زحمة يا دنيا زحمة (والشكمانات كلها دخنة فى دخنة )تابع أنا قبلك

[ساحر الأحزان]

بسم الله الرحمن الرحيم ضوضاء زحام أختناق مرورى عربيات باصات تكاتك موتوسكيلات عربيات نقل وعجل , أزدحام مروحى وخنق تقاطعى للأشارات , عسكرى مسكين واقف ولا حول بية ولا قوة ,مش ملاحق على المخلفات من كتر عدم , احترام السير المرورى مفقود ,احترام الغير فى السواقة برضة غايب طيب لية , تلكسات سيارات وكاسيتتات سيارات صوت مزعج جد بيصحى الى نايم’ فى سابع نومة ,كلة بيسابق بعضة على شان يعدى قبل التانى من دون أحترام لأسبقية المرور, وتلاقى بقى كلة متعصب على كلة , وتلاقى معظم الاختناقات فى المدن والعاصمة صاحبة الكثافة السكانية الزايدة , طيب ممكن نحل مشكلة الضوضاء والزحام دى أزاى وخصوصا أن احنا عندك شبكة طرق كبيرة جدا ومواصلات ،من سكك حديدية ومترو أنفاق وباصات ذات الحجم الكبيرة وغيرة ؟ اولا بخصوص بيع أنابيب الغاز ممكن نحط بدل المفتاح الى بيضرب علية على الانبوبة ودة اكبر غلط .لانة من كتر الضرب عليها يحدث تسرب وأنفجار لية ميضعشى صوت موسيقى مخصص ليها نعرف ان دة صوت انابيب الغاز, سيارات متهالكة وعمرها الأفتراضى أنتهى مضرة باصحابها وبالبيئة لانها بتعمل أختناق وبيتزود التلوث أكتر. وأكتر ,والسبب طبعا غلو سعر السيارات الجديدة والفايض الى ممكن يحصل على تمنها ويخلى تمنها الضعف من الكفيل؟ وبرضة الوسيط ؟ فالى بيشترى سيارة بيقلك نجيب حاجة مستعملة وسعرها بسيط ,تمشى الحال؟ الألتزام بقواعد السير فى الشوارع وأحترام عسكرى المرور وأحترام الاشارات, البعد عن السير فى الشوارع المختنقة ’ودة راجع لرجال المرور فى عمل شبكة تراقب الشوارع المزدحمة , وتعرف اصحاب الاشارات لتوضيح دة للسائقين ومساعدتهم فى أيجاد الطريق البديل منها للازدحام. وأهم حاجة هو التعاون بين المواطنين فى كيفية احترام السير واحترام فن القيادة فى حسن المعاملة ’ مش الى يسبق يلحق والبعد عن التلفظ بألفاظ خارجة توصل للسب والشتم باقبح الالفاظ ’ التوعية مطلوبة لان دى ازمة بتواجهنا كلنا ومهما حدث بانشاء كبارى وطرق ,لازم تتغير السلوكيات , فى كيفية التعامل فى القيادة وفى السير ’ على شان نقدر نوصل لحل للزحمة والضوضاء الشىء المقلق والمزعج الى كلنا بنواجهة يوميا فى طريق الى مروح لبيتة بعد عملة والى رايح لشغلة والى رايح لمدرستة , يعنى التواجد يوميا ’ على شان منرجعشى نقول زحمة يا دنيا زحمة والشكمانات كلها دخنة فى دخنة,

[Mahmoud Mohie]

بعد كلامك مافيش كلام يتقال ,,

وبما اننا كاتبين عن نفس الفكرة ,,

اعتبر ردى عليك هو موضوعى :d :d

مبدع ومتألق كالعاده

شكرااا

[phalsteen]

ياريت والله مشكلة الزحمة دي تتحل
لو علي الأقل نحترم حق الطريق
ونراعي الأداب اللي وصنا بيها الرسول صلي الله عليه وسلم
موضوع قيم جدا يا ساحر
وبجد وصفت مشكلة كبيرة انا شخصيا بعاني منها جدا جدا

اشكر طرحك الراقي اخي

[ساحر الأحزان]

اقتباس المشاركة الأصلية كتبت بواسطة mahmoud mohie بعد كلامك مافيش كلام يتقال ,, وبما اننا كاتبين عن نفس الفكرة ,, اعتبر ردى عليك هو موضوعى :d :d مبدع ومتألق كالعاده شكرااا

مهو بقى المضمون واحد

فى التوضيح وكل واحد فينا عبر بقلمة

عن المشكلة دى

بشكرك

وبشكر اهتمامك القيم

تحياتى

[طِيشْ !]

و الله مشكلة الزحمة في مصر عمري ما شفت زيها

الشعب طول النهار و الليل مش طايق حاجة اسمها هدوء و سكينة في البيت

ليه يا جماعة كدا ؟

ميكروباصات :-

ركبته مره واحده في حياتي ومت عشان ادخل وبعديها عملت مناحه لماما عشان لما ارجع مصر تجيبلي عربيه

انا مش وش مرمطة ^^ دي العالم يتموت عشان توصل المكان اللي عاوزة تروحه

ولو عاوزة تخرج لازم تخرج قبلها بساعتين و لا حاجة دا على الأقل يعني عشان تعرف تلاقي أي وسيلة مواصلات تركبها

و لإن زحمة المرور و اللي بيحصل في الشوارع بيخلي مسافة نص ساعة تتاخد في ساعتين


مترو بردو نفس الحوار

وأتمنى من كل قلبي و الله يكون في حل قريب وعاجل للمشكلة دي

يسلمووو على طرحك الرآآقي

أتمنى لك كل التوفيق في المسابقة


ودي ووردي

[دمعه حائره]

مشكله الزحام من زمان واحنا بنعانى منها
ده غير التلوث من السيارات سواء شكمانات او ازعاج
وده ليه علاقه بالثقافه والوعى عند الناس المشكله مش هاتتحل غير
لما كل واحد يلتزم بالقوانين والاداب العامه
تسلم على موضوعك الجميل

[ساحر الأحزان]

اقتباس المشاركة الأصلية كتبت بواسطة Čίŋđёяёℓℓα ياريت والله مشكلة الزحمة دي تتحل لو علي الأقل نحترم حق الطريق ونراعي الأداب اللي وصنا بيها الرسول صلي الله عليه وسلم موضوع قيم جدا يا ساحر وبجد وصفت مشكلة كبيرة انا شخصيا بعاني منها جدا جدا اشكر طرحك الراقي اخي

المشكلة مش سهلة دى محتاجة وعى

من الجميع لخطورتها

على شان نوصل لحل ليها

بشكر لكى جميل الاهتمام

[Lost Pearl]

عجبني العنوان اوي هههههههه

بس الصورة دي مش زحمة اوي علي فكرة



حلو الموضوع بجد يا امجد

و اتمني -و ان كان صعب- ان شعبنا يبقي عنده التوعية دي و يحترم بعضه

تسلم ايديك

5 نجوم اكيد

و بالتوفيق دايما ,,

[Words Whisper]

موضوع قيم
لمشكلة موجودة بشكل أزمة
وحلها فعلا النظام
وانه يبئا فيه أخلاق ..


تسلم
ودمت بتوفيق وسعادة ..

[فداااااااااااء]

هى مشكلة وان نصنفها من المشاكل المتعسرة لدى الدولة

وللأسف ان حلها يقع بشكل كبير على المجتمع متمثلا فى الاخلاق والتزام القوانين والانصياع لها

ويعلم جيدا ان ما تقوم به الدولة من شدة وحزم فى هذا الموضوع هو لمصلحة المواطن وليس تضيقا عليه

موضع قيم سلمت