كل عام وانتم بخير ~2013~

[K A S E M]

النهارده انا جى اقول
كل عام وانتم بخير
بالأغانى والطبول
والسما مليانه طير
عايز اقول لكل واحد
جوه ودنه الأمانى
عايز اولع شمع عيدكو
تدوب جراحكو بالأغانى
سنه فاتت فيها همى
ياما فيها كتير ضنانى
بس ما دام هيا فاتت
ليه هفكر فيها تانى
فيلم اسمه يوم جديد
يلا نبدأ فيه نعيش
شمعه تولع الف عيد
كله يطلع فى الأفيش
ده الأمل من غيره احنا
يا حبايبى منساويش
ـــــــــــــــــــــ

بصراحه انا عملت التوبيك ده علشان نعيد على بعض فيه
ونقول لبعض كل سنه واحنا طيبين
ـــــــــــــــــــــــ

عايز اقول لكل واحد فى المنتدى كل سنه وانت طيب
ربنا يجعلها سنه سعيده عليك يارب وتحقق السنادى
اللى معرفتش تحققه السنه اللى فاتت بأذن الله
ــــــــــــــــــــ

عايز من كل حد يدخل هنا يكتب كلمتين شعر
حتى لو مبيعرفش
زى مانا عكيت كده
ويتمنى هنا امنيه تتحقق السنادى بأذن الله
1-امنيه لنفسه 2-امنيه للمنتدى 3- امنيه لبلده
وانا بتمنى
1- انى استقر بأذن الله يااااااارب علشان عنست بقه
2-بتمنى ان المنتدى يفضل زى ما هو بالناس الحلوه
اللى فيه والناس اللى سابته ترجع لأنهم وحشونا
ويرجع الراديو لأنى سمعت انه كان جامد حشد
على رأى باسم يوسف
3- بتمنى ان بلدنا ربنا ينجيها وتستقر
ويوفقها للخير يارب والامه الاسلاميه كلها
ـــــــــــــــــــــــ
ملحوظه:
اى يائس هاجى ادور
على رده فين مفيش
راح ابلغ فيه لطارق
لما ازعق يا شويش
يكتبوله تم حظره
لما مسكوه بالحشيس
هههههههه

وكل سنه وانتوا طيبين

[Lost Pearl]

ههههههههه

كل سنة و الكل طيبين و ان شاء الله تبقي سنة سعيدة علينا جميعا

1-امنيه لنفسه

دي هخليها لنفسي

2-امنيه للمنتدى

انه تقل المشاكل اللي فيه شوية و نبطل حساسية

3- امنيه لبلده

انها تستقر اكيييد و تروح للأحسن يا رب


تسلم يا قاسم ع الموضوع و ان شاء الله ربنا يحققلك امنياتك

[countess]

كل سنة وانتو طيبين

امنيتي ربنا يخليلي عيلتي كلها وكل الي بحبهم

ويعم السلام في كل آرجاء العالم

[احساسى صحيح]

انا كدا كدا هعيش
لو حتى على رغيف عيش
دى الدنيا من غير تفاؤل متساويش
اصل ببساطة هــزعل لية مايصحش مــ تجيش
هى بس المسئلة محتاجة شوية تراطيش
على ساندوتشين حلوين وف الجيب شوية براطيش
هتبقى الحياة حلوة ونبحبح بقا ونعيش
لو سمحت متكلمنيش عن الغم مــ تحكيش
اصل نفسيتى دلوقت حلوة عن الغم مــ بتديش
اية رأيك بقى يا عم قاسم فى الكلمتين الحلوين دول
ايدك بقى ع البقشيش .
.
.
.
امنياتى
ان ربنا يخرج بلدنا من محنتها على خير
وامنيتى الشخصية ,, انا تاركها على الله
بتأمل خير ان شاء الله
للمنتدى يرجع الحب والوئام تانى بين الاعضاء

كل سنة وانتم طيبين

[حنـــــون]

كل سنه وكل الناس بخير
وان شاء الله السنه الجديده
تكون احسن من اى سنه ونشوف فيها
الخير لينا وللبلد ونحقق كل الى نتمناه
اون شاء الله نفضل دايما متجميعن
كل سنه وانتوا بالف خير

[ساحر الأحزان]

كل سنة والجميع بكل خير

عام مضى بكل ما فية

وعام اتى يحمل الخير لنا جميعا

فكل عام وجميع اخوتى بكل خير

لفتة جميلة يا محمد

كل عام وانت بالف خير

[طمطم]

^^
حلو التهديد دهون =))
كل سنة واحنا طيبين
وان شاء الله تكون 2013 احلى من السنة دىعلينا وع مصر وع الوطن العربى كله ,,


تسلم ي قاسم ع التوبيك ,,

[-esraa-]

كــــــــل سنة وانتم طيبين
وان شاء الله في هذه السنة تكون سنة سعيدة وانتهاءا للاحزان وقدوما للافراح

امنياتي لا تعد ولا تحصى

تسلم عالتوبيك الجميل

[morshooo]

كل سنة وانتا طيب يا كبير

وان شاء الله

تكون سنة سعيدة علينا جميعا

[۩۩ elMagic ۩۩]

كل سنه وانتم طيبين
ويارب تكون سنه سعيده علينا كلنـا
ومصر تستقر فيها
تسلم يا برنس للمبادره الجميله
بالتوفيق ليك ان شاء الله ,,