الركن البعيد الهادي...

[سهـــر]

دراعي مش واجعني دراعي بيعذبني مش عارفه انام
وقلقانه عشان انا واخواتي في البيت لوحدنا
هما نايمين وانا قاعده الحارس بتاعهم

صباح الخير

# ما تنسوش الفجر

[سهـــر]

من بين خُيوط الفراق ، ودندنة البُعد
لاَلم , يعزِف الحنين باوتار
او تمايل الكلمات طربا مؤلِما

[سهـــر]

بعيدا عن الكابه دي
صعبان عليا بنت عمي الي فرحها يوم الجمعه
طبعا الفرح اتلغى بسبب وفاه عمتو
مسكينه كل بنت في الدنيا
بتحلم باليوم الي هتلبس فيه فستانها الابيض
واصحابها وقرايبها يغنولها ويفرحوا بيها وتبئا هي احلى وحده في الفرح
للاسف هي اتحرمت من اليوم ده . ربنا يعوضك خير ي هند بئا

.

# ربنا يرحمك ي عمتو اي نعم ما كنتش بشوفك كل يوم بس حاسه انك وحشاني اوي
# وربنا يرحم عم ماما كمان
# # الحمدلله

[سهـــر]

اذا_كنت_تحبها
لاتعلقها بك إن لم تكن على قدر كافي من الرجوله لتفرحها بفستان أبيض ودبله جميله لرؤيه فخر والديها بك وبهآ ..

# النهايه

[سهـــر]

رمزيتي الجديده مش عارفه ليه حطيتها
بس مش بحب النكد خالص
وكفايه اسود لغايه كدا
بئالي يومين لابسه اسود والجو حر ومقرف اساسا
والحزن مش بالالوان فخلاص بئا . هلون تاني
زائد ان فيها حاجه شبهي
عامله حاجه انا بعملها دايما
بس مش هقلكم عليها :P رخامه
...

لغز بئا سمعته من فتره والظروف منعتني اقوله

ايه هو الطائر الي مش بيطير يوم الجمعه ؟

[سهـــر]

انا وعبدو مطقمين تمزق ههه
بس هو رجله وانا دراعي

..

حلك غلط ي اختي ومش هسيحلك اهو

...

كنت واقفه بجيب عصير من البقاله
لقيت وحده عماله تبصلي وتبتسم
فقمت انا ابتسمتلها ورحت احاسب عم احمد البقال
لقيتها واقفه ومتنحه فيا
فقمت انا بصيت كدا لقيتها خالتو
مش عارفه ايه الي بيحصلي ده
خالتي بتبصلي وانا مش عارفه انها خالتي
بجد دماغي مش فيا خالص وبنسى كتير ومش مركزه

..

ماده يوم السبت خايفه منها جدا خصوصا انها نظري
ومش عارفه اذاكرها كدا انا لازم اذاكر النظري وانا بكتب
وانا مش عارفه اكتب عشان ايدي متعلقه
بجد الحمد لله الذي عافانا عما ابتلى به غيرنا
دلوقتي بس عرفت الي ايده مقطوعه قد ايه بيعاني

# الحمد لله

[سهـــر]

سُورة يُوسف ؛

هِيَ سُورة عِندمَا تَقرأهَا وَ أنتَ حَزينْ ,
تَأكَد إنكَ سَتنسَى تِلكَ اﻷ‌حزَانْ ..

وَ عِندمَا تَقرأهَا وَ أنتَ سَعيد ,
تَأكَد أنهَا ستُضاعَف تِلكَ السَعَادَه .. !

""
""
احمد الشقيري

[سهـــر]

- هم يكرهون عاداتنا ولكن يحترمون ديننا ،
ونحن نكره دينهم ونعشق عاداتھم ،
فمن الطبيعي أن تكون النتيجة:
إسلام بلا مسلمين ..! *

# النهايه

[سهـــر]

عادي جدا انك تكون قاعد في حالك
وتجيلك مصيبه من حيث لا تدري -_-

#الحمدلله

[سهـــر]

Arab Idol

انا مش متابعه بس اتفرجت عليه اجباري الاسبوع الي فات
عشان الست ماما واخواتي متابعينه
المهم الاربع اصوات الباقيين حلوين
بس انا شايفه تعاطف كبير لاحمد جمال
صوته مش قد كدا على فكره
اه صوته حلو بس فرح والواد الفلسطيني عسافي باين
هما دول فعلا الي يستحقو اللقب
وعجبني اوي الدويتو ده


فرح كانت مكتسحه احمد جدا
مش عاجبني بصراحه
..

المهم انا دلوقتي بكتب بايدي بالعافيه عشان اعرف احفظ النظري ده
يلا بئا ربنا يعين ويهون اليومين دول