:" الموت الحل ليها :"!

[αЛαstoOorα]

عجبي عليها بلدي

وعجبي عاللي حوليها

عايشة فـ مرار

وغلابة تلف حوليها

ساقية اهي وبدور

وبندور حوليها

فيها اللى سايق بغل

طمعان فاللي حوليها

انا مصري نفسي اعيش

واتهني بحواريها

وانزل للقمة عيش

والسُترة الاقيها

مش فارقة مين يمسكها

او مين يمشيها

بس المهم يكون

قلبه ياناس عليها

انا مصري بتآلم

مـ اللي جري ليها

رئيس وجيه ينجدنا

طمع كدا فيها

واخوانه بتولعها

ومين يهديها

واخوات اتفرقو

وبتقتل فـ بعضيها

وخراب وحالف ما يفارق اراضيها

وآمنك يابلدي واقف وخدمته مقضيها

عجبي عليها وعاللى حوليها

فيها ناس مع العايمة شغالة تديها

وناس فـ الكراسي متكلبشة فيها

وناس من مصلحتها تهد اللي يبنيها

وناس بتموت لجل الثورة متحميها

وناس غلابة فيها كدا اللي مكفيها

انا بجد حزين مـ اللي جري ليها

وبتمني اشوفلها بس

ريس اصيل يحميها

وبدل ماياخد خيرها

بخيره يديها

لكن الحقيقة دا صعب

ومفيش امل فيها

اليآس عشش فيها

والفقر فاضل فيها

والحُكم عمره ما هيعدل بالعدل فيها

فـ الموت الحل ليها

ّّّّّـّّّــ ّاّّــّّاّّ
بقلمي
ّّّّّـّّّــ ّاّّــّّاّّ

єЛ- мiлshαwi

[عمرو الجورى]

عجبي عللي حوليها

موضوعك رائع أخي الكريم

اختلاف في الرأي ولكني أحترم رأيك عن صدق

تحياتي وتقديري واحترامي

[العاشق الذى لم يتب]

والله ياصاحبى الدنيا كلها متلخبطة
وأنازيك ومعانا ناس كتير متلخبطين
وربنا يرحم بلدنا وناس بلدنا
ويحرصها من المغفلين
عزيزى الفاضل ومشرفنا الجميل
أعرفك حرصك على حبيبتنا مصر
بس بلاش تزعل من حد
لأن الكل مدان
نقبل تحياتى وودى
رفعت

[الأميرة رودي]

بدل مانوقفها على رجليها نقوم نختارلها الحل ( موت ) !!

الأيام اللى فاتت تأكدت ان العيب مش من الحكام
العيب من سلبيه الشعب المصري وجهله فى اختياراته وعدم وعيه بحاجه اسمها سياسه دوله
كنا عاملين زى اللى فرح وفرحانين بالهيصه والدوشه والكل عاوز يظهرنفسه بطريقته فى الفرح ده .
الكل عاوز يكون له دور ويكسب شعبيه وسط الهيصه
وياريتنا فى الاخر اتفقنا على رأي
الانقسام اللى ف الشارع دالوقتى سببه الأخوان و..... مؤيديهم من عامه الشعب

مسكوها للى خربها ودالوقتى ندمانين ..
ربنا يستـر على بلدنا وعلى أيامنــا الجايهـ

جميل احساسك ووطنيتك يافارس.
عبرت بكلمات بسيطه ..وتكلمت بلسان حال الكثيرين منا
سلاسه الاسلوب مع جمال المضمون والهدف أحييك عليهم.
يسلمو ايديك اخى وبالتوفيق دايما يارب

[Eng Esraa]

فعلا والله " عجبا "
تسلم ايدك
رااااااائع

[دمعه حائره]

حال مؤسف ومابقاش فيه انتماء ولاخوف على البلد
والكل عاوز يتمسك برائيه واطماع من غير حدود
تسلم اخى خاطره رائعه

[السفينة]

اللهم احمي مصر واهل مصر من كل شر

كتبت كمواطن بحب بلده وبيخاف عليها

كلماتك الرائعه تستحق التقدير والوقوف عندها للارتواء من بحر احرفها
دمت بخير رعاك الله

[حنـــــون]

لالالالالالالالالالالالالالا
مش هتموت هما الى هيموتوا
وهى هتعيش زى ماعاشت سبع الاف سنه
هتعيش لحد ما القيامه تقوم
هتعيش وهترفع راسها زى ما اتعودت
هتعيش وهتسحق تحد اقدامها الى ارادوا ليها الموت
هتعيش وهيموت كل الاوباااااااااااااااش

[countess]

هو احساسك جاي من الأحباط مش اكتر وآكيد هيزول

ومفيش حاجه بتجي بساهل كدا

جايز دي تعثرات بس مش تعتبر سقتت

تعثرات وتقوم توقف آحسن من الأول تاني

وترجع قلب العرب تاني

ويرجع آقتصادها زي آيام الأربعينات الخمسينات والفتره دي بآذن الله

تقيمي + خمس نجوم

[αЛαstoOorα]

	المشاركة الأصلية كتبت بواسطة عمرو الجورى

	عجبي عللي حوليها موضوعك رائع أخي الكريم اختلاف في الرأي ولكني أحترم رأيك عن صدق تحياتي وتقديري واحترامي

وانا آحترم مداخلتك رغم اختلاف رآيك

نورتني ربنا يخليك