الكائن الاخوانى

[قلم بلا حبر]

اقتباس المشاركة الأصلية كتبت بواسطة bright brain أولا يا دكتور طارق انا دائما بكون معجب برأيك انا مش بقول ان رأيك دا غلط بس شوف الموضوع من وجهة نظر تانيه فى احداث زى دى بتكون الدول فيها معرضه للحروب اهليه ,, لو رأيه صح زى ما نت بتقول ,, يبقى اعرف انى اى كلام ليك تانى حيكون محض افتراء وحيطلع غلط زى ما حتشوف فى مثالك اللى ضربته طبعا كلنا كنا عارفين ان التأسيسيه هتتحل هي ومجلس الشورى زي ما مجلس الشعب اتحل >> ومش عارفين ليه بس كطبيعه المرحلة الانتقاليه مش عاوزين اللي اتعمل يرجع للخلف تاني بمعني ان التأسيسيه شغالة بقالها 6 شهور يعني هنرجع 6 شهور للخلف تاني طبعا كلنا عاوزين التقدم بص بقى شوف الفكره دي >> زي الفكره بتاعتك بس بشويه تعديلات معانا رئيس المنتدى كا ما يطلع قرار هيفيد كل الاعضاء ييجي بقى مشرف أو مراقب يروح ماسح الموضوع اللي رئيس المنتدى ككتب فيه القرارات المهمه دي بعض الاعضاء زعلانين ان القرار لم يطبق وبعضهم زعلانين من الموقف ان مراقب أو مشرف بيمسح كلام رئيس المنتدى وفيه اعضاء زعلانين من الموقفين فرئيس المنتدى راح عامل ايه راح سايب المشرف او الراقب دا ومعملهوش اي حاجة خالص بس عمل خاصيه في المنتدى ان المشرف دا ميجيش يمسح الكلام بتاع الرئيس طبعا الرئيس عارف انه انسان وممكن يغلط وهيجي وقت لازم يكون موجود مشرف يمسح كلام الرئيس بس مش في الوقت دا لأهميه القرارات إللى الرئيس عاوز يعرفها لكل أعضاء المنتدى حصل الموضوع بتاعه لحين ان كل الاعضاء يعرفوها بعد كده هيشيل الخاصيه دي بس دي كل الحكايه

مثال خاطئ وبوظلك الدنيا اكتر

علشان كده لما قلتلك فوق ان فى زمن الفتن لو قلت لحد مخالفك رأيك صح يبقى كلامك بعد كدا حيكون محض افتراء


لان ببساطه المثال بتاعك محتاج تصحيح مش اكتر علشان يناسب الواقع

هو فعلا فى مشرف يقدر يحذف لمدير عام موضوع محطوط بشكل لا يخالف قوانين المنتدى ؟؟؟

انا بقولك لا ميقدرشى ,,, وممكن يتعرض للتحقيق والاياقاف وممكن عزله من الاشراف كمان

طيب امتى انا كمراقب احذفله الموضوع بتاعه ,,, ان لو جاى يعلن عن قراراته عندى فى القسم

حقوله انك خالفت قوانين القسم ,, روح نزل موضوعك فى القسم المناسب

طيب لو نزله فى القسم المناسب وانا جيت حذفته ,, يبقى انا كدا اللى خالفت القانون ,,


نطبق بقى الكلام دا على رئيسك والمحكمه الدستوريه العليا

رئيسك وجماعتك ضغطوا للخروج بقانون بيسمح بترشح الاحزاب فى انتخابات الفردى

ولو ناسى افكرك ان انتخابات مجلسى الشعب والشورى تمت بناءا على ان التلتين قائمه والتلت فردى

وعلى فكره برده من ضمن الكلام دستورك الموقر اللى اتسلق امبارح بيقر نفس النسبه دى بالظبط

وعلى فكره بقى اكبررر من اللى فاتوا ان فى عهد مبارك تم الحكم ببطلان انتخابات مجلس الشعب اللى استند لنفس النسبه


المهم ,, فالدستوريه (( مشرف القسم )) وجدت ان فى شئ غلط حصل وان قانون مجلسى الشعب والشوى بيخالفوا الدستور (( يعنى الاخوان حطوا موضوع للديكور فى قسم بقلم الاعضاء )) ولان المحكمه قررت بحل المجلس قبل كدا فى عهد مبارك ,, فقررت انها تحله دلوقتى ,,, طبعا كان المفروض المجلس العسكرى يعمل استفتاء على ده ,, بس معملشى وانتم الاتنين حرين فى بعض كنتم زى السمنه على عسل وكنا احنا بلطجيه ورجعتوا كرمتوهم وعملتوا ليهم خروج امن ,, يبقى تسألوهم ليه معملوش استفتاء على قرار الدستوريه بحل مجلس الشعب

وبما ان مجلس الشورى تم بنفس الطريقه ,, يبقى مش محتاج عبقريه انه كمان حيتحل

نيجى للتأسيسيه ,, اتحلت علشان مشاركة اعضاء مجلس الشعب فى اللجنه ,, ده فى المره الاولى ,,, لان الطبيعى انك الشعب مرشح اعضاء مجلس الشعب لاختيار لجنة وضع الدستور ,, مش اختارهم هم لوضع الدستور

انما بقى التلفيق والتدليس بتاع التيارات الاسلاميه اللى بيعتبروا نفسهم حاملين لواء الشريعه ,, ادعو بالباطل انهم من حقهم وضع الدستور واختاروا لجنه كان 70% منها تيارات اسلاميه ,,, فاتحلت بحكم قضائى

اللجنه التانيه نفس قصة اللجنه الاولى ,, مش عارف مبيتعلموش الاخوان دول نهاااائى ,, وبحس انهم معندهمشى ابتكار فبيتنحوا ,,, زى نسبة التلتين والتلت ,,, اللىب رده حطوها فى الدستور الجديد لدرجة ان قانونين وهم بيعلقوا ضحكوا ههههههههههههههه ,,

طيب احنا بقى ذنبنا ايه فى دا كله ان رئيسك يطلع علينا كديكتاتور ,, ويقولنا يا تختاروا دا يا تختاروا دا ,,

يا مرسى ليه عملت كدا ,,, اصلى بحمى المؤسسات من انها تتحل ,,,

طيب يا مرسى اساسا احنا عايزينها تتحل ,, تخيل هههههههههههههه

ايوه تأسيسيه لا تمثلنى باى شئ يبقى تتحل

مجلس شورى ايه اللى يبقى عليه ,, ما يتحل وكدا كدا بعد الدستور حنعمل انتخابات جديده

مرسيك يا كابتن انحاز لجماعته واغلبيتها فى الشورى والتأسيسيه ,, يبقى متجيش بالله عليك تتفلسف علينا وتقنعنا انه مش حرامى

انا بقولهالك مرسيك وكل اللى معاه فى مكتب الارشاد بالنسبه لكل اللى انت شايفهم فى الميادين النهارده حرااااااميه

سرقوا الشرعيه فى مصر ,, وسرقوا سلطات الحكم

اخر حاجه بقى لتفكر اننا بنتجنى عليك


محكمة النقص فى مصر هى محكمه واحده على مستوى الجمهوريه

اول مره فى تاريخها تعلق عملها

قول بقى انها كمان فلول ,, علشان يبقى مرسى نجح بالتزوير ونشيله ونخلص زى ما شفيق بيقول

بص لو مقتنع بكلام جماعتك مش بقولك انى حعملك غسيل مخ ,,, بس راعى وانت بتناقش الناس انك متعملشى دور الضحيه

يمكن لان شباب الثوره من يومهم عمرهم ما جريوا على مفاوضات مع مبارك او مع عمر سليمان لانهم رجاله ,,, علشان كدا عمر ما حد فيهم حس انه ضحيه ,, ليا حق حنزل اخده

خليك انت قاعد لما يجيلك التكليف بالنزول

بالتوفيق

[Bright Brain]

للأسف
كلمه السمه والطاعه دي اللي قالها الاعلام
ورددها الشعب
بالرغم من انها ليست موجوده في جماعه الاخوان المسلمين

مش فاهم الحته دى او بالاحرى مش عايز افهمها غلط ,, هل قصدك انى بكذب مثلا فى الكومنتات المحطوطه فى الاقتباس ؟؟؟

مظنش انى محتاج اكذب على حضرتك علشان اثبت حاجه قايلها اخواتك فى الجماعه ,,,انا مش بتبلى عليكم ,, اقرا الموضوع تانى وشوف الحوار اللى مكنتش طرف فيه اصلا وانت حتعرف لو عايز تعرف وحتفهم لو مسموح ليك تفهم
اللي حصل بين اصدقاؤك دا اسمه الرأي والرأي الآخر
يعني اتناقش أنا وانت بس لازم نتفق على رأي واحد سواء كان رايي أو رأيك >> وفي الآخر تكون النفوس متصافيه
دا بيحصل في اغلب الأحوال في اي اجتماع
واللي حصل بين زمايلك دا دايما انا بكون فيالموقف المعارض زي صاحبك كده
بس في النهايه بيكون الموضوع يا تقنعني لاقنعك مش لأقنعك لأبهدبك !!


جماعه الاخوانالمسلمين قائمه على المشوره من أولها لآخرها
على غير ما تقولون تماما
للاسف يردد الناس ان الاخوان عندهم السمع والطاعه لأنهم لا يعلمون ما يدون داخل الاجتماعات الداخليه لكل أعضاء الجماعه
من أول المرشد إلى أصغر عضو فيها
تخيلوا ان رأي عضو في اسره اخوانيه صغيره وافقت عليه الجماعه كلها >>> هذه هي المشوره
في الجامعات يكون الشباب >> ولهم مسؤول كبير يتابعهم ليأخذ منهم الاقتراحات
متصورين ليأخد منهم الاقتراحات لا لكي يلقي عليهم التعليمات كما يزعم الناس
في الاسر الداخليه يأخذون الليل كله في المشوره ثم يرفعون الرأي الذي اتفقوا عليه إلى المسؤول عنهم ثم يرفعه إلى من هو أعلى منه ثم إلى مجلس شورى الجماعه عند ذلك يدرسون رأي كل شخص


طيب سيبك من كلامى وسيبك من كلامك ,, وحشهد عليك اى حد بيتابع الموضوع ههههههههههه

بقى عايز تقولى ان الاعلان الدستورى اللى نزلتم تأيدوه دا اتعمل فيه الحوار دا كله ؟؟؟؟؟؟؟؟؟؟؟

عايز تقولى ان تحديد مليونية السبت فى الترير اتناقش بالطريقه دى ؟؟؟؟؟؟؟؟؟؟؟

عايز تقولى ان تغيير مكان مليونية السبت من التحرير لجامعة القاهره اتنفذ فيه الخطوات اللى قلت عليها دى ؟؟؟؟؟؟؟؟

انت بتكلم ناس جايه من الهند يا حاج ,,, ما تروق كدا اصلها بصراحه كبرت قوى قوى
احنا مالنا بالاعلان الدستوري >> الرئيس هو اللي اصدره مش الاخوان والاخوان ملهومش رأي في اصداره خالص
لأنه ببساطه الاخوان مواطنين عاديين ملهومش اي ميزه عن باقي الشعب >> يعني جزء لا يتجزأ من الشعب
ثانيا موضوع التاييد للقرار كان بمشوره وبعد ما القرار طلع مش زي ما الاعلام كان بيقول ان المرشد كان بيؤمرالاخوان انهم ينزلوا يايدوا القرار قبل ما يطلع
كله بدراسه الاول


---------------------------------
دا كان الجزء الاول

حتلاقى الجزء التانى زيه :d


ثانيا
أنا أعترض على كلمتك وهي سلق الدستور
الدستور يناقش من 6 أشهر عوزين إيه أكتر من كده

ما تصلى على نبيك اللى حيشفع فيك واستوعب كلامك قبل ما تقوله
عليه الصلاة والسلام
هو انا لما اطرح انا وطارق دلوقتى قانون جديد فى المنتدى بيقول حظر جميع الاعضاء المعارضين لسياسة المنتدى اللى احنا شايفينها صح ,,, وتطلبوا انكم تتناقشوا معانا ,, ونفضل نتناقش بتاع اسبوع فى حنة قانون من غير ما نوصل لاتفاق ,, فنزهق وانا طارق ونروح قايلين خلاص احنا وافقنا على الدستور وخلاص ومعروف ان اى استفتاء على الدستور فى العالم بيحوز بقبول ,, مفيش دستور فى العالم اترفض قبل كدا تصدق
في الوضع اللي انت بتقوله دا مش هو اللي بيحصل دلوقتي خالص في مصر
لان الدستور اللجنه التأسيسيه مش معترضه عليه >> دا غير المنسحبيه اللي الشعب مش عارف هم انسحبوا ليه >> بينفذوا سياسه لإما يمشي رأيي لإما هنسحب
فقبل اى حاجه ,وتشكيل الدستوريه اساسا معيب ودى مش اول مره ,القضاء حلها قبل كدا ,, وكان برده حيحلها تانى ,, لان اغلبيتها لا تعبر عن كل اطياف
لما تيجى بقى لجمعيه تاسيسيه تشكيلها معيب وومرسيكم اتفق معانا على اعادة تشكيلها وطبعا زيه زى اخوانه رجع فى كلامه مع ان يا اخى فى البلد عندنا بيقولك (( اللى بيرجع فى كلامه مش راجل )) وفوق دا كله يحصل انسحابات لكل القوى العارضه منها ,,, وكمان مفيش اى ممثل عن اقباط مصر فيها ,,, ويخرج الدستور ,,, انتم بتستهبلوا يا عم ,, ده دستور مين دا ,, الدستور دا يخصكم ويلزمكم انتم انما انا كتبتها على الفيس ميلزمنيش ,, وعلى رأى 6 ابريل (( بلوه واشربوا مايته ))
تشكيلها معيب ازاي وهي مشكله من مجلس الشعب المنتخب وممثلين الازهر والكنيسه

أو لو انت شايف انه اتسلق >> يبقى لازم تكون تابعت الجلسه امبارح من أولها لآخرها وحددت مواد شايف انها اتسلقت
وطبعا مش هتعرف تقول اتسلق في ايه


تصدق مش حعرف ,,, حكيلك حاجه صغيره بس بالله عليك مفيش مانع انك تفتح عقلك زى البشمهندس حسام اللى انا زكرته كمثال فى الموضوع
على فكره انا معارض أكتر منه >>يعني بشغل مخي لأن مفيش حاجةاسمها السمع والطاعه إلا لله تعالى وللرسول صلى الله عليه وسلم
اولا انا من قريه يعنى اغلبها (( فلاحين )) واخواتى وابويا عمال ,, يبقى احنا عيله المفروض تتمسك بنسبة ( 50% ) عمال وفلاحين ,,, مش كدا برده

تخيل بقى اننا مش عايزينها ,, والثوره لما قامت كان من اهم مطالبها الغاء النسبه دى ,و اللى بتخلى نص تصويت المصريين يكون مبنى على عدم علم
يعني انت كده بتعمل اختلاف في الطبقات المجتمعيه
وهو أكيد مفيش حد عمال وفلاحين هينجح إلا لما يختاره اهل دائرته عن اقتناع انه على درايه كامله
وعلى فكره ساعات بتلاقي راجل تعليمه متوسط مخه يوزن عشره من اللي معاهم دكتوراه

يعنى ايه قاضى معاه ماجستير فى القانون يكون اللى بيشرع ليه القوانين اللى حيحكم بيها معاه ابتدائيه

يعنى ايه واحد مالوش فى الاقتصاد اصلا يناقش ميزانية مصر
يعني ايه قاضي داخل الكليه بــ 52 % على أيامه اتخرج وكان أبوه مستشار بقى هو كمان مستشار
وقولت لك مممكن يكون اللي معاه ابتدائيه تفكيره أعلى منه

اومال الجامعات المصريه بتعمل ايه ,, بتخرج لينا الناس اللى بتخرجها دى ليها ,, وهل هى دى النهضه اللى حتقوم بيها مصر ,, والا مجلس شعب حيبقى زى مجلس شعب مبارك ,,, نصف اعضاؤه قاعدين مش فاهمين اى حاجه فى اى حاجه ,, يتقالهم ارفعوا بيرفعوا

ودا كله ليه ,, لان جماعتك الموقره محتاجه المجلس علشان تمرر كل التشريعات الجديده اللى حينص عليها دستورك المعيب واللى من ضمنها شوية تشريعات مكافأه للسلفيين على مساندتهم ليهم فى الجمعيه وفى الاعلان الدستورى ,, وانا منى واحد بنتظر قانون الاسره اللى حيندرج نحن مادة الاسره فى الدستور الجديد اللى بتكفل الدوله ان تحمى اخلاقها ,,, مش عارف دولة ايه دى اللى حتدخل تربينا فى بيوتنا ,,, هو احنا مكناش متربيين ,,, واقولك على اول ماده فى قانون الاسره ؟؟؟
زواج البنت عند قدرتها ,, يعنى على 7 سنين او 9 سنين زى ما شيوخك بيقولوا ,, مش بقولكم دستوركم دا فله شمعه منوره انت متأكد ان الماده دي في الدستور
انا قرأت الدستور ملقيتش فيه الحكايه دي
هحكيلك موقف كنت بتكلم مع واحد صاحبي في الموضوع ده
بيقول لي زواج القاصرات ومش زواج القاصرات فهمت دماغه شغاله ازاي كان ردي بمنتهى البساطه ان دا بنعتبره زنى فاهم قصدي أكيد

عايز تانى والا اعملك مووع خاص بس بالدستور ونقعد نتكلم فيه

عايز تعرف المرشد الاعلى للثوره الاسلاميه الايرانيه حيبقى موجود فين ,,, ان شاء الله لما يقدر اخواتك من الدكاتره فى جامعة الازهر من انهم يتسللوا الى هيئة كبار العلماء ,, ساعتها بقى وبحسب دستورك اللى بتغنى بيه يبقوا بمثابة مكتب ارشاد ,, بس مش مكتب ارشاد الاخوان ,, دا مكتب ارشاد مصر كلها
مالهم علماء الازهر طول عمر الازهر وسطي لا ينتمي لأي هيئه أوجماعه

كمان والا اشوف باقى موضوعك ,,,

يا اخى اخرجوا بقى من الوهم وغسيل المخ اللى معمول ليكم دا ,,



--------------------------------
ثالثا
انت معترض على سرعة الدستور ليه
طالما انت معارض للاعلان الدستوري >> دا لو انت فاهمه من كل جوانبه >> ودا انا متاكد منه انك متابع كويس
لو معارض له يبقى انت عاوز الدستور يخلص بسرعه وتتم الموافقه عليه بسرعه عشان الاعلان الدستوري يخلص معاده ولا اييييييه ؟؟
لو كلامي غلط قول


طيب حتقبل منى ؟؟

انا متأكد انك حتقبل منى هههههه

كلامك مش غلط ,, كلامك ساذج وسطحى ومالوش معنى

يا ابنى سياسة العصا والجزره دى تعملها امريكا على الشرق الاوسط فيقبلوها علشان غلابه مش قادرين نقف قصادها ,,, انما انتم تعملوها ازاى

وبعدين نفسى اقول للجاهل اللى فكر فى كدا ,, دى مش سياسة العصايه والجزره ,, لان مفيش جزره ,, ,, ده وسخ وده اوسخ منه

افكرك باخر مره وقعنا فيها الوقعه دى ,,, كانت بين مرسيك وشفيق ,, ويومها عصرنا على نفسنا كيلو ليمون وانتخبنا مرسيك اللى راجع دلوقتى يقولك انا جاى باغلبيه ,, يا شيخ اتلهى

فيا حبيبى مفيش حاجه اسمها زى ما رئيسك قال امبارح كدا الشعب يوافق على الدستور يسقط الاعلان الدستورى على طول ,,,, ده بعيد عنك ناس محدثة سياسه ,,او بالبلدى (( ملهمشى فيها )) والله حرام ان شباب زى الورد زيكم يمشى ورا ناس تفكيرها بالسذاجه دى وبالهبل ده ,, لدرجة ان العيل الصغير فى مصر بقىفاهم هم بيتأمروا ازاى
ههههههههههههههههههههههههههه
طيب فسر حل مجلس الشعب ومحاولات حل الشورى والتأسيسية



---------------------------
انت بتعترض على ان قرارات الرئيس محصنه مؤقتا
ومعترضتش على المحكمه الدستوريه العليا اللي قراراتها محصنه نهائيا ولا يوجد حق الاعتراض عليها




هو انتم بيجيلكوا تكليف برده بالرد فى المنتديات زى تكليف حضور المظاهرات ؟؟؟؟؟
ههههههههههه
برضوا هضحك
دي حرية شخصية
انا آخر مره نزلت في مظاهرات كانت في جمعه النصر >> يعني يوم تنحي مبارك
فين بقى التكليه
وكنت نازل الثوره لوحدي يعني من غير اي تكليف زي أي حد في مصر

لان لو كدا ومش عليك تكليف بلاش تدخل تدافع وتجيب حاجات معرفشى انت جايبها منين ... بس بصراحه متتقالشى هههههههههههه
ههههههههههههههههه
قولت لك فيش أي تكليف

المهم يا سيدى وانا عارف انك كدا كدا لو حصل عندك تفكير حتكتم فى نفسك وتروح تسأل رئيس الشعبه اللى حيرجع يغسلك مخك تانى ,,, بس الواحد بيقول علشان ربنا وخلاص
هههههههههههه
انا مش بحضر اي حاجة لما بيكون فيه اي اخد مشوره او اي حاجة بيجيلي دعوة أروح اتناقش نتسشير كلنا
ومش بتكلم إلا في الآخر بعرض كل اعتراضاتي

المحكمه الدستوريه العليا هى محكمة فصل فى دستورية القوانين من عدمها ,, يعنى حضرتك دستوركم ده بعد ما ينزل وتنتخبوا اخواتكم فى مجلس الشعب ,, واخواتك دول يعملوا قانون ,, فنيجى بقى احنا الزناديق والفساق نعترض عليه ونطعن فى عدم دستوريته

يعنى ايه عدم دستوريته ,, يعنى مواد القانون بتتناقض مع ماده فى الدستور او مجموعة مواد فى الدستور ,,, فمين اللى يحكم بينا ,,, ؟؟؟

اللى بيحكم بينا احنا الزناديق واخواتك الاطهار الملايكه ,, هى المحكمه الدستوريه العليا ,,,

طيب بتعمل ايه المحكمه الدستوريه العليا ؟؟؟

بتجيب القانون بتاع اخواتك الملاكيه ,, وتشوف الطعن بتاعنا احنا الزناديق ,,, وتبص على الدستور ,,, وتقول هل القانون دا دستورى والا مش دستورى

طيب ليه حكمها ملزم نهائيا ؟؟؟

سؤال زى بتاع جورج قرداحى للرجل الاماراتى ,, لما قاله (( انت سمعت عن حرب تالته ,, شوفت حرب رابعه ))

فانا بقولك ,, انت عندك حد تانى نروح نطعن على الحكم قدامه ,,,؟؟؟؟ ,, تعرف مكان نروح نقوله احنا متظلمين من المحكمه الدستوريه العليا ؟؟؟؟

انا بصراحه اعرف ,, عليك وعلى الامم المتحده يا برنس

ففين مرسى بقراراته اللى ضد اى دستور فى العالم حتى الدستور اللى انتم خرجتوه امبارح من غرفة العمليات ,, وبين محكمه بتصدق على ان القانون ده دستورى والا مش دستورى

اذا كانت الدستوريه تقضي بعدم دستوريه القوانين
فازاي يحلت مجلس الشعب رغم انها كانت موافقه علي نظام الانتخابات من الاول
وطلما لو انت مع حل مجلس الشعب ليه نزلت الانتخابات او ليه الدستوريه مقالتش انه غير دستوري من قبل الانتخابات

على الله تكون وصلت

-------------------------
موضوع التحرير
الميدان ليس حكرا لأحد
والاسلاميين لا يؤذون أحد
بيروحوا زي ما هما مش زي ناس رايحه وواخده معاها شوم وسكاكين
والأهم من دا ان الفروض متفرضش على الطرف الىخر يتظاهر فين


برافو عليك ,, انت اخوانى اصيل وانا بحييك على دا

بص بقى يا سيدى ,, عارف البلتاجى ,, ايوه يا عم امين الحريه والعداله بالقاهره ,, واللى كان بالنسبه ليكم قياده ميدانيه فى ميدان التحرير ايام الثوره ,, المهم الاخ دا يا سيدى يوم موقعة الجمل والكلام على لسانه اهو فى شهادته فى المحكمه
اقتباس




وأكمل أنه وردت معلومات عن إصابة بعض المتظاهرين بطلقات نارية، وفى الساعة الثانية ظهرًا قام أحد الأشخاص بالنداء عليه، وطلب منه مقابلة أحد القيادات الأمنية داخل مكتب للسياحة، ودخل المكتب وقابل تلك الشخصية وعرف نفسه بأنه اللواء عبدالفتاح من جهاز المخابرات العامة، وكان مع البلتاجي مجموعة من المتظاهرين، وطلب إخلاء ميدان التحرير حقنًا للدماء، وأكد أن لديه معلومات مؤكدة بوجود مجموعات من أنصار مبارك سوف تدخل إلى ميدان التحرير وهى مجهزة للاشتباك مع المتظاهرين وأن ذلك سيؤدى إلى حدوث دماء كثيرة ولابد من إخلاء الميدان وفض التظاهر وقال البلتاجي له: "يا سيادة اللواء كيف تسمحون إلى هؤلاء البلطجية بالدخول إلى ميدان التحرير"، فرد عليه قائلاً إنهم مواطنون مصريون يريدون التعبير عن رأيهم للرئيس مبارك، فقال البلتاجي: "هل ضاق بهم ميدان مصطفى محمود؟! فلديهم كل ميادين مصر للتظاهر فيه ومن الممكن أن يتم فتح إستاد القاهرة لهم، فهو يستوعب الآلاف"،




شفت بقى انك خرجت على مبدأ السمع والطاعه ,, اخوك الكبير البلتاجى بيقول لانصار مبارك اللى سابوا الدنيا كلها وجايين يعبروا عن رأيهم فى التحرير ,, ان قدامهم ار الله واسعه يروحوا فى اى حته تانيه ,,,

اهو دا نفس ردى عليك ,, اصلى بصراحه بحب البلتاجى
اقول لك عشان ساعتها كان الثوار نوع واحد صح اللي هما في التحرير
اما انصار مبارك فمكنوش صح
فلو جه دا على دا هتكون كارثه

اما دلوقتي ففيه نوعين من الثوار مؤيد ومعارض
الاتنين صح - لأن الاتنين كانوا في 25 يناير >> بس فيه ناس في التحرير دلوقتي من اللي عمر قطامش قال عليهم " قبل الثورة اخترناه وبايعناه وبعد الثوره غنوا لولاكي "
بس زي ما قولت لك لتقنعني لأقنعم >> مش لأقنعك لأبهدلك
أكيد فاهمني


-----------------------
في الختام انا متحفظ على كلمه انت قولتها


هي ليست جماعه تحترف النفاق ابدا
وانا اتكلمت في موضوع الدستور دا
لو انت شايف انه وجه قبيح يبقى خلاص كده انت بتحكم على الناس ان انت اللي بتفكر بس وانت الصح على طول !! وعجبي


ههههههههههههههههههههه ,, يعنى المفروض اقول ايه طيب

اللى انتم عايزينه يا عم احنا حنعمله

عايزنى اقول انه وجهه حسن علشان ابقى مش بحكم على الناس انى بفكر صح

ده رأيى يا ابنى ,, وجهة نظرى ,, اقول اللى انا عايزه بصرف النظر حضرتك تتفق او تختلف ,, اللى شايف ان كلامى صح حييجى معايا فى اللى بقوله ,, واللى شايف ان كلامى غلط انا مش حجبره على انه يقتنع

واللى بينفذ تكليفات قياداته ,, ربنا معاه
كلمه بسيطه
نحن نؤيد القرار الصائب
ولسنا نقدس صاحب القرار

انما لو عايز تعرف مين بيقول للناس انا اللى بفهم وكلكم حمير ,,, يبقى فلتلقى نظره يا اخ على الاعلان الدستورى

حكاية النفاق دى بقى ,,,, راجع قرارات جماعتك من 25 يناير بعدم النزول لحد امبارح فى الدستور اللى مفيوش رفقاء الميدان علشان يصوتوا عليه ,, وانت حتعرف ان النفاق هو توصيف مهذب لجماعتك



-------------------
بس حابب انصحك بحاجة
لا تهاجم الطرف الآخر من أجل المهاجمه
ولكن هاجمه من اجل اختيار الافضل
من أجل وطن حر


وانا قبلت النصيحه يا عم اى خدمه ,, وبتمنى تقبل انت كمان نصيحتى

فكر بعقلك ,, يرحمك الله


-----------------
أخوك أحمد





رفيقك السيد ههههههههههههههه


على فكره الشيوعيه برده كان عندها المسمى دا بداخلها بين اعضاءها ,,, بيقولوا لبعض ,, يا رفيق ,,,

فعلى رأى الست عبله كامل

كله منفد على بعضه


بالتوفيق

بشكرك لتقبل كلامي
وسعيد بالحوار
وكويس موضوع رفيق دا فكره برضو
------------

[ساحر الأحزان]

المليونية بقت بتظهر على طول؛

مرة لتطبيق الشريعة؛

ومرة للتعديلات الدستورية ؛

الناس أحتارت هو فية اية بالظبط؟

حتى المؤيدين اللخبطة حطت عليهم هو فية اية.

كل شوية مليونية يمكن مصر قريب حتدخل موسوعة جينس فى المليونيات الى بقت عادة؛

ياريت يبقى فية فصل بين الشريعة .وبين الدستور الدستور حاجة وتطبيق الشريعة حاجة تانية؛

الدستور عامى لجميع طوائف الشعب بنحط فية سياستنا الى كلنا بنسير عليها لان الجميع متساون فى الحقوق والواجبات:

انما الدين اختيار فردى سوء للمسلم او المسيحى فبلاش ندخل دة فى دة ونقول الشعب عايز كدة هو الشعب هو 10مليون دول بس

موضوع جميل يا سيد

احترامى

[الأميرة رودي]

انا بقرأ فى الموضوع بقالى ساعه
كنت حبه أقرأ كل الردود واشوف وجهات النظر
,, عجبنى أغلبها
بس موضوعك لواحده كفايه بصراحه
أكثر جزئيه عجبتنى

اقتباس المشاركة الأصلية كتبت بواسطة ;3641647 اللى بيحكم بينا احنا الزناديق واخواتك الاطهار الملايكه ,, هى المحكمه الدستوريه العليا ,,, طيب بتعمل ايه المحكمه الدستوريه العليا ؟؟؟ بتجيب القانون بتاع اخواتك الملاكيه ,, وتشوف الطعن بتاعنا احنا الزناديق ,,, وتبص على الدستور ,,, وتقول هل القانون دا دستورى والا مش دستورى

احنا بقينـــا زناديق
يادي الهنـــا

[قلم بلا حبر]

اقتباس اللي حصل بين اصدقاؤك دا اسمه الرأي والرأي الآخر يعني اتناقش أنا وانت بس لازم نتفق على رأي واحد سواء كان رايي أو رأيك >> وفي الآخر تكون النفوس متصافيه دا بيحصل في اغلب الأحوال في اي اجتماع واللي حصل بين زمايلك دا دايما انا بكون فيالموقف المعارض زي صاحبك كده بس في النهايه بيكون الموضوع يا تقنعني لاقنعك مش لأقنعك لأبهدبك !!

يا حبيبى قلتلك سيبك من طريقة الاخوان والحزب الوطنى ,,, انت بتصنف بمزاجك ,,, رأى ورأى أخر ايه

دا حد بيقول

اقتباس انا صحيح اؤيد قرارات الرئيس كلها واؤيد الاخوان في الدعوة لمليونية حاشدة ولكن ارفض كل الرفض انها تكون في التحرير فعلا قرار غير مسؤول

جه واحد اخوانى تانى بيقوله

اقتباس (اخوه وثقه وطاعه ) دعائم قامات عليها جماعه الاخوان المسلمين ومش ينفع بأى شكل م الاشكال يابشمهندس البوست الى حضرت عامله حتى لو رأيك الشخصى مش ينفع ابدأ تعمل مينشن للناس عليه ده المفروض مش يطلع حتى بره نفسك

فين يا عم الرأى والرأى التانى دا ,,,, عايز الناس تحترمك وتناقشك زى البنى ادمين ,,, يبقى متحسسنيش انى بناقش طفل مش قادر يفرق بين الرأى والرأى الآخر وبين تسلط الرأى ,,, دا بيقوله صراحة حتى لو رأيك الشخصى متقولوش ,, تقولى اختلاف فى الرأى

يمكن هى الديمقراطيه عندكم ,, انك تيجى تعرض وجهة نظرك فيطلعلك واحد يقولك اسكت متنطقشى حتى لو رأيك الشخصى متتكلمشى ,,,

ايه المفهوم الطفولى اللى عند حضرتك لاختلاف الرأى دا ,,,,

وزى ما قلتلك انى عندى استعداد احترم نقاشك لو انت احترمت اللى بيناقشك ,,, مش اجيبلك مثال العيل الصغير يقول عليه تسلط وانت تقول دا اختلاف فى الرأى ,, , يعنى اقولك الشمس بتطلع من المشرق الاقيك بتقولى لا دى بتطلع من الجنوب ودى وجهة نظرى ولازم تحترمها ,, اكيد مش ححترمك ومعايا الحق فى دا

اقتباس احنا مالنا بالاعلان الدستوري >> الرئيس هو اللي اصدره مش الاخوان والاخوان ملهومش رأي في اصداره خالص لأنه ببساطه الاخوان مواطنين عاديين ملهومش اي ميزه عن باقي الشعب >> يعني جزء لا يتجزأ من الشعب ثانيا موضوع التاييد للقرار كان بمشوره وبعد ما القرار طلع مش زي ما الاعلام كان بيقول ان المرشد كان بيؤمرالاخوان انهم ينزلوا يايدوا القرار قبل ما يطلع كله بدراسه الاول

برده مصمم على انك تستمر فى محاولة انك تقلب المناقشه لفعل طفولى وكأننا لسه جايين من المريخ ,,, افكرك بحاجه كل اللى فى المنتدى عارفين ان بتكذب ,, انت نفسك عارف انك بتكذب ,,, وده اللى بيستفز المصريين وبيقولوا عليكم باردين ,,,

بس انا مش حقول باردين ,, انا حقول انكم معوقى سياسه ,, او فاهمين السياسه غلط ,,, لما قالولكم ان السياسه قذره ,, فبدأتم تنافقوا وتكذبوا وانتم بتقنعوا نفسكم ان هى دى السياسه ,,,

بقى مرسى مالوش علاقه بالاخوان ,, والاخوان يا عينى فصيل فى مصر زى اى فصيل ومرسى خاصمهم ,, اومال دا تسميه ايه ,, وعايزك بص تبدع كدا وانت بتكب علشان اللى بيتابع ردودك يعرف حيبقى شكله ايه لما ينضم للاخوان



دول اخواتك وهم بيتظاهروا قبل ما الاعلان الدستورى يتاع اصلا ههههههههههههههههه

تصدق صحيح مالكوش دعوه بمرسى ,,,

انت قابل على نفسك تكب علشان تدعم جماعه ,,, طيب لو دولة الاخوان قامت ياترى حتبقى مبسوط بالدوله اللى حتقوم على الكذب والنفاق والتدليس ,و والا ضحكوا عليك وقالوا ليك (( الغايه تبرر الوسيله ))

افكرك بس بحديث الرسول صلى الله عليه وسلم عن الكذب

(( قيل لرسول الله صلى الله عليه وسلم أيكون المؤمن جبانا فقال نعم فقيل له أيكون المؤمن بخيلا فقال نعم فقيل له أيكون المؤمن كذابا فقال لا ))

خليك بقى معايا علشان لسه عايز اجيبلك حاجات تقول فيها رأيك وعايزك تبدع فى الردود



دا مرسيك وهو بيخطب فى اخواتك قدام الاتحاديه

تصدق مالوش علاقه بيكم ,, وانتم فى حياته ولا حاجه ,,,

بس لما ببص عليك واتابعك بفتكر الاخ دا ,, هو اخوك برده وقدوتك

والمثل الشعبى بيقول (( اا كان رب البيت بالدف ضارب فشيمة اهل البيت الرقص ))




جماعه محترمه والله ولا تعرفوا الكذب ولا التلوين ولا النفاق ,,, دا احنا اللى شعب ميستاهلشى امثالكم ,, انتم فله ههههههههههههه


,,,,,,,,,,,,,,,,,,,,,,,,,,,,,,,,,,,,,,,,,

اقتباس في الوضع اللي انت بتقوله دا مش هو اللي بيحصل دلوقتي خالص في مصر لان الدستور اللجنه التأسيسيه مش معترضه عليه >> دا غير المنسحبيه اللي الشعب مش عارف هم انسحبوا ليه >> بينفذوا سياسه لإما يمشي رأيي لإما هنسحب

والله بجد ,,, دا كلامك ,, كلام ولا اللى بصحيح

اصل احنا اللى قلنا يا الماده الثانيه تتعدل يا ننزل التحرير ومفيش دستور ,,,

انا مش عايز ادخل معاك فى مهاترات وانت بتغيب الواقع تغييب ساذج للاسف انت وجماعتك اللى شايفينه ,,

وكانكم بتكلموا نفسكم مش بتقنعونا احنا

وسؤالى ليك ,,, انت دلوقتى فى نقاشك معايا بتثبت ايمانك الاخوانى ,, والا بتقنعنى انا ؟؟

لو بتقنعنى انا ,, يبقى خاطب الناس على قدر عقولهم وبلاش السذاجه دى ,,, المنسحبين اللى انت بتتكلم عنهم دول ,, هم اغلب التيارات المدنيه حتى ممثل الاقباط انسحب ,, عايز مين تانى ينسحب ,,,

ازاى من شويه تقول الاخوان فصيل ,, وترضى لمصر ان اللى يحط دستورها فصيل ,,, حتى لو بقالنا 6 شهور شغالين ,, فدا ميمنعشى انك تخرج بدستور من فصيل وتصدره للشعب ,, احنا مش فى دوله ملكيه يا (( اخوان )) علشان يكون الدستور منحه من الملك ,, انت يا (( اخوان )) فى مصر ,, لو مش عارفين مصر ,, يبقوا اقروا تاريخ

اقتباس تشكيلها معيب ازاي وهي مشكله من مجلس الشعب المنتخب وممثلين الازهر والكنيسه

لو رئيسك كان صبر ومحصنهاش كنت حجيبلك حيثيات الحكم علشان تعرف هى حتتحل ازاى ,,, بس رئيسك عارف ,,,

الحاجه التانيه برده نفس اسلوبك اللى فات الطفوليه فى الردود ,, يعنى طارق قالك ان رئيسك وعد انه حيعيد تشكيلها

وطالما وافق على اعادة تشكيلها يبقى عارف ان تشكيلها مش مناسب ,,, ترجع تانى تقولى هى حتتحل ليه ,,, حقولك روح اسأل مرسى ,, اللى شكله ضحك عليك ونسى ياخد رأيك

اقتباس يعني انت كده بتعمل اختلاف في الطبقات المجتمعيه وهو أكيد مفيش حد عمال وفلاحين هينجح إلا لما يختاره اهل دائرته عن اقتناع انه على درايه كامله وعلى فكره ساعات بتلاقي راجل تعليمه متوسط مخه يوزن عشره من اللي معاهم دكتوراه

اقتباس يعني ايه قاضي داخل الكليه بــ 52 % على أيامه اتخرج وكان أبوه مستشار بقى هو كمان مستشار وقولت لك مممكن يكون اللي معاه ابتدائيه تفكيره أعلى منه

يعنى انا مش فاهم ,, هو انا بناقشك والا بشرحلك ؟؟؟؟

على فكره انا مش مضطر اكمل فى نقاش بالسذاجه دى بس فى النهايه انت نموذج لازم الناس تطلع على افكاره علشان تعرف فكر الاخوان عامل ازاى ,,,

بص يا حاج ,, صلى على النبى

دلوقتى فى فرق بين منع الترشيح ووضع ضوابط للترشيح ومنح كوته لفئه معينه

الاولى دى اللى انت اعتبرت انى بقول ان بلاش ترشيح الناس دى
قتصادى والاجتماعى ))
التانيه دى اللى معمول بيها فى كل حته فى العالم

التالته دى بتبقى حالات استنائيه بتطلبها ظروف البلد علشان تحدث توازن بين الطوائف والفئات المختلفه وبنسميها (( كوته )) فاكر (( كوتة المرأه )) اهى هى دى

طيب انا معارض على ايه بقى ,,, ان مفيش حاجه فى الدنيا اسمها كوته بتمنح اصحابها (( 50% )) خصوصا انها محققتشى ليهم اى نجاح يكر ,, دى حاجه

الحاجه التانيه / فى مجلس جديد تم النص عليه فى دستورك الجديد اسمه (( المجلس الاقتصادى والاجتماعى )) وده بيلزم تمرير التشريعات عليه قبل اصدارها الخاصه بالنقابات والفئات الممثله فيه ,, وهناك فى تمثيل للعمال والفرحين وبكوته كمان ,, بس حيناقشوا فقط القوانين الخاصه بيهم بعد اعدادها والموافقه عليها فى مجلس النواب ,, ولو مش عجبهم فى قوانينهم حاجه يعدلوها ويبعتوها لمجلس النواب يعيد صياغتها من جديد ,, وبكدا يبقى كأنهم فى مجلس النواب بالظبط ,,, بس فى نفس الوقت مخلتشى وجودهم يأثر على تشريعات تانيه زى مثلا قانون السلطه القضائيه اللى حيتناقش فى المجلس الجديد زى موازنة الدوله اللى محتاجه خبرا يراجعوها ,, زى مواضيع حساسه ليها علاقه بالامن القومى ,, زى طلبات الاحاطه والاستجواب اللى بتطلب مهارات خاصه فى جمع المعلومات وتوجيهها للوزير او الحكومه او المسؤول ,, دا غير استقبال التقارير المختلفه من الجهات الرقابيه اللى بتحتاج كفاءه عاليه ,, ودا اللى خلانا نقول نلغى النسبه ونركز على اننا نحث اللناس على اختيار الاصلح والاجدر ونفهمهم ان نائب مجلس الشعب مش بتنتخبوه علشان يعملكم الصرف ويصلح ليكم خطوط المياه ويظبط الكهربا

انما لما احط 50% يبقى رجعت مصر تانى الى ما قبل ثورة 254 يناير ,, وده سببه , ان الاخوان عايزه تضمن اعلى نسبة تصويت على الدستور بصرف النظر عن نهضة مصر ومصلحتها ,, فى الوقت اللى لو كان حصل توافق على الدستور كنت حتلاقى القوى المدنيه بتدعمك وبتنجح مشروع دستور عصرى ينقل مصر لقدام

انا متأكد ان بعد دا كله حلاقيك جاى بتستفسر عن حاجه بين قوسين (( هايفه )) زى الرد اللى فات ,,, وساعتها يا برنس حقولك كفايه عليك كدا وقت واجيبلك حد من سنك تعيشوا مع بعض بقى

اقتباس ودا كله ليه ,, لان جماعتك الموقره محتاجه المجلس علشان تمرر كل التشريعات الجديده اللى حينص عليها دستورك المعيب واللى من ضمنها شوية تشريعات مكافأه للسلفيين على مساندتهم ليهم فى الجمعيه وفى الاعلان الدستورى ,, وانا منى واحد بنتظر قانون الاسره اللى حيندرج نحن مادة الاسره فى الدستور الجديد اللى بتكفل الدوله ان تحمى اخلاقها ,,, مش عارف دولة ايه دى اللى حتدخل تربينا فى بيوتنا ,,, هو احنا مكناش متربيين ,,, واقولك على اول ماده فى قانون الاسره ؟؟؟ زواج البنت عند قدرتها ,, يعنى على 7 سنين او 9 سنين زى ما شيوخك بيقولوا ,, مش بقولكم دستوركم دا فله شمعه منوره انت متأكد ان الماده دي في الدستور انا قرأت الدستور ملقيتش فيه الحكايه دي هحكيلك موقف كنت بتكلم مع واحد صاحبي في الموضوع ده بيقول لي زواج القاصرات ومش زواج القاصرات فهمت دماغه شغاله ازاي كان ردي بمنتهى البساطه ان دا بنعتبره زنى فاهم قصدي أكيد

انا جبت فى الفقره دى بقى كلامى وكلامك ,, علشان بجد ردك من البدايه مكنشى يستاهل انى ارد بصراحه ومتزعلشى منى

يعنى حاول تقرا كلامى 5520120 مره ,, ولو لقيت انى بقول ان دى ماده فى الدستور ارجع وقولى انا شفت دليل على انك بتقول انها ماده فى الدستور

اكيد انا مش حشرح كلامى ,, انا كدا شرحت المحكمه الدستوريه وشرحت نسبة ال 50% بس كلامى مش فلسفه قانونيه علشان اشرحه هو كمان ,, هات بقى انت حد من الجماعه يشرحه ليك

وزيها بالظبط الفقره دى

اقتباس عايز تعرف المرشد الاعلى للثوره الاسلاميه الايرانيه حيبقى موجود فين ,,, ان شاء الله لما يقدر اخواتك من الدكاتره فى جامعة الازهر من انهم يتسللوا الى هيئة كبار العلماء ,, ساعتها بقى وبحسب دستورك اللى بتغنى بيه يبقوا بمثابة مكتب ارشاد ,, بس مش مكتب ارشاد الاخوان ,, دا مكتب ارشاد مصر كلها مالهم علماء الازهر طول عمر الازهر وسطي لا ينتمي لأي هيئه أوجماعه

اقرأ الكلام تانى وحاول تفهم اللى فيه ,, انا اساسا ازهرى يا حاج

اقتباس طيب فسر حل مجلس الشعب ومحاولات حل الشورى والتأسيسية

فسرته ليك فى ردى عليك اللى قبل دا ,, اقراه وافهمه ,, وتعالى قول كلام زى اللى فى ردك ده ههههههههههه


------------------------------------------------------------------

اقتباس المحكمه الدستوريه العليا هى محكمة فصل فى دستورية القوانين من عدمها ,, يعنى حضرتك دستوركم ده بعد ما ينزل وتنتخبوا اخواتكم فى مجلس الشعب ,, واخواتك دول يعملوا قانون ,, فنيجى بقى احنا الزناديق والفساق نعترض عليه ونطعن فى عدم دستوريته يعنى ايه عدم دستوريته ,, يعنى مواد القانون بتتناقض مع ماده فى الدستور او مجموعة مواد فى الدستور ,,, فمين اللى يحكم بينا ,,, ؟؟؟ اللى بيحكم بينا احنا الزناديق واخواتك الاطهار الملايكه ,, هى المحكمه الدستوريه العليا ,,, طيب بتعمل ايه المحكمه الدستوريه العليا ؟؟؟ بتجيب القانون بتاع اخواتك الملاكيه ,, وتشوف الطعن بتاعنا احنا الزناديق ,,, وتبص على الدستور ,,, وتقول هل القانون دا دستورى والا مش دستورى طيب ليه حكمها ملزم نهائيا ؟؟؟ سؤال زى بتاع جورج قرداحى للرجل الاماراتى ,, لما قاله (( انت سمعت عن حرب تالته ,, شوفت حرب رابعه )) فانا بقولك ,, انت عندك حد تانى نروح نطعن على الحكم قدامه ,,,؟؟؟؟ ,, تعرف مكان نروح نقوله احنا متظلمين من المحكمه الدستوريه العليا ؟؟؟؟ انا بصراحه اعرف ,, عليك وعلى الامم المتحده يا برنس ففين مرسى بقراراته اللى ضد اى دستور فى العالم حتى الدستور اللى انتم خرجتوه امبارح من غرفة العمليات ,, وبين محكمه بتصدق على ان القانون ده دستورى والا مش دستورى اذا كانت الدستوريه تقضي بعدم دستوريه القوانين فازاي يحلت مجلس الشعب رغم انها كانت موافقه علي نظام الانتخابات من الاول وطلما لو انت مع حل مجلس الشعب ليه نزلت الانتخابات او ليه الدستوريه مقالتش انه غير دستوري من قبل الانتخابات

يعنى بعد الكلام دا كله ,, الاقيك بتسألنى برده نفس اسئلتك اللى بتحسسنى وانا اسف باللفظ ,, انك مش فاهم حاجه

يا استا الانتخابات بتكون بناءا على قانون ,و اسمه قانون الانتخابات ودا أصدره المجلس العسكرى بعد موافقة القوى السياسيه عليه ,,, بقولك ايه روح اقرا الرد اللى فات حتلاقى نفس الكلام هناك هو انا حقعد اكتب وخلاص

اقتباس بص بقى يا سيدى ,, عارف البلتاجى ,, ايوه يا عم امين الحريه والعداله بالقاهره ,, واللى كان بالنسبه ليكم قياده ميدانيه فى ميدان التحرير ايام الثوره ,, المهم الاخ دا يا سيدى يوم موقعة الجمل والكلام على لسانه اهو فى شهادته فى المحكمه اقتباس وأكمل أنه وردت معلومات عن إصابة بعض المتظاهرين بطلقات نارية، وفى الساعة الثانية ظهرًا قام أحد الأشخاص بالنداء عليه، وطلب منه مقابلة أحد القيادات الأمنية داخل مكتب للسياحة، ودخل المكتب وقابل تلك الشخصية وعرف نفسه بأنه اللواء عبدالفتاح من جهاز المخابرات العامة، وكان مع البلتاجي مجموعة من المتظاهرين، وطلب إخلاء ميدان التحرير حقنًا للدماء، وأكد أن لديه معلومات مؤكدة بوجود مجموعات من أنصار مبارك سوف تدخل إلى ميدان التحرير وهى مجهزة للاشتباك مع المتظاهرين وأن ذلك سيؤدى إلى حدوث دماء كثيرة ولابد من إخلاء الميدان وفض التظاهر وقال البلتاجي له: "يا سيادة اللواء كيف تسمحون إلى هؤلاء البلطجية بالدخول إلى ميدان التحرير"، فرد عليه قائلاً إنهم مواطنون مصريون يريدون التعبير عن رأيهم للرئيس مبارك، فقال البلتاجي: "هل ضاق بهم ميدان مصطفى محمود؟! فلديهم كل ميادين مصر للتظاهر فيه ومن الممكن أن يتم فتح إستاد القاهرة لهم، فهو يستوعب الآلاف"، شفت بقى انك خرجت على مبدأ السمع والطاعه ,, اخوك الكبير البلتاجى بيقول لانصار مبارك اللى سابوا الدنيا كلها وجايين يعبروا عن رأيهم فى التحرير ,, ان قدامهم ار الله واسعه يروحوا فى اى حته تانيه ,,, اهو دا نفس ردى عليك ,, اصلى بصراحه بحب البلتاجى اقول لك عشان ساعتها كان الثوار نوع واحد صح اللي هما في التحرير اما انصار مبارك فمكنوش صح فلو جه دا على دا هتكون كارثه اما دلوقتي ففيه نوعين من الثوار مؤيد ومعارض الاتنين صح - لأن الاتنين كانوا في 25 يناير >> بس فيه ناس في التحرير دلوقتي من اللي عمر قطامش قال عليهم " قبل الثورة اخترناه وبايعناه وبعد الثوره غنوا لولاكي " بس زي ما قولت لك لتقنعني لأقنعم >> مش لأقنعك لأبهدلك أكيد فاهمني

بقى علشان ساعتها كان الثوار نوع واحد صح وانصار مبارك مكنوش صح ,, ودلوقتى بقى فى نوعين من الثوار

هااااار اسود ههههههههههههههه

اللى بعده يا عم الله لا يسيئك

اقتباس بشكرك لتقبل كلامي وسعيد بالحوار وكويس موضوع رفيق دا فكره برضو

ابقى اخوانى لو قولتلك انى قبلته

وحكاية رفيق حلو هااا ,, ادعيلى بقى ,, ابقى روح قول لبديع يا رفيق ههههههههههههه

بص يا معلم

مش عيب اننا منكونشى مش عارفين ,,, بالعكس انا لما بقرا اى حاجه لاول مره اول حاجه بقولها لنفسى انا كنت جاهل

لما بتفرج على فيلم وثائقى ,, اول حاجه بتيجى على بالى برده انى كنت جاهل قبل ما اتفرج عليه

قبل ما بفكر ارد موضوع بكون قرأته اكتر من مره علشان اقدر افهم عباراته وافكاره اولا واخرج ثغراته ثانيا

اللى حصل انك استفزك العنوان فنزلت تكتب ودبست نفسك فى حاجات انت معندكشى خلفيه عنها وده صدقنى مكنشى عاجبنى وانا برد عليك انى اهزر بالشكل دا ,, بس انا بنصحك مش (( كأخ )) ههههههههههه لتفهمنى انى حبقى (( اخوان )) انا بنصحك على انى ابن بلدك

نورت وبالتوفيق

[Bright Brain]

قلم بلا حبر

شكلنا مش هنيجي في نقطه لقاء خالص لأني مش هفضل اكتب وأرد
لان دي وجهة نظرك وانت مقتنع بيها بس الايام هتبين من لصح

بس خد اقرأ دي

اقتباس الكنيسة ترفض الدستور : لإنه أول دستور نص صراحة على تحاكمهم إلى شريعتهم الأزهر يرفض الدستور : لإنه أول دستور يضمن استقلاله وانتخاب شيخه من بين اعضاء هيئة كبار العلماء الرئيس يصدر قرار التعيين فقط . المطالبون بالحريات يرفضون : لإنه أول دستور يعطي حريات لا محدوده للمواطن ويحفظ كرامة ( الإنسان ) . الثوار يرفضون الدستور : لإنه عزل رجال النظام السابق من العمل السياسي 10 سنوات المنادون بحقوق المرأة يرفضون : لإنه أول دستور لا يجعل للمرأة مكان في باب أو بابين ، بل في كل أبواب الدستور .... المنادون بالمساواة يرفضون : لإنه أول دستور يجعل نسبة العمال والفلاحين مؤقتة في الانتخابات القادمة فقط الرافضون لحكم العسكر يرفضون : لإنه أول دستور يجعل هناك رقابة ومحاسبة متدرجة على ميزانية الجيش . المنادون بالديمقراطية يرفضون : لإنه قلص صلاحيات الرئيس إلى 40 % عن سابقه . المطالبن باستقلال القضاء يرفضون : لإنه أول دستور يجعل للسلطة القضائية انتخاب شيوخ القضاه في المحاكم المختلفة والرئيس يصدر قرار التعيين فقط . المطالبون باستقلال السلطات يرفضون : لإنه أول دستور يجعل الرئيس لو دعا لاستفتاء لحل البرلمان وجات نتيجة الاستفتاء ( لا ) يصبح منصب رئيس الجمهورية فارغا . المطالبون بأهمية البحث العلمي يرفضون : لإنه خصص ميزانية من الناتج القومي للبحث العلمي . المطالبون بجعل التعليم له اولوية يرفضون : لإنه أول دستور ينص على لكل مواطن الحق في التعليم عالي الجودة، وهو مجاني بمراحله المختلفة في كل مؤسسات الدولة التعليمية، وإلزامي في مرحلة التعليم الأساسي، وتتخذ الدولة كافة التدابير لمد الإلزام إلى مراحل أخرى الشباب يرفضون : لإنه أول دستور ينص رعايتهم وعن دورهم في العمل بالدولة واختيارهم يكون علي اساس الكفاءه والجدارة دون محابه او وساطة العاطلون وصغار الفلاحين يرفضون : لإنه أول دستور يضمن لهم حد الكفاف حتى إيجاد عمل . وآخيرا البرادعوية يرفضون : لإنه أول دستور لم ينص على احترام الهولوكست والموسيقى

اه بمناسبة الكلام على الأزهر وانك ازهري
أحب أعرفك انني دكتور أزهري
بالرغم من كده بدافع عن ان البرلمان 50% و 50%

ومش حوار بناء انك تطلعاللي قدامك انه تفكيره غلط
ممكن ارد عليك بكل كلمه ،،، بس للأسفاللي في دماغك مش هيتغير زي الكلام اللي منسوخ في التعليق دا فوق

[قلم بلا حبر]

اقتباس المشاركة الأصلية كتبت بواسطة bright brain قلم بلا حبر شكلنا مش هنيجي في نقطه لقاء خالص لأني مش هفضل اكتب وأرد لان دي وجهة نظرك وانت مقتنع بيها بس الايام هتبين من لصح بس خد اقرأ دي اه بمناسبة الكلام على الأزهر وانك ازهري أحب أعرفك انني دكتور أزهري بالرغم من كده بدافع عن ان البرلمان 50% و 50% ومش حوار بناء انك تطلعاللي قدامك انه تفكيره غلط ممكن ارد عليك بكل كلمه ،،، بس للأسفاللي في دماغك مش هيتغير زي الكلام اللي منسوخ في التعليق دا فوق

ايوا ايوا ,, مش حنتلاقى ههههههههههه ,, واخد بالك يا طارق ,, مش حيتلاقى

طيب يا عم انت نورت وشرفت ايها الكائن الاخوانى :d


ويا راجل مش تقولى انك من بتوع البوسترات الى بتتوزع فى الشارع وع الفيس مكنتش تعبت نفسى معاك

وانا عمال اشك واشك ,, بس اول ما شوفت البوستر ضحكت وعرفت اللى فيها :d

مع نفسك ببقى يا دوك ,,,

و يلا يا عم ربنا يوفقك يا دكتور ويجيلك تكليف بنزول بكرا

بس ابعد عن جنينة الحيوانات انت عارف بقى

يلا بالتوفيق

[محمدعبدالسلام]

السلام عليكم ورحمه الله وبركاته
اولا اشكرك على طرحك المتميز دائما وقلمك المفكر

اقتباس علشان كدا قلت فى عزله للمجلس العسكرى ضربة معلم ,,, وفى موقفه من سوريا ,, استاذ ,, وفى اعلانه الدستورى ,, ديكتاتور

كويس انك بتيد قرارت مش معارض على طول وده مطلوب من كل المصريين

اقتباس طاعتك للناس دى بالشكل اللى شوفناه فى الكومنتات مش حيدخلك الجنه لانه ضد الفطره اساسا وافتكر ان كفار قريش كانوا بيقولوا على الاصنام (( ما نعبدهم الا ليقربونا الى الله زلفى ))

معلشى هى الناس دى بتغير فى الشريعة ربنا وبتقول نحن ظل الله فى الارض من اطاعنا اطاع الله
ومن عصانا عصى الله ؟ اعتقد مفيش حاجة زى كده والطاعة فى المعروف فقط
من وجهت نظرى انك كبرت الصورة شويه اكتر من الازم واعتقد ان مفيش اى عقلية من الاخوان بتفكر كده


وحضرتك شفت انهم غيرو الملونية مرتين من اجل عدم الصدام مرة كانت هتكون يوم الثلاثاء وبقت السبت
والمرة التانية كانت فى التحرير وغيرو المكان الى جامعة القاهرة بتشاور مع القوى الاسلامية
يعنى مش الموضوع تحكيم راى وخلاص
اما بالنسة لسلق الدستور ممكن اعرف ايه اللى اسلق بظبط ؟ وهل كنت عاوز دستور بعد 10 سنوات مثلا
وياترى البلد مستحملة التهريج ده
وفى النهاية احب ان اكد على اهم نقطتين
الاولى انى غير اخوانى وليس انتمى لجماعة الاخوان وانا اعترضت على بعض التصرفات منهم
الثانية انى احب النقاش البناء الذى يخدم الوطن بدون تعصب او تحيز بكل احترام وتقدير

[حبرالقمر]

بص انا لفقيره الحمدلله ولا حد مميز اوي يحاولو يضموه ليهم ولا اي حاجه من دول وعندي صحبات كتير اوي غيرهم مش محتاجه احس بعزوتهم وهما عرفين اني مستحيل انضملهم وكتير بعارضهم وبنتخانق في الاراء ومع ذلك مش بيسيبوني وصحاب وحلوين عادي يعني وحكاية جواز الاخوان من الاخوان ديه صحباتي اخواتهم البنات معظمهم متجوزين ناس عاديين وفي كتير عائلات اخواني يكون فيها كذافرد مش اخواني يعني صحبتي اخوانيه وابوها وامها في حين ان اتنين من اخواتها مش اخوانيين والحمدلله الكلام الي سمعته طلع صح وغيرو مكان التظاهر من التحرير لمكان تاني بس كده المشكله انتهت الحمدلله وسدقني لو هما بجد حد وحش كل حاجه بتبان مفيش حاجه بتفضل مستخبيه الصبر حلو اشكرك تقبل مروري

[gold rose]

لا تعليق ,,