الركن البعيد الهادي...

[سهـــر]

عاشقة ذكر الله
اللى بيحبك بجد هيقدر غضبك فى يوم من اﻷ‌يام وعمره ماهيزعل منك ولو زعل يبقى اعرفى انه ميعرفش سهر كويس,, ربنا يسعدك ي حبيبتى
فعلا هما قدروا بس اختفوا
فانا لازم اعتذر عشان اشوفهم تاني
وحشوني اوي بئا
نورتيني ي حببتي

lost pearl
ههههههه انتي عسل و ربنا ،، ربنا يخليكي يا فتاتي*


ويخليكي ليا ي لولو ي حبي

۩۩ elMagic ۩۩
ي سهر ي دزمه محدش زعﻼ‌ن منكـ :P ههههههه .... تروح وتيجى بالسﻼ‌مه ي دفعه*


ههههه
اشتم اشتم علموك كدا ف المدارس
هههههه
تسلم اماجيكو
منور
احساسى صحيح
ههههههههههههههههه فى حد قال ان دمك عسل قبل كدا ؟ يا انسة انتى**.. ع العموم لو مفيش ادينى اهو بقول*

يااااه كتير اوي
بس انا مش هقولك
كي لا احطمك بئا
منور ي ياسر



Words Whisper
قللي شوية ياكوكو ,, غلـــــــــــــط

عارفه والله وبحاول اقلل
منوراني ي اسماء

ورده اﻷ‌حﻼ‌م
الله يسهله ياا زقازيقي ايوه ياا وديع هههههههههه

هههههه
سيحيلي ي بنتي
كمان
وحشني اوي بئا
ادعيلي يرجع بالسلامه

[سهـــر]

سـيأتي يوم من الايام وتجد من يصون قلبك ويخاف من
نزول دمـعـتـك وسـتـجـد مـن يـحـقـق أحلامك وسـتجد
مـن يضـحـي مـن اجـل ابتــسـامه يرسمـها على وجهك فلا
تـغـلـق ابواب.قلبك فليس كل من يدقـهـا ينـوي جـرحها لا
تبكى على شىء مضى بل اجعله درسا لك واعلم ان الضربه التى لم
تقتلك فانهازادت من قوتـك ولا شىء يجعلك عظيم الا الم عظيم فليس كل سقوط نهاية

فسقوط المطر أجـمــل بدايـه
منقول

[سهـــر]

اه يا بلد ارخص ما فيكى*

دم اللى عايش فيكى*

و اللى ليل مع نهار بيحميكى*

و اللى نزل يطالب بحلمه ادفن فيكى*

و اللى راح يشجع نادى طلقوا عليه البلطجية حراميكى*

فين بﻼ‌دى اللى كان الكل بيتحامى فيكى*

دلوقتى اﻻ‌من ضاع و اﻻ‌مان مبقاش فيكى*

و ناس مشاعره اتأذيت من واحد قال كلمة حق لكى

و ناس بتموتوا فى الشوارع مش عاجبها اللى بيجرى لكى*

ملناش غير اللى ذكرك فى القرأن و ندعى لكى
مقتطفه فيس بوكيه عجبتني جدا

[سهـــر]

مش عارفه في ايه مالي
عايزة اعيط ومش عارفه
عايزة اكلمه خايفه ما يردش
عايزة اطمن ومش لاقيه الي يطممني
عايزة اموت بس مش بايدي ليها وقت محدد
وعايزة وعايزة وعايزة............
رايكم اعمل ايه
ماهو انا لو اتصلت وما ردش هتعب اكتر
انا بجد عيانه بيه

[سهـــر]

صباح الخير
النهارده يوم لطيف خالص ماشاء الله

عندي 3 محاضرات لغايه الساعه 4
والمفاجاه بئا عندي كورس الساعه 2
طب ازاي اقسم نفسي نصين
نص يحضر المحاضره ونص يحضر الكورس

في صناع الحياة يئا
هنبدا النهارده حمله احنا شعب اصيل
هننزل الشارع نوعي الناس
هنقابل اطفال شوارع
هنوزع منشورات عن الحمله واهدفها
مسج بئا

والله انا حره براحه بشويش ده شيء يرجعلي
وما بحبش سوسو دي منك تحديدا
اظن المسج وصلت
ي ريت كل واحد يبقى في حاله احسن

[سهـــر]

واخيرا عبد الموجود وصل
انا بجد مبسوطه جدا
مش قادره اوصف سعادتي بجد

[سهـــر]

واخيرا روحت البيت
يوم مرهق جدا بجد
الله يخربيت الكليات
ع الدراسه
بس احلى ما في اليوم انه كلمني
واطمنت عليه ارتحت اوي بجد

[سهـــر]

موقف حصل النهارده نشف دمي
ليا واحده صحبتي مخطوبه
وخطيبها معايا ف الكليه
المهم اتخانقو مع بعض وادته الدبله وكدا
فانا بئا كنت بهدي النفوس وبحاول اصلح
قامت الجزمه قالتلي عايزة اشرب
قلتلها حاضر هقوم اشتري ميه
لقيتها بتقولي هاتي المرايه ازبط نفسي
عشان كانت بتعيط وكدا
ادتهالها لحسن نيه
ورحت اجيب الميه ارجع الاقيه كاسره المرايا وقاطعها ايدها
عايزة تنتحر الجزمه
انا شفت الدم وقفت اتفرج وكنت مذبهله كدا
الحمدلله كان في عربيه اسعاف تبع رساله
هووووبا جري عليهم جبتهم
بس الحمدلله ما لحقتش تعور نفسها جامد
الله يحرقها بجد انا اترعبت

الي مزعلني المرايا الي كسرتها بتاعة سبونج بوب
بذمتكم ينفع كدا ؟؟

[سهـــر]

بجد مفيش احلى من انك تلاقي
ناس ما تعرفهاش ومالكش كلام معاهم اوي
مبسوطين عشان شايفينك مبسوط احساس بجد يجنن
وده حصل معايا النهارده
بجد انا مبسوطه اوي بيهم
برغم وجود ناس بيصعب عليهم يشوفو الواحد مبسوط
وجود الناس الي اتكلمت عليهم ف الاول بيريح الواحد فعلا
ربنا يخليهم وما يحرمناش وجودهم في حياتنا
ويهدي النوع التاني ويسيبونا في حالنا

[سهـــر]

عندي بحث هيتقدم يوم الخميس
يعني بعد بكره
عباره عن خمس ورقات وش و ضهر
ولازم يتكتب بخط الايد
غير واحد كان المفروض يتقدم النهارده
بس ما لحقتش اخلصه
زهقت من الابحاث دي بجد
الله يحرق ابو الكليات الي ف الدنيا كلها
ملاحظه

دايما الكلمات الملونه لها معنى تاني