أنا المناضل

[Şα3Đ..♥]

شايفه الفساد بعنيكي وبتقولي اهي ماشيه
وبكره ينصلح الحال فيكي و المركب تكون راسيه
ولما اخبط علي اكتافك واوقلك سايبه ليه حقنا
تبصيلي وتستغربي وتساليني مين انا

انا المناضل وانا المقاتل واللي قال فداكي
ما انا اللي فاضل واللي راحل واللي باقي
وانا المشاغب اللي كاتب شهاده وفاته بايديه
وانا اللي امه الصبح تفطره وبليل تنوح عليه

متقوليش حالي انصلح وانتي اصلا ف الاسوأ
ده كل واحد فيكي اندبح ومركب نهضتك بتغرق
عارفه ترابك ليه بيبكي ما هو من حزنه عليكي
ودموعنا ليه نازله بتجري ماهو من كتر الفساد فيكي

طب ليه قطعتي الخلاص وجبتيني للدنيا
عشان تحطي المداس ف بؤي ولا حاجه تانيه
ليه كاتمه نفسي ورجلك فوق رقبتي
لا انتي عاجبه نفسك ولا عجباكي حالتي

ما هو يا ينصلح حالك يا بايدك تدفنينا
لا انا عارف ايه مالك ولا العيب فينا
ده مره نفرحك ومره انتي اللي بتفرحينا
بس دمعك كتر وبيدبحك وفيه هتغرقينا

[Lost Pearl]

كلمات تحفة يا سعد بجد

احساس جميلة حقااااا

تسلم ايديك

5 نجوم و تقييمي

و ف انتظار جديدك دايما

[العاشق الذى لم يتب]

ياعم محمد أبوسعد
خليك سعد ووش الخير وتفاءل
ياراجل هى مش ضلمة زى
حضرتك شايفة
إن شاء الله الخير جاى
والفرج قريب
وربك كبير
يقدر ويلاطف
قول يارب
حوش عن أمنا مصر
وجعتلى آلبى الله يسامحك
تقبل تحياتى وودى
رفعت

[همسه الجوارح]

روعه يامحمد
تسلم الايادى
دام نبض قلمك
احترامى

[الرحــاال المٌتَمرد]

ميلاد شاعر ,, فــ أنا المناضل

وبرغم أنك تحتاج للمزيد من التجارب والاطلاع والبحث

لَكن هُنا قدمت عَمل يستحق كل الاحترام والتقدير

محمد سعد

أرى مستواك دائما فى تقدم

وهُنا طفره لــ قلمك الثائر

عبرت بكل قوه ,, وبلغه تروق لى كثيراً

معزوفه راقيه ,, وحرف أنيق


أحترااامي سيدي ,, مع التثبيت

وتقييمي لحضورك القيم ,,

[Words Whisper]

لما حالنا ينصلح


حالها هينصلح ..


طرح راقٍ


وأسلوب بسيط راقٍ ..


شاكرة لحضرتك ..


دمت بتوفيق من الله ..

[تيتشر نفشه ツ]

والله كلماتك جابت الخلاصه ياأبيه

كل مانقول الحال هيبتدي يتصلح ترجع مصر اسوأ م الي كانت عليه

بنقول ياريتنا مقلنا انو هيتصلح

( ترجعي بالسلامه يامصر) ..

كلماتك روعه ومعبره قوي بجد

احساس حضرتك عالي فيها

اشكرك واتمنالك كل التوفيق يارب

تقييمي

[إيلانا]

قلم فاض مابه من شعور


تجاه وطنه ونثر كلمات تحمل ألم


لكن بالشجاعة والتمسك بقيم وتعليم ديننا الإسلامي


حقا ستنتصر لكن المهم أن تكونوا يدا واحده وأن اختلف الاديان


حماك الله يامصر الابيه


دمت بكل خير وسعادة


لك خالص الشكر والتقدير والاحترام


ايلانا

[lady lead]

كلمات مؤثرة و قوية
تحدثت عن الواقع ببساطة
الصور معبرة جداً و إحساسها قوى
تقديري و احترامي