الشاطر حسن الروش طحن و اميرته الجميلة

[#داليا#]

كان يا مكان كان فى امير من شبرا اسمه شاطر بيه حسن وكانت اميرته الجميلة الفظيعة زليخة بنت الملك مينا ايلى ضارب بوزو شبرين كانوا اشهر اتنين حبيبة فيكى يا شبرا

قصتهم اتكتبت بالحبر السرى فى كل الكتب والروايات

فى يوم فكر شاطر ياخد اميرته ويروحوا مدينة الافيال

فجهز الطقم الشيك بتاعوا (التيشرت و البنطلون الجينز)

المهم دخل ياخد الشاور بتاعوا بتاع كل سنة ولبس طقم العيد وضرب شعروا جيل ولبس الانسيال والسلسلة والواد بئى روش وآخر حاجة

المهم كان متفق هو وزليخة ان هما يتقابلوا عشان طبعا يبدأوا فسحتهم

بعد كده راحوا مدينة الافيال بالعربية الشبح موديل السنة دى وقرر بعد كده انو يودى زوزو سينما من 2ل2ونص اصل بينى و بينكم كان فى فيلم جديد اوى بيتعرض وهيكسر الدنيا فيلم(جزمة و شراب طويل)

بعد كده فكر انو ياخدها على حماره المخطط ويروحوا كافيتريتا(صباح السرحان)لصاحبها حاكم البلاد السلطان(ميمون القرد)وطلبوا اتنين شيشة تفاح وعملوا احلى دماغ

بعد كده قرر انو يجيب حاجة عشان ياكلوا فطلب للاميرة بأة فضليت خيركوا(باتون سليط-جمبرى مشوى ومحشى بتشينجان)

بعد كدة بأة فى النهاية قرروا انهم يحبسوا فاشترى الامير فيشار و كيسين شيبسى حجم عائلى و ترمس وقعدوا ع الكورنيش يضربوا وروقوا على نفسهم

بعد كدة رجعوا القصر الملكى همدنين وصوبعينهم بتوجعهم من كتر اللف ودخلوا الجناح الملكى بتعهم

وفجأة رجع ابو شاطر ايلى هو (اونكل حسن)وطبعا رجع متأخر عشان كان عندو مطش بلياردو

فسمع صوت جى من اوضة النوم فطلع جرى على السلالم

تخيلوا لقى ايه ف اوضة النوم

#

#

#

#

#

#

الامير والاميرة ريحين ف النوم وبيشخروا