Benim sayfaları yazma öğretti olanlara selamlar

[Mind language]

لولولولولولولووللى حضرت شنطتى وكل حاجتى
ونستعد غدا للذهاب الى أحمد حسام اخيرا
هشوف أبن اخويه من 4شهور فاتوا للاسف
كام يوم بس اللى هقعدهم معاه لانه خلال
الاسبوع اللى بعده مسافر الى ****************** لوالده
هتوحشنى ياحمادة من قبل ما اشوفك بزمتكم
انا ينفع اكون عمتو للقمر دا اول ماشوفت الصورة
قولتلهم مين دا ؟؟؟؟؟؟!!!!!!

[Mind language]

من أكتر الرسومات اللى بحبها فى الكاركاتير هى الرسومات
اللى بتكون معبره عن حال البلد واللى بلاقيها فى الجريدة
وفى ظرف ربع ساعه اكون جبتها بكل مافيها بعتذ جدا
بالكاركاتيرات دى

دا كان تريقة على الناس اللى بتخوض الانتخابات بعنف


دا كان تحدى مابينى وبين والدى اول ماعرف انى ليه
فى الرسم قاللى لو بتعرفى ترسمى صح هاتيلى
الكاركاتير دا زى ما مرسوم فى الجرنال بالظبط
ودا كان تريقة على وزير من وزراء المالية ايام
حسنى مبارك

دا عن الوحدة الوطنية


دا كان تريقة على وزارة شرف ايام الثورة فالعرافه
بتقوله خد الحجاب دا وكملت كلام ممكن يتشاف


مشكلتى انى ارسم انما بكسل من التلوين دا كان
عباره عن المعاملات الخارجية والثفقات اللى كانت
بتحصل ايام الثورة .

[Mind language]

من أصعب المواقف

إنى الواحد يتحط مابين فكى الرحى زى مابيتقال هو مش عيند انما كلهم
مسمينه عيند فى البيت اول ماجتنى فى الرغبات بتاعت تنسيق الجامعة
لغات شرقية ومكنتش اعرف عنها حاجه والدتى حاولت تقنعنى مليون مره
بتغيير الرغبات لإثار اسلامى او مصرى لانها عارفه انى كنت بحب التاريخ
جدا جدا وكنت بسمعلها الاحداث اللى كنت بخدها فى كتاب التاريخ تسميع
كانت هى اللى بتراجع معاية ليلة الامتحانات فعلشان كدا حاولت تخلينى
ادخل آثار علشان تقدر بعد كدا فى اى مسابقة لتربية والتعليم تدخلنى فيها
وأبقى مدرسة دراسات اجتماعية ابتدائى دا كان تفكير والدتى اما والدى قاللى
كلمة واحدة ادخلى اللى انتى مرتاحة لية اكتر فقولت لوالدتى لا مش داخله
غير القسم اللى جانى وانا ونصيبى قعدت اسبوع كامل تقولى بصى لبكره
دا كله بيقول على قسمك انه صعب فى دراستة جدا وملهوش مجال بعد كدا
قولتلها لو على الصعوبة فمعرف انى دراسة اللغات من اصعب الدراسات اما
لو على المستقبل فدى حاجه بتاعت ربنا المهم صممت كلامى لاخر لحظة
شوفت فى قسمى ايام سودة فى دراستى لكونت اعرف حاجه من اى حاجه
ومكنتش عايزة اختلط كتير بالناس اللى فى الجامعه وكنت بكره الجامعه وكل
حاجه فيها لكنى كانت والدتى كل ما تشوفنى مدايقه من حاجه فى القسم
تقولى دا اختيارك اتحمليه لوحده لانى ياما اقنعتك بالآثار وركبتى دماغك
صراحتا دا مش عيند منى لكنى بصيت على اخوية اللى فى هندسة
كان منى عينه انه يدخل معمارى لكنى اخوية الكبير قاله ملهاش شغل كتير
خاليك فى قسم الكهرباء وانا اوعدك بعد ما تخلص اسفرك ****************** تشتغل
هنا ووالدى بردوا قاله كهرباء مستقبلها افضل مشى بكلامهم ولاغى رغبتة
وميولة لقسمة كانت النتيجة انه بياخد السنه بسنتين لصعوبة القسم اللى
دخله +انه مكنتش رغبته الاولى والدى واخوية ندمه على انهم اجبره على
حاجه مكنش عايزها فا انا بصراحة خفت من كدا خفت ادخل قسم بناءا على
رغبتهم ومنجحش فية فا انا اخترت حاجه هى اه بعيدا عن ميولى لكنى من
اختيارى حتى لو فشلت لقدر الله مش هجيب اللوم على والدتى ساعتها
لغاية سنة تانية جيت اسأله أية رايك عبرى تركى فارسى قالتلى اللى انتى
عايزاه مش دا كان اختيارك من البداية كملى على حسب رغبتك انا مش مقتنعه
بالقسم من الاول والحمدلله يدوب الترم التانى من السنة دى بدأت اخد على
الجو شوية والمكتبة والبحث على النت وفى المراجع وعمل الابحاث الحمدلله
انا راضية على نفسى جدا ومرتاحه لاختيارى مهما تكون النتائج هتحملها باذن الله .

[Mind language]

احلى حاجه فى الدنيا اما يكون مع الواحد اصحاب
زى صحبتينى مى ودعاء دول صحابى من نفس
البلد ودسك واحد من اولى ابتدائى لحد تالته
اعدادى لكنى فى الثانوى اتفرقنا فى الفصول
دعاء كانت فى فصل غير اللى انا فيه انا ومى
كنا اما نمشى فى مكان الاساتذة يسألوا لو
واحده فينا غابت عن التانين طيب فين التالته
بتاعتكم واما واحده تغيب التانين يزعلوا لاخر
اليوم الدراسى مى دى كانت بتحبنى حب
جامد عن دعاء لدرجة انها كل حاجه اعملها
كانت بتقلدها بالظبط كنت لو قولتلها رايحة
جهنم تقولى وانا معاكى هههههه اوقات
كتير كنت بتخنق منها لكنى دلوقتى اما
اتفرقنا فى الجامعات اتادبت وعرفت قيمتها
واحشونى جدا واكتر حاجه واحشتنى معاهم
هو المشى فى الطريق لمدرسة الثانوية
كنا بناخد الطريق كله ضحك وتنكيت على خلق
الله والمشكلة اننا كنا احنا التلاته افقر عن
بعض فى التريقة لو حد مشى معانا مرة
يحب يمشى معانا تانى من البنات التانين
لكننا كنا بنطنش ونخرج احنا التلاته بس
علشان نبقى على حريتنا فى الكلام
والتريقة من ضمن المواقف اللى حصلت
معاهم كنا لازم كل صبح نشرب حاجه
احنا ومعديين يا اما يوقفوا هما عند بياعين
الطعمية والفول ويشتروا سندوتشات
اما انا بقى فكنت باشا باخد سندوتشاتى
من البيت ففى مره قولنا نكته وقعدنا
نضحك جامد عليها رحنا عند بتاع القصب
لو سمحت عايزين تلاته قصب دا كله
والساعة8 والطبور 7ونصف عادى المهم
اننا اخدنا القصب ولسه بنشرب اول بق
وفجأة قعدنا نضحك قدام الراجل احنا التلاته
افتكرنا النكته قام الراجل فاكرنا بنضحك عليه
او نتريق فقعد يسألنا فى حاجه يا ابلة طيب
اية اللى حصل واحنا ماسكين العصير كل
ما نشرب نضحك لحد ما وصلنا المدرسة
بقينا كل مانعدى على بتاع القصب نحط
الكتاب على وشنا ونعدى لحسن يكون
لسه فاكرنا وكل ما نعدى واحده فينا تقول
بصى كدا عليه بيبص ولا لا لحسن يكون
لسه فاكرنا أياااااااااام آه لو ثانية منها
ترجع تانى يارينى ماكبرت كل ما الواحد
بيكبر كل ما المسئوليات بتزيد اكتر : (
كلها كام شهر واختى الاكبر عنى تجوز
وابقى انا المسئولة عن البيت كله من
الالف للياء : (((

[Mind language]

ولولولولولى كمان مرة علشان خاطر جهازى
اللى رجع بالسلامه مش فاضل غير انى
انزل اشترى لية كبل النت وكدا تمام
لكنى حاليا داخله من على الموب .

[Mind language]

قرب رمضان كل سنة والجميع بالف خير وسلام
وطبعا بما أنه قرب مطلوب تنظيف البيت كله مكدبش
عليكم الصراحة الواحد بيتخنق من التنظيف والطبخ الا
فى حالة واحده هو انى اعملهم بمزاج يعنى تيجى الفكره
فى دماغى انفذها انما حد يجبرنى على انى اعملهم هو
انا بعملهم بس مش زى اما الواحد يعمل الحاجة بمزاج
والدتى من صغرنا انا واخواتى علمتنى النظام فى كل
حاجة اوحش حاجة هو انهم ليل نهار طول ما انا قاعده
معاهم قدام التلفزيون يحضروا فى الناس بتاعت الطبخ
ويقوموا تانى يوم ينفذوا الحاجات دى عالم دماغ انما
انا بكره جدا قنوات الطبخ جدا لانى بآمن بانى الطبخ
مش محتاج تعليم من يملك خاصية الاحساس والتذوق
السليم بامكانه يكون شيف فى كل حاجة بيعملها والحمد
لله دى عندى هههههه انا آه كسولة فى نظرهم لانى مش
بعمل زى ماهما بيعملوا لكنى لو عملت بيتقال انى عملت
كل حاجتى مظبوطة جدا عمرى ماوالدتى علقتلى على اى
حاجة فى طبخى او تنظيفى غير فى الاول اما كنت مبتدئه
ومازالت بتدى تعلقات خفيفه قدامى لكنى من ورايه بسمعهابتشكر فى حاجتى .

[Mind language]

الايام دى اتجهت للتلفزيون شوية
منزله تلات قنوات تركى بغيب واحضرهم
واحده اخبار والتانيه برامج وافلام وواحده
اغانى لكنها قفلت اتغير التردد بتاعها معرفتش
ارجعها اما الافلام العربى لو قديمة احضرها
جديده مليش غير فى الكوميدى الايام دى انا
متابع مسلسل الجامعه تحفه جدااا اما اختى
فبتابع مسلسل ابواب الخوف مرة نادتنى احضر
معاها حلقه والله ماعرفت انام فى الاوضة لواحدى
قعدت صاحية لحد الفجر بعد كدا اما كله صحى يصلى
الفجر انا نمت جات علشان تحضرنى حلقه تانى قولتلها
حرام عليكى انا منمتش المرة اللى فاتت فصعبت عليها
بعد ماحضرنا الحلقه قالتلى هتنامى قولتلها آه قالتلى
على فكره فى سرير زيادة فى الاوضة عندى لو عايزة
تنامى معاية ماصدقت طبعا قولتها ماشى يللا بينا هههه
مسلسل كله عفاريت وجن ياساتر يارب .

[Mind language]

حرااااام دا ولا حلال الكهربه تقطع من 12 بالليل
لحد تانى يوم الساعة عشرة تخيلوا العيشه بقى
ازاى ؟؟؟؟؟لحسن الحظ الجو كان حلو .

[Mind language]

إذا أتعبتك الآلم الدنيا فلا تحزن ربما أشتاق
الله لسماع صوتك وأنت تدعوه ....

[Mind language]

ﺇﻥ ﻧﻔﻮﺳﻨﺎ ﻫﻲ ﺍﻟﻤﻌﺎﻗﻞ ﺍﻷﻭﻟﻲ ﻟﻠﺜﻮﺭﺓ ﻭﺍﻟﺘﻐﻴﻴﺮ
ﻭﺗﺮﻭﻳﻀﻬﺎ ﻭﻗﻴﺎﺩﺗﻬﺎ ﻫﻲ ﺍﻟﻤﻨﻄﻠﻖ ﻟﻘﻴﺎﺩﺓ ﺃﻱ ﺷﺊ
ﻭﻟﻴﺴﺖ ﺷﻘﺸﻘﺔ ﺍﻟﺸﻌﺎﺭﺍﺕ ﻭﻃﻨﻄﻨﺔ ﺍﻟﻬﺘﺎﻓﺎﺕ ,
ﻓﻠﻴﻌﻄﻒ ﻛﻞ ﻣﻨﺎ ﻋﻠﻰ ﻧﻔﺴﻪ ﻳﺮﻭﺿﻬﺎ ﻭﻳﺮﺑﻴﻬﺎ
ﻭﻳﺰﻛﻴﻬﺎ ﻭﻳﻜﺎﻓﺤﻬﺎ ﻓﺬﻟﻚ ﻫﻮ ﺍﻟﺠﻬﺎﺩ ﺍﻷﻛﺒﺮ .

د/مصطفى محمود