الركن البعيد الهادي...

[سهـــر]

كل اللي دخلوا هنـــا
شكرا ع الكلام الحلو وعلى النقد
وعلى النصايح وعلى الدعاء الجميل اللي يريح القلب
..
اللي بعتتلي اد على الفيس
انا والله بقالي سنه مفتحتش الفيس خالص
اول لما افتحه اكيد هقبل الاد بتاعك ^^

..

على فكره لو الكلام معايا هيكون في راحتك انا مستعديه اسمع
ولو في حرج عليك/ي ومش عايزين اعرف انت/ي مين
ممكن تتكلم/ي هناك وانا هرد هنا في المدونه واحاول اساعد
المهم راحتك انت/ي

^_^

[سهـــر]

اتنين عايشين في راحه بال
اللي مش شايل هم
واللي معندوش دم
^_^

[سهـــر]

أكبر تواجد بالمنتدى كان: 3,988 بتاريخ 01-20-2016 الساعة 12:42 AM
‏سهـــر, ‏ملك جبال الاحزان, ‏توحد ارواح, ‏Nour_78, ‏واد حبيب, ‏haytham ali

هيثم داخل المنتدى بدري كدا
يبقا المنتدى هيبوظ طول اليوم
وممكن يومين تلاته كمان
اشوفكم على خير بقا

[سهـــر]

على فكره الاهتمام مش بيطلب
وانــا مستـاءه جدا منكم
عشان انا عايزة رمزيه والبتاع اللي فوقها ده
ومحدش عبرني
وانا كل اللي بيدخلوا مدونتي بيعرفوا يعملوا الحاجات دي
بس هقول ايه !
الاهتمام ما بيطلبش
-_-

[سهـــر]

انفجـــار
من اسبوع حصل انفجار في نقطه شرطه هنا
والنهارده انفجار في كنيسه ماري جرجس
ولحد دلوقتي 21 حاله وفاه
مش فاهمة ايه الغرض
واشمعنى طنطا
ربنا يستر

[سهـــر]

اعصابي تعبت من الصبح صوت عربيات الاسعاف
رايحه جايه ع المستشفى جمبنا
مضايقه اوي بجد
اقولكم عملت ايه
ناس هتقول تافهة وناس هتقول ايه القرف ده
ماما كانت جايبه خس
لقيت حلزون في الورق بتاع الخس
جبت علبه وخرمتها وحطيت الحلزون فيه
ومن الصبح قاعده جمبه بتفرج عليه
وباكل شوكولاته كتير اوي
بشغل نفسي باي حاجه
بعيد عن الاخبار والكلام بتاع التلفزيون
عشان بجد اعصابي مش مستحمله اني عايزة اطمن على حد ومش عارفه ازاي

[سهـــر]

هاجر ( حيــاة )
شكرا جدا جدا ع الرمزيه والتوقيع واللقب
فرحتيني جدا والله

..

بالنسبه للحزون ^_^ فهما بقوا 3 حلزونات واحجام مختلفه
وانا طول اليوم عماله اراقبهم لحد م بابا شك في قوايا العقليه

..

بالنسبه للي بيسأل عن العصافير
العيش يكون ناشف
عشان الطري بيعملهم تخمه وممكن يموتوا بسببه

[سهـــر]

كان في قنبله جمب البيت
والحمدلله لحقوها قبل الناس ما تتصور معاها سيلفي
بفكر لو بجد كانت قنبله ومش شو معمول وزيطه
العماره عندنا 12 شقه
10 ساكنين
وكل شقه فيها اننبوبتين غاز ع الاقل
اه مدخلناش غار لسا ^_^
المهم لو انفجرت كان زمان طنطا كلها مش موجودة
ربنا يستر انا اتخنقت من البلد دي والله

[سهـــر]

نفسي اروح مكه جدا
لما كنت في جده
كنت بروح كل اسبوع
لما بعدنا شويه ورحنا جيزان
بقيت اروحها في الاجازات
دلوقتي بقالي 6 سنين هنا
مروحتش خالص
وحشني بجد كل حاجه هناك
الحرم وزمزم الاجواء بين الناس
رمضان هناك وساعه الاذان
االلي واقفهين يوزعوا تمر على الناس
واللي ماسكين ازايز ميه ودلات القهوة
المحلات اللي جمب الحرم
كل حاجه هناك حلوة اوي
كفايه الراحه النفسيه الموجودة في المكان
ربنا يرزقنا زياره بيته قريب

[سهـــر]

16/4
سنه اولى سواد
من اسوأ سنين حياتي