انا ذنبى ايه ؟

[PrinCesS Gege]

السلام عليكم ورحمة الله وبركاته أنا هحكيلكو موقف حصل معايا ف الكليه وتقولولى رايكم لانى بجد تعبت من الموضوع ده كل صحابى حاطين السبب عليا انا وانا شايفة انى مليش ذنب ف اللى حصل من كام يوم كده جه واحد يعرف صحابى وكدا كان عايز يرتبط بيا وقالى بعد مانخلص السنه دى هتقدملك وكده وقال قدام صحابى وصحابه انوا بيحبى ومستعد يعمل اى حاجه عشانى ف هوا بيبتباهى بقا ان خالو هو عميد الكليه وان اى واحده هتتمنى انها تكلموا بس انا قولتلو لا سورى انا مليش ف الحوارات دى انا اخرى صحاب وبس مليش ف نظام الارتباط او الحب ده. المهم هوا كان بيفتكر انى مرتبطه من برا الكليه عشان كدا مش موافقه ف قال لصحابه اعرفولى مين اللى هيا بتكلمو وانا هخليه يسبها حتى لو اضطريت اديلو فلوس عشان يبعد عنها المهم هما قالولو هيا مبتكلمش حد وكده ف انا ليا واحد ابن صاحبه ماما معايا ف ماما موصياه انو ياخد بالو منى وكده عشان محدش يضايقنى من الولاد واى حاجه احتاجها اقولوا لان هوا زى اخويا ف اللى عايز يكلمنى دا اضايق منو عشان بيتكلم معايا وهوا انا مبتكلمش معاه ف كل مايشوفه قاعد معايا يرمى عليه كلام ويقعد هوا وصحابه يضحكوا وكدا ف انا قولتلو نفض وكانك مش سامع حاجه هوا عشان متغاظ بيعمل كده بس هوا زودها معاه ف ابن صاحبه ماما ماستحملش بقا سكتلو كتيير راحوا اتخانقوا ف الشارع وضربوا بعض وشتايم وكدا وصحابهم خلصوا الموضوع وبعدوهم عن بعض المهم بقا صحابى كلهم بيقولولى انتى السبب ف المشكله دى وهوا عمل كدا عشان بيحبك وبيغير عليكى بس انا اصلا مش عايزه ارتبط بحد والحب مش بالغصب يعنى ف كدا انا ليه ذنب ف اللى حصل ولا ايه بجد تعبت من الموضوع دا بجد وانا كده مش غلطانه انى موافقتش صح ؟

[Mo7aMaD 3aLa2]

انتى ملكيش اى ذنب يا gege ف الموضوع

وزى ما قلتى الحب مش ب العافية

وهو بعد الخناقة الموضوع هيهدى وهيتنسى ان شاء الله

انا عايزك تثبتى على موقفك واللى انتى عملتية صح ما دام انتى مش مرتاحة للعلاقة دى

واللى يقولك انتى السبب دة يا اما متعصب للى حصل ف وقت زهق يا اما مش بيحبك

..

[countess]

طبعا انتي مالك ذنب نهائي

بالعكس انتي من البدايه وضحتيله قرارك انك ناو مش بتاعت ارتباط وكلام من دا

بس هو ممكن ممكن فكر ده انك بتحبيه ف قال اضايقه بقا عشان تضايقي

اكيد هو بعد عملتو دي مش راجل خالص

الحب مش كدا لا هو باالعافيه ولا هو بشتايم والقذاره دي

يبقا يفهم انو مفيش نصيب

انتي خلي بالك من نفسك بس

[تيتشر نفشه ツ]

ياروحي

انتي مش ليكي ذنب خالص

والحب مش غصب يعني

والطريقه الي الواد دا اتعامل بيها طريقه (تسلطيه) وال يعني انا مش عارفه مين يقربلي عميد في الكليه

فـ أقوم افرد ريشي ع الناس واحب اللي عاوزها واتخانق مع الي عاوزه !!

ماهوا لو بيحبك زي مابيقول مكانش اتصرف ولا تصرف يدايقك حتى لو من بعيد ..

هوا كدا ولامؤاخذه عامل زي المثل الي بيقول

( الاقرع بيتباهى بـ شعر خاله )

فـ اثبتي ع الي انتي فيه

وخديها نصيحه مني>> الحب دا وجع قلب م الاخر يعني

ولاهتعرفي تركزي فـ مستقبلك

ولا أنتي ضامنه ازا هيكون نصيبك او لاء

فـ خلي بالك من روحك واللي عاوز حد يجيله م الباب

مهما كانت ظروفه ومايغركيش كلام الشباب عشان الجامعه ومش عارف ايه

ربنا يوفقك لكل مايحبه ويرضااااااااه

[توليلا غسان]

اكيد انتي ما الك ذنب هو انسان متخلف عشان البيحب بيدخل من بابا مو من شباك حتي هو دخل من السطوح لا من هاد ولا هاد

لا تزعلي وضيقي روحك اعملي لي موضوع طاف وركزي بي دراستك واستني ابن الحلا ل عشان انتي عمللنا زحمة وانا تعبت منك بصراحة كل يوم تخدي من مصروف فرب يجي الهيخلصني منك

[აα∂ Ԑγεა]

اكيد ملكيش ذنب يا جيجي طبعا
ومفيش اي لوم عليكي
هو اللي شاب مش ولابد لانه عمل دا
اصلا الحب عمره ماييجي كده
ولو بيحب ميتصرفش كده
انتي عملتي الصح انك فهمتيه من الاول
وكويس ان الخناقه حصلت خليه يهمد شويه
ياريت يكون انضرب كمان هههههههههه
يالا خليكي زي مانتي وركزي في دراستك
وملكيش اي ذنب ولا تفكري ولا تلومي نفسك

[طمطم]

ايه هو الحب بالغصب !
م خلاص مدام انتى مش مرتاحة للعلاقة دى يبقى الموضوع انتهى
والمفروض هو يفهم ده .. مش يعيش ف دور الغيران ..
اساسا هو معندوش الحق دلوقتى انه يغير عليكى ..
..
انتى مش غلطانة ي بنتى ..

[PrinCesS Gege]

اقتباس المشاركة الأصلية كتبت بواسطة mo7amad 3ala2 انتى ملكيش اى ذنب يا gege ف الموضوع وزى ما قلتى الحب مش ب العافية وهو بعد الخناقة الموضوع هيهدى وهيتنسى ان شاء الله انا عايزك تثبتى على موقفك واللى انتى عملتية صح ما دام انتى مش مرتاحة للعلاقة دى واللى يقولك انتى السبب دة يا اما متعصب للى حصل ف وقت زهق يا اما مش بيحبك ..

ان شاء الله
لا انا الحمدلله دا قرارى من زمان زثابته عليه ان مفيش حد يستاهلنى غير اللى هييجى من الباب
ميرسى كتيير ليك اساحبى بجد ريحتنى

[PrinCesS Gege]

اقتباس المشاركة الأصلية كتبت بواسطة سارونه ♥ طبعا انتي مالك ذنب نهائي بالعكس انتي من البدايه وضحتيله قرارك انك ناو مش بتاعت ارتباط وكلام من دا بس هو ممكن ممكن فكر ده انك بتحبيه ف قال اضايقه بقا عشان تضايقي اكيد هو بعد عملتو دي مش راجل خالص الحب مش كدا لا هو باالعافيه ولا هو بشتايم والقذاره دي يبقا يفهم انو مفيش نصيب انتي خلي بالك من نفسك بس

اها هوا فاكر انى بحب التانى عشان كدا اتخانق معاه
اكيد كل شئ قسمة ونصيب
واها انا نزل من نظرى اصلا بعد اللى عملو ده
ميرسى لردك ياقمر

[PrinCesS Gege]

اقتباس المشاركة الأصلية كتبت بواسطة ## تيتشـــر نفشـهـ ## ياروحي انتي مش ليكي ذنب خالص والحب مش غصب يعني والطريقه الي الواد دا اتعامل بيها طريقه (تسلطيه) وال يعني انا مش عارفه مين يقربلي عميد في الكليه فـ أقوم افرد ريشي ع الناس واحب اللي عاوزها واتخانق مع الي عاوزه !! ماهوا لو بيحبك زي مابيقول مكانش اتصرف ولا تصرف يدايقك حتى لو من بعيد .. هوا كدا ولامؤاخذه عامل زي المثل الي بيقول ( الاقرع بيتباهى بـ شعر خاله ) فـ اثبتي ع الي انتي فيه وخديها نصيحه مني>> الحب دا وجع قلب م الاخر يعني ولاهتعرفي تركزي فـ مستقبلك ولا أنتي ضامنه ازا هيكون نصيبك او لاء فـ خلي بالك من روحك واللي عاوز حد يجيله م الباب مهما كانت ظروفه ومايغركيش كلام الشباب عشان الجامعه ومش عارف ايه ربنا يوفقك لكل مايحبه ويرضااااااااه

هههههههههههه
حلو المثل ده عجبنى ابقى اقولهولو :d
اكيد انا عارفه الكلام ده عشان كده منفضه للحورات دى
وانا عشان مش عايزة اتعلق بحد وف الاخر ممكن ميكونش من نصيبى
أمين ياااارب العالمين
ثانكس ياقمرى لردك الجميل ده ^_^