عشان الحوار ميسخنش اكتر من كده ولكن انا معترض على العنوان بصراحة تقدر تكتبه بأسلوب احسن من كده وكل التحية والتقدير

العنوان مافيش فيه حاجه
مش لازم تفهمها بشكل جنسي

لما كان بيقولك الاخوان ركبوا الثورة يعني اخدوا الثورة
بمعنى ان شخص بيسيطر على التاني

و تقدر تناقشني في صلب الموضوع
اعطاء حصانه للرئيس و صلاحيات غير مسبوقة