الأعضاء تنادى بأنشاء قسم فرعونى يا سلفر الأول

[ساحر الأحزان]

بسم الله الرحمن الرحيم

منتدى بنات مصر فى عهد سلفر الأول

حبيت أعمل الموضوع دة هنا فى القسم لتشر الدعوة الفرعونية لأنشاء قسم فراعين مصر ,فبعد الناس ما زهقت

وجالها ملل من الصور الرمزية العادية الى بتظهر الشاب الوسيم الحلو ابو عيون فشية,الى متشيك على الاخر

والبنت الحلوة ام شعر اخضر وعيون صفر ,لقينا نفسنا بنحن للماضى وعراقتة حضارة الاف السنين الى فاتت

وبقت شاهدة على العصر الفائت بعد ما قرر سيلفر انشاء عصابات المنتدى ونادى الاعضاء بالصور الفرعونية ,



قرر والى المنتدى الاول سيلفر الاول مهو مسمى نفسة كدة على شان يسيب مكان لسلفر التانى حتى

سلفر العشرين وتبقى اساميهم مطبوعة على العملة.واثارهم منتشرة فى ربوع مصر جت طمطملميس الاولى




وهى برضة رشحت نفسها لولاية العرش السلفراوى وطبعت اسمها على الكارنية ’ونادت هى كمان بالعرش ,

اليسا القرن العشرين زعلت عجبتها لعبة صور الفراعين وقررت انها تبقى اليسا بشكل فرعونى و:انها حتبقى

عدوة فى المنتدى للرجوع للعصر الفرعونى’

وكمان انضمت ليهم لوجيت الاولى




وحتبقى والى على اثيوبيا والسوادن بحكم القرابة الى بينا وبينهم وبرضة على شان تحافظ لمصر.

على وداى النيل من الاخطار الى بتحوط بية من الملاعين الى عارفينهم وعارفين نوايهم للنهر,

وكمان انضمت ليهم بقايا قلب , وكلمات الى






وكمان انضمت للحزب الفرعونى الكونتسة الييسا بسى على الموضة الجديدة

بتقنيات العصر الحديث






ومن هنا ومن قسم الأقلام ’

نطالب نحن رابطة العودة الى الماضى

بأنشاء قسم فرعونى’

يستعرض فية الحياة الفرعونية كاملة من مبانى وتاريخ شامل ومعيشة كاملة للعودة الى التراث القديم’

الى الكثير لا يعلمون منة الا القليل ,,وبرضة انشاء صالات عرض للتاريخ الفرعونى وسلسلة بأهم الاحداث

والتطورات الى حصلت ايامهم من قصص ومغامرات للملوك والمليكات يعنى الى يخش القسم

يحس انة عايش فى العصر بكامل احداثة

والدعوة موجة للجميع

وسلفر ما حيخسر حاجة بأنشاء القسم الفرعونى

كلها جرة قلم وتوقيع على الموافقة بأنشاء القسم

فالى حابب القسم يتعمل يرفع أيدة هنا,

تحياتى لكم وانتظر رئيكم

[~♥ Queen sozan♥~]

ايوهـ يا أمجد انا كمان اخت بالى من الظاهره دى
بس بجد حلوة والله تغيير
وكمان البلد اصلا مينفعش العيش فيها با الحاضر
بس كدة ممكن الاحزاب الاسلامية تقول علينا
كفار ^^ يعنى ممكن يقيمو علينا الحد

بقول ناخد رئى الحاج مرسى الاول ,, هو رئيس الجمهورية بردكـ
هديلو رنة بقة يا امجد واشوف ..

[ابتسامة الزهر]

هو تغير ياامجد للعودة الى امجاد اجدادنا
بعد ما انحدر بنا الحال وبنتهاوى الى الحضيض
مع الحاج مرسى واتباعة
نقدم له طلب على عرض حال دمغة يمكن يرفق بنا
ويوافق على التغير مين عارف يمكن هو كمان يحب يغير
تقديرى واحترامى لك

[Words Whisper]

والله فكرة لذيذة
والتاريخ الفرعوني مليااااااان
ومصدر رااائع كمان للبحث
بس هل هياخد حقه القسم لو أُنشئ ؟!




تسلم أ/أمجد
ودمت بتوفيق وسعادة ..

[нαиαи]

حلوه فكرتك اخي
كمان انا بتعجبني الأفلام الوثائقيه اللي بتتكلم عن الفراعنه
ولو بينشأ قسم جديد اكيد بيكون الإقبال عليه كبير إن شاء الله .

[تيتشر نفشه ツ]

والله فكره جميييييله أبيه

يلا جايالكو انا كمان بالزي قريبا ان شاء الله =))

يلا منتظرين الموافقه^^

[كبرياء رجل]

جميل موضوعك يا ساحر
وبيلمس نقاط مهمه
وانا بطالب من مكاني هذا ان كل اﻻضعء يتفرعنوا
عشان لما يقولوا يا فررعون من فرعنك يقول المدير العام
حلو الموضوع والله وعامل شغل جامد
السواح بدل ما يروحوا اﻻماكن اﻻثريه اللي في مصر
ﻻ احنا عندنا جميع العصور وناس جديده محدش يعرفها
كويس ان مفيش كليوباترا
كانت طفشت كل شباب المنتدى

اشكرك على موضوعك الجميل
دمت بتميز وكل الخير
وود اﻻخوه
تحياتي لك

[❀ ЯeRōŎō ❀]

انا عجباني العدوي بتاعت الفراعنه الي هلت علي المنتدي دي ^^ تجديد بردو
وفكره القسم هاتبقي حلوه وحساه هايبقي عليها اقبال ان شاء الله ^^

[طمطم]

حلو جو السرد التاريخى ده ي امجد ^^
انت من هنا ورايح .. " مؤلف المنتدى "
..
بالنسبة لموضوع القسم .. هو فكرة جديدة
من حيث انه يبقى كله بيتكلم عن الحضارة الفرعونية بس
وكل حاجة بتخص الفراعنة ..
وممكن نخليه قسم فرعى من قسم الشخصيات التاريخية ف الاول .. ولو بقى عليه اقبال كبير نخليه قسم مستقل ,,
ونستنى رأى سيلفريس بئآ
,,

[๓αℓάҝ]

فكره حلوه و ممكن أي حد حاطط صوره فرعونية يعمل توبيك في القسم الجديد عن شخصية من عصر أجدادنا

تسلم الأيادي علي الفكره
بالتوفيق ان شاء الله