إتخدعنا وللأسف بإيدينا..تابع مسابقه بلدى

[شاعرة الرومانسيه]

اتخدعنا وللأسف وبايدينا الغلط فينا لم وثقنا فى ناس تولينا شاركنا بعضنا وعلى صناديق الإنتحاب جرينا قلنا نختار من يمثل الدين فينا ويكفى ظلم ونهب وضحك الناس علينا خرجنا نهتف فاليسقط مبارك لننزعه من أراضينا وانقسمت الآراء مين معانا ومين علينا والبعض وقف سلبى يتفرج من بعيد علينا فرحنا لما نزعنا الطغاه وعمت الفرحه أراضينا وهنا وقفنا الى اين يابلادى ولفين رايحه خطاوينا وقفنا بين أمرين اما نكون مع الماضى او للإخوان نسلم أمرينا وهنا ظهرت عيوبنا والغباء السياسى فينا جرينا وراء الشعارات و خلف محترفى الكلام ردينا وعلى صناديق الإقتراع تسارعنا وبدون تفكير أصوتنا ألقينا راحت السكره وجاءت الفكره وانكشف المستور لينا ضاعت البلد وتفرقنا فى الميادين ومات الكثير بأيدينا صراخ فى كل ميدان وزينه الشباب يُقتل تحت قدمينا حتى دم الشهيد الجميع تبرأ منه وكأن طيور السماء ألقت السهام علينا تصرخ أم الشهيد تطلب القصاص ولكن مِن مَن تطلبى يا مسكينه ضاع الحق وخير البلد سرقوها ودمرو مُدنها وضواحيها اتخدعنا ايوه واكيد انضحك علينا لكن مازال الخير فينا ايوه يا بلادى اولادك بخير ولسه جوانا الصبر والعزيمه الخير فى أرضك من صحاريها لموانيها يملأ ريفها ومدنها وحضرها وضواحيها اطمئنى يا بلادى مازال اولادك بخير لسه الخير ماليها أوعدك يا بلادى بدمائى وبروحى أفديكى ودا وعد وحقك على راسى من اليوم مفيش دموع سامحينى لو كنت بصرخ بصوت مخنوق مش مسموع هاصرخ وأعترض وفى كل ميدان لصوتى حق مشروع من اليوم يا بلادى خلاص مبقاش مُخادع و لامخدوع هارفع رايه النصر انا وأولادك وأعلنها للعالم العربى أنا المصرى أسد الصحراء حامى بلادى من أى عربى وأجنبى تحيا مصر حره وتحيا الحريه وليسقط كل ظالم معتدى بقلمى / شاعرة الرومانسيه 30/11/2012

[دمعه حائره]

لايضيع حق وراءه مطالب واكيد الفتره دى
الكل بيقم الامور وان شاء الله الجاى احسن
وشعب مصر شعب عظيم وواعى واكبر من اى فتن
تسلمى شاعرتنا وموفقه ان شاء الله

[واد حبيب]

كلمات جميله في حب مصر
ان شاء الله ولا اخوان ولا غيرهم هيقدرو يسيترو علي مصر
تسلمي علي الكلمات الجميله
بتوفيق ان شاء الله
الحبيب

[شاعرة الرومانسيه]

تسلميلى دمعه

نورتى الدنيا يااااقمر

الله لا يحرمنى من تواجدك

[محمدعبدالسلام]

الخير قادم ان شاء الله

بس عاوزين شويه امل وصبر

وكلمات جميلة ومعبرة عن الواقع كل الشكر والتقدير لكى

[الأميرة رودي]

كلمات جميله معبره نابعه من قلب مُحب قلِق على وطنه
مصر مِلكا للجميع ولآ حق لأحد فى المُقاسمه أو نهب حقوقها كـ بلد متحضر
قامتها ستظل مرفوعه ورايتها مرفرفه فى سماء الحريه..
تسلمي شاعرتنا الرائعه
راقنى ماكتبتى
سلمت يمينك

[سيدة القصر]

كلنا أمل فى الله سبحانه وتعالى الذى رفع السماء بلا عمدٍ
أن ينعم على مصر الحبيبة التى تربعت فى القلوب منذ نعومة أظافرنا بالأمان والإطمئنان والإستقرار
وأن يكون خيارنا خير خيار
وأن نكون قدمنا بأيدينا لمصر مَن يرفع من شأنها
شاعرة الرومانسية
ما زال هنا بريق من أمل
فلا تيأسى غاليتى
وكونى دائماً بالإصرار المصرى والإيمان المصرى والبسمة المصرية التى لا يضاهيها مثيلها
ولكِ منى كل الشكر على الكلمات والإحساس الذى نبع من الخوف على مصرنا الحبيبة
خالص تحياتى لك ِ

[العاشق الذى لم يتب]

لا والله أختى الكريمة
بإذن الله لم ولن ننخدع
بل هو الله وحده الذى بيده مقاليد الأمور
وهو الذى يعلم من أصلح ومن أنفع
وكونى من الصابرين وعليك بمناجاته
فسوف تنعم مصرنا ويعود غليها بريقها ونعيمها
كلمات فى قمة الروعة والجمال
وقصيدة تحكى ما يهم بلدنا وما هو كائن فيها
سلمت حيث كتبت وسلمت روائعك
وسعدت كثيرا وأنا فى هموم حبيبتنا والتى
سجلت هنا
تقبلى تحياتى وودى
رفعت

[شاعرة الرومانسيه]

اقتباس المشاركة الأصلية كتبت بواسطة واد حبيب كلمات جميله في حب مصر ان شاء الله ولا اخوان ولا غيرهم هيقدرو يسيترو علي مصر تسلمي علي الكلمات الجميله بتوفيق ان شاء الله الحبيب

تسلم يا حبيب نورتنى

وشرفت حروفى المتواضعه

[booody99]

بس مفهمناش مين الي ضحك علينا؟؟

واهلا بعودتك من جديد اختي