فـ لتسقط الآخوان!

[αЛαstoOorα]

بما ان السياسة ليها ناس موحنكه
فـ حبيت اتحنكلي بكلمتين
واكيد كلنا فـ النهاية موحنكين ائااا اقصد مصريين
وخايفين ع البلد
بصرف النظر ان كانت التحنيكة مختلفة
عن تحنيكة اي شخص حنك تاني يعني




.................................................. ....................................



الفرصة مصر خرابة

ركبت موج الهبلان

ورئيسها مفكر نفسه

زعيم حركة طالبان

والشعب حقيقي مفيص

كان نفسه يعيش ويهيص

والثورة عملها لنفسه

وضحكو عليه الآخوان

اخدوها كدا تغفيل

على سهوي كدا تضليل

وآمام الآمر الواقع

بقينا نغني ياليل

ودمغنا بقت توهان

مين فاز بالكرسي يامرسي

قالك فازو الآخوان

وسكتنا وقولنا نجرب

وخلي الراجل يدرب

وان جالنا فـ يوم بيخرب

نعمل على طول قلبان

ونقول جوة الميدان

فـ ليسقط حكم المرسي

وحزب عدالة الآخوان

والفرصه اوام لقيناها

ركبت موج الهبلان

والناس بتقولنا برضه

ادولو فرصه كمان !

قرارات وسايقها علينا

داخل فـ حاجات مش لينا

يعين فـ وزير يراظينا

ومحافظ مش حاسس بينا

كهربة تقطع بعباطة

وكآنو جايبها شحاته

والنهضة يخويا توفر

تطفي الابليج وتصفر

وتقفل من عشرة مساء

لجل اما تعيش وتدبر

وطيارة فـ عز الفجر

تعمل فـ البيت زلزال

ورسالة جوة موبايلك

الجيش شغال شغاااال

والفرصه مصر خرابة

ركبت موج الهبلان

خبلان خبلان خبلان

وان جينا نتكلم تطلع

ناس عايشة فـ التهوان

وتقولك ادولو فرصه

مالها ياناس الآخوان

يركبنا بقة ونسكتله

ويخربها ونزرغطله

ونرجع من تاني نعيش

فـ عصر جمال وسوزان

على شكل اخوان وايمان

والصدمة تجلنا نفوجئ

بآيمانه قناع فـ شيطان

ويعملنا مصر خرابة

غرقانة فـ بحر جنان

الفرصة مصر خرابة

ركبت موج الهبلان

ورئيسها مفكر نفسه

زعيم حركة طالبان

فـ لتسقط الآخوان



المنشاوي يتحدث والقلب الطيب فـ غيبوبة

[السفيره عزيزه]

بسم الله الرحمن الرحيم
ف لتسقط الفتن
والفكر النتن
والغدر البطن
والتوه والتوهان

وقفنا فى الميدان
وصرخنا يا انسان
انزل حالا ياجبان
نزل الراجل وخلاص
والكل يعيب يا بلاش

واخدنا واحد ثانى
ودعينا بتفانى
ورضينا بكل حماس

ليه اتفرقنا تانى
ورجعنا تانى نعانى
كأنه هو الجانى
فى كل الاحداث

وكأن مفيش ثانى
شيطان الا اخوانى
يا عينى على الافلاس

مين باع الارض
ومص الدم بجد
ومخلاش لنا قيمه
الى ابعد حد

عوزين حريه ليه
علشان نشتم عليه
ومفيش سجن انفتح
من مرسى والكرسى

وما فى لفظ يلفظ الا
كتاب بيحفظ ويسجل
علينا يوم منرجع اليه

القرده الخنازير
واعدئنا يا ناس كتير
واحنا فى تخدير

فاليسقط الانقسام وارسال
السهام بين الشعب الواحد
والحرب على الاخوان

يمكن دول مستوردين وفى
مصر مش مولدين
وشربين مية نيل
وبسمانا متغطييين

يااااااااااااااااااااااارب
احقن دماء المصريين

السفيره

[єLмσsħαx]

بجد جميله كلماتك اوى
يامنشاوى
يارب استرها علىنا بقى

[gold rose]

ياآ رب يستر على البلد ويعديها ,,

[αЛαstoOorα]

اقتباس المشاركة الأصلية كتبت بواسطة السفيره عزيزه بسم الله الرحمن الرحيم ف لتسقط الفتن والفكر النتن والغدر البطن والتوه والتوهان تمااام تمااام :d وقفنا فى الميدان وصرخنا يا انسان انزل حالا ياجبان نزل الراجل وخلاص والكل يعيب يا بلاش هو نزل بسهولة كدا؟ يعني لما قولناله انزل ياريس قام لابس ونازل ؟ !! ما لازم يعيبو طبعاً واخدنا واحد ثانى ودعينا بتفانى ورضينا بكل حماس مين هما اللى رضيو بقة؟؟؟ انا واحد من الناس اتحطيت امام الآمر الواقع لآن من الطبيعي مينفعش ادي صوتي لشفيق بس مش معني دا اني كنت موافق على مرسي موافقة بآيرادتي ومش آنا وبس انا وغيري كتير ادو صوتهم لمرسي لمجرد خسارة شفيق وعشان البلد متولعش ,,, ليه اتفرقنا تانى ورجعنا تانى نعانى كأنه هو الجانى فى كل الاحداث آمال مين الجاني يعني انا عاوز افهم ؟! وكأن مفيش ثانى شيطان الا اخوانى يا عينى على الافلاس ممكن يكون طرف ثالث :d مين باع الارض ومص الدم بجد ومخلاش لنا قيمه الى ابعد حد اللى قولناله انزل قام نازل على طول :d عوزين حريه ليه علشان نشتم عليه ومفيش سجن انفتح من مرسى والكرسى ا حنا مبنشتمش مرسي بعينه احنا بنشتم اللى بيعمله مرسي وآظن الحرية انك توفقي او تعترضي عن نفسي مش شايف تقدم فى اى حاجة بالعكس احنا بنرجع لوره مش بنتقدم حتي الواحد مش شايف حاجة تديله امل فـ اللي جي هو مرسي معملناش لحد دلوقت اي حاجة غير انه يخضنا فـ عز الفجر ..ويعيشنا بكشافات ويخطت ازاي ينيمنا من الساعة تلاتشر الصبح فـ بيوتنا ويقفل اكل عيش الناس عشان يوفرلنا ! دا غير بقة انه عايش دور الفدائي على ابونا وجاية معاه بسلامة حجازي ولا جيفارا منعرفش وسايبنا احنا ناكل فـ نفسنا حد كدا يطلع يقولي مرسي بقالة اد ايه ويجبلي ولو انجاز واحد حققه ؟! او حاجة عدلة مفيدة للشعب اتعملت ؟ وما فى لفظ يلفظ الا كتاب بيحفظ ويسجل علينا يوم منرجع اليه كلنا لها القرده الخنازير واعدئنا يا ناس كتير واحنا فى تخدير !!! فاليسقط الانقسام وارسال السهام بين الشعب الواحد والحرب على الاخوان يسقط الآنقسام اة والسهام بين الشعب الواحد آة بس الحرب عمرها ما هتسقط غير لما الآخوان يعملو للشعب الواحد حاجة مفيدة تفيدهم وتضيع الآحساس اللى جواهم بآن عيشة زي آم الخير يمكن دول مستوردين وفى مصر مش مولدين وشربين مية نيل وبسمانا متغطييين اة تقريباً عندنا داسيسة يااااااااااااااااااااااارب احقن دماء المصريين السفيره

بصي يا آختي
آولاً انا بحترمك جداً جداً بمداخلتك دي
لآنك شخصية محترمة وثانياً هطول عليكي
حبة وياريت تتحمليني
انا واحد من الناس اللي تعبت وعانت فـ حياتها
من اسرة بسيطة في حي شعبي يعني من الناس الغلابة اللي عايشة اليوم بيومه من الناس اللى
كل همها فـ الحياة انها تجري على اكل عيشها
عشان تعرف تعيش ...يعني لا انا ولا غيري اللى شبهي ..وطبعاً في مصر شبهي كتييير ربنا يخللنا
مبارك ..ويمكن في اللى اقل مني ومش عارف يجري على اكل عيشه عشان اصلا مش متوفرله اكل عيش ياكل منه وربنا يخلهولنا مبارك برضه
وينسينا ايامه ...فا انا وغيري مش حمل بلد تقف
ولا حمل مظاهرات وحرايق ولا حمل اننا نرجع
نعيش تاني فـ قرف ..ولا كنا بنتكلم فـ السياسة
لآن اصلاً مبارك كان مخلينا عايشيين نصارع بعض عشان نعرف نجيب اللقمة لعيالنا ولآهالينا
دنا بكلمك عليا انا واللى شبهي يعني
فا مكنش الراجل مدينا اي سكة في آي مجال
غير مجال الصراع ..فا طبعاً زهقنا من حياتنا كلها
وكان فى مننا بيولع فـ نفسه ويرمي نفسه ويشنق نفسه عشان القهر اللي عايش فيه قومنا اتكلمنا
ولما اتكلمنا وعملنا انقلاب على النظام
دا مكنش عشان كلنا بنفهم فـ السياسة
دا كان عشان اننا تعبنا من وجودنا فـ بلدنا
وملناش حق نتكلم فـ آي حاجة فيها مش فـ السياسة بس ,,ولما غيرنا السكة وقولنا حرية
دا كان عشان اللي لي فـ السياسة واللي ملهوش
يطلع يقول انا مش موافق بصوت عالي ويلاقي اللي يسمعله ويقف معاه ويحققله مطالبه ,,
فـ اللي بيحصل دا ولا ايد خافية مخططاله ولا في شياطين ..اللي بيحصل دا ان الناس اللي شبهنا
لسه تعبانة ولو مش تعبانة خايفة ترجع تتعب تاني ..ومش شايفة اي امل فـ الحياة من اللي موجودين ,,بالعكس دا فيه حاجات زادت عليهم
ومخلياهم فاقدين الآمل خالص ,,
قصر الكلام عشان مطولش اكتر من كدا السياسة
دلوقت بقت للي فاهم واللي مش فاهم والآتنين
ليهم حق يتسمعلهم وتتحقق مطالبهم عشان هما فجئة لقو نفسهم ملزمين يتكلمو فـ السياسة لآن دا حقهم اللي مش هيسكتو عليه يتكلمو بآنهي طريقة بقة ..كل واحد وفكره وعيشته ومطالبه وتعليمه
بس فـ النهاية كلنا مصريين وعاوزين نعيش كويس
شرفتي

[αЛαstoOorα]

اقتباس المشاركة الأصلية كتبت بواسطة ωιℓ∂-єνιℓ بجد جميله كلماتك اوى يامنشاوى يارب استرها علىنا بقى

الله يباركلك يا كبير

واللهم امين يارب

نورت

[نجمة النجوم]

والله العظيم انت انسان رائع
وانا بحترمك جدا
وبحترم كل حرف هنا
تقييمي
ميرسي جدا

[αЛαstoOorα]

اقتباس المشاركة الأصلية كتبت بواسطة gold rose ياآ رب يستر على البلد ويعديها ,,

اللهم امين

منورة