الديمقراطيه

[Mo chahin]

الديمقراطيه

ليه متمسك برايك و مش قبل الحوار

خليك ذى الجمل ما تبقاش ذى الحمار

تبتديها بثوره و تنهيها بخراب و دمار

ما تقمش بينى و بينك سد ولا جدار

وافتح معايا الحوار وسمع كلام الكبار

دى مصر ياولدى عايزه الجد مش هزار

ما تنفخش فى الدخان ما تولعش فيها نار

ماتيجى نتحاور و خد كل اللى عندى

و اكيد عندك افكار يمكن تكون غايبه عنى

اقنعنى و اقنعك بس لازم نخرج بحل يكون فيه العمار

لكن ان ماكانش باحترام وان اتهز الميزان

يبقى فض الكلام و حتى من غير سلام

بتتهمنى انى عقيم فكرى قديم

علمنى الجديد و خليك كريم

و تعالى نتفق دى بلدنا محتاجه القلب السليم

واللى انت عملته شئ عظيم ما تسبوش للائيم

ينط يسرق ثورتك هودم الشهيد مالوش تكريم

مش عيب لما تعلمنى و لو حاجه ناقصا نى كملنى

وابدا حوارك كلمنى ع الجديد فهمنى

لازم اسمعك و تسمعنى مين غيرك راح يسعنى

ماتاخدش راى بسخريه وفهمنى معنى الحريه

و يعنى ايه ليبراليه و يعنى ايه ديمقراطيه

حاجات كتير غايبه عنى كنت ناقص تربيه

ثلاثين سنه بتعلم غلط و نظام غيم عليه

غمض عنيه لاتعليم و لاتربيه

كلمنى فهمنى بس باحترام وان ما كانش فض الكلام

و حتى من غير سلام

مش قابل انى اعيش معاك مستكبر تشاورنى

مستكبر تحاورنى و بجهلى تعايرنى

ومش قابل اشاركك فيها دى بلدى ذى ماهى بلدك

وليه فيها و لا انت ح تغيش فيها وحدك

ان كنت اظلمت قيراط فا انا اظلمت طول عمرى

وانت جاى تظلمنى و لا تقبل منى غذرى

كتر خيرك عملت اللى ما اقدرتش اعمله

رضيت بفساد ونظام قصف عمرى

ارجوك اوعى تخسرنى و لا بفكرك تحيرنى

وشوف مصلحة مصرفين وعلى راسى و امرنى

تحيات




وكلمات ..
محمد شاهينـ

ومقبلش النقد

[المخلصة]

جميلة ماشاء الله

ياريت الكل يحس الكلام ده وياريت الكل يفكر فى بلده مش فى نفسه

ربنا يهدينا يارب

بجد جزاك الله خيرا

[Words Whisper]

ولو نسمع لبعض
كلنا هنتعلم من بعض
لأنه الأكيد انه مش حد فينا
جمع العلم كله عنده
ولما نتكلم مع بعض ونسمع بعض بدون مانرفض بعض
هنعرف نكلم المختلفين معانا ونعطيهم وعي
وهنفهم الناس المفردات الصح للمصطلحات
بدل مايتضحك ع الجاهل وغيرنا يفهموا معنى غلط تماما ..


راقي ..
شاكرة لحضرتك
سلمت
ودمت بتوفيق وسعادة ..



تقييمي ..

[تيتشر نفشه ツ]

مافيش احلى من الإصغاء بجد
افهم المقصود للآخر جايز تقتنع وبدال ماكنت ضده هتكون معاه
عمر مالخراب جاب حل الا التدمير ودا ربنا نهى عنه كمان


كتييييير راقيه الكلمات
عجبتني قوي
تسلم أ؛محمد


بالتوفيق

[ساحر الأحزان]

الديمقراطية مش هزار

الديمقراطية انك تشوف جميل الحوار

تسمع من دة وتسمع من دة

الكلام الى ينفع ويبنى

منسمعشى للى بيهدم


مصر بلدنا

ووطنا

يبقى لية تختلف لغة الحوار

موضوع جميل منك

تحياتى ليك

[Mahmoud Mohie]

الحيييوار .. اهم حاجه

الديمقراطيه سماع الرائ والرأئ الأخر
تقبل جميع وجهات النظر
عدم التعالى ع الطرف الأخر
احترام الجميع

متميز متألق مبدع .. انت

شكرا

[DR.SMA]

بردو :d
للأسف عندنا الي عايز يتناقض بيتناقش بطريقه واحده بس
اني عايز اقنعك
النقاش واتلحاور الحقيقي بيكون مبني على مبدأ القبول للطرف الآخر
عايز اسمعك عشان أستفيد منك
وانت اسمعني واستفيد مني
وفي الاخير هنشوف فين الصح
او على الاقل هنحترم وجهه نظر بعض
لكن طبعا احنا كشعب مصر لسه مفهمش النقطه دي
ولا معن الديمقراطيه
ولا معنى الحريه
حجات كتير اوي لسه مفهمنهاش
وده بحكم الوضع الجديد والطمع والجشع من البعض
موضوع جميل يا أ\محمد
مشكور طبعا وراقي كالعاده
تقديري ليك ..

[عمرو الجورى]

كالعادة ابداع يا استاذ محمد

رغم ان هناك بعض التحفظات من جانبي على طرحك

ولكن الفكرة جميلة رغم الاختلاف على المضمون

ولكن روعة الفكرة تستحق التقيم

[Mo chahin]

اقتباس المشاركة الأصلية كتبت بواسطة المخلصة جميلة ماشاء الله ياريت الكل يحس الكلام ده وياريت الكل يفكر فى بلده مش فى نفسه ربنا يهدينا يارب بجد جزاك الله خيرا

فعلا محتاجين زى اسمك كده .. اخلاص

نورتى مخلصه

[Mo chahin]

اقتباس المشاركة الأصلية كتبت بواسطة words whisper ولو نسمع لبعض كلنا هنتعلم من بعض لأنه الأكيد انه مش حد فينا جمع العلم كله عنده ولما نتكلم مع بعض ونسمع بعض بدون مانرفض بعض هنعرف نكلم المختلفين معانا ونعطيهم وعي وهنفهم الناس المفردات الصح للمصطلحات بدل مايتضحك ع الجاهل وغيرنا يفهموا معنى غلط تماما .. راقي .. شاكرة لحضرتك سلمت ودمت بتوفيق وسعادة .. تقييمي ..

والله عندك حق فعلا .. دا حتى اللى عنده ميت سنه لسه بيتعلم ,,

بس احنا اللى مستكبرينها شويه ,,

تحياتى ليكي اسماء ,,