التوك توك والاطفال

[همسه الجوارح]

السلام عليكم ورحمة الله وبركاته اسعد الله اوقاتكم جميعا يارب تكونوا بخير دايما موضوعنا النهارده عن التوك توك والاطفال التوكوتوك وسيله مواصلات صغيره فرضت نفسها فى جميع البلاد والدول لسهوله حركتها وسرعتها فى التنقل وقله حجمها..مش هقول لرخص اجرتها لان اجرتها اغلى من المكروباص غير انه اتاح فرص عمل لشباب كتير عاطل ودخل كويس لاسر متوسطه الدخل مميزات كويسه ولكن ....! لها مخاطرها اولا :الاطفال اللى بتقود المركبات غير مؤهله لكده سن صغير مابين 9:18 سنه,هزار ومشاجرات على الادوار فى التحميل بيروح ضحيته شباب,غير المعاكسات والمشاكل العديده اللى بتحصل غير انه غير مامن بابواب جانبيه اللى خلانى اكتب فى الموضوع ان بصراحه بستغرب على اهالى الاطفال ازاى يجيبوا توك توك لطفل 9 سنين يقوده ويركب معه ارواح وهو لا يستطيع حمايه روحه :الغريب انهم بسمعوا عن حوادث التكاتك وبرضوا الحاله مستمره يعنى نسمع عن طفل اضرب واتاخد منه عن طفل وصل واحد بيشرب مخدرات ضربه واخد الفلوس منه او التوك توك نفسه....قلب الامهات ازاى تقدر تخلى طفل زى ده ينزل يشتغل مهما كانت الاسباب فى الطفل ده محتاج حمايه ورعايه دى صوره يحيى طفل ال8 سنوات من عمره يعمل على التوك توك لمده 10 ساعات يوميا فى وسط زحام المواصلات يحصل على اجر 10جنيهات يوميا من صاحب التوكوتوك قصير القامه زى مانتوا شايفين لصغر سنه, يعمل وهو واقف ناس كتير بتخاف تركب معه لصغر سنه ولكن فى الزحمه ولوقت بيطرو مغصوبين ع الركوب بجد حاجه تخوف ربنا يحفظ اولادنا

[Words Whisper]

انتهاك للطفولة والله
واستغلال لسلطة الأهل
مع انه المفروض السلطة دي مسؤولية
الله هيحاسب عليها
والمشكلة الأعظم انه مش فيه رقابة حقيقية ع التكاتك !!~


موضوع قيم ياهمسة
ومؤلم لأنه واقع ..


تسلمي ياقمراية
ودمتِ بتوفيق وسعادة ..

[Mo chahin]

الغريب فى هؤلاء انهم يرددون دائما ,,

الغايه تبرر الوسيله .. وكأن ابنائهم وسيله ,,

حتى وان حدث له ملا يحمد عقباه .. وللأسف ,,

لا احد يتعظ ..

جزيل الشكر على طرحك الطيب ,,

[Mahmoud Mohie]

اولا : احييكى على الطرح الرائع ثانيا : غاليتى .. المشكله ليست مشكله أطفال ولا حتى مشكله الأسرة .. المشكله مشكله , نظام أهمل أولاده , تركه فريسة لمثل هؤلاء الأوغاد كى يتملكوه . أصبح الطفل سلعه تباع وتشترى لزمن العبيد عدنا . دمتى متألقه ... دام تميزك شكراا"""

[ساحر الأحزان]

مهو دلوقتى التكتوك بقى وسيلة مواصلات سهلة وقيادتة سهلة برضة’

وكل واحد عايز يزود دخلة يجبلة تكتوك على شان يقدر يواجة ظروف الحياة

ويشغل ابنة علية بعد الدراسة

او يقلة اخلع من المدرسة واهى معاك مهنة تاكلك عيش

ودة اسلوب غلط

لان حوادث التوكتوك وحشة وصعبة

وبرضة بناخد من الطفل طفولتة الى لازم يمر بيها زى بقية اخوتة الاطفال

موضوع جميل همسة

تحياتى

[دمعه حائره]

اول مره اعرف حكايه الاطفال اللى بتسوق توك توك دى
بجد حاجه خطيره وقتل لبراءة الاطفال
بس اكيد السبب هوا الفقر
يعنى تلاقى الطفل ده بيصرف على اسرته كلها
امته هانشوف الظواهر الغريبه دى راحت من مصر
سواء عماله الاطفال او اطفال الشوارع
تسلمى على موضوعك القيم