مسيرة لشهيد الحرية " محمد مصطفى "

[ღ Gի๐sτ ღ]

السلام عليكم ورحمه الله وبركاته


البيان من " التراس اهلاوى "


" عايز تعيش حيوان ! براحتك .. عايز تعيش عبد ! حقك ..بس متلومش على اللي عايز يعيش انسان حر وعنده كرامة "

الكلام ده مش كلامنا ده كلام الشهيد محمد مصطفى يوم 18 ديسمبر 2011


وقت احداث مجلس الوزراء بعد لما العسكر عروا ست البنات وقبل ما هو يستشهد


كل الحكاية انه صمم على النزول


وكل اللي قاله لمامته ان اللي اتعرت دى كانت ممكن تكون واحدة من اخواته البنات


ساعتها كان لازم هينزل


ونزل "كاريكا" وصابته رصاصة غدر من كلاب العسكر


اتنقل بعدها "كاريكا" للمستشفى واستشهد هناك


استشهاد "محمد" كان هو البداية لاحداث بورسعيد بعد كدة


لان مبدأ من مبادئ الجروب Together forever


الجروب بكل اعضائه قالوا ان حق "محمد" لازم يتجاب ولازم يتحاسب اللي دبر وغدر وخان


والجروب مشي فى الطريق ده وبدأ بالهتاف ضد العسكر وضد بلطجة الداخلية


وطبعا ده كان مفاجأة لنظام اتعود على ان الدم رخيص وان اى حد بيموت الموضوع بيعدى عادى


فقرروا تدبير مؤامرة للغدر بالجروب وكانت مؤامرة ثلاثية مكونة من جيش وشرطة وجمهور بورسعيد


كان تفكيرهم ان الجروب ممكن يتكسر


بس احنا مكملين فى طريقنا حتى القصاص لكل الشهداء


الثورة مستمرة ضد الظلم والفساد والطغيان

المسيرة هتكون يوم الجمعة الجاية 21-12-2012 الذكرى السنوية الاولى لاستشهاد "محمد مصطفى"


هنتجمع الساعة 3 عند النادى الاهلى والمسيرة هتتجه لميدان التحرير


بنأكد على أهمية التواجد فى المعاد وممنوع التأخير

المجد لكل من ضحى بدمه من اجل وطنه ... المجد للشهداء



------------

الله يرحمك

[مِسكُ الشَهادة]

رحم الله كل شهداء مصر
الذين رحلوا لنعيش بعزة ٍ وكرامة
ونسأل الله أن يجمعنا بهم في جنان ِ الخُلد
مشكور أخي ع طرحك الراقي

[الابتسامه المصريه]

رحمه الله

ورحم من مات فى الثوره العظيمه

الله ينور قلبك بنور الله ورسوله