الحوار الاول من فضفضه سياسيه,,,,,ومعايا SiLver Spectra

[ķąyąŋ..♡]

	[CELL="filter:;"] معكم اول حوار من فضفضه سياسيه ومعانا ضيفنا الدكتور طارق اكيد كلنا عارفين الدكتور طارق غاني عن التعريف السلام عليكم ورحمة الله وبركاته وعليكم السلام ورحمة الله وبركاته السؤال الاول ماهو مفهومك عن السياسه وهل الاعلام بيوصل المفهوم ده صح ولا لا؟ مافيش اعلامي على وجه مصر ماعندوش ميول سياسي دا امر طبيعي في النفس البشرية , بس كل ما تكون مهني اكتر كل ما هتكون حيادي و عقلاني اكثر , فحتى لما يتحيز في موضوع هيتحيز بحق لانه عقلاني نمسك الجزيرة باعتبارها المفروض اشهر قناة اخبارية عربية الجزيرة ميولها اخوانية واضح , مش واضحه كمان دي طافحه , هما ثاروا على فرد (مبارك) مش على مبدأ و دا شيء طبيعي , صعب تقنعني انهم اصحاب مبدأ , لسه في قطر من يومين في مواطن حكموا عليه بالسجن المؤبد عشان انتقد العائلة الحاكمة في شعر , في حين الجزيرة مصدعه دماغنا بالحريات و الراي و الراي الاخر ! دي لواحدها تسقط قناة الجزيرة , مهما كانت مهنيتهم و فلوسهم الي بيصرفوها فهو بياخد الي يعجبه و يسيب الي مش يعجبه العربية برضو نفس النظام بس ممكن العكس , يعني يركز على الي ضد الاخوان شوية , احداث بتحصل في الخليج بيضربوا طناش عليها و خلافه تعالى للقنوات الخاصة المصرية زي ما قولتلك من حق المذيع انه يتحيز خاصة انها قنوات تحليل في الغالب مش قنوات اخبار رسمية زي الجزيرة و العربية و البيبي سي و خلافه , بس لو هنتكلم بحق ربنا القنوات زي سي بي سي و اون تيفي و الحياة و النهار خلافه , بتجيب الطرفين , شوفي رؤساء الاحزاب الاسلامية كل يوم طالعين عليها سواء حضور او هاتفيا , واحد زي نادر بكار ما شاء الله راشق كل يوم في محطه منهم , في حين المحطات الي المفروض انها اسلامية , بتجيب ناس من طرف واحد , الي هما الناس الي واخدين نفس مواقفهم و بس , و شغالين سب و قذف على المذيعيين التانيين عشان بينتقدوا الرئيس او الحكومة و طبعا بمجرد انك تجيب الريموت و تسيبهم خمس دقايق بس بحس ان الجهل ريحته هتطلع من التلفزيون , لا تحليل و لا مهنية و لا اي بتنجان و بيجيبوا ناس اشكالها و اصواتها عجيبه ! تسمع واحد يقولك المذيع الفلاني الجحش , و التاني يقولك كان بيرضع من معرفش مين و غيره من اقذر الفاظ السب و القذف بسهولة لو رفعت قضية سب و قذف تكسبها بس الفريق التاني بينفض عشان مش يديهم اهتمام و شهره , غير ان في ناس بايعه عقولها و بتنزل تايد زي الخرفان , زي الي كانوا رايحين يدعموا الاخ الي حرق الانجيل ! لو هنتكلم عن خطة لتطهير الاعلام , يبقى اكيد هتبدا بالحته الاكثر فسادا الي هما دول ما انكرش ان التانيين عندهم انحياز , بس بالمهنية و بالسماح للطرف الاخر بالتعبير و بالعقلانية فهما بيتفوقوا بملايين المرات مافيش مقارنه كفايه السيارة الي ماشيه تحت في قنواتهم و شايله صورة مرسي ههههههه حتى فاشلين في الابتكار , بيصعبوا عليه و الله السؤال الثاني ما هو التيار الذي تراه من شعب مصر وبيوصل صوته؟ بصي مافيش حاجه اسمها تيار بيسمع و تيار مش بيسمع المجتمع فيه نسبة جهل كبيره , و الجاهل سهل تقنعه بالدين , قوله بس يلا نروح ندافع عن الشريعة عشان كدا لو هنتكلم عن الصناديق , فدول بيحشدوا بسهولة و ليهم طرقهم و عندهم عامل (الجهل) كمان بيخدمهم عارفه كل ما تروح للحضر , و للمدن الراقية تلاقي نفوذهم فيها ضعيف جدا , لان دول عندهم ابداع فكري اكثر فمش سهل تسيطر عليهم او زي ما تقولي مش بيبيع عقله , و لو مش مصدقه النظرية دي , بصي عندك هنا في المنتدى انا واحد من الناس مر عليه اكثر من 80 الف عضو , دايما المبدع سواء فكريا فنيا هوايتيا فوتوشوبيا مسابقاتيا , شوف بتلاقيه مع اي فريق منهم دايما التانيين عقليتهم مستنسخه , مش يبهرك عارفه في موضوع تيجي تقراه كدا تحس بانبهار فكري فيه , مش محتاج ادي امثله , حتى في القنوات مين اكثر ابداعا و ابهارا؟ دا بحد ذاته يعرفك مين بيوظف عقله و مين راكن عقله و بيحفظ , و الدنيا ماتمشيش بالحفظ و عايزه فهم و ابتكار و الابتكار عايز حرية , طول ما انت محجب عقلك و منساق فعمرك ما هتبقى مبتكر السؤال الثالث ماذا تقول الي الرئيس مورسي لو قابلته؟ توقيعي موضح موقفي بصراحة كنت مفكره ذكي انا واحد من الناس انتخبته في الاعادة لان ماكنش ادامي خيار غيره و مش عايز اقولك اني كنت بتخانق ايام مبارك مع الناس الي تقولك سيب مبارك عشان لو مشي الاخوان هيحكموا و كنت بقول انهم فصيل سياسي و حقه يمارس كامل حقوقه السياسية و مازلت على موقفي هذا بس ماكنتش اتخيل ان الاخوان كذابين اوي كدا , يعني لما حد كان يقولي ( ايام الانتخابات) خلي بالك هيسيطروا على البلد و هيتحكموا في كل حاجه كنت بقول اكيد هما اذكية مش هيوصلوا للمرحلة دي في ظل رقابة صارمة من الشعب بس الي اتضح هو ان مرسي ما نفذش اي من وعوده الانتخابية و مش بتكلم عن برنامجه حتى , بتكلم عن وعوده السياسية زي اعادة تشكيل التاسيسية و عدم طرح الدستور غير بتوافق كامل , كل دا ما حصلش بل انه دخل في مصر انقسام حاد ,و اهان القضاء لخدمة مصالحه برغم انه كان بيشكر فيهم حتى انه شكر في الزند ايام الانتخابات في وقوفه ضد تزوير 2005 و كل دا مثبت على اليوتيوب , حتى حل مجلس الشعب , عارفه ان المجلس العسكري هو السبب فيه ؟ المجلس العسكري طلع القانون و نزله و كان بيمنع الاحزاب من الترشح على الفردي , بالمناسبة دا هو الصح , لأن انا لو حبيت ارشح نفسي استحاله اقدر اواجه الاله الحزبية بتاعت الاخوان , انا فرد واحد ازاي هقدر اواجه حزب كبييير زي الاخوان! فدا فيه نوع من الظلم , في حين مادة في الدستور بتكفل الحقوق السياسية المتساوية بين كل المواطنين الاحزاب اصرت على انها تدخل في الفردي و هددت المجلس العسكري انها هتنسحب من الانتخابات لو مش دخلت على الفردي ,,طبعا هما عايزين يستحوذوا فالنتيجة ان العسكر سابهم يخشوا في الفردي و كانت كمان النتيجة هو ان 80% من الفردي كان لصالح الاخوان و بناء على الطعن الي تم تقديمه و اخد وقته و دا طبيعي في المحاكم المصرية انها بتعد شهور و ممكن سنين في النظر لقضية تم حل المجلس بعد شهور من انتخابه و في الدستور الجديد فسروا المادة الي بتنص على الترشح الفردي عشان يسدوا الثغرة القانونية الي تسببت في حله المره الاولى و في نفس الوقت يسمحوا للاحزاب انها تنافس على التلت الفردي للاسف برضو , و دا ظلم من وجهة نظري للافراد انا بقول القصة دي , لان انا واحد من الناس بتابع اخبار من زمان اول باول , فماحدش يقدر يلعب بعقلي و يلقني قصص و حكايات زي ناس يجي هو دلوقتي بقى و يهين القضاء و يخلي انصاره يمرمطوا فيه الارض و دا عمره ماحصل في مصر و اسمه انهيار لمؤسسات الدولة يعني تعيين نائب عام فدا تدخل سافر من السلطة التنفيذية في القضائية حتى لو انت عايز النائب الحالي يتغير يتغير بطرق قانونية احسن من كدا لكن مش الرئيس الي يختار لان دا فيه تداخل مصالح يفرز فساد و للاسف الدستور الحالي مدي صلاحيات واسعه جدا للرئيس , اكتر كمان من القديم و ليك انك تطلع و تقرأ الخبراء القانونيين في حصرهم للثغرات و الاخطاء القاتله الي في الدستور و الي اعترف بيها نائب الرئيس نفسه في اقراره ان في 12 مادة عليهم خلاف حاد , و اكتر كمان من كدا الي عايز اقوله للرئيس اتقي الله في مصر , مصر لكل المصريين مش لفصيل واحد و لا حزب و مافيش حد وصي على الشعب , الشعب هو حارس ثورته من هو الرئيس الذي كنت تراه ينفع يكون رئيس لمصر؟ بصي , انا ما جربتش حد عشان احكم بشكل عملي لازم اجرب بس في كتير أظن انهم كويسين , اغلب الي مرشحين نفسهم عندهم كاريزما كويسه , كان مرسي و شفيق هما اسوأ اتنين في الكاريزما و للاسف هما الي وصلوا للاعادة حتى ماطلعش عندهم نهضة بصراحة لما بسمع اي مرشح تاني زي ابو الفتوح بلاقي فرق كبير و كلام واضح كدا و عملي , زي لما تسمع عبد الناصر كدا , و انصح اي حد حابب يكو عنده رؤية ثقافية انه يدور على خطب عبد الناصر كان بيخطب ازاي , و يشوف مرسي ,,مرسي ام الملل ,خطيب جمعه هههه و كلام مرسل كدا انشا مالوش اي معنى مايدلكش اجابة عن السؤال كدا بشفافية و وضوح السؤال الرابع في رايك هل تدني مستوي التعليم له اثر في الاوضا السيئه التي نراها الان؟ طبعا , الاطلاع هنا في مصر ضعيف جدا انا لما بكلم سواق تاكسي او اي حد في الشارع بيكون سهل جدا اسيطر عليه بفكري , لان هو ماعندوش فكر و ثقافة و الي بتلاقيه بيتكلم بيكون كل كلامه يقولك فلان الفلاني بيقول على الشيوخ انهم اراجوزات , علان العلاني قال معرفش ايه , الي هو كلام متناقل كدا و بناء عليه بيكون راي ,, للاسف مع ان الاصل هو انك تطلع و يكون عندك رؤية واسعه شامله من خلالها بتبني وجهة نظرك زي ما انا بكلمك كدا للاسف دلوقتي كل واحد تلاقي رده اجوف و يقولك اختلاف الراي لا يفسد للود قضية الاخ عشان بقى بيخبط على الكيبورد مفكر نفسه صاحب راي ههههه انا على فكرة بحترم الاراء بس في حاجات كدا بتبقى فضيحه , الواحد وقتها مابيعرفش يسكت و الله السؤال الخامس هل ستشارك في الاستفتاء الدستوري نعم ام لا؟ مش هشارك عشان انا شايفه استفتاء ظالم مافيش اي استفتاء نزل و اترفض قبل كدا في تاريخ البشرية حتى استفتاءات الانفصال عن الدولة بينجح هو ينفع اتحجج بحجة الاستفتاء في اني مثلا اطالب بعزل دمياط عن مصر ! مع ان هيبقى احسن لدمياط باعتبارها مدينه منتجة و لو اتعمل استفتاء هينجح , هل ينفع الامور تمشي كدا ! خاصة لما تتكلم عن دستور , يبقى بديهي لازم يكون تراضي و مواقة من جميع القوى و بعدين يتعمل الاستفتاء الي بيكون في الغالب شيء رمزي مش اكتر فانا شخصيا مش هحضر طبعا عشان اذل فيهم بعد كدا بعدم شرعيته اخرهم هيحشدوا مثلا كام 40% ؟ دا بالكتير في الغالب هيكون اقل من كدا و انت ماتقدرش تعرف مين مقاطع و مين كسل ينزل و الي كسل رايه ايه و بالتالي هنقول عليه دستور غير شرعي خليهم بقى راكبين دماغهم , بس هتيجي عليهم في الاخر و كل ما هنروح في حته هنقول يسقط دستور الاخوان شوفتي الاستقرار ) طب بصي بقى على الحركة دي شوفي الصورة دي لشبكة برق الاخوانية هنا شبكة برق و رصد و اغلب الشبكات الاخوانية مع المعارضه في ****************** ****************** الامير عدل النظام الانتخابي و المعارضه اعترضت و تظاهرت و اعلنت مقاطعتها و النظام مش عبرهم فكانت النتيجة ان مجلس الامه الي طلع الشعب اعتبره مش بيعبر عن الشعب و الاخوان نفسهم بيايدوهم و بيقولوا كدا و عندك الصورة فكان ردي عليهم اشمعنا هنا الي مش بتقول ارادة الشعب في الصندوق) , قالي دول مقاطعين فقولتله طيب ما احنا كمان مقاطعين مش بتحترمنا ليه طالما انت بدافع عن حقوق غيرك اوي ما تشوف حقوق شعبك الاول ! السؤال السادس هل لديك امل في ان تنهض مصر في ظل حكم الاخوان ما اظنش و خاصة بعد قرارهم في الانفراد بالدولة هما كدا اختاروا طريق عدم الاستقرار و مصممين على الاستفتاء باعتبار انه هيضيف ليهم شرعية و مش فاهمين انهم بكدا هيعزلوا ناس كتير عنهم و هيأزموا الموقف اكثر السؤال السابع كلمه تقولها لمصر؟ ما تخافيش يا مصر طول مافي مفكرين و ناس مثقفة و ناس مطلعه حتى لو عيشنا في استبداد فمصيره يزول , و التاريخ بيعلم واخر حاجه معانا تحب تدبس مين من الاعضاء يكون معي الحوار الثاني؟ هاتيلي قلم بلا حبر شكرا يا استاذ طارق علي الحوار الجميل ده [

/CELL]

[Sea Pearl]

تسلمى على المجهود الرائع

تحياتى ودمت فى خير

[احمد برهان]

حوار مميز اخت ريهان...
و كشف عن جوانب هامة..
في اراء و شخصية الاخ طارق...
دام التميز

[ريانة العود]

اللة يعطيك العافية حوار مرة مميز يسلموووووو

[(طائر الشرق)]

السلام عليكم ورحمة الله

ريهان

باقة ورد لشخصك الراقى

ولموضوعك الجميل والرائع

فى حضور الضيوف الكرام والمميزين

بداية من الدكتور طارق وفى انتظار

باقى المبدعين والمميزين

حوار جميل يعبر عن وجهة نظر لابد ان تحترم

دعواتى للجميع بالتوفيق

عصام

[naaader]

موضوع جامد وراقي
ولكن يحتاج بعض الوقت لتكملته
بارك الله فيك
على هذا الجهد الجبار

[نجمة النجوم]

حوار مهم جدا وفي وقتوا
استمتعت بالحوار
ميرسي ليكم

[حنـــــون]

الله الله
حقا مصر عمرها ماهتموت
طول ما فيها عقول مفكره ومثقفه
اكيد كلامك لاخلاف عليه
ربنا يستر الايام الجايه
منتظره قلم بلا حبر زميلنا فى النضال هههههههه
شكرا ياقمرى ع الحوار المميز

[العاشق الذى لم يتب]

عظيمة ريهان مذيعة ومحاورة مبدعة
ومقدمة توك شوبارعة
وأسألتك فى المضمون
أتمنى لك المزيد من الـالق والتقدم
والشكر خاص لعظيمنا ومبدعنا الكبير
ودكتورنا البارع
كان ضيفا عزيزا علينا جميعا
وكان محللا وواضع النقط على الحروف
وكان محايدا إلا فقط عند الأخوان والسلفيون
تقبلواتحياتى وودى
رفعت

[ساحر الأحزان]

حوار جميل منك مع طارق

شخصية بنحترمها وبنحترم فكرها ووعيها


وعى وادراك للامور والى بيحصل على الساحة

من تطورات

اى معلوم عايزة تعرفها قلهالة وهو حيعرفك بيها بشرحة وتوضيحة الوفى

نورت الحلقة يا طارق

وبانتظار قلم


تحياتى لكم