كيف يعمل المدفع الرشاش؟

[SiLver Spectra]

عمرك سألت نفسك المدفع الرشاش بيضرب رصاص بشكل مستمر ازاي برغم انك مش بتديله جهد ميكانيكي غير في اول مره بتضغط فيها على الزناد ؟
((شوف الفيديو))



براي الشخصي ان السلاح الناري من أعظم الاختراعات الميكانيكية برغم استخدامها القاتل
لأنها بتشتغل بدون كهربه

الاول خلونا نعرف طريقة عمل المسدس بشكل ميكانيكي



هنا الreload بيتم بشكل يدوي ,,بعنى انت الي بتشد المسدس لورا عشان تعيد تجهيز الرصاصة الجديده

طيب بالنسبة للمدفع الرشاش أو السلاح الآلي
ازاي بتطلق الرصاص بشكل مستمر ؟
أو بمعنى اخر ازاي بيحصل reload بشكل سريع جدا في تجهيز الرصاصة التالية بشكل آلي ؟

ببساطة ,الرصاصة بتتكون من جزئين اساسيين ,,الجزء الاول بيكون صغير و هو راس الرصاصه الي بينطلق من السلاح
و الجزء التاني الكبير بيكون زي الانبوب الخزان و بيكون فيه البارود و الغاز

زي الصورة



العبرود هو راس الرصاصه الي بيتم اطلاقها ( بتدخل في جسم الهدف)
أما (الظرف) فهو الي فيه البارود و الغاز ,,و دا الجزء الي بينفجر بعد طرقه باستخدام السلاح و بيتسبب في خروج رأس الرصاصة (العبرود) بشكل سريع جدا باتجاه الهدف

(الظرف) و هو الجزء الاكبر من الرصاصه هو الي بيخرج من جانب المدفع الرشاش و بيسقط على الارض (لو بتلعب بلايسيتشن هتلاحظه )

طيب الغاز الي في (الظرف) دا بيعمل ايه كمان ؟
هو المسؤول عن الreload أو اعادة تجهيز الرصاصه الثانية في الرشاش الآلي عن طريق أنبوب الضغط الي بتكون في السلاح

شوف الفيديو دا
و لاحظ انبوب الغاز و دوره في اعادة تجهيز الرصاصه الثانية بشكل الي


و بكدا بيتم اطلاق النار بشكل متواصل بدون بذل مجهود يدوي اضافي (بس بتفضل متك على الزناد)

السلاح الي فات كان (كلاشينكوف) أو ak47



هو سلاح روسي بيتميز بسهولة استخدامه و بانخفاض سعره و بذلك فهو الاكثر انتشارا في العالم (و المفضل للعصابات )

سلاح آخر أمريكي
(آدامز آرمز)





لاحظ هنا في السلاح الغاز بيخرج من أدام بعد انتهاء مهمته داخل انبوبة الضغط في اعادة التعبئة
و كمل الفيديو للآخر لتكتمل الفكرة


و بس كدا ,,خلصت الحصة التثقيفية النهارده

[۩۩ elMagic ۩۩]

لا حلوه الحصه النهارده
تسلم يا برنس للمجهود
والكلاشينكوف متلاقيش غير العصابات بس بتمسكه
اما المسدس الغلبان اللى فوق دا بتاع الحكومه
بتستخدمه لما تيجى تقبض على العصابات
وعلشان كده مفيش عمليات بتنجح وكلها بتفشل

[دمعه حائره]

على فكره عندى مسدس فى البيت ومش بحاول حتى اجرب استخدمه
بس وجوده مطمنى معرفش ليه
مع ان لو حرامى دخل هاقوله اتفضل مايغلاش عليك:d
درس جميل اخى سلفريس الاول وافادنى جدااا

[حنـــــون]

والله حاجه زى الفل
معلومات اول مره اركز فيها
تسلم ياكبير ع الجهد الجامد دا
استمر بئه

[countess]

بابا من عشاق الأسلحة

ف البيت حتى لو مش بيستخدمها بس بيحبها اد عنية

تشكرآت طارق على الحصة

[Mo chahin]

جميله كالعاده حصتك يا طارق ,,

وجبت لنا معلومات لازم اى حد فينا يعرفها .. للظروف يعنى ,,

تسلم طارق وفى انتظار باقى الحصص ,,

[ساحر الأحزان]

لا شغال يا معلم

من الحصص الحلوة دى

وفكرتنى بايام الجيش

وضرب النار على الالى,

وكان عندنا برضة مدفع رشاش كبير’

الطلقة منة بخمس طلق من دول ودة لصيد الطائرات فى الجو ,

جميل المعلومات يا دكتور

تحياتى

[دفا الروح]

مشكور على المعلومات
يعطيك العافية
تحياتي

[حبرالقمر]

احم انا الحمدلله اخري بروفايل بيكتشر مع بندقية الصيد

نايس توبيك معلومات جميله

تقبل م ر ور ي اختك حبــر القمــر

[مشتاقه للجنه]

شكرا على المعلومات يا طارق
مع ان السلاح عموما مخيف
ويذكرنا بشكل الدم "
تحياتى