هو باسم يوسف كده محترم وماشي صح ؟ !!!!

[Şα3Đ..♥]

السلام عليكم
الموضوع صريح
مش هجيبلكم فيديوهات
علشان فيديوهاته مليا الفيس واليوتيوب
بس هو كده صح انه يقول كده
طب هو عيب
اصل انا شايف انه انسان وقح ومش محترم
او بمعني تاني قليل الادب
كلنا عارفين الفاظ وحشه
وبنعرف نشتم بس محدش يقدر يقول علينا كده غير لو
اتلفظنا بالفاظ جارحه ومش محترمه
هو من الاحترام ان لو حد شتمك ترد عليه الشتيمه
انا نزلت الموضوع لما لاقيت اهلي ف البيت بيتفرجو ع البرنامج
وانا اتحرجت من اللي هو بيقولوا وغيرت القناه
عرفت ساعتها انه فعلا مش محترم
او انا شايف كده
انتوا ايه رايكو ف الموضوع ده

[عاشقة ذكر الله]

لأ طبعا مش محترَم منى.
والغريب ان فيه ناس عادى عندها ماشيه وراه فى اللى بيقوله
وبيرددو فى كلامه كمان .
للأسف احنا حريتنا فاقت الحد وللأسوأ واللى بيقول مفيش حريه يبقى مش شايف الوضع اللى احنا فيه
احنا الحريه بقت عندنا اننا نشتم ونِجَرح فى بعض ومن غير ماحد يحاسب حد
بقينا نشتم ونهين المشايخ والعلماء حتى لو هزار دا غلط أكيد,
لانك كدا بتسقط من قيمته وهيبته و بالتالى مش هيبقى فيه حد بيحترم حد ..
وبالفعل هو ميُحترَمش فى أى حاجه بيقولها
يسلموووو على الموضوع

[المخلصة]

جزاك الله خيرا

المفروض ان كل واحد فينا يتذكر قوله تعالى " مايلفظ من قول الا لديه رقيب عتيد "

حتى لو حد مخالفنا الراى والمنهج وكل حاجة لازم نحترم بعض ونتقبل اراء الاخرين بس باحترام

والله المستعان

جزاك الله خيرا

[SiLver Spectra]

امال الحلوين الي بيطلعوا على قنوات المفروض انها دينية و بيطلعوا يقولوا الالفظا دي يبقوا ايه ؟
هو بيجيب اقتباسات من كلامهم ,,مابيجيبش حاجه من عنده

الناس بتبالغ بصراحه ,,بتحسسني انهم بيخلفوا عيال بريموت كنترول

[حنـــــون]

الالفاظ دى من عنده
يعنى بيطلع يقول على مثلا خالد عبدلله خالد ابو سسته
ماهو خالد عبدلله هو الى بيقول عليه كدا مش باسم يعنى
ثم انو لما كان بيسخر السنه الى فاتت من البردعى وحمدين
ومش عارفه مين كان عادى وبيدافع عنه
اما جاب سيرتهم زعلوا والله انا بشوف انو بينتقد اسلوبهم هما
وانو مش بيضيف حاجه من عنده

[P R ! M O]

هو بيرد ع الشيوخ بس يا محمد

بنفس اسلوبهم مش اكتر

واظن دلوقتى الكلام الى بيقولوا والتلميحات دى بقت عادى يعني

وزى ما بيقول كل مره انه برنامج ساخر


ومش محتاج يبرر هو بيسخر من مين وازاى ؟

[Mahmoud Mohie]

برنامج ساخر وغير محايد ..

يبقى محدش ليه دعوه ينتقد مين ويسخر من مين ..


مع العلم انه بيسخر من المواقف وينتقد المواقف ..


مشتمش حد وقال عليه سوسته ولا كفر حد ولا سب حد ...


شكرااا

[احساسى صحيح]

للاسف يا سعد
قيم كتير ماتت وانتهت
حتى قلة الادب بتلاقى اللى يدافع عنها ويحميها ويحيها
ويديها تعظيم سلام
زمن بقا غريب واللى يتكلم فى الحق دلوقت
بيقولوا علية عبيط للاسف
هو دا حالنا ..
الحرية المزعومة لازم يكون ليها سقف
والا وجدنا من يسب امهاتنا وابائنا بحجة الحرية
وهما لا ذنب لهم ولا سبب فيما يحدث من قلة
ارتضت الحصول على المال مقابل بيع القيم
بوركت اخى

[Mahmoud Mohie]

وهذا شيخ يحرض على قتل واخر يحرض على فتنه
واخر يقصف محصنه
واخر واخر واخر ,,,
لهم الحريه فهم شيوخ
لكن باسم يوسف ده من الـ .,.. كما يقولون ..

لياسر أوجه كلامى

[countess]

تقريبآ كل الأفاظ باسم

سمعنها >> هو بينقدهم بنفس آسلوبهم بطريقة ساخرة من واقع الي هم بيتلفظو فية