ومازال النهب مستمر ( مسابقه بلدى )

[Mahmoud Mohie]

يحكى انه فى قديم الزمان كانت هناك فتاه جميله اعطاها الله من الميزات والصفات ما لم يعطها لأحد من خلقه أعطاها بيت لا يوصف ولا يقدر بثمن الجميع يتمنى هذا الموقع وذلك المنزل ! شعر انسيابى وحرير .. بشرة بيضاء تسر الناظرين عيون كاللائلئ .. فم كـ خاتم سليمان ملابس لا توجد عند بنى البشر !! """ "" عندما علم الرجال بوجود هذه الفتاه تصارع الجميع من أجل الحصول عليها ,,, ليس حبا فيها ولكن من أجل الحصول على ما تمتلكه """ "" تزوجها احدهم طمعا فى منزلها وافقت على الزيجه ولم تكن تعلم بنيه هذا الرجل ولما علمت تساومت مع الرجل كى يترك لها المنزل ويأخذ أى شيئ أخر وبالفعل أخذ ملابسها الجميله وتركها بلا ملابس ورحل لنبل اخلاق هذه الفتاه فقد سامحته لأنها تعلم ان اى شخص يحلم بمنزل مثل هذا """ "" جائها رجل أخر وطلب منها الزواج , اوهمها بحبه له وافقت على الفور لأنها تريد من يشاركها فى منزلها لكن الرجل كان كاذبا فهو يريد ان يأخذ المنزل تساومت معه وبالفعل أخذ عيونها وتركها بلا عيون سامحته الفتاه لأنها تعلم جيدا جذابيه منزلها """ "" تكررت الزيجات وهى تساوم وتسامح ! لم يبقى لها سوى منزلها !!!! هل تعلمون من تكون تلك الفتاه؟ انها مــصــر .......... النهب مستمر ولكن بطرق مختلفه !! اللهم احمى مصر من كل سوء || تحيااتى

[Words Whisper]

وذنب كل تلك السرقات


واقع أيضا على من يصمتون في حضور سارقيها


منادين أن ( الصبر طيب ) ( هو احنا اللي هنغير البلد ) ...... الخ ..




أبعد الله عن مصر لصوصها


لتنعم بخيرها


وأيقظ الضمائر داخل الكل


ليبحثوا عن واجباتهم قبل حقوقهم ..




طرح راقٍ


شاكرة لحضرتك ..


سلمت


ودمت بتوفيق من الله ..








تقييمي ..

[تيتشر نفشه ツ]

فعلا والله ي أ/ محمود

حتى مصر بقت بتتنهب بـ العاطفه ..

اللي ييجي يقولك انا هعمل وانا هسوي وانا هحققلكو مناكو

ويطبطب عليك ويتمسكن لحد مايتمكن !

وهكذا دواليك بقا ..


ربنا يحمي مصر ويستر عليها بقا كفايه قوي الي بيحصلها والله

فعلا موضوعك راقني قووي

قدرت ترسم الصوره بشكل جميل وواضح ..

تسلم عليه

تقييمي

[Mahmoud Mohie]

اقتباس المشاركة الأصلية كتبت بواسطة words whisper وذنب كل تلك السرقات واقع أيضا على من يصمتون في حضور سارقيها منادين أن ( الصبر طيب ) ( هو احنا اللي هنغير البلد ) ...... الخ .. أبعد الله عن مصر لصوصها لتنعم بخيرها وأيقظ الضمائر داخل الكل ليبحثوا عن واجباتهم قبل حقوقهم .. طرح راقٍ شاكرة لحضرتك .. سلمت ودمت بتوفيق من الله .. تقييمي ..

يسعدنى مرورك الراقى على موضوعاتى ,,,

لا تحرمينى من تواجدك المميز دائما

حمى الله مصر وشعبها ,,

تحيااتى

[ساحر الأحزان]

عندما تجد من يحميها ويقف فى وجة من يريد سرقتها

فلا خوف عليها

فهناك المخلصين المحبين لها

موضوع جميل يا محمود

تقييمى

[morshooo]

وهتفضل مسروقه طول ما احنا ماشيين غلط
وبنختار غلط .
ربنا يحميها من حراميها ^_^
تسلم

[العاشق الذى لم يتب]

عظيم ياسيادة البروفيسير
السيد الدكتور /محممود محى
ربنا يجعلك من الحامدين وتحيا على الخير
دنيا ودين قول آمين
الرجالة اللى راحوا وجوزا
صاحبتنا أصلا مايعرفوش قيمة
الشعر الحرير المهفهف اللى بيطير
وكمان ماعندهمش أحاسيس
يقدروابيها الجمال والرونق والعيون الخضر
هم فقط مايعرفوش غير الطمع
وياخويا الكريم بعيدعنك الطمع ملا قلوبهم وعنيهم
وبالتالى مش عارفين قيمة صاحبة الجمال والمنصب
بس والله وبكسر الهاء لو شوفتها دلوقتى
لكنت لميت كل الأقرباء ومعاهم جماعة أنا عرفهم
عندنا فى البدارى معاهم سلاح لله العجب
وكنت خدتهم ورحت عندها وقلت:
شوفى ياصاحبة العظمة هجوزك يعنى هجوزك
بالذوق بالعافية هاتتجوزينى ليه يا أبو الرفعان
تعمل كده ؟ أقول لأانى بحب الشعرالحرير
والعيون الخضر
سعدت بالمرور
وتقبل تحياتى وودى
أخوك
رفعت

[Mahmoud Mohie]

اقتباس المشاركة الأصلية كتبت بواسطة ## تيتشـــر نفشـهـ ## فعلا والله ي أ/ محمود حتى مصر بقت بتتنهب بـ العاطفه .. اللي ييجي يقولك انا هعمل وانا هسوي وانا هحققلكو مناكو ويطبطب عليك ويتمسكن لحد مايتمكن ! وهكذا دواليك بقا .. ربنا يحمي مصر ويستر عليها بقا كفايه قوي الي بيحصلها والله فعلا موضوعك راقني قووي قدرت ترسم الصوره بشكل جميل وواضح .. تسلم عليه تقييمي

السرقه بالعاطفه

وده اللى انا بكلم عنه برده

شكرا نورتى

[۩۩ elMagic ۩۩]

للأسف مصر دلوقت بقت
فريسه الكل بيطمع فى امتلاك كل جزء منها
والبلد عمرها ما هتعمر طول ما الطمع والجشع وحب التملك
الناس بيتحلوا بيهم
ربنا يصلح الاحوال ويقدم اللى فيه الخير للبلد
راقت لى كلماتكـ رغم انها صعبه ومؤثره جدا
ولكن للأسف هذا هو الواقع الذى نعيش فيه
,,,

[~♥ Queen sozan♥~]

بس احنا فين ؟ اكيد هنمسك الحرامى

او ربنا اكيد العقاب متاجل ,,

المهمـ ان مفيش حرامى بيفلت با سرقتو ,, وربنا يحميكى يا يبلدى من ايد الباطشين ..

القصة معبرهـ جدآ على أحداث البلد يدوم التميز