الكائن الاخوانى

[نجم الحبيب]

اقتباس المشاركة الأصلية كتبت بواسطة قلم بلا حبر اللى يخلى رئيس دوله بحجم مصر يقول لبلد انقسمت نصين ,,, حبوا بعض واحضنوا بعض يبقى مستنى ايه والله يا محمد اخر ذرة احترام للراجل طيرها امبارح ,, وربنا يعدى ال 4 سنين بتوعه على خير

قريب اوي مصر هتكون زي السودان علي يد مرسي
انت كان عندك زره احترام لمرسي وطيرها امبارك
انا معنديش اي احترام للاخوان خالص

[حنـــــون]

امبارح لما شوفت البوست دا ع الفيس
مصدقتش نفسى والله :d
مش عارفه جابو الفكر دا منين
او استندوا على ايه فى دينا بيقول كدا
الى اعرفه ان من بدايه نزول القران وهو بيدعوا
لتفكر والتدبر والتعقل فى كل شئ ايه بئه
وجه النظر فى الطاعه العمياء دى حتى ولو قرارهم غلط
وهيروح فيها نااااااااس مش مشكله المهم راى الجماعه
ازى قدروا يخلوا ناس متعلمه ومثقفه تقولك ماهو اكيد
هما فكروا فى الموضوع كتير طب وانت بالنسبه لعلقك انت
ايه زينه ولا زياده فى جسمك سبحان الله
كلام ما انزل الله به من سلطان ربنا يخلصنا من الافكار دى بئه
بس ملاحظتش حاجه امبارح الريس ماقلش اهل وعشيرتى :d

[قلم بلا حبر]

اقتباس المشاركة الأصلية كتبت بواسطة جبل عالى على الرغم أن لي إخوة وأخوات إخوانجية بالفعل وممن ولدتهم أمي إلا إن بالفعل عندما أتناقش معهم ...نصل إلى جملة واحدة بالنهاية الله المستعاااااااان أخي المحترم .. بتتبع أحداث التاريخ على مر العصور نجد أن الدين يعتبر جهة مركزية عالية التأثير بل ربما المتحكمة أحيانا في مقدرات الشعوب حتى وإن لم تظهر على السطح .....فقد كانت تدار إمبراطوريات ودول وممالك بإسم الدين ............. ولا حاجة للسرد ..... ولكن بالنهاية أعاننا الله على ما نحن مقدمين عليه بالفعل ..... فما يحدث بنظري هو محاولة مستميتة للعودة إلى تلك العصور بشتى الطرق فمن قديم الأزل دائماً ...كان المعتقد أن التقرب والخضوع والخنوع لتلك الفئة المتحكمة والمتمرسة بأمور الدين ... هو عين الصواب وهو تصريح للدخول فى رحمة الله .............. ولا حول ولا قوة الا بالله لم يعد هناك ذلك الجهل الثقافي والديني ....لم يعد ذلك الخضوع والركوع الا لرب العالمين ...... حربهم يا سيدي شعواء ... وللأسف الشديد أصبحت أساليبهم عقيمة .... ولا أجد تفسيراً إلا ..... وكأنهم أصحاب سفينة نوح فمن ركب فقد نجا .................... لا إله الا الله اللهم أنر قلوبنا ولا تزغ أبصارنا و إرحمنا فوق الأرض وتحت الأرض ويوم العرض عليك ............. أشكر موضوعك وتحليلك الذى كثيرا ما أمر ولا أترك إلا مجرد إعجاب ......... الله المستعان

انا عجبنى قوى تشبيهك للحالة ,,, بسفينة نوح

ودا الوضع اللى احنا فيه دلوفتى ان اللى معايا وطنى وعايز خير البلد واللى معارضنى خاين وعميل وجاهل وضد الاسلام وضد الشريعه

بشكرك على مرورك الجميل

بالتوفيق

[قلم بلا حبر]

اقتباس المشاركة الأصلية كتبت بواسطة حبرالقمر السلام عليكم اخي الكريم مش كل الناس زي بعض مش كل السلفيين قالب واحد ولا كل الاخوان قالب واحد انا مش اخوان بس علاقتي قريبه بيهم اوي نظرا لان كليتنا فيها ناس كتير ممنهم حضرتك انا عمري مشفت منهم السمع والطاعه ده بالعكس شفت الشورى ده مبدا اساسي عندهم حضرتك انا كنت اعده معاهم يوم الخميس كانو بيتكلمو عن ان في قيادات كبيره في الحزب اقترحت تغيير المكان من ميدان التحرير وهما الشباب الصغيرين دول الي لسه متخرجوش من الجامعه القيادات بتعملهم اعتبار وكل شهرين تقريبا بيجتمع بيهم قيادي ويقولهم القرارات ويسمع اعتراضتهم ويااما ياقنعهم ياما هما يقنعو وخلوني مره احضر معاه عشان اشوف ده بعيني والقيادات بتععتبر الشباب دول اهم عنصر هما ايديهم الي في الجامعات والاماكن الي حبين يوصللوولها وكتير من صحابي الي اعرفهم رفضين فكرة التحرير ومش مسافرين التحرير المراضي حيكتفو بمسيرات هنا في اسكندريه بالرغم من المرات الي فاتت كانو بيسافرو لما يكون في مليونيه مفيش بني ادم يقدر يلغي تفكيره مجرد شهاده حبيت اقولها نظرا لوجودي قريبه من الناس ديه والي عمري محكون منهم مش لانهم وحشين بالعكس لاني بحب اكون مش ملتزمه بحد مثلا نزلو رئيس معجبنيش انا مش مضطره اختاره بس هما مضطرين يرضوبيه ويختاروه وحيحبو لانه منهم بس كده وبشكر حضرتك واكيد ديه حاله ولكل قاعده شواذ تقبل م روري اختك حبـــر القــمـــر

على فكره انا كنت بدرس فى جامعة الازهر واكيد حرتك فاكره القضيه الشهيره بتاعت (( ميليشيات الازهر )) كنت واقف بتفرج على العرض دا على فكره

المهم ,, فالاخوان عندنا كانوا اكتر مما تتخيلى ,,, بس اسألى نفسك سؤال ,, هو ازاى الاخوان بيقدروا يجذبوا عناصر جديده

اقولك انا

1- المسكنه ,, ايوه ومتستغربيش ,, شفتى لما الصهاينه بيقعدوا يتمسكنوا على العالم كله بالمحرقه ,, هم برده بيتكلموا عن ان الحكام بتضهدهم ومحدش تم اضطهاده زى الانبياء والرسل علشان هم على حق

2- المدخل لعنصر اخوانى جديد بيكون فى الغالب منطوى مش منتشر او مالوش اصحاب كتير فبيقدر شباب الجماعه يلتفوا حواليه وحسسوه انه بقى ليه عيله واسره بتحبه لله فى لله ولا بيتريقوا عليه زى اصحابه التانيين ,, ولا بينفضوا ليه ولا بيقولوا ليه ان دمك تقيل ,, فدا بيكون عامل جذب كبير جدا فى ان البنىالمنغلق على نفسه يبدأ يلاقى البراح ده مره واحده من الصحبه الى حواليه

3- المصالح بتتصالح ,, يعنى واحد متميز ومحبوب من دفعته مثلا يبدأوا يلفوا حواليه وده اصعب النماذج اللى بيقابلوها وفى النهايه بيدخلوا من مدخل المصالح بتتصالح يعنى مساعدات فى الكليه رحلات مجانا حاجات من النوعيه دى وبيحسسوه ان فى انتماؤه للجماعه الخير الكبير ليه لانه محتمل بعقليته النابغه دى يكون حد ليه شأن كبير فى الجماعه

4- انا اعرف ناس انضمت للاخوان علشان يؤتبطوا ببنات الاخوان هههههههههههههه ,, بجد والله مش بهزر ,, ومتستغربيش من دا والا يبقى لازم تستغربى من البنات المسيحيات اللى بيسلموا ويهربوا مع شاب مسلم مثلا ,,, انما فى الغالب الاخوانى بيجوز ويتجوز من الاخوانى اللى زيه وده عبر عنه صبحى صالح بسذاجه لما قال (( الاخوانى الفلوطه اللى بيروح يتجوز من بنت مش اخوانيه ,, ليه افلوطه يعمل كدا وعنده بنات الجماعه ,, والبنت اللى ترفض شاب اخوانى وتفضل عليه شاب غير اخوانى ليه كدا )) ,,, على فكره صبحى صالح ده قيادى فى الجماعه وواحد من اللجنه الرباعيه اللى اجرت التعديلات الدستوريه فى مارس 2011


5- ودا المشهور والمعروف والمتداول بين الناس ,, ان الاخوان او الجماعات الاسلاميه عموميا بيركزوا قوى على الشباب اللى محتاج ومش معاه ,, ودول كتيرررر جدا ,, وموجودين فى كل مكان ,, وغالبا بيركزوا عليهم قوى فى كليات القمه ,, يعنى مثلا واحد والده فراش ودخل طب ,, وفجأه بقى عليه مصاريف طب حيصرف عليها منين ,, بيركزوا معاه ويتقربوا منه ويساعدوه فى انه ينضم ليهم ويتكفلوا بمصاريف دراسته ويبقى عضو ناشط فى الجماعه مقابل مصاريف تعليمه ,,, وعلشان كدا كنت بسأل نفسى سؤال واحنا فى الجامعه ,, هو ليه الاخوان فى هندسه اكتر من الاخوان اللى فى تجاره ههههههههههههههه


6- التوارث ,, مش عايزه جدال يعنى ان ابن الاخوانى اخوانى زيه ومراته وكدا ,, علشان كدا لما مرسى اخد 5 مليون صوت بس فى الجوله الاولى ,, كتبت هنا فى القسم ان لازم تفرحوا لان اول مره فى التاريخ نعرف القوه الحقيقيه للاخوان فى الشارع ,, يوم الانتخابات الاخوانى بياخد مراته واولاده الى ليهم حق التصويت ويروح ,, ده امر بيقابله مبدأ السمع والطاعه اللى بنتكلم عليه فى الموضوع

وبكدا يبقى رجعنا لنفس موضوعنا ,, بعد ما الغلبان اتجند باى طريقه وعلى فكره اكيد فى طرق تانيه انا معرفهاش وبعد كدا بيجوزوه اخت اخوانيه وينجب بقى اولاد اخوان ,, ونفضل فى مسلسل غسيل العقول دا كدا على طول


بس المفاجأه ان شباب الاخوان من كتر احتكاكهم مع شباب الثوره الفتره اللى فاتت بدأوا يحسوا انهم مهمشين ومش زى اقرانهم لا فى حرية التفكير ولا فى القدره على اتخاذ القرار ,, واوعى يغرك المثال اللى ربتيه ,, لانى اكيد لو عايزك تنمى للحزب اللى انا منتمى ليه مش حقولك انه حزب ديكتاتورى او مش حيبقى ليكى فيه لزمه ,,, اكيد لازم اعملك البحر طحينه

بس سؤال

الشباب اللى حضرتك اتكلمتى عنهم هل بيمثلوا كل اسكندريه

طيب لو فرضنا انهم كلهم بيمثلوا اسكندريه وان القيادى دا نازل يقنعهم ,, فهم اقنعوه برأيهم اللى هم شايفينه صح

انا بس عايز امشى معاكى واحده واحده لان مفيش الشورى او عمليا فى وسط قراراتهم الكتير دى اتثبت لينا ان مفيش اليه للشورى الا لو عاملين موقع ع النت محدش يعرف يوصله الا هم ههههههههههههه

المهم لو افترنا ان فى موضوع طرح فاخوان اسكدريه قالوا رأى للقيادى اللى نزلهم ,, واخوانى الشرقيه قالوا رأى تانى خالص للقيادى اللى نزلهم ,, واخوان الغربيه نفس للطريقه ,, وباقى المحافظات على هذا النوال

ممكن مثلا تلاقى 3-4 محافظات اتفقوا على نفس الرأى واختلف معاهم 3-4 محافظات تانيه وهكذا

تعددت الاراء اهو يبقى المفروض نعمل ايه علشان نخرج بقرار موحد للجماعه كل الجماعه تلتزم بيه

اننا نرجع ناخد التصويت على الكام الرأى اللى حصل عليهم اجماع واكتر رأى ياخد اصوات فى المحافظات يبقى الجماعه حتلتزم بيه


بالله عليكى وانا راضى حكمك ,,, انتى ممكن تتصورى ان ده حصل فى الاعلان الدستورى او حصل فى الاعلان الدستورى اللى فات بتاع عزل المجلس العسكرى او حتى نزل فى المشكله بتاعت موضوعنا اللى هو نزول التحرير


مبدأ السمع والطاعه ينافى اساسا ابسط مبادئ الديمقراطيه ,,, لانى لو فى حزب محترم وعملنا تصويت عام فى الحزب او حتى زى حركة 6 ابريل اللى عملت التصويت بتاعها على النت بكلمة سر خاصه لكل عضو فيها ,, فكون الرأى اللى حيخرج فى النهايه مش محتاج ان حد يقولى (( سمع وطاعه )) لان انا بالديمقراطيه ملتزم بالخضوع للرأى اللى حصل على اجماع


واضح ان الشكل الحلو اللى بيظهروه اصدقاءك فى الكليه ابهرك بالجماعه ,, بس الحقيقه صدقينى غير كدا خالص ,, وممكن تجربى ومش حتخسرى حاجه ,, شاركى معاهم ولو طلع زى ما بقول قدمى استقاله ولو لقيتيه كويسين قوليلنا نيجى نشترك معاكى فى الجماعه ,, بس المشكله انك لو اشتركتى ورجعتى سبتى الجماعه اصحابك اللى زى الفل دول اشك انهم حيكملوا معاكى والله اعلم

[Bright Brain]

للأسف
كلمه السمه والطاعه دي اللي قالها الاعلام
ورددها الشعب
بالرغم من انها ليست موجوده في جماعه الاخوان المسلمين
جماعه الاخوانالمسلمين قائمه على المشوره من أولها لآخرها
على غير ما تقولون تماما
للاسف يردد الناس ان الاخوان عندهم السمع والطاعه لأنهم لا يعلمون ما يدون داخل الاجتماعات الداخليه لكل أعضاء الجماعه
من أول المرشد إلى أصغر عضو فيها
تخيلوا ان رأي عضو في اسره اخوانيه صغيره وافقت عليه الجماعه كلها >>> هذه هي المشوره
في الجامعات يكون الشباب >> ولهم مسؤول كبير يتابعهم ليأخذ منهم الاقتراحات
متصورين ليأخد منهم الاقتراحات لا لكي يلقي عليهم التعليمات كما يزعم الناس
في الاسر الداخليه يأخذون الليل كله في المشوره ثم يرفعون الرأي الذي اتفقوا عليه إلى المسؤول عنهم ثم يرفعه إلى من هو أعلى منه ثم إلى مجلس شورى الجماعه عند ذلك يدرسون رأي كل شخص
---------------------------------
دا كان الجزء الاول
ثانيا
أنا أعترض على كلمتك وهي سلق الدستور
الدستور يناقش من 6 أشهر عوزين إيه أكتر من كده
أو لو انت شايف انه اتسلق >> يبقى لازم تكون تابعت الجلسه امبارح من أولها لآخرها وحددت مواد شايف انها اتسلقت
وطبعا مش هتعرف تقول اتسلق في ايه
--------------------------------
ثالثا
انت معترض على سرعة الدستور ليه
طالما انت معارض للاعلان الدستوري >> دا لو انت فاهمه من كل جوانبه >> ودا انا متاكد منه انك متابع كويس
لو معارض له يبقى انت عاوز الدستور يخلص بسرعه وتتم الموافقه عليه بسرعه عشان الاعلان الدستوري يخلص معاده ولا اييييييه ؟؟
لو كلامي غلط قول
---------------------------
انت بتعترض على ان قرارات الرئيس محصنه مؤقتا
ومعترضتش على المحكمه الدستوريه العليا اللي قراراتها محصنه نهائيا ولا يوجد حق الاعتراض عليها
-------------------------
موضوع التحرير
الميدان ليس حكرا لأحد
والاسلاميين لا يؤذون أحد
بيروحوا زي ما هما مش زي ناس رايحه وواخده معاها شوم وسكاكين
والأهم من دا ان الفروض متفرضش على الطرف الىخر يتظاهر فين
-----------------------
في الختام انا متحفظ على كلمه انت قولتها

اقتباس انها مجرد فرقعه من جماعه تحترف النفاق ,,, للتغطيه على دستور تم سلقه لكن مجرد التفكير فى حاجه زى كدا كشفت لنا الوجه القبيح للفكر دا

هي ليست جماعه تحترف النفاق ابدا
وانا اتكلمت في موضوع الدستور دا
لو انت شايف انه وجه قبيح يبقى خلاص كده انت بتحكم على الناس ان انت اللي بتفكر بس وانت الصح على طول !! وعجبي
-------------------
بس حابب انصحك بحاجة
لا تهاجم الطرف الآخر من أجل المهاجمه
ولكن هاجمه من اجل اختيار الافضل
من أجل وطن حر
-----------------
أخوك أحمد

[SiLver Spectra]

هرد عليك سريعا في جزئية و قلم بلا حبر يتكفل في الرد على باقي نقاطك

اقتباس لو معارض له يبقى انت عاوز الدستور يخلص بسرعه وتتم الموافقه عليه بسرعه عشان الاعلان الدستوري يخلص معاده ولا اييييييه ؟؟

مش شايف ان دا قرار استبدادي شبيه بقرار (اما انا او الفوضى) بتاع مبارك ؟
يعني انت مش حاطتلي خيار بحلم بيه و هو ان الدستور ياخد وقته براحته و في نفس الوقت كل الاطياف تكون مجتمعه عليه من اول جلسه لاخر جلسه و بتوزيع عادل بيشمل كل الاطياف
و في نفس الوقت من غير ما يكون في اعلان دستوري بيحصن الرئيس و بيحصن التاسيسية , و كلنا عارفين انه حصنها لانه عارف انها كانت هتتحل بعد الانسحابات الاخيره الي تمت

فانت ازاي تفرض عليه و تقولي يا اما اعلان دستوري يا اما الدستور دا الي عملتهولك !
هي الدساتير في العالم بتتعمل كدا !!
و مين يرضى بكدا و مش شايف ان بكدا انت بتمارس عليه الاستبداد زي اني اقولك هنا في المنتدى يا ترد على قسم واحد بس في المنتدى او انك ترد على كل الاقسام عادي بس توافقني في كل ارائي و مش تعارضني , غير كدا تاخد حظر
ترضى انت ان حد يفرض عليك خيارين زي كدا ؟
و هو الاستبداد بيكون ايه غير كدا ؟

[قلم بلا حبر]

اقتباس المشاركة الأصلية كتبت بواسطة حنـــــون امبارح لما شوفت البوست دا ع الفيس مصدقتش نفسى والله :d مش عارفه جابو الفكر دا منين او استندوا على ايه فى دينا بيقول كدا الى اعرفه ان من بدايه نزول القران وهو بيدعوا لتفكر والتدبر والتعقل فى كل شئ ايه بئه وجه النظر فى الطاعه العمياء دى حتى ولو قرارهم غلط وهيروح فيها نااااااااس مش مشكله المهم راى الجماعه ازى قدروا يخلوا ناس متعلمه ومثقفه تقولك ماهو اكيد هما فكروا فى الموضوع كتير طب وانت بالنسبه لعلقك انت ايه زينه ولا زياده فى جسمك سبحان الله كلام ما انزل الله به من سلطان ربنا يخلصنا من الافكار دى بئه بس ملاحظتش حاجه امبارح الريس ماقلش اهل وعشيرتى :d

واخده بالك انتى ,,, واح ان فى كادر اخوانى موجود معانا بيسرب كلامنا ,,,

تصريحى بتاع لو قال اهلى وعشيرتى حكسر التليفزيون على دماغه مقولتوش الا هنا ,,,

لازم نطلع الفار ههههههههههههه

بس بجد انا اتفاجئت زيك بحكاية السمع والطاعه دى انها بالشكل اللى معاه يتلغى العقل

منوره يا حنون

[قلم بلا حبر]

اقتباس المشاركة الأصلية كتبت بواسطة bright brain للأسف كلمه السمه والطاعه دي اللي قالها الاعلام ورددها الشعب بالرغم من انها ليست موجوده في جماعه الاخوان المسلمين مش فاهم الحته دى او بالاحرى مش عايز افهمها غلط ,, هل قصدك انى بكذب مثلا فى الكومنتات المحطوطه فى الاقتباس ؟؟؟ مظنش انى محتاج اكذب على حضرتك علشان اثبت حاجه قايلها اخواتك فى الجماعه ,,,انا مش بتبلى عليكم ,, اقرا الموضوع تانى وشوف الحوار اللى مكنتش طرف فيه اصلا وانت حتعرف لو عايز تعرف وحتفهم لو مسموح ليك تفهم جماعه الاخوانالمسلمين قائمه على المشوره من أولها لآخرها على غير ما تقولون تماما للاسف يردد الناس ان الاخوان عندهم السمع والطاعه لأنهم لا يعلمون ما يدون داخل الاجتماعات الداخليه لكل أعضاء الجماعه من أول المرشد إلى أصغر عضو فيها تخيلوا ان رأي عضو في اسره اخوانيه صغيره وافقت عليه الجماعه كلها >>> هذه هي المشوره في الجامعات يكون الشباب >> ولهم مسؤول كبير يتابعهم ليأخذ منهم الاقتراحات متصورين ليأخد منهم الاقتراحات لا لكي يلقي عليهم التعليمات كما يزعم الناس في الاسر الداخليه يأخذون الليل كله في المشوره ثم يرفعون الرأي الذي اتفقوا عليه إلى المسؤول عنهم ثم يرفعه إلى من هو أعلى منه ثم إلى مجلس شورى الجماعه عند ذلك يدرسون رأي كل شخص طيب سيبك من كلامى وسيبك من كلامك ,, وحشهد عليك اى حد بيتابع الموضوع ههههههههههه بقى عايز تقولى ان الاعلان الدستورى اللى نزلتم تأيدوه دا اتعمل فيه الحوار دا كله ؟؟؟؟؟؟؟؟؟؟؟ عايز تقولى ان تحديد مليونية السبت فى الترير اتناقش بالطريقه دى ؟؟؟؟؟؟؟؟؟؟؟ عايز تقولى ان تغيير مكان مليونية السبت من التحرير لجامعة القاهره اتنفذ فيه الخطوات اللى قلت عليها دى ؟؟؟؟؟؟؟؟ انت بتكلم ناس جايه من الهند يا حاج ,,, ما تروق كدا اصلها بصراحه كبرت قوى قوى --------------------------------- دا كان الجزء الاول حتلاقى الجزء التانى زيه :d ثانيا أنا أعترض على كلمتك وهي سلق الدستور الدستور يناقش من 6 أشهر عوزين إيه أكتر من كده ما تصلى على نبيك اللى حيشفع فيك واستوعب كلامك قبل ما تقوله هو انا لما اطرح انا وطارق دلوقتى قانون جديد فى المنتدى بيقول حظر جميع الاعضاء المعارضين لسياسة المنتدى اللى احنا شايفينها صح ,,, وتطلبوا انكم تتناقشوا معانا ,, ونفضل نتناقش بتاع اسبوع فى حنة قانون من غير ما نوصل لاتفاق ,, فنزهق وانا طارق ونروح قايلين خلاص احنا وافقنا على الدستور وخلاص ومعروف ان اى استفتاء على الدستور فى العالم بيحوز بقبول ,, مفيش دستور فى العالم اترفض قبل كدا تصدق فقبل اى حاجه ,وتشكيل الدستوريه اساسا معيب ودى مش اول مره ,القضاء حلها قبل كدا ,, وكان برده حيحلها تانى ,, لان اغلبيتها لا تعبر عن كل اطياف لما تيجى بقى لجمعيه تاسيسيه تشكيلها معيب وومرسيكم اتفق معانا على اعادة تشكيلها وطبعا زيه زى اخوانه رجع فى كلامه مع ان يا اخى فى البلد عندنا بيقولك (( اللى بيرجع فى كلامه مش راجل )) وفوق دا كله يحصل انسحابات لكل القوى العارضه منها ,,, وكمان مفيش اى ممثل عن اقباط مصر فيها ,,, ويخرج الدستور ,,, انتم بتستهبلوا يا عم ,, ده دستور مين دا ,, الدستور دا يخصكم ويلزمكم انتم انما انا كتبتها على الفيس ميلزمنيش ,, وعلى رأى 6 ابريل (( بلوه واشربوا مايته )) أو لو انت شايف انه اتسلق >> يبقى لازم تكون تابعت الجلسه امبارح من أولها لآخرها وحددت مواد شايف انها اتسلقت وطبعا مش هتعرف تقول اتسلق في ايه تصدق مش حعرف ,,, حكيلك حاجه صغيره بس بالله عليك مفيش مانع انك تفتح عقلك زى البشمهندس حسام اللى انا زكرته كمثال فى الموضوع اولا انا من قريه يعنى اغلبها (( فلاحين )) واخواتى وابويا عمال ,, يبقى احنا عيله المفروض تتمسك بنسبة ( 50% ) عمال وفلاحين ,,, مش كدا برده تخيل بقى اننا مش عايزينها ,, والثوره لما قامت كان من اهم مطالبها الغاء النسبه دى ,و اللى بتخلى نص تصويت المصريين يكون مبنى على عدم علم يعنى ايه قاضى معاه ماجستير فى القانون يكون اللى بيشرع ليه القوانين اللى حيحكم بيها معاه ابتدائيه يعنى ايه واحد مالوش فى الاقتصاد اصلا يناقش ميزانية مصر اومال الجامعات المصريه بتعمل ايه ,, بتخرج لينا الناس اللى بتخرجها دى ليها ,, وهل هى دى النهضه اللى حتقوم بيها مصر ,, والا مجلس شعب حيبقى زى مجلس شعب مبارك ,,, نصف اعضاؤه قاعدين مش فاهمين اى حاجه فى اى حاجه ,, يتقالهم ارفعوا بيرفعوا ودا كله ليه ,, لان جماعتك الموقره محتاجه المجلس علشان تمرر كل التشريعات الجديده اللى حينص عليها دستورك المعيب واللى من ضمنها شوية تشريعات مكافأه للسلفيين على مساندتهم ليهم فى الجمعيه وفى الاعلان الدستورى ,, وانا منى واحد بنتظر قانون الاسره اللى حيندرج نحن مادة الاسره فى الدستور الجديد اللى بتكفل الدوله ان تحمى اخلاقها ,,, مش عارف دولة ايه دى اللى حتدخل تربينا فى بيوتنا ,,, هو احنا مكناش متربيين ,,, واقولك على اول ماده فى قانون الاسره ؟؟؟ زواج البنت عند قدرتها ,, يعنى على 7 سنين او 9 سنين زى ما شيوخك بيقولوا ,, مش بقولكم دستوركم دا فله شمعه منوره عايز تانى والا اعملك مووع خاص بس بالدستور ونقعد نتكلم فيه عايز تعرف المرشد الاعلى للثوره الاسلاميه الايرانيه حيبقى موجود فين ,,, ان شاء الله لما يقدر اخواتك من الدكاتره فى جامعة الازهر من انهم يتسللوا الى هيئة كبار العلماء ,, ساعتها بقى وبحسب دستورك اللى بتغنى بيه يبقوا بمثابة مكتب ارشاد ,, بس مش مكتب ارشاد الاخوان ,, دا مكتب ارشاد مصر كلها كمان والا اشوف باقى موضوعك ,,, يا اخى اخرجوا بقى من الوهم وغسيل المخ اللى معمول ليكم دا ,, -------------------------------- ثالثا انت معترض على سرعة الدستور ليه طالما انت معارض للاعلان الدستوري >> دا لو انت فاهمه من كل جوانبه >> ودا انا متاكد منه انك متابع كويس لو معارض له يبقى انت عاوز الدستور يخلص بسرعه وتتم الموافقه عليه بسرعه عشان الاعلان الدستوري يخلص معاده ولا اييييييه ؟؟ لو كلامي غلط قول طيب حتقبل منى ؟؟ انا متأكد انك حتقبل منى هههههه كلامك مش غلط ,, كلامك ساذج وسطحى ومالوش معنى يا ابنى سياسة العصا والجزره دى تعملها امريكا على الشرق الاوسط فيقبلوها علشان غلابه مش قادرين نقف قصادها ,,, انما انتم تعملوها ازاى وبعدين نفسى اقول للجاهل اللى فكر فى كدا ,, دى مش سياسة العصايه والجزره ,, لان مفيش جزره ,, ,, ده وسخ وده اوسخ منه افكرك باخر مره وقعنا فيها الوقعه دى ,,, كانت بين مرسيك وشفيق ,, ويومها عصرنا على نفسنا كيلو ليمون وانتخبنا مرسيك اللى راجع دلوقتى يقولك انا جاى باغلبيه ,, يا شيخ اتلهى فيا حبيبى مفيش حاجه اسمها زى ما رئيسك قال امبارح كدا الشعب يوافق على الدستور يسقط الاعلان الدستورى على طول ,,,, ده بعيد عنك ناس محدثة سياسه ,,او بالبلدى (( ملهمشى فيها )) والله حرام ان شباب زى الورد زيكم يمشى ورا ناس تفكيرها بالسذاجه دى وبالهبل ده ,, لدرجة ان العيل الصغير فى مصر بقىفاهم هم بيتأمروا ازاى --------------------------- انت بتعترض على ان قرارات الرئيس محصنه مؤقتا ومعترضتش على المحكمه الدستوريه العليا اللي قراراتها محصنه نهائيا ولا يوجد حق الاعتراض عليها هو انتم بيجيلكوا تكليف برده بالرد فى المنتديات زى تكليف حضور المظاهرات ؟؟؟؟؟ لان لو كدا ومش عليك تكليف بلاش تدخل تدافع وتجيب حاجات معرفشى انت جايبها منين ... بس بصراحه متتقالشى هههههههههههه المهم يا سيدى وانا عارف انك كدا كدا لو حصل عندك تفكير حتكتم فى نفسك وتروح تسأل رئيس الشعبه اللى حيرجع يغسلك مخك تانى ,,, بس الواحد بيقول علشان ربنا وخلاص المحكمه الدستوريه العليا هى محكمة فصل فى دستورية القوانين من عدمها ,, يعنى حضرتك دستوركم ده بعد ما ينزل وتنتخبوا اخواتكم فى مجلس الشعب ,, واخواتك دول يعملوا قانون ,, فنيجى بقى احنا الزناديق والفساق نعترض عليه ونطعن فى عدم دستوريته يعنى ايه عدم دستوريته ,, يعنى مواد القانون بتتناقض مع ماده فى الدستور او مجموعة مواد فى الدستور ,,, فمين اللى يحكم بينا ,,, ؟؟؟ اللى بيحكم بينا احنا الزناديق واخواتك الاطهار الملايكه ,, هى المحكمه الدستوريه العليا ,,, طيب بتعمل ايه المحكمه الدستوريه العليا ؟؟؟ بتجيب القانون بتاع اخواتك الملاكيه ,, وتشوف الطعن بتاعنا احنا الزناديق ,,, وتبص على الدستور ,,, وتقول هل القانون دا دستورى والا مش دستورى طيب ليه حكمها ملزم نهائيا ؟؟؟ سؤال زى بتاع جورج قرداحى للرجل الاماراتى ,, لما قاله (( انت سمعت عن حرب تالته ,, شوفت حرب رابعه )) فانا بقولك ,, انت عندك حد تانى نروح نطعن على الحكم قدامه ,,,؟؟؟؟ ,, تعرف مكان نروح نقوله احنا متظلمين من المحكمه الدستوريه العليا ؟؟؟؟ انا بصراحه اعرف ,, عليك وعلى الامم المتحده يا برنس ففين مرسى بقراراته اللى ضد اى دستور فى العالم حتى الدستور اللى انتم خرجتوه امبارح من غرفة العمليات ,, وبين محكمه بتصدق على ان القانون ده دستورى والا مش دستورى على الله تكون وصلت ------------------------- موضوع التحرير الميدان ليس حكرا لأحد والاسلاميين لا يؤذون أحد بيروحوا زي ما هما مش زي ناس رايحه وواخده معاها شوم وسكاكين والأهم من دا ان الفروض متفرضش على الطرف الىخر يتظاهر فين برافو عليك ,, انت اخوانى اصيل وانا بحييك على دا بص بقى يا سيدى ,, عارف البلتاجى ,, ايوه يا عم امين الحريه والعداله بالقاهره ,, واللى كان بالنسبه ليكم قياده ميدانيه فى ميدان التحرير ايام الثوره ,, المهم الاخ دا يا سيدى يوم موقعة الجمل والكلام على لسانه اهو فى شهادته فى المحكمه اقتباس وأكمل أنه وردت معلومات عن إصابة بعض المتظاهرين بطلقات نارية، وفى الساعة الثانية ظهرًا قام أحد الأشخاص بالنداء عليه، وطلب منه مقابلة أحد القيادات الأمنية داخل مكتب للسياحة، ودخل المكتب وقابل تلك الشخصية وعرف نفسه بأنه اللواء عبدالفتاح من جهاز المخابرات العامة، وكان مع البلتاجي مجموعة من المتظاهرين، وطلب إخلاء ميدان التحرير حقنًا للدماء، وأكد أن لديه معلومات مؤكدة بوجود مجموعات من أنصار مبارك سوف تدخل إلى ميدان التحرير وهى مجهزة للاشتباك مع المتظاهرين وأن ذلك سيؤدى إلى حدوث دماء كثيرة ولابد من إخلاء الميدان وفض التظاهر وقال البلتاجي له: "يا سيادة اللواء كيف تسمحون إلى هؤلاء البلطجية بالدخول إلى ميدان التحرير"، فرد عليه قائلاً إنهم مواطنون مصريون يريدون التعبير عن رأيهم للرئيس مبارك، فقال البلتاجي: "هل ضاق بهم ميدان مصطفى محمود؟! فلديهم كل ميادين مصر للتظاهر فيه ومن الممكن أن يتم فتح إستاد القاهرة لهم، فهو يستوعب الآلاف"، شفت بقى انك خرجت على مبدأ السمع والطاعه ,, اخوك الكبير البلتاجى بيقول لانصار مبارك اللى سابوا الدنيا كلها وجايين يعبروا عن رأيهم فى التحرير ,, ان قدامهم ار الله واسعه يروحوا فى اى حته تانيه ,,, اهو دا نفس ردى عليك ,, اصلى بصراحه بحب البلتاجى ----------------------- في الختام انا متحفظ على كلمه انت قولتها هي ليست جماعه تحترف النفاق ابدا وانا اتكلمت في موضوع الدستور دا لو انت شايف انه وجه قبيح يبقى خلاص كده انت بتحكم على الناس ان انت اللي بتفكر بس وانت الصح على طول !! وعجبي ههههههههههههههههههههه ,, يعنى المفروض اقول ايه طيب اللى انتم عايزينه يا عم احنا حنعمله عايزنى اقول انه وجهه حسن علشان ابقى مش بحكم على الناس انى بفكر صح ده رأيى يا ابنى ,, وجهة نظرى ,, اقول اللى انا عايزه بصرف النظر حضرتك تتفق او تختلف ,, اللى شايف ان كلامى صح حييجى معايا فى اللى بقوله ,, واللى شايف ان كلامى غلط انا مش حجبره على انه يقتنع واللى بينفذ تكليفات قياداته ,, ربنا معاه انما لو عايز تعرف مين بيقول للناس انا اللى بفهم وكلكم حمير ,,, يبقى فلتلقى نظره يا اخ على الاعلان الدستورى حكاية النفاق دى بقى ,,,, راجع قرارات جماعتك من 25 يناير بعدم النزول لحد امبارح فى الدستور اللى مفيوش رفقاء الميدان علشان يصوتوا عليه ,, وانت حتعرف ان النفاق هو توصيف مهذب لجماعتك ------------------- بس حابب انصحك بحاجة لا تهاجم الطرف الآخر من أجل المهاجمه ولكن هاجمه من اجل اختيار الافضل من أجل وطن حر وانا قبلت النصيحه يا عم اى خدمه ,, وبتمنى تقبل انت كمان نصيحتى فكر بعقلك ,, يرحمك الله ----------------- أخوك أحمد

رفيقك السيد ههههههههههههههه


على فكره الشيوعيه برده كان عندها المسمى دا بداخلها بين اعضاءها ,,, بيقولوا لبعض ,, يا رفيق ,,,

فعلى رأى الست عبله كامل

كله منفد على بعضه


بالتوفيق

[Bright Brain]

اقتباس المشاركة الأصلية كتبت بواسطة silver spectra هرد عليك سريعا في جزئية و قلم بلا حبر يتكفل في الرد على باقي نقاطك مش شايف ان دا قرار استبدادي شبيه بقرار (اما انا او الفوضى) بتاع مبارك ؟ يعني انت مش حاطتلي خيار بحلم بيه و هو ان الدستور ياخد وقته براحته و في نفس الوقت كل الاطياف تكون مجتمعه عليه من اول جلسه لاخر جلسه و بتوزيع عادل بيشمل كل الاطياف و في نفس الوقت من غير ما يكون في اعلان دستوري بيحصن الرئيس و بيحصن التاسيسية , و كلنا عارفين انه حصنها لانه عارف انها كانت هتتحل بعد الانسحابات الاخيره الي تمت فانت ازاي تفرض عليه و تقولي يا اما اعلان دستوري يا اما الدستور دا الي عملتهولك ! هي الدساتير في العالم بتتعمل كدا !! و مين يرضى بكدا و مش شايف ان بكدا انت بتمارس عليه الاستبداد زي اني اقولك هنا في المنتدى يا ترد على قسم واحد بس في المنتدى او انك ترد على كل الاقسام عادي بس توافقني في كل ارائي و مش تعارضني , غير كدا تاخد حظر ترضى انت ان حد يفرض عليك خيارين زي كدا ؟ و هو الاستبداد بيكون ايه غير كدا ؟

أولا يا دكتور طارق انا دائما بكون معجب برأيك
انا مش بقول ان رأيك دا غلط
بس شوف الموضوع من وجهة نظر تانيه
طبعا كلنا كنا عارفين ان التأسيسيه هتتحل هي ومجلس الشورى زي ما مجلس الشعب اتحل >> ومش عارفين ليه
بس كطبيعه المرحلة الانتقاليه
مش عاوزين اللي اتعمل يرجع للخلف تاني
بمعني ان التأسيسيه شغالة بقالها 6 شهور يعني هنرجع 6 شهور للخلف تاني
طبعا كلنا عاوزين التقدم

بص بقى شوف الفكره دي >> زي الفكره بتاعتك بس بشويه تعديلات
معانا رئيس المنتدى كا ما يطلع قرار هيفيد كل الاعضاء
ييجي بقى مشرف أو مراقب يروح ماسح الموضوع اللي رئيس المنتدى ككتب فيه القرارات المهمه دي

بعض الاعضاء زعلانين ان القرار لم يطبق
وبعضهم زعلانين من الموقف ان مراقب أو مشرف بيمسح كلام رئيس المنتدى
وفيه اعضاء زعلانين من الموقفين

فرئيس المنتدى راح عامل ايه
راح سايب المشرف او الراقب دا ومعملهوش اي حاجة خالص
بس عمل خاصيه في المنتدى ان المشرف دا ميجيش يمسح الكلام بتاع الرئيس
طبعا الرئيس عارف انه انسان وممكن يغلط وهيجي وقت لازم يكون موجود مشرف يمسح كلام الرئيس بس مش في الوقت دا
لأهميه القرارات إللى الرئيس عاوز يعرفها لكل أعضاء المنتدى حصل الموضوع بتاعه
لحين ان كل الاعضاء يعرفوها
بعد كده هيشيل الخاصيه دي

بس دي كل الحكايه

[SiLver Spectra]

اقتباس المشاركة الأصلية كتبت بواسطة bright brain أولا يا دكتور طارق انا دائما بكون معجب برأيك انا مش بقول ان رأيك دا غلط بس شوف الموضوع من وجهة نظر تانيه طبعا كلنا كنا عارفين ان التأسيسيه هتتحل هي ومجلس الشورى زي ما مجلس الشعب اتحل >> ومش عارفين ليه بس كطبيعه المرحلة الانتقاليه مش عاوزين اللي اتعمل يرجع للخلف تاني بمعني ان التأسيسيه شغالة بقالها 6 شهور يعني هنرجع 6 شهور للخلف تاني طبعا كلنا عاوزين التقدم بص بقى شوف الفكره دي >> زي الفكره بتاعتك بس بشويه تعديلات معانا رئيس المنتدى كا ما يطلع قرار هيفيد كل الاعضاء ييجي بقى مشرف أو مراقب يروح ماسح الموضوع اللي رئيس المنتدى ككتب فيه القرارات المهمه دي بعض الاعضاء زعلانين ان القرار لم يطبق وبعضهم زعلانين من الموقف ان مراقب أو مشرف بيمسح كلام رئيس المنتدى وفيه اعضاء زعلانين من الموقفين فرئيس المنتدى راح عامل ايه راح سايب المشرف او الراقب دا ومعملهوش اي حاجة خالص بس عمل خاصيه في المنتدى ان المشرف دا ميجيش يمسح الكلام بتاع الرئيس طبعا الرئيس عارف انه انسان وممكن يغلط وهيجي وقت لازم يكون موجود مشرف يمسح كلام الرئيس بس مش في الوقت دا لأهميه القرارات إللى الرئيس عاوز يعرفها لكل أعضاء المنتدى حصل الموضوع بتاعه لحين ان كل الاعضاء يعرفوها بعد كده هيشيل الخاصيه دي بس دي كل الحكايه

ههههههههههههه
طب فرضا مرسي كان غلط ؟
بمعنى انه وعد باعادة تشكيل التاسيسية و مستعد اجبلك الفيديو و لما فاز ضرب طناش ,,دا تسميه ايه ؟
يعني هو وقتها كان عارف و بيقر ان التاسيسية فيها خلل في التوزيع , و لا هو وعد ليه ؟
خديعه سياسية لكسب اصوات القوى الثورية الي كانت ناوية تقاطع صح ؟

انت عارف انت كدا بتعمل ايه ؟
انت حولته لشخص مقدس , الجهة الي اقدر الجأ اليها للتظلم هي القضاء !
ماينفعش تعلق فشل الرئيس في تحقيق وعوده على شماعة القضاء
لان انت عندك السلطة التنفيذية واسعه جدا تقدر تعمل فيها الي انت عايزه
الحاجة الوحيده الي هتقف فيها مع القضاء هي التدخل في تعيين النائب العام و الدستور
مافيش حاجه تانيه , كونها تحكم بحل الجمعية التاسيسية و بالمناسبة الحكم مش صدر في الاول نتيجة ان كان فيها تيارات و قوى قبل ما تنسحب
و بعد ما انسحبت راح مرسي محصن التاسيسية , قولي انت بقى التاسيسية بتتحل ليه ؟
و القوى بتنسحب ليه ؟ و الناس بتعارض ليه ؟ اكيد في حاجه غلط و اكيد في استحواذ مبالغ فيه
و اكيد في فشل من الاخوان في لم شمل المجتمع و الانقسام الحاد الي حاصل و الي تسبب في تدهور البلاد , دا مين مسؤول عنه و عشان ايه ؟
انت شايف ان دي طريقة استقرار انك تغصب الشعب عالدستور ؟ و شايف الشارع كدا تمام ؟
و لا الحوار الوطني كان هيبقى انسب بكتييييير ؟
طب ايه الصعوبة في الحوار الوطني ؟ الاستحواذ!!